حمل وشغل فأسبوع واحد شوروا علي؟؟

أ

أم رهوفه

New member
إنضم
2010/03/07
المشاركات
26
هلا بنات كيفكم بنات انا محتاجه منكم مشوره بنات انا من اسبوعين وقعت على عقد عمل فشركة نفط بوظيفه مكتبيه وثاني يوم عرفت اني حامل وبعد ابوع عرفت اني حامل بتوأم شو أسوي بنات أخاف الشغل يأثر علي وع صحة أطفالي بليييييييييييييز شورو علي كيف اتصرف انا حاسه بتعب واحس نفسي متضايقه طول الوقت وفنفس الوقت محتاجه للوظيفه عشان اساعد زوجي..
 
الله يعينج حبيبتي
سالي الدكتورة وشوفها شوة تشور عليج
بس وااايد حريم يشتغلوا وهم حوامل

ان شالله تقومي بالسلامة
دعيلي الغلا
 
لاحبيبتي اتركيها انصحك زي ماانتي عارفة التؤام حملهم صعب وراح يكون ضغط عليكي استخلفي الله فيها خير عشان حبايبك ولا مايستاهلوو.؟؟؟؟؟
والله يعوضك باحسن وافضل منهاا
 
والله مادري
انتي اسالي الدكتوره وقولي لها حالتج تسمح انج تشتغلين ولا لا
يعني حرمه عن حرمه تفرق في اللي عادي يشتغلون واهم حوامل وفي اللي مايقدر
والله يتمم عليج حملج يارب
 
لا يا اختي لاتتركي الوظيفة غيرك يتمنى ومو لاقي
بعدين الوظايف المكتبية مريحه
واستودعي اللة جنينك والله يحفظه لك
وبعدين اذاحسيتي انك تعبانه خذي اجازة وارتاحي والله يسهل امورك
 
مشكورين فديتكم ع الردود وانتظر ردود اخرى من الجميع عشان اقدر اتخذ قرار
 
اول شي : ماشاء الله لا قوة الا بالله

الوظيفه ماهي متعبه وانا من رايي انك تتوظفين لان بيجي يوم وتندمين انك رفضتي هذي الوظيفه خصوصا اذا كانت مرموقه وراتبها ممتاز
اما اذا كانت عاديه وماتسوى انصحك خليها
وترى الاهتمام الزايد اثناء الحمل ماهو دليل على ان كل شي تمام
في الحركه بركه
وفي الاخر القرار راجع لك
استخيري ودعي الله ان يلهمك الصح
 
والله مافيه شي اهم من صحة ضناي وسلامتهم والوظيفه ان شاء الله يجي بدالها وظيفه ثانيه الله يسهل عليك ويكتب لك مافيه الخير ويرزقني وكل محرومه
 
حبيبتي اسألي الطبيبه عن وضعكِ هل تقدرين تعملين مع الحمل ..

وبعدين ياقلبي انتي استخيري الله ..

وان شاء الله ربي يكتبلكِ الخير . .
​
 
ما اشوف ان فيه تعارض بين الوظيفة وصحة البيبي ..... اذا ما كنتي تعاني من انذار اجهاض لالالالالالالالا تتركي وظيفتك ... لانك راح تتعبين بعدين اكثر لان مصاريف التوأم اضعاف وتحسين بالندم لاشفتي تكاليفهم وزوج مايقدر عليها ..
 
السلام عليكم

عزيزتي
نصيحة مني لك,
لاتتركين الوظيفة مادامت مكتبية وليس فيها اخطار على صحتك او صحة اجنتك -ماشاء الله لاقوة الا بالله-
وانا بنت خالي حملت بتوأم وهي تعمل في بنك وعملها مكتبي لكن تتحرك فيه كثيرا..
وبعد ان وصلت للسادس اعطتها الدكتورة اجازة وسمحوا لها بالاجازة وبعد ان ولدت اكملت دوامها ..

فانت عليك بالاستخارة اولا ومن ثم اتخاذ القرار.


تحيتي’’
 
مييسو قال:
ما اشوف ان فيه تعارض بين الوظيفة وصحة البيبي ..... اذا ما كنتي تعاني من انذار اجهاض لالالالالالالالا تتركي وظيفتك ... لانك راح تتعبين بعدين اكثر لان مصاريف التوأم اضعاف وتحسين بالندم لاشفتي تكاليفهم وزوج مايقدر عليها ..
أنقر للتوسيع...

حبيبتي

الاطفال رزقهم يأتي معهم ..

قال تعالى :( نحن نرزقكم واياهم) الانعام 151
فالرزق من الله حتى لو لم تتوفر الوظيفة لها.. وحتى لو انجبت 3 توائم وليس اثنان


تحيتي’’
 
دلع بلقيس قال:
حبيبتي

الاطفال رزقهم يأتي معهم ..

قال تعالى :( نحن نرزقكم واياهم) الانعام 151
فالرزق من الله حتى لو لم تتوفر الوظيفة لها.. وحتى لو انجبت 3 توائم وليس اثنان


تحيتي’’
أنقر للتوسيع...


ياقلبي انا فاهم ان كل مولود يولد ورزقه معه ....... لكن هذا يقال للي اصلا ماعنده شيء نقول له رزقهم بيجيهم ....... لكن الواحد يفعل بالسبب (( اعقلها وتوكل )) مو يفرط في رزقه ويقول الرزق من الله ...... النبي صلى الله عليه وسلم امر بالسعي ومدح اصحاب الصنعة ماقال ارتاحوا ورزقكم على الله ..... الرزق كله على الله للي يشتغل والي قاعد .... ولا خلي رجاجيلنا يرتاحون ويوسعون صدورهم .. الرزق ما يجيك وانت قاعد يجيك بتعبك .........
الاختلاف لايفسد للود قضية
 
بصرااااحه كلام خووواتي صج اللي ببطنج اهم من الشغل
ولكن الاهم من ذلك ان تستخيري ربك
لان ممكن تكوووني استخرتي قبل التقدم للوضيفه ؟
فـ ممكن تكووون مااافيهااا خيرهـ لج عشان جذي سبحآآآن الله عرفتي انج حااامل بعدهاا بفترهـ بسيطه ؟
وماااااا أقول إلا الله يكتب لج اللي فييييييهـ الخيييير وين ماااايكون
* لاتنسيناااا من دعووواتك يالغلا *
 
الاستخارة ثم الاستخارة ثم الاستخارة
ومبروك والله يوفقك ويفتح عليك أبواب الرزق من حيث لاتحتسبين
 
ألف مبروك الحمل والوظيفة ..

حبيبتي الوظيفة هذي رزق التوأم حرام تضيعيه منك ..وإذا حملك مافيه مشاكل إن شاء الله ماراح يصيبه شي بالوظيفة ..

وإنتي وظيفتك مكتبيه يعني ماراح تبذلي مجهود .. إذا مترددة استخيرري وتصدقي والخيرة فيما اختاره الله ..
 
لاتتركين العمل مادامه مكتبي
 
هلا بحبيبتي.. مبروك عليك الشغل والحمل ولله يثبته لك ان شاء الله.. ذكرتيني بنفسي فالاسبوع الي داومت فيه اكتشفت حملي بس ولله الحمد سقطت والحمدلله الله عوضني بس ماتفكرين واهتمي بتغذيتك والفولك اسيد وشوفي الدكتورة اذا بتطيك حبوب دفستون هذا زين لتثبيت الحمل وعسى خير ان شاء الله.
 
حياتي مريم قال:
هلا بحبيبتي.. مبروك عليك الشغل والحمل ولله يثبته لك ان شاء الله.. ذكرتيني بنفسي فالاسبوع الي داومت فيه اكتشفت حملي بس ولله الحمد سقطت والحمدلله الله عوضني بس ماتفكرين واهتمي بتغذيتك والفولك اسيد وشوفي الدكتورة اذا بتطيك حبوب دفستون هذا زين لتثبيت الحمل وعسى خير ان شاء الله.
أنقر للتوسيع...


هلا فديتك الدكتوره عطتني هالحبوب وحاليا استخدمها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل