حوامل مدينة جده وكل من عندها خلفيه ترشدني

[مازال عندي امل*]

السلام عليكم

انا الحمدلله حامل الان وطبعا اول حمل :20:

بالمختصر مرعبوبه من الولاده:31:<<

وبصراحه محتاره

انا اتابع مع دكتورتي بالطبي الدولي طبعا هي استشارية بس تفاجاة لما عرفت ان الولاده الطبيعيه معاها 12 الف

بصراحه انا ارتحت معاها كثير امينه وصادقه وذكر الله على لسانها واعرف ان ماشاء الله تحاول تخفف عنك وقت الولاده قت ماتقدر (طبعا مو كل الدكاتره بيسعوا لهذا الشي)

بس شلت هم المبلغ بصراحه زوجي وعدني خير (بس احنا باول حياتنا وما ابي اضغط عليه) واهلي يقولولي خليك معاها دامك مرتاحه معاها وماتبي تغيريها وحنا بنكون معاك

بس جد احس بقلق فدرت على المستشفيات واسال عن الطبيبات اللي سمعتهم فل وبصراحه لقيت لهم عيادات في مستشفى جامعة الملك عبد العزيز الخاص انهم يولدوا بـ 7000 الاف :33: طبعا في فرق

فهل ابقى مع دكتورتي ولا اخف على زوجي واروح لغيرها وانا نفسي شينه ما ارتاح لاحد بسرعه وقلوقه مره طبعا اعرف ان التسهيل بيد الله وهم اسباب فقط

بس ما احب اكون ثقيله على احد لاعلى زوجي ولا على اهلي رغم ان محد قالي غيريها او تكلم عن المبلغ بس اختي اللي تقولي حرام المبلغ كبير واذا النونو احتاج شي لاسمع الله لا زم تزيدي حسستني بتانيب الضمير:8:


اعرف طولت بس والله محتاره

 

[دلع جده]

انتي استخيري وشوفي الشيء اللي ترتاحي له سويه ماعندي خلفيه عن الولادات بس اختي ولدت مرتين عند الدكتورة ميمي في خالد ادريس وصاحبتي وبنات أخوالي يمدحوا في سليمان فقيه وأنا لسه ماجربت فما اعرف ايش اقول لك ..

 

[مازال عندي امل*]

جزاك الله خير

وين الباقين ؟؟؟؟؟؟؟؟؟؟؟

 

[coffee]

شوفي يالغلا..انا بصراحه مبدايا مع اختك دامك مو مامنه فكري اكثر لان البيبي او انت لا قدر الله اذا احتجت شي بتتورطين والله انا بصراحه اقولك استخيري ثم استخيري ثم استخيريييييييييييييييييييييييييييي وبس..
شوفي انا في كل مره بولادتي استخير والحمدلله رب العالمين ربنا كان ييسرلي واخر مره كنت اتابع بسليمان فقيه وراجعت كم اول الحمل لاخره عند طبيبه ارتحتلها مرره وكنت دايما اسنخير اني اولد عندها ويوم الولاده ولدتني وحده غيرها سبحان الله مع العلم طبيبتي استشاريه والي ولدتني اختصاصيه فقلت في نفسي قدر الله وماشاء فعل اكيد فيه خيره لاني استخرت توكلي على الله والله يخترلك الافضل انا ولدت بسليمان فقيه ماشاء الله ولاده مريحه والحمدلله وعنايه وستف ممرضات مهتم فيك والابتسامه علىل وجهه وصديقاتي ولدو عند ميمي برضه ودريه بخالد ادريس برضه الوضع ممتاز وكل المستشفى نساء وطول ما انت تولدي يقراو عليك قران ويذكرو الله سببحان الله استخير وتوكلي على الله..

 

[مازال عندي امل*]

جزاك الله خير غاليتي