حيااااتي غيررر

  • بادئ الموضوع بادئ الموضوع Sara1211
  • تاريخ البدء تاريخ البدء
S

Sara1211

New member
إنضم
2017/02/25
المشاركات
49
السلام عليكم اخواتي
انا جديدة على المنتدى وهذا اول موضوع اكتبه بحياتي عن حياتي الخاصة تمنيت انه يكون موضوع يفيد الجميع لكن اللي انا فيه خلاني اسجل واعرض مشكلتي:
انا انسانة متزوجه من 14 سنة عيشت مع زوجي الحياة بحلوها ومرها زوجي انسان طيب لكن فيه عيوب كثيره وصبرت عليها مو لاني احبه لالالا بس لاني ماابي اتطلق تزوجته ومعه طفلين من زوجته السابقة طبعا تزوجني بعد كم سنه من طلاقه لزوجته والحمد لله وهذا من فضل ربي عمري ماحسيت ان ذولا عياله لحاله بالعكس صحيح انهم يجون لابوهم يومين بالأسبوع لكن عمري ما ظلمتهم بالعكس شرت عليه انه يرجع امهم عشان عياله ورفض وعشت مع اهله تقريبا 9 سنوات عيشه الحمد لله تحملت ظلم الام والاخوان والخوات عمري ما شكيت همي الا لامي الله يرحمها بعد الله سبحانه ومعظم مشاكلي مع اهله ما دخلت اهلي فيها أبدا وكلت امري لله والحمد لله ربي كشف كل الاقنعة وضبطت أموري معهم ميه بالميه لكن مشكلتي مع زوجي انسان مستهتر وراعي سهر وربع واستراحات ومجالس وشراب وعلاقات اكتشفها واسامحه واستمريت معه بين غصه وذل وربي عالم بحالي معه شكثر اتعبني هالانسان من علاقاته الوصخه اخر علاقه اكتشفتها قبل سنه ونص وحلف لي على مصحف انه تركها استغل فرصه مرض امي ووفاتها الله يرحمها وانشغالي بأهلي بهالفترة سافر لها لديرتها طبعا البنت مطلقه مغربية حسبي الله عليها كانت معه بالحرام في البلاد وبعد ماسافرت لحقها يقول انه تزوجها رغم اني ما شفت اي شي يثبت زواجه منها وطلب مني اني اروح معه اوقع في وزاره الداخليه على موافقتي عليها طبعا رفضت وصار يعاملني بشكل ما تتصورونه أعيش الذل والقلق والله يا خواتي تعبانه بشكل ما تتصورون انا انسانه لي فضل عليه كثير ويكفي انه هاجرني من سنين من جد صابره عليه كثير تاركني ورايح للمغربيه اللي مو عارفه الحين وش وضعه معها زوجه او بنت ليل الله يستر على بناتنا ...ودي بحل لمشكلتي شلون اتصرف معه تعبت وربي .. اسمحولي على الاطاله
 
أختي العزيزة .. والله أقراء قصتك وأنا مستغربة أقول ويش اللي مصبرها عليه أنت شكلك طيبة بزيادة بدليل قلتي له يرجع زوجته و,أحسك ضعيفة قدامه وحتى معاملتك الطيبة لأودها ما طمرت فيه..... ما تحبيه (طبيعي بعد كل اللي جاعد يسويه) وهاجرك ولا بعد سهر وشرب وعلاقات وآخرها يريد توقيعك بالموافقة على زواجه من عشيقته...... صراحة ويش من البشر هذا ..... ما أدرى ويش الظروف اللي مخلتنك ساكته للحين بس مهما كانت سكوتك ما هو حل إنتي بضري نفسك بهذا الشكل ياريت والله أحد من أهلك يتدخل .... ما أدرى لحد متى نرخص بأنفسنا بهذا الشكل لأنه فيه أشياء ممكن الواحد يسكت عنها ويسترها ويحاول يصلحها بس أحيانا لازم نكون واضحين مع أنفسنا مو دائما السكوت والتغاضي والتجاهل والتحمل تكون ايجابية احيانا تضرنا أكثر مما تفيدنا وما ممكن اتعامل بهذا الأسلوب مع ناس بايعيني ... المهم لازم الواحد يعرف الطريق اللي ماشي فيه وين راح يوصله.

أنتي ما تكلمتي كثير عن وضع أهلك بعد وفاة أمك الله يرحمها وظروفك الحالية هل تشتغلي أو لا وكم أولادك .... بداية كلمي أحد من أهلك أو أحد من أهله يكون ثقة ينصحة ويشوف تاليها معه
وأقعدي مع نفسك شوفي في حال إنفصلتي عنه ويش الإيجابيات والسلبيات لازم تدرسي الموضوع من كل النواحي وتستخيري الله .... والله يقدم لك الا فيه الخير.
 
اهلين اختي
ما كان ودي بالطلاق صبرت عليه مرت علي ايام حلوه يتوب ويرجع لفعايله يعني هذا شي ما يقدر يتركه الحين ساكت عني كلامه معي قليل جدا وانا خايفه من الطلاق ودي اخذ قرار بحياتي ما أندم عليه انا كبيره مو صغيره بالسن لكن ماعمري خذيت قرار اخاف من هالشي انا انتظر بس اخذ الجنسيه وبعدها أقرر وش بيصير معنا لكن سالفه الطلاق مو حابتها بالمره وأهلي ماعمري دخلتهم باموري رغم انهم حاسين بوضعي واحد من اخواني دوم يقول لابوي مايستاهلها مدري ليش ساكته وكاتمه بقلبها والله نفسي مو عارفه يارب فرجها علي اصعب شي انك تعيشين بقلق وان يكون مصيرك بيد انسان
 
ربي يفرج عليك كل همومك استعيني بالدعاء واكثري من قيام الليل
 
*السلام عليكم اختي الغاليه ..نصيحه من اخت محبه لك ان تقفي مع نفسك وقفة احترام لذاتك وقرار تتحملين عواقبه وانتي راضيه وشامخه حتى وان كان فيه الم هي فتره وتنقضي وبعدها تتعودين وتسترجعين روحك الخامده بداخلك انا اشير عليك بشيئين : ان كنت لاتستطيع الطلاق نهائيا حياتك ببيتك افضل من بيت اهلك هنا انصحك ان تلملمي شتات نفسك واتركيه يعيش مايريده فلكل قصه نهايه والله لن يضيعك ابدا توكلي عليه وانشغلي بنفسك مواهبك نميها عندك قدره ماليه استثمري اكملي دراستك وووو.........عيشي حيااتك واتركيه فقط انك تحت ظل زوج واستغلي هذ النقطه بإيجابيه.
اذا كنت تستطعين الطلاق فاافعلي اكراما لروحك وعوضك من الله
طمئن الله قلبك اختي وبشرك بمايسرك ..
 
اللهم امين جزاك الله خير اختي سلمى
 
اختي جنون
تسلمين حبيبتي ودي والله اني اتركه لكن متردد واتراجع مدري ليه انا تعبانه من التفكير والخوف كل اللي حولي يقولون اصبري مو تتركينه بعد هالسنين للمغربيه يمكن تكون نزوه هو تغير علي من بعد مارفضت اوقع على الموافقه قلت له اذا انت تزوجت ولا اهتميت لي دخلها البلاد بطريقتك لان هذا الشي ما يخصني واذا كنت تبيني اوقع لموافقتي على زواجك فهذا مستحيل اللي تبيه سوه لكن بعيد عني انا ماراح اوقع على الموافقه اسمحلي اخوه قالي لا توقعين هذا شي يخصك ولا تقدمين زوجك لها بصحن من ذهب انتبهي وهذا الشي فعلا قلته له يوم أوافق معناتها اني سلمتك لها وهذا مستحيل اسويه .
دعواتكم لي ان الله يبعدها عنها ويرد ويرد زوجي رد جميل نادما على مافعله بي.
 
لما تصير طيبتك سلاح بيد الآخرين ويستعملونها ضدك ،
اعرفي أنو لازمك وقفة جادة مع نفسك
اعرفي حقوقك وانتزعيها بلطف مانفع بحزم
تسجلي بدورة كوني ملكة رح تنفعك بإذن الله
زوجك لاتتركيه مو لأنه يستاهلك ، مو لأن الطيبة عم تنقط منه ،
بل لأجلك أنت ، لأنك تستحقين أن يسعدك أنت
وحتى لو فرضا تطلقت من يضمن لك أن زوجك الجديد ليس له علاقات
حبيبتي الخيانة صارت داء متفشي إلا من رحم الله
تمسكي بمملكتك لكن كوني قوية مع هكذا رجل ، إياك تحسي بالخوف من الطلاق لو طلق هو الخسران مو إنتي ،
شوفي مميزاتك وثقي بالله وبذاتك ، مصيرك ومستقبلك كلها بين يدي مولاك وزوجك مجرد وسيلة ،لاتنسي هذا .
وبالتوفيق
 
هلا وغلا اختي شروق الله يريح قلبك وين هالدوره وكيف اشترك فيها
جزاك الله خير
 
حبيباتي السلام عليكم ورحمة الله وبركاته
حكايتي انا راح احكيها باختصار انا تزوجت يعني زواج تقليدي مع اني درست واشتغلت المهم انجبت بنت ولما كان عمرها سنة وشهر بالضبط اطلقنا بدون سبب يمكن كثرة الزن و هو من النوع اللي ما يرفض طلب لامو واخواتو المهم طلب انو اسكن مع امو واخواتو مع انو بالاول قالي انهم صعبين بالتالي غير رايو انا لا اريد اطول اطلقنا وعشت حياة عادية ورجعت اشتغل ثاني انا من النوع اللي ما يدخل الهموم دايما احاول اخرجها صار عند بنتي سبع سنوات وهو دايما كان بجانبنا لما دخلت الروضة هو اللي يعطي الواجب الشهري وكل مرة يسال علينا لاكن هدا في الاربع سنوات الاخيرة اما الاولى فلا
لانو تزوج بعد ما طلقني باربع شهور وانجب ولد
ماعلينا لما دخلت بنتي المدرسة طلب مني ارجعلو لانو بنتي جدا متعلقة بيه وانا صرت احبو بجنون اكثر من الاول وعلى فكرة من يوم ما اطلقنا عمري ما كلمتو كان بيننا البنت فقط يجي ياخدها ويرجعها وفي الاخير لما حن انو يرجعلي بدا كل مرة يرن يقلي يقلي انو يبغي يكلم البنت احنل لما رجعنا قالي انو متاسف على اي شيء سببهولي وقالي سامحيني مع انو مش من النوع اللي يقولها عجبني الموقف بزااف
المهم رجعتلو كزوجة ثانية بدون اخبار اهلو او زوجتو والان انا انجبت منو ولدوزوجتو انجبت بالاول ولد ومن بعدي بثلاث شهور انجبت بنت اي انو هي عندها بنت وولد وانا كدالك بس رغم الفراق سبحان الله اولادي الاكبر سنا ههههه
المشكل الحين انو تغير واصبح معي مثل العسل ويحكي لي كلشي ولما اقلو خبر اهلك يقلي ما ابغي مشاكل انا مرتاح كدة المهم انو ما بيبات معي وحتى زوجتو ما بينام جنبها العدل ههههه
وانا صراحة لما انا اكون معصبة يعصبني الوضع ولما اكون مرتاحة اقول شنو راح يفيدني لما ينام جنبي
يمكن طولت عليكم هدا بس انا حكيت باختصار
شنو رايكم بشنو تنصحوني
 
هلا بك اختي ام حفصه
الحمد لله انه رجع لك حتى لو كانت بحياته زوجه ثانيه انتي الاولى والحمد لله انه تغير حاله معك الله لا يغيره عليك.

اما بالنسبة لي انا مو عارفه هو تزوج او باقي على عشيقته المغربيه انا في حيره من امري تغير علي تغير جذري الحمد لله على كل حال هو دايم على الوتساب ويكلم الحين مااشوفه على الوتساب كثير يدخل ويطلع بسرعه ومره من المرات قالي بعصبية كل الحريم مثل بعض قلت له لا اسمحلي انا غير عن اللي اخذتها انا يوم أخذتني مالي علاقات معك او مع غيرك قال بتزوج ثالثه قلت انت ما تقدر على وحده تقدر على ثنتين او ثلاث مدري وش وضعه انا الان مسويه لي برنامج يومي اشغل نفسي بالقران يوميا اقرا سوره البقرة والاذكار والادعيه ربي يغير حالي معه ويبعدها عنه بنت حرام مو عارفه بصراحه هو باقي عليها زوجه عشيقه يارب
 
هلا بك اختي امرحفصه
الحمد لله انه رجع لك حتى لو كانت بحياته زوجه ثانيه انتي الاولى والحمد لله انه تغير حاله معك الله لا يغيره عليك.

اما بالنسبة لي انا مو عارفه هو تزوج او باقي على عشيقته المغربيه انا في حيره من امري تغير علي تغير جذري الحمد لله على كل حال هو دايم على الوتساب ويكلم الحين مااشوفه على الوتساب كثير يدخل ويطلع بسرعه ومره من المرات قالي بعصبية كل الحريم مثل بعض قلت له لا اسمحلي انا غير عن اللي اخذتها انا يوم أخذتني مالي علاقات معك او مع غيرك قال بتزوج ثالثه قلت انت ما تقدر على وحده تقدر على ثنتين او ثلاث مدري وش وضعه انا الان مسويه لي برنامج يومي اشغل نفسي بالقران يوميا اقرا سوره البقرة والاذكار والادعيه ربي يغير حالي معه ويبعدها عنه بنت حرام مو عارفه بصراحه هو باقي عليها زوجه عشيقه يارب
 
هلا بك اختي امرحفصهالحمد لله انه رجع لك حتى لو كانت بحياته زوجه ثانيه انتي الاولى والحمد لله انه تغير حاله معك الله لا يغيره عليك.اما بالنسبة لي انا مو عارفه هو تزوج او باقي على عشيقته المغربيه انا في حيره من امري تغير علي تغير جذري الحمد لله على كل حال هو دايم على الوتساب ويكلم الحين مااشوفه على الوتساب كثير يدخل ويطلع بسرعه ومره من المرات قالي بعصبية كل الحريم مثل بعض قلت له لا اسمحلي انا غير عن اللي اخذتها انا يوم أخذتني مالي علاقات معك او مع غيرك قال بتزوج ثالثه قلت انت ما تقدر على وحده تقدر على ثنتين او ثلاث مدري وش وضعه انا الان مسويه لي برنامج يومي اشغل نفسي بالقران يوميا اقرا سوره البقرة والاذكار والادعيه ربي يغير حالي معه ويبعدها عنه بنت حرام مو عارفه بصراحه هو باقي عليها زوجه عشيقه يارب
 
مرحبا صديقتي الله يفرج عنك ويقضي حاجتك يارب ...
بس انا برأي اذا عندك اطفال منو فلا تطلقي وبحكمة وبدهاء بتقدري ترجعي لزوجك وقراي كل مقالات ناعمة الهاشمي تبع الخيانة وشوفيها... بس الموضوع بيحتاج لصبر ووقت وايمان عميق بانه الله حينصرك...
انا اذا ما عندك اولاد فانتي حره تتركي او تخلي وهاد الشي بيرجع الك?
 
مرحبتين اختي راما
ماعندي منه عيال والحين يقولي وقعي على موافقتك قلت له ماراح اوقع واللي تبيه سوه يهددني بالتوقيع وإلا بتعيشين بنكد مثل عيشتك الحين يقولي١٤ سنه ماجبتيلي عيال قلت انت اللي حرمتني من العيال انت عندك عيال من اول كل ما قلت لك ابي عيال قلت انا مابي عيال الحين رحت تدور عيال من المغربية حسبي الله عليها ونعم الوكيل قلت له بذمتك اللي سويته فيني يكلمني من غير نفس وعصبية ولا يشوفني شي بالبيت اه يا خالتي لو تدرون بالغصه اللي فيني حسبي الله ونعم الوكيل
 
اه وش اسوي بمشكلتي وهو يبي يجيبها وغصب عني اوافق حسبي الله ونعم الوكيل
 
لو ما وافقت بيعاملني معامله سيئه اكثر او بيطلقني وانا مابي الطلاق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل