حياة عائلتنا

و

ورده ممزقه

New member
إنضم
2009/08/26
المشاركات
55
السلام عليكم ورحمة الله وبركاته
انا فتاة من بين اربعه فتيات وثلاث اخوان.اوا ماطلعت على الدنيا ابي وامي طول الوقت في مضاربه وصراخ وابي هداه الله كان يضرب امي ضربا فظيعا هي الان مصابه بمرض السكر والضغط وضعف في البصر مع انها صغيره.كذلك امي عاشت مع مرة ابيها القاسيه.وفي يوم من الايام عندما كنت في الصف الثاني ابتدائي رايت امي تبكي فسالتها لماذا تبكين؟فقالت اختك سوف تتزوج!!!اختي كان عمرها 12 ونص وزوجها عمره 31(تخيلوا)ومن بعدها امي تغيرت علينا صارت تسب وتشتم وابي يضربنا ضربا حتى في يوم من الايام لم استطع ان امشي واختي ذهبت الى المستشفى الانها مصابه بتهتكات في منطقة الراس لانها ضربها( بالمزهريه)اما اختي الكبرى اللتي تزوجت فقد بهذل اختي ويوميا يضربها ويسبها امامنا وابي من المؤيدين له ويقول له تزوج عليها وفعلا تزوج عليها ولاكنها لم تكن تبكي بالعكس فرحت كثيرا لانها سوف تفتك منه.اما اختي الثانيه تزوجت وعمرها 15 برجل ولله الحمد خلوووووق لاكن ابي كان يقول له لاتديها وجه وكان يحرشه انوا يتزوج عليها.اما انا فتزوجت وعمري 19 وكانت دائما امي تردد على مسامعي قدام صاحباتي وخوالي يا(عاااااااانس)وكانت تصلط علي اخواني وابي ليظربوني(مع اني ماكنت ابكي)بدات معاناتي منذ ان كان عمري 13 سنه وصرت اطبخ وانظف البيت عندما ارجع من المدرسه وفي ايام الاختبارات كانت امي تمزق الكتب عشان مااذاكر بس ولله الحمد دايما انجح.المهم وضعتني امي في غرفه صغيره منذ ان كان عمري 16 وكانت الغرفه شديدة البروده في الشاء ومررررره حر في الصيف وكانت تقفل علي من الخارج وماتفتح الباب الااذا ابغى اروح للمدرسه او اطبخ.خوالي واقاربي كرهووووووني من كثر ماتتكلم علي قدامهم ومع ذالك ماكنت ادافع واسكت.الين جا زوجي وتزوجي ولا احد من اقاربي حظر زواجي.وزوجي اصله ليس سعوديا بس متجنس.وانا من قبيله كبيره ومعروفه مع اول بالزواج اكتشفت خيانته مع بنات وسكت ولم افتح معه الموضوع.ابي حالته الماديه مرررررره عاليه ولايصرف علينا يعني نجلس باليومين مانحصل لقمه ولكنه يحرص ان يزوجنا فقراااااااااء مرررررره.واذا اردنا ان نجلس في بيت اهلي امي تطردنا وتقول مالكم جلسه بالبيت حتى اهل زوجي يسالوني ليش ماتروحي لاهلك؟؟ماادري ايش اقولهم.واختي الصغرى تزوجت وزوجها يضربها يوميا لانه يكلم بنات وراحت مره اشتكت لاهلي وابي قام بضربها وكسر اصباعها ورماها لزوجها وكم مررررره حاولت الانتحار لاكنها لم تفلح المحاولات.وعن اخواني فهم لايحركون ساكن ماايقدروا يتكلموا ابي عودهم على الخوف.ودائما ابي يتكلم في شرفنا امام الناس.والله اني لم اكتب من خيال انما هذا اللي صار لنا من اول وقاعد يصيرلنا الى ذحين.
اتمنى منكم تساعدوني كيف اتعامل مع اهلي خصوصا امي؟؟كيف تتقبلني او تخليني اجلس معاها؟؟؟
اتمنى منكم انكم تدعولي.انا ماكتبت اشاء كثيره عشان ماابغى ارجع المواقف السيئه انا باللياله نسيتها.
جزاكم الله الف خير
 
والله يا اختي قلبي وجعني عليكي
ما عندي حل لوضعك الصعب
بس احتسبي عند رب العالمين
وخديه على انو اختبار من ربنا الك بهالدنيا
وكتري من الصلاة والاستغفار
وادعلي لاهلك بالهداية
وكوني انتي واخواتك سند لبعض بهالدنا ازا امك وابوكي تخلو عنكم
وان شاء الله بدعيلك الله يفرج كريك عن قريب بهالايام الفضيلة
 
اختي التجي لله تعالى بالدعاء والأستغفار واصلحي مابينك وبينه يصلح مابينك وبين خلقه ،،

والله يكتب لك الخير والسعادة ويجعلك من يارب السعداءويسخر لك زوجك واهلك ..
 
