حواري مع زوجي و زعل يستاهل ..!!

[قلب مكلوم]

السلام عليكم و رحمة الله و بركاته ...

خواتي جالسين انا وزوجي نتحاور .. و جلس يتكلم عن الزواج الثاني و التعداد و كيف الواحد بيحل مشكلة أخوات ما تزوجوا وكيف بتنحل عقد كثيرة وووو الخ..........

المهم بالنهاية للحوار قلت كلام لزوجي و تحسس من كلامي حييييييييل و شال بخاطره علي!! و زعل المهم بقول اللي صار ..

قلت لزوجي : أتصدق يابو فادي الوحدة المفروض ما تتعلق بزوجها أكثير وتخليه كأنه أكبر شغل لها و الشغل الشاغل لحياتها .. المفروض انها تتعود على غيابه عشان لو فرضاً صار شيء بيوم من الأيام خلاص ما تتعب نفسيتها و تصير لها احباطات .. وتعتبر حياتها انتهت .. لا المفروض تتعود من البداية على غيابه .. عشان يهون عليها أمره بعدين ..

طالعني زوجي بنص عين .. قال لي ليش هالكلام ..

قلت له : أصلا ً اغلب الرجاال الحين ما عندهم ثقافة في تطوير ذاتهم و حياتهم و مستقبلهم .. ما عندهم ثقافة كيف يبتكرون أساليب للتقريب بينه و بين زوجته ..
ما عندهم اساليب جديدة في خلق اجواء تربوية لأطفالهم ..

المادية ميحة بس ما يمنعهم انهم يتزوجون .. ليش ما يحاول اي واحد بيتزوج على زوجته انه يأمن مستقبل اعياله .. ليش ما يحسب احساب الزوجة لمن صبرت .. ولمن ضحت .. بصحتها و حياتها لمن جاهدت في الولادة وقبله الحمل .. ليش وليش و ليش ...........

المهم طال الحديث بنهاية الكلام . ..

رد علي زوجي يعني الحين خلاصة كلامك انك ما عاد تتمسكين فيني مثل قبل ؟

قلت له شوف حبيبي .. انا من قبل مهتمة فيييييييييك و مخليت يا دهينة لا تنكتين .. و شايلتك على كفوف الراحة و فانية نفسي بتربية اعيالك ايش جازيتني فيي ؟ جزيتني بكلامك و تفكيرك الساذج في التعداد ... هذا بدال ما ترد لي احساني بأحسان ؟

قال يعني الحين بايعتني انتي ؟

قلت له .... ,,لا مو بايعتك لكن خلاص لكل شيء بحياتي اقوله استووووووووووب اول شيء و قبل كل شيء نفسي و ذاتي و حياتي و تالي اعيالي و انت ..

ابغي اعيش لنفسي ورغباتي .. وما اكلف على نفسي فوووق طاقتي ..

راح قال لي .. وليش ما تبغين تتمسكين فيني أكثر ؟ اول مرة اسمع منك هالكلام ..

قلت له : عشان لو لو فقدتك بيوم من الايام ما تتعب نفسي .. وذا الشيء بيدك انت يا تخسرني يا تربحني ..

زوجي نهى الحوار من نفسسسسسسسه لان قام و صك الباب بالقوة و طلع ..

حبيت اشاوركم خواتي هل كلامي فيه خطأ و هل يستحق الزعل .. ؟ لان زعل من يومين .. ولا كلمته لاني بأعتقادي ما قلت شيء غلط .. :30:

بانتظاركم خواتي و شلي اسوويه معاه ؟ :30:​

 

[reeem.alflaa]

إممممممم
مدري
مو كأنك زدتي العيار عليه
قلتي له الكلام ،، وأغلب الظن الرجال هذا إللي يمشي معهم
بس ع الأقل ،، ما كنتي خليتيه يطلع وهو زعلان منج
أنصحج تطرشين له مسج حب ودلع
خليه يحتار فيج وخليج غامضة بالنسبة له

 

[قلب مكلوم]

يا ااختي زيدت العيار صحيح لكن والله ما انلام لان هذي الاسطوانة تتكرر علي من زوجي عشان يبغيني أرضخ للأمر و ارووح اخطب

فصرت اتكلم معاه بنفس اسلوبه عشااان اوقفه عند حده ..

لو طرشت مسج لزوجي بيقول عني مذبذبة مااستقؤ على راي ..

يعطييك الف عافية ..​

 

[-موج-]

حبيبتي الموضوع بسيط..وحاولي تهونيه وتتفهيه لزوجك يعني بضحكه وبمزحه خفيفه قولي ما قصدت شئ ...ومره ثانيه اتبعي اسلوب السكوت بالرد يعني لما يذكر هذا الموضوع او غيره يزعجك ردي واسكتي لا تكثرين بالكلام..وشوفي اراء البنات...يمكن يفيدوك اكثر..

 

[خلود بكر]

والله اختي كلامك معقول بس هو حزت بخاطره عااااااااااااااادي قبلها كان يتكلم عن التعدد وعلى قولهم من طق الباب سمع الجواب حتى وان كان بالنسبه له جارح بس كلام سليم بس انتي لاتطنشيه يعني كلميه عادي لاتروحي تعتذري لا اختي بس كلميه واضحكي وماكأن صار شئ واذا رجع وفتح الموضوع قولي له هو موضوع واتناقشنا فيه وانقفل ليش نزعل منه عادي وقولي له انت بديت بلكلام وانا رديت عليك ليش انا مازعلت لان الموضوع عادي مايزعل وبس الله يوفقكم يارب

 

[نجدالعذية]

ياسلام اجل يجيب سيرة الزوجة الثانية وانا ساكتة مااتكلم
لا والله لااقهرة انتي صح صح صح وخليكي علي موقفك
وقوليلة احنا نتناقش ليش الزعل

 

[خافيه غلاها]

يؤؤؤ لا يكون راح يخطب

اقول الله يعييييييييييييييينك ياارب انا احس كلامك عادي رده فعل
بس غلطتي لما قلتي انا وعيالي بعدين انت

ممكن يفكر يجيب وحده دحين تهتم به هو ...

بس ترى ردك حلو ف النهايه <<< وذا الشيء بيدك انت يا تخسرني يا تربحني
الله يوفقتس يااارب

 

[كفوف الامل]

وانا بعد من راي اختي
وبعدين انتي لوانك قلت هاكلام علىاللسان زميله لك يعني قلتي له(زميلتي قالت لزوجها كذا وكذا الردود الي تبين من راسك وانك ماايدتها )كان اهون عليه اشوي لا وكان يعدل من حاله على حسب رايك لايصير مثل رجل زميلتك..
على العموم صار الي صار ,وصالحيه بنفس الاسلوب الي يصالحك فيه اذاانه جنس او ورده او مسج , لا تتاخرين
وتاكدي انك رسمتي لك قوه في داخله بس بعد ماينسى الموضوع..
موفقه اختي..

 

[عنقود عنب]

عزيزتي

انت طلبتي تسمعي آراءنا

وانا من خلال خبرتي 25 سنة زواج ...اقول لك غلطانه

الكلام هذا لازم تقولينه لنفسك انت ...و تقولين العكس لزوجك

استغفر الله .... والله الرجال ما ينفع معاهم الا الوجهين

تبين له انك بتموتين عليه وانه كل دنيتك...ولكن اهم شي بينك وبين نفسك...ما تخلينه هو محور حياتك

وركزي على كلمة ((اهم شي انت ))

يعني قولي له كل اللي يبغي يسمعه من كلام حلو ...عشان هو بالمقابل يبادلك نفس الشي

ما اقول لك اكذبي عليه ...لا ....ولكن الدهاء مطلوب في الحياة الزوجية

المسايسة ... الذكاء ..مطلوب

هذه شغلة المراة ...تكون ذكية ...تعرف متى تتكلم ومتى تسكت

اعطيك مثال

يعني خليه يشعر انه محور حياتك

ولكن بينك وبين نفسك اذا زعل ... لا تذبحي نفسك ولا تحترقي ..خاصة اذا حاسة انك مو غلطانه

مثال ثاني ...بامكانك انك تدللي و تدلعيه ...ولكن بينك وبين نفسك... حبي نفسك اكثر منه

مو كل كلمة نسمعها نقولها للرجل...ما ينفع

لان بعض الاحيان الصراحة مع الزوج تجيب نتائج عكسية اكثر مما نتوقع

ما كان فيها شي لو قلتي له ...حبيبي انا ما استغني عنك ..ولا اقبل ان تشاركني فيك وحده ثانية

كان شفتي فرحته بهذ

وبينك وبين نفسك

 

[كوب نسكافه]

حاولي تلطفين الجو
انا ماشوفك غلطتي 00الله يصلحهم هالرجال مادري ليش الواحد اذا مو ناقصه شي ومبسوط مع زوجته الا لااازم ينكد على نفسه وعليها بذي المواضيع
الظاهر من زود الثقه وان زوجته تحبه
قال خلاص بتتقبل مني كل شي حتى ولو على حساب مشاعرها00

 

[عنقود عنب]

اعتذر ادخلت الرد قبل لا اكلمة

اللي ابغي اقوله

انك لو قلتي لك كم كلمة حلوة وحسستيه انه كل حياتك

وانت بينك وبين نفسك قلتي ...والله ما يهزني لو تتزوج غيري ...ما راح احرق نفسي عشانك ...كان كسبتي زوجك

ويمكن كان كافأك على هالكلمتين الحلوين اللي ما كلفوك شي

استخدموا الذكاء والدهاء يا بنات ...مو كل تصرف ينفع مع الكل

اللي ينفع مع غيرك قد ما ينفع معك

وربي يسعدكم

 

[نضوج أنثى]

معليش انا اشوف ردة فعلك غلط الحين هو اتناقش معك ماراح اتزوج لا يكون عندك ردة فعل لشي ماصار يعني ممكن كنتي قلتي له ماراح اجلس معك انا مااقبل بالضره او هالوضع او اي شي وفيه وحده هنا نزلت موضوع على انه واحد دق على الشيخ وقاله ابي اتزوج عشان مشكلة العنوسه وهو متزوج قاله الشيخ وش رايك تعطي الفلوس شاب مو متزوج وتاخذ اجره وماتزعل زوجتك هذا رد مره حلو المهم اي رد ممكن يتحمله الرجال إلا انه يكون مو كل شي بالنسبه لزوجته الرجل يحب يكون هو مصدر الحب والحنان والقوه والحاجه لزوجته اي وحده تبي تعيش زين وبراحه تطلع زوجها السما وتبين له انها ماتقدر تعيش بدونه وانه السوبر مان حقها وانها ماتستغنى عنه وانه وانه من هالكلام ييفرح الرجال بهالكلام لما توضحين له مدى حاجتك له وضعفك امامه لكن ردة فعلك انت كنت كل شي بس بعد كذا بتصير ولا شي تحصيل حاصل بحياتي اذا موجود لك كل شي بس بحدود واذا مو موجود ماتفرق والرجال يكره يكون المرتبه الثانيه بحياة زوجته او انه وجوده او عدمه واحد هذا معنى نقاشك معاه وهذا اكبر غلط روحي صالحيه وقولي له ماكنت اقصد يازوجي العزيز وانت وانت كبري راسه بس لحظة غضب وزعل وغيره عمتني مااتصورتك لغيري اتجننت ابيك لي بروحي وبس هذي وجهة نظري للموضوع حتى لو انتي بينك وبين نفسك عشان ماتتعبين نفسيا بتحطينه المرتبه الثانيه ولا حتى الاخيره لازم ماتوضحين له هالشي

 

[الزوجه الاولى]

حبيبتي انا معاج في كل كلمه قلتيها ليش بس انتي تنجرحين خليه هو بعد يذوق من نفس الكاس بس ماعندهم الا سيرة الزواج والتعدد ما عندهم سالفه تفتح النفس الله المستعان

 

[دلوعة عاشقها]

بالعكس اجوف كلامج جداا عادي

يعني اهوه عادي يقولج عن التعدد وانه يحل مشاكل وانتي لين قلتي له وجهة نظرك زعل وعصب

والله معااج حق اختي وماغلطتي تراج

بالعكس صح الي سويته وصح كلامج

 

[سوسو15]

لييييييييييييييييييييييييييييييييييه
هو الرجال له احاسيس ومشاعر واحنا يالنسوان عديمات الاحساس والمشاعر
والله طاري الزوجه الثانيه زي الواحد لما يشعل فتيل قنبله لازم يتحمل اضرارها

 

[خديجه الكبرى]

مع كلام عنقود عنب في كلامها

 

[مهاوي 26]

بالعكس حوارك كان هادف ووصلتي له تهديد بس ملعوبه منك
رميتي الكوره بملعبه
يعني اذا بتزوج بتخسرني
بتعطيني الامان بتربحني
معادله حلوه ​

 

[3afraa_33]

دامك تكلمتي لا تتراجعين عشان يعقل لاكن لا تكررينها شكله حساس الاخ .

 

[اولادي كل حياتي]

[/ـ براااافو عليكي عجبني كلامك ماشاالله حلو بينتي انك تقدري تستغني عنه لو راح لغيرك
ـ ولااا كمان يبغاكي تخطبيه!!!!
ـ تاني مرة قوليله انت لو فتحت بيت تاني وحنيت عليهم راح تهدم بيتك الاولاني وتشرد اولادك وتضيعهم
ـ لاني احبك واحب تكون لي لحالي مااحب يقاسمني فيك احد !!بس لو فكرت بالموضوع مثل ماانت راح تتزوج وتعطف على المسكينة انا راح اتزوج والاقي مين يعطف علي واددة بواحدة
ـ والرجال اللي يحن بالزواج لازم معاه الشدة ماينفع الكلام الحلو لان اعرف واحدة زوجها يحن بالتعدد وتقوله مااقبل وابغاك لي وهكذا وراح تزوج عليها SIZE]

 

[لؤلؤة حبيبي]

لا والله كلامك له رد في الصميم على كلامه
بنت رجال ماشاء الله عليكي