حملي وزوجي

[كويمسي]

صباح الخير ياحلواتانا حامل بالشهر السادس ويبني وبين زوجي حب كبير هو عمرة 35 وانا 26 سنة وحملت بعد زواجي بخمس شهور يعني لي اللحين متزوجة 11 شهر عن نفسي امراه ماخذة حقوقي احبة صح بس مش حبة اللي يخليني ادوس على نفسي وهذا طبعا بفضل توجيهاتكم ومتابعتي لكم صار من فترة خلاف خلاني اجلس ببيت اهلي شهرين ومحاولات للاصلاح ورجعت لي اسبوعين بعد ماشرطت علية هدية معاملتة لي كويسة بس بالنسبة للجنس مو مثل اول مااخذتة واول زواجنا يصير بس بأوقات متفرقة بس يمكن يمر اسبوع اسبوعين ثلاثة مايصير شي ويكتفي بالاحضان والبوسات وخلاص بيني وبينكم اخر مره قالي ليش ناشفة انتي والحقيقة انو مع الحمل انا مالي خلق قلت مااعرف ومن بعدها احس تغير كثير المشكلة لما نروح للدكتورة يسألها عن الاوضاع الجنسية واذا استحى منها يقول بطلع واسأليها طيب تسألها ولاتسوي شي هو مش مقصر معاي بشي ويدلعني بس اللحين من رجعت لة مر اسبوع ماصار شي مااعرف وش قصتة ودي اقولة بس اخاف يقول اني ضعيفة وانا عادة اصبر على اي تغيير لين هو يجي يتكلم زوجي عندة شي ودايم يقولي سوية ودة اكون مطيعة ولااناقش وودة اني مثل الحريم اللي يقدسون الرجل في مسلسل باب الحارة زهقني يقول كذا المراه لازم تكون الرجل يمشي كلمتة عليها ومااعرف ايش لازم ولازم وانا ماكأني اسمع ابي اعرف هل هو عندة مشكلة معي ولا خايف ولاايش ؟ وليش ماينام معي ؟

 

[some1]

بنهاية كلامك حسيّت انه زوجك يرغب أو يتقمص دور " سي السيد " ،،
طولي بالك عليه لانه وضعك حاليا" بالحمل لا يمكن أن يعتبر مقياس ، حيث أن الهرمونات تتغير لدى المرأة الحامل ولكن يجب أن تأخذي العصى من الوسط ،،
أي بمعنى ، انه لا تشدي و لا ترخي ،، كوني حبيبة له وليس زوجة فقط ،،
صدقيني الزوج يحب اللي تدلل فيه و تموت فيه ، خاصة انك ذكرت بانه يموت فيك ويدلل فيك ،،
كلمة حلوة مارح تقلل من شأنك ، واذا كنت مشتاقة له - وهذا حقك طبعا" - يمكنك ابراز مشاعرك تجاهه فهذا ليس عيبا" أو تنقيصا" من كرامتك ، يمكن هو ليست لديه الجرأة حاليا" في التحرش فيك خوفا" على مشاعرك 0

 

[كويمسي]

some1 مشكورة على مرورك وفعلا ودة اني اكون تحت رجولة ودائما يفضل الجلسة اللي يكون هو على الكنب وانا تحت والمس رجولة مااعرف ليش بس مره قلت لة ودك اكون تحتك بس هذا بعدك حتى الشغل يقول اطلعي منة ودائما يقول خذي اجازة ولمااكلم صاحباتي يقول قفلي انا جيت واذا قلت لة طيب وجيت يعني وش صار يقول قدري زوجك وبيقدرك وصاحباتك راح يحترمونك لانك تحترميني يعني اشياء غبية واحسة مو عايش بعالم 2007 وداخلين سنة 2008ممع انو اختة مو كذا مع زوجها ابدا واخوانة كذالك بس هو ويقول بوسي يدي علشان ارضى عليك وتهاوشنا الاغصب ولابزعل عليك يقول ماطلبت شي بس بوسة يد يعني تحسين ماكأنة شاب كأنة شايب

 

[زهرة البوادي2006]

اختي حاولي تعرفي السبب احس من كلامك زوجك يحب التسلط وفيه كبرياء حاولي ناقشيه يمكن هو على باله انك انتي مو راغبه لانك حامل يمكن فاهم خطأ

 

[كويمسي]

زهرة البوادي مشكورة على مرورك هو طيب معي وكل شي بس لو على قولك بسألة بيحس اني ميتة فية ماابي يحس اني ابية والحقيقة انا مالي رغبة ولماانام معة امثل كثيررررر بعكس اول زواجنا قبل احمل يعني الللي ابي اقولة انة بيحس اني ضعيفة لو سألتة مااعرف شسوي لاني اللي اعرفة انو قلة الجنس يعني فية خلل بالعلاقة

 

[فلسفة]

مرحبتين اختي كويمسي

بصراحه ...ولا تزعلين مني احسج وايد تكبرين الامور ...يا اختي والله احمدي ربج ان ريلج يحبج وانه حنون وطيب ويعاملج بما يرضي الله ...

يا اختي اشفيها انه يبي يصير سي السيد !...والله من حقه !..مع اختلاف ان سي السيد اللي شفناه في التلفزيون كان جبار على حرمته ! وانتي ريلج مو جبار !

انا بعطيج مثال ....اخوي الكبير فديييييييت قلبه ...يوم يتابع المسلسلات السورية القديمة يكيف ويستاتنس ويقول وقدام زوجته (بعد فديت قلبها)...هذول الحريم ولا بلاش ...!..تعرفين شنو ردة فعل زوجته ...تموووووت من الضحك ...وتقوم وقدامنا وتقوله ...شو بنا ابن عمي ؟...وتقلد كلامهم وتبوس على يده وتحطها على راسها (نفس حركة الحريم اللي في المسلسل...دليل الاحترام والحب)...وهذا الشي عمره ما قلل قيمة مرة اخوي قدامنا او قدامه !
بالعكس كلنا نضحك ...ونرد البيت وكل وحدة تقلد اللي في المسلسل !
اشرايج انا زوجي مبهدلني في حياتي الله يهديه ...لكن اقسم بالله انا اعرض عليه مرات اني ادلك له ريوله او اغسلهم له !...شالمشكلة ! هو جنتي وهو ناري ...وهالشي عمره عمره ما يقلل من قيمتي ..حتى هو في قرارة نفسه مقدر هالشي !
نصيحة ...لا تسمعين كلام البنات اللي يقولون لج ...لا تبوسين يده ...او احنا وين عايشين ....
احنا عايشين في القرن العشرين او قبل الميلاد او شنو ما كان اسمه ...مب مشكلة ....اهم شي انتي وريلج !
وريلج طيب وحنون ومتفهم .....اشتبين افضل من جذيه !!!!.....
يعني تخيلي لا قدر الله ..لا قدر الله ...زوجج ما يخاف الله ويعاملج بقسوة او يمد يده بالضرب....وفوق هذا كله يطلب منج تبوسين يده !!!! شنو بيكون حالج !

وبالنسبة للحمل ....ما فيها شي ...قعدي معاه وكلميه بالامر ببساطة ....واشرحيله عن نفسيتج او خليه يروح معاج عند الدكتورة وهي توضح له
وبالنسبة للعلاقة بينكم .....ما فيها شي لو كنتي المبادرة ...لا تخافين ما يعتبرون هالشي ضعف !...الا يستانسون عليه

والله يوفقكم ويسهل اموركم وسامحيني

 

[كويمسي]

مشكورة اختي والله بجد اكبر المواضيع ماادري شفيني حتى اخواني يقولون انتي تراقبينة كثير وفترة زعلنا لقيت انة عندة مسج من وحدة ضاق صدري بس شسوي ابي احافظ علية وانشاء الله بكون افضل اوعدك وبحسن علاقتي معة بعد هو احس يراقبني وكأننا بمعسكر كل واحد خايف من الثاني مااعرف ليش مشكورة يالغلا على كلامك وصدقيني مازعلت بالعكس ريحتي بالي لاني افكر كثيرررررررررر تحياتي لك

 

[haya_sa]

عادي حبيبتي يبغى يعيش بهالجو عيشيه معاه والا راح يدور اللي تعيشه فيه انتبهي

 

[أخت_الشيوخ]

حبيبتي كويمسي....

يمكن ريلج حليله لأنج انتي حامل الحين و لأنج على قولته هو انتي ناشفه ...يعني حاولي تتفهمين شوي؟؟؟و ان شالله بتقومين بالسلامه و الامور ترجع طبيعيه و قولي الحمدلله ان ريلج حولج و حواليج .....عيل نحن اللي مالجات شو انقول و خصوصاً انا اللي ما اشوفه إلا بطلوع الروح ....الحمدلله على كل حاااال و قولي الحمدلله و صدقيني الامور بترجع طبيعيه ...بإذن الله

 

[الدنيا صبر]

مرحبتين اختي كويمسي

بصراحه ...ولا تزعلين مني احسج وايد تكبرين الامور ...يا اختي والله احمدي ربج ان ريلج يحبج وانه حنون وطيب ويعاملج بما يرضي الله ...

يا اختي اشفيها انه يبي يصير سي السيد !...والله من حقه !..مع اختلاف ان سي السيد اللي شفناه في التلفزيون كان جبار على حرمته ! وانتي ريلج مو جبار !

انا بعطيج مثال ....اخوي الكبير فديييييييت قلبه ...يوم يتابع المسلسلات السورية القديمة يكيف ويستاتنس ويقول وقدام زوجته (بعد فديت قلبها)...هذول الحريم ولا بلاش ...!..تعرفين شنو ردة فعل زوجته ...تموووووت من الضحك ...وتقوم وقدامنا وتقوله ...شو بنا ابن عمي ؟...وتقلد كلامهم وتبوس على يده وتحطها على راسها (نفس حركة الحريم اللي في المسلسل...دليل الاحترام والحب)...وهذا الشي عمره ما قلل قيمة مرة اخوي قدامنا او قدامه !
بالعكس كلنا نضحك ...ونرد البيت وكل وحدة تقلد اللي في المسلسل !
اشرايج انا زوجي مبهدلني في حياتي الله يهديه ...لكن اقسم بالله انا اعرض عليه مرات اني ادلك له ريوله او اغسلهم له !...شالمشكلة ! هو جنتي وهو ناري ...وهالشي عمره عمره ما يقلل من قيمتي ..حتى هو في قرارة نفسه مقدر هالشي !
نصيحة ...لا تسمعين كلام البنات اللي يقولون لج ...لا تبوسين يده ...او احنا وين عايشين ....
احنا عايشين في القرن العشرين او قبل الميلاد او شنو ما كان اسمه ...مب مشكلة ....اهم شي انتي وريلج !
وريلج طيب وحنون ومتفهم .....اشتبين افضل من جذيه !!!!.....
يعني تخيلي لا قدر الله ..لا قدر الله ...زوجج ما يخاف الله ويعاملج بقسوة او يمد يده بالضرب....وفوق هذا كله يطلب منج تبوسين يده !!!! شنو بيكون حالج !

وبالنسبة للحمل ....ما فيها شي ...قعدي معاه وكلميه بالامر ببساطة ....واشرحيله عن نفسيتج او خليه يروح معاج عند الدكتورة وهي توضح له
وبالنسبة للعلاقة بينكم .....ما فيها شي لو كنتي المبادرة ...لا تخافين ما يعتبرون هالشي ضعف !...الا يستانسون عليه

والله يوفقكم ويسهل اموركم وسامحيني

:icon26:هلا وغلا:icon26:
والله كلام فلسفه عين العقل ...وترى
كل الرجال يتمنون مثل حريم باب الحاره بس الجزء الاول مو الحين وهذا طبيعة
الرجل الشرقي...وشكل زوجك هين فلا تنفرينه منك...وكوني قويه بقدرتك الانثويه على جعله يتعلق بك وعدم استغنائه عنك وليس بمعاملته كند لك فأنت انثى وزوجه وليس بزميل له
في العمل!!!!!واذا كان على المبادره لممارسة الحب.......انت كوني متهيأه بمكياج هادئ وعطر
لطيف علشان يبدو الامر طبيعي وفي مكان غير غرفة النوم الصقي بجانبه وقبليه وانت تسولفين
واهمسي باذنه كلام حلو وتحسسي رقبته يعني شغل غير مباشر ولما تشوفيه تحمس للي بالي بالك ابتعدي برقه وقولي انا امزح ..انت ماتصدق من الله ...وانت تضحكين ..ونظراتك تدعوه في نفس الوقت يعني يتمنعن وهن راغبات!!!!!!!!
نصيحه ترى كثرة ممارسة الحب تقوي العلاقه وقلته تولد جفا وبرود بين الزوجين

 

[الدكتورة نبضة قلب]

بالعكس اختي لما يدخل من الباب المفروض تسكرين عن صديقاتج
ما قلنالج قاطعيهم
بس هيئي الجو ..وكأنج تقوليله هيت لك!!
اختي ترى عنادج في هالامور البسيطه ممكن يخليه يبعد اكثر
انتبهي

 

[دودي حبيبي]

حبيبتي اولا اهنئك على الزواج والحمل ..الي فهمته من كلامج انكم لسا ماكملتو سنه وان كل واحد يراقب الثاني هذا نوعا ما يصير في كل بداية زواج الين ماتفهمون بعض وتاخذون على بعض تماما حتى وان كان بينكم حب قبل الزواج بس الوضع عندك غير لان نقاط ضعفه مكشوفه وهذا الاهم في كل علاقه ناجحه وهي مثل ماقالولج البنات السي سيد والله احلى شيء لما يتعامل الزوج مثل السي سيد صدقيني ودعيه بدعوه له واستقبليه بابتسامه منج وغسلي رجوله من باب حبج له ودلكي جسمه وكل ماشفتيه وزعيله بوس ومن بينها يداته ورجوله بعد انا مااقولج اخضعيله لا دللي وكانه طفل ترى الرجل الي يحب يلعب دور السي سيد طفل كبير بداخله الكلمه الحلوه وهالحركات البسيطه الي انتي رافضتها تسعد قلبه وتأسره صدقيني وجربي بس بكل حب لاتحسسين عمرج انج جاريه اومغصوبه لا هو حبيبج ويستاهل اكثر واكثر وبالنسبه لعلاقتكم هي بارده لانكم متوترين وكل واحد مراقب الثاني ولانك رافضه شخصية زوجك مع انه لازم تتقبلينها وتحبينها ..

 

[أم شذى]

ما لش حق في المشاكل او الضيق بعد كلام الاخوات،، ماشاء الله تبارك الرحمن،، نصائحهم من ذهب

طبقيها وافهميها ترتاحي إن شاء الله

واحمدي ربك على زوجك