حياتي الاسريه والزوجية على المحك(زوجي قال لي زهقت منك ومابيك)

[*المحبة للخير*]

السلام عليكم
كيف الحال عساكم دوم مبسوطين وحياتكم هنيه
قصتي وابي منكم المشوره الله يرضى عليكم
تزوجت قريب لي عن حب هو كان يحبني بالاول وانا مابادله الشعور
ظل 6 سنوات لين وافقت
بعدها بدت شخصيته تبان لي
شخص عصبي متسرع غير متفهم وساعات ينقلب ويصير محب لي
علاقته مع اهله مقطوعه ماخلى احد منهم الا وتهاوش معاها بسبب عصبيته الزايده
بعدها اكتشفت انه يكلم ويطلع مع وحده
وبلحظه زعل منه قلت له قال لي انه كان يحل لها مشاكلها مع زوجها عشان بناتها
شخص غريب يعمل معاي مشاكل ويعمل حاله حلال لها مع غيري
المهم رجعت الامور زي ماكانت دايم عصبيه وهواش على اقل الاسباب
عندي منه 3 اطفال وهنا المشكله عشان مستقبلهم
بعد ماجبت اخر طفل شفت في جواله رقم دولي وعرفت انه رقم للتعارف مامداني اساله اقول له لمين الرقم الا وثار علي وسبني وانه هو ماكلم هالرقم وضربني وبعدها طلقني
توفى بعد اسبوع ابوي وهو كان مسافر برا
ولما درا ماكلف نفسه يعزيني ولا يكلم اخواني
لما رجع استحى من الناس ومر عندنا وعطى العيال مصروف بسيط وراح
زوج اختي حس بالذنب لانه كان واسطه في زواجنا خاصه ان ابوي الله يرحمه ماكان موافق بالبدايه بس زوجي اختي اقنعه
فقال لي لازم ارجعك له ..طبعا زوج اختي كلمه وهو رفض واتفق هو وياه اني اسكن في الشقه وهو يكون في المجلس
المهم لما وصلنا للشقه انا واخوي وزوج اختي وعيالي رفض يدخلنا للشقه وقال مايدخلون (قمة الاهانه)
بس زوج اختي حاول فيه وانه يرجعني وبعد محاولات منه لتهدئه الوضع رجعت له
وقلت له انا فكرت بعقل وفكرت بعيالي وقدمت تنازلات عشانهم مابيهم يعيشون الي عشناه
مرت 6 شهور والوضع مره حلو مره مرررر
مره فوق السحاب ومره تحتها شكيت في السحر والعين والبنات وسفراته
ماعرفت وين المشكله فيه
القصه الاخيره
سافرنا لمده اسبوع برا عشان شغل لي وله بعدها قال وش رايك تجلسين عند اهلك اسبوع طبعا انا كنت متردده بس بعدين وافقت لان عندي بعض الاغال تخص زواج اخوي لازم اخلصها طبعا هم في منطقه ثانيه
المهم بعد يومين قال انا زهقت في البيت تعالوا طفشت
قلت خلااص اخوي يكون فاضي بعد يومين وارجع
دق علي يبي يعمل مشكله وبس وقال لي لاتجين بسيارتي( سيارته مع اخوي)
تعالوا باي شي ثاني الا هي)
قررت اجي في سيارته واختصر الموضوع(بالله يعني كيف اجي بنقل او طياره انا وعيالي 3 والشغاله)
يوم جينا وعرف انجن وقال ليش تجين بدون ماتستاذنيني الحين انتي واخوك والعيال ترجعون عند اهلك؟؟
قلت له يعني اجي بيتي لازم استاذن هذا بيتي مو شقه عزاب رايح لها لحالي؟؟
المهم صار يقط علي كلام وانه لو يفتش جوالي يلقى رسايل وخرابيط (لانه يخون يضن الناس مثله)
المهم قال لي الكلمه الي ماعاد الواحد يصبر بعدها (انا مابيك ليش تقطين وجهك علي في المره الاولى جيتي تبوسين الجزمه عشان ترجعين لي ليه تقطين وجهك علي انا مابيك ولو تزودينها معي والله لااطلقك بالثلاثه)
اخوي قال له كل هذا بس عشان خذينا السياره ؟؟؟ بس الموضوع اكبر من كذا لانه قال اني ارمي نفسي عليه
رديت عليه وقلت المره الاولى لاني فكرت بعقل وماكنت انانيه وتنازلت عشان عيالي بس هالمره غير
انا استنى بس يخلص زواج اخوي واجيب اخوه واحد اخواني وافهمهم وضعنا وموضوعنا واترك عيالي عنده وانا انفصل واظل كما كنت عند اهلي
ملاحظات
1- انا متوظفه بنفس منطقته
2- هو كل صيفيه يسبب مشكله عشان يسافر
3- انا شبعت اهانات وافكر جديا بالانفصال
4- دايما يتمنن علي باي شي يخصه حتى السياره مع ان عنده 2 وانا قلت له اني بشتريها منه من اول بس هو رفض
5- يتمنن علي بالشغاله والسواق رغم اني ادفع راتب سواق ماستخدمه ابد تخيلوا سواق بدون سياره والمشاوير علي بالحسره
مشورتكم خواتي انا في حيره من امري وادري طولت عليكم بس عشان تفهمون ابعاد القصه

 

[حكاية رحيل]

• الله يفرج لك ياختي
  
• ابعثي حكم من اهلك وحكم من اهله وخلي الطلاق اخر العلاج
  
• الله يكون بعوونك

 

[ماني من ناس]

انتي
شمنتضره منه مثلا
انا اقوولج طلاق لطلبينه ..عندج اخووج استقلي بسكن خاص وخليه معج انتي منتي خسرانه شي
وسجلي صووته بلكلام الي يقووله
ولما تحضرين اخوه واخووك سمعيهم الكلام وقوولي لهم كم مره يطردنا ...وغير الكلام الي يقووله ان طلق جاءت منه لانه مستحييل يطلق عند شيخ من غير حضورك ذاك الوقت فرصتج اتبعي كذا حل معه وشوفي
واذا قالك انك قاطه وجهك علي قوليله الحمدالله الله ميزني بلعقل ..ولا انت متفضل علي بشي ادفع بلبيت مثلك واكثر .....
والله يعينك طمنينا عليك​

 

[رازيا]

الله يرضى عليك استخيري الله وشوفي اقرب محامي واخلعيه واخلصي منه
هذا انسان مو طبيعي ومستهتر وما يتحمل مسؤولية
صدقيني او قبل تستعجلين اعملي اكثر من حل
اعطيه فرصة اخيرة
وادعي الله يهديه
والتزمي بسورة البقرة يوميا والدعاء
ووقفي مصروف على البيت
وخلي شخصيتك قوية
ولا تتنازلي عن حقوقك
والضرب والاهانات ممنوعة
تعلمي كاراتيه علشان تدافعين عن روحك
ودخلي اهلك يتكلموا معاه
او واحد عاقل من عيلتهم
وشرطي شروط لرجعتك
يصرف على البيت
الضرب ممنوع
الاهانة والاساءة للاهل منوعة
يصرف على البيت
يتحمل المسؤولية
وبعدين ياختي هل استخرتي الله قبل زواجك منه
وهل سالتي عنه عدل قبل الزواج
هل سالتو اهله
واقاربه
وشغله
والمسجد اللي يصلي فيه
واصدقائه
والمنطقة اللي ساكن فيها
وليش خلفتي منه ما دام عرفتيه من اول الزواج انه غير صالح انه يكون اب وقدوة
وليش ما اخذتي حبوب حمل على الاقل 6 شهور الاولى
استخيري الله واستشيري الاهل واذا شفتي ما فيه خير روحي اقرب محامي واخلعيه
تسمعين باشباه الرجال هذا منهم يتزوج بنت العالم والناس
ياخذها لحم ويرميها عظم حسبي الله ونعم الوكيل

 

[اسيرة الروح]

الله يقوي قلبك كيف تحملتي كل هذا والله انتي سويتي اللي لي عليك وزود لازم تاخذين امر حاسم لحياتك واذا هو مايبيك خلاص ليه تذلي نفسك له مصيرة يعظ اصابعه ندم عليك لان اللي زيك ياختي نادر ماتصبر ع كذا زوج

 

[أصداف مبعثرهـ]

كلامك صح خذ عيالك وابي ورقتي وانا لازلت صغيره وحلوه ومرغوبه

وروحي بيت اهلك وخليك قمه في القوه ولاتنازلات بعد الآن اهاناته لاتحتمل

والاستغفار يا اختي والله انه علاج لكل المشاكل والهموم

 

[مزايا انسان]

لاحول ولاقوه الا بالله
اختي زوجك ايش نمطه ؟؟؟
يمكن غربي جنوبي اوجنوبي غربي

 

[hadifa]

لو كان بينكما سوء تفاهم نقول لك اصبري لكن واحد متجبر يطردك من بيتك ويهينك على شئ تافه ما يستحف تضيعين عمرك معه

الله يفرج همك وينصرك على من ظلمك​

 

[رازيا]

للر فع

 

[بدون قيود]

نفسى افهم حاجة
هما كل الرجالة كده ؟
قلة ذوق وقلة ادب وقلة رباية ؟ وكمان الستات بتصرف على البيت وانا واحدة منكم بصرف على البيت زى زيه بالظبط . وكمان مش عاجبه ويطلع فيا عيوب الدنيا
طيب نعمل ايه نجوز ملايكة ولا نعمل ايه ؟
ولما هما مش بيتحملو مسؤلية ولا بيعرفو وصية الرسول بالنساء وكلام ربنا عن المودة والرحمة بيتجوزو ليه ويطلعونا من بيوت اهالينا عشان يهينو فينا ويطلعو عنينا
انا تعبت والله وزهقت
الطلاق صعب عشان الاولاد وعشان نظرة المجتمع وعشان الخوف من الفتنة
والاستمرار صعب عشان القسوة والاهانة والاساءة وقلة الضمير وقلة الادب
طيب نعمل ايه بس ؟

 

[دانة الشام]

خذي إجازة من عملك كي لاتجبري أن تبقي في البيت معه.. ارحلي مع أولادك لبيت أهلك..قولي له قراري ستسمعه قريبا .. اتركيه حتى لو لفترة طويييييييلة.. لاداعي للاستعجال والتفكير بالطلاق.. صبرتي عليه سنين لن يضرك حتى لو بقيتي على ذمته شهووووور وأنت ببيت أهلك تفكري بحياتك..!! ضعي شروطك التي تنصفك وتعيشك براحة.. والجأي لرب العالمين كي يجد لك مفرجا من همك وكربتك.. إن اتصل لاتتجاوبي معه بسرعة,,اثقلي .. وإن لم يتصل ..اطلبي من أخيك أن يتصل بأحد إخوته ويجتمع معه ويفهمه حقيقة وضعك وحياتك مع زوجك.. إن كان متجاوبا ليحضر زوجك ويجلس معك عند أهلك ولتملي عليه شروطك.. فإما امساك بمعروف أو تسريح بإحسان إن لم يوافق على شروطك.. لاتستسلمي بسرعة ..استخيري وربي يكون معك.

 

[نسايم ربيع]

الله يعين

 

[سهام الصمت]

مافيه وحده بالدنيا تبي تخرب بيتها بنفسها وحنا الحريم نتحمل مصائب الدنيا عشان اولادنا وعشان نحافظ على بيوتنا بس دام زوجك مايبيك اسفليه وروحي بيت اهلك واجلسي معززة مكرمة يمكن عل وعسى يحس فيك ويرجع لعقله ويعقل شوي

 

[*المحبة للخير*]

الله يعطيكم العافيه ويسعدكم دنيا واخره..قريت ردودكم واسعدتوني بها وبتجاوبكم...هذا ثالث يوم من طلع من البيت لا اتصال ولا سؤال عن عياله ولا مصروف لهم...الي قال لي اروح بيت اهلي ...انا فعلا مخططه اروح لبيت اهلي بس من دون عيالي...لانه راح يهيني فيهم وراح اضطر اتواصل معاه وراح يذلني على مصروفهم وخاصه عندي مولود طلبات ومستشفيات وتطعيمات وولدي الثاني راح يدخل المدرسه وتعرفون حوستها ورسوم الدراسه والمذاكره..............ليش اشيل هم هذا كله ؟؟؟؟؟؟؟؟؟؟ راح اخليهم عنده ان بغاني يدل بيتنا وان مابغاني هو قالها لي من اول انه زهق مني وانتهى.........زدعواتكم لي بتفريج همي.......راح اترك له كل شي البيت ...العيال....الشغاله..........السواق......الي ذلني بهم ..والله يصبر قلبي الي قساه كثر المشاكل

 

[زوجة الناظر]

الله يصبرك على ما ابتلاك

البنات كفوا ووفوا