الله المستعان ياختي بس مايصير اشلون تتزوجون بهاي الطريقة الملا او المحكمة ماتاخذ شوركم مايصير بعدين اذا عندكم شهادات اشتغلوا ويكون عندكم كيان خاص فيكم واذا مافي احد يفزع لكم الشرطة او الاستشارات مايقصرون او حتى جيران معروفين بالصلاح لا تيأسين اكيد في حل ....الله الموفق
 
لاحول ولا قوة الا بالله ,اعذري امك اختي الحبيبه من المعامله السيئه اتغيرت وصارت قاسيه لكن استفيدي من هذي التجربه بانك تكوني العكس كوني حنينه على بناتك واخواتك الصغار .الجأي للملك هو الذي بيحل مشكلتك لانه اقوى من ابوك وامك والضروف كلها لاتاخذي كلامي انه مواساه لا ,تعرفين مين الملك >الله<سبحانه وتعالى وهذي ايام مباركه ادعي اللهم اصلح لي ولاخواتي ديننا الذي هو عصمة امرنا واصلح لنا دنيانا التي فيها معاشنا واصلح لنا اخرتنا التي اليها معادنا .وداما رددي لاحول ولا قوة الا بالله طول الوقت ,اتقربي من زوجك خليه اقرب اليك من ابيك وطدي علاقتك به خليه يشعر بمسؤوليه تجاهك ويرحمك خلك عطوفه معاه ورحيمه حسسيه انك تحبيهلاتعطي لابوك انه يتدخل بينكم ابدأي اشتغلي على زوجك اكسبيه خليه مثل الخاتم بصباعك واستعيني بالله استعيني بالله وقولي اللهم اجرنا في مصيبتنا واخلف لنا خير .اسأل الله بحق هذا الشهر الفضيل وبكل اسم من اسمائه وباسمه الاكبر الاعظم المكنون عنده ان يفرج عليك وعلى اخواتك ويهدي اهلك وياجركم في مصيبتكم ويخلف لكم خير ولنا ولجميع المؤمنات المسلمات.
 
اخيتي اغتنمي هذا الشهر المبارك وتقربي الى الله ثم بعد ذالك انسي مافعلت والدتك والتمسى لها العذر ناصحيها بين وقت واخر ذكريها بانكي انتي واخواتك تحبونها وتشتاقون لمجالستها لاتضغطي فقط ذكريها وابتعدي ومن ثم عاودي الكره
 
جزاكم الله خير على كل وحده وقفت على موضوعي ودعتلي.بس احنا اصلا متفرقين يعني مااشوف اخواتي واخواتي مايشوفوني.لانه من شرط ابوي انوا مانسكن نفس المنطقه يعني كل وحده في منطقه.وازواجنا يحبوا ابوي عشان يقويهم علينا.اصلا حماتي تتكلم معاي بجفى لانها شافت امي تتكلم علي قدامهم.وابغى اعيد واهني خيلاني وجداني بالمناسبات بس ولا احد يرد علي.يقولي زوجي اذا اهلك وقرايبك كارهينك لاتقوليلي في يوم اني احبك؟؟؟؟اصلا دايما مخليه زوجي على راحته خرجات ولا يسال ويسافر مع اهله ويسيبني بالشهور ماعندي الا بنت هي اللي بتونسني.واقوله ابغى اروح عند اختي الكبيره يقولي لا.ولا يديني مصروف ولا شي.ماادري مع الضغط النفسي والمشاكل قبل مااتزوج بس خلصت الثانوي وبمعدل نازل واقول لزوجي خليني ادورلي شغل يقول روحي عند اهلك عشان تشوفي النعمه من جد.وعلى فكره زوجي على لسانه كلمة الطلاق يوميا اسمعها بس ماارد عليه.ويقول الله يلعن اليوم اللي تزوجتك فيه.انا افتكرت حارتاح من العذاب بعد مااتزوج لاكن حتى بعد الزواج بس(اللهم لااعتراض)اذا كلها عشان بتمحي ذنوبي فان شاء الله حاصبر.ومشكورين يااخواتي على الدعوات.
 
اولا الجأي لله فمن كان الله معة لايخشى احد ... اهم شي زوجك تحاشية ونفذي كل طلباتة على اكمل وجه عشان ترتاحي من وجع الراس وعشان بتك ماتسع متشوف اللي شفتية

ثانيا وهو المم بنتك ثم بنتك ثم بنتك لا تخلينها تجرب اللي جربتية ولا تعاملية بنفس معاملت امك لك وخلي كل اهتمامك فيها


ولاتنسين الاستغفار ومالة من تاثير كبير على تغيير الاحوال
 
الله يكون بعونك
ربي يفرج همك
ادعي لامك بالهدايه
 
ياعمري علييييييييييييج يالغالية

الله يصبرج والله يفرجها عليج

انتي مظلووومة والله يحب المظلومين ويحب القلب الحزين

رجعي لربج وصلي وداومي على الدعاء الحزين

كسري خاطر ربج وحننيه عليج وتوسلي به وتعلقي على باب ربج ما يخيب احد

حبيبتي والله ياعمري عليج وحسرة قلبي
 
بسم الله الرحمن الرحيم

اولا :كان الله في عونك وعون اخواتك واخوانك :no:و والله ان قلبي يعتصر لمشكلتك لانها من اقرب الناس :tears:ولكن الحمدلله على كل حال ...

ثانيا :الانسان اما ان يبلى بماله او نفسه او اهله ربما اختارك الله بالبلاء لحبه لك وتمحيص للذنوب والنظر لك هل تلجاين اليه ام تتضجري وتستائي ...
وعسى انت تكرهوا شيئا وهو خير لكم
المهم بما انك الان بعيده عن اهلك وعن مشاكلهم حاولي اذا قابلتي زوجك او اي احد خايفه منه ومن ردت فعله ان تقولي
{{اللهم اني اعوذ بك من شرورهم واجعلك في نحورهم }}بأذن الله الشيطان:icon28: اللي فيهم ينعمي
حاولي يا اختي تحرصي على قيام الليل لان الدعاء بجوف الليل مستجاب ربما يصلح الله من حال اهلك ولاتنسين تدعين بان الله يسخرهم لك زوجك واهلك واهل زوجك وقولي اللهم يامسخر الريح لسليمان ومسخر الحوت ليونس ان تسخرهم لي ...........
ولاتقنطي وتياسي والله لو الانسان مخلد بهالحياة كان شي ثاني ولك الدنيا سجن المؤمن وجنة الكافر صح
هذا دعاء الكرب
دعاء الكرب

عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي
الدعاء عند الهم والحزن

اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي .رواه أحمد .

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ".
​


الله يوفقكم ويكشف مابكم من كرب وسخر قلوبهم لك ويهدي امك وابوك ياااااااااارب
ونسمع عنكم الاخبار الطيبه ان شاء الله

قلوبنا معك

اختك /سهام​

 
يالله يترحمنا برحمته

اذا هذا الاهل وش نقول عن الناس

يااخيه ما لك الا ان تلجئي الى رب العباد فهو نصيرك
 
اختي اولا استغفري ربك كثير والله ينسيك الماضي
حاولي تتوددين لامك عن طريق احد امك تسمع كلامه مثلا اخواته او اخوانه ولله ييسر اموركم
 
الاستغفارررررر الاستغفارررررر
عليك بالاستغفار وكثرة الدعاء الله يكون بعونك
 
الله يوفقك يارب ويسعدك ويهنيك ويعوضك عن كل يوم شين بحياتك بايام حلوووووه يارب
انتي وخواتك الله يسخر لك زوجك واهله واهلك وكل الناس ياااااااارب
خليك قويه وخلي كل حياتك الله ومن ثم بنتك وانتي وبس
 
اسألك ياحي ياقيوم بأسمك الأعظم ان تفرج كربة وردة وان تسخرلهامن حولها وان تعوضها خيراً في الدنيا والآخرة "وأستعينوا بالصبر والصلاة إن الله مع الصابرين " من كان الله معه فماذا فقد .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل