دلع بلقيس
New member
- إنضم
- 2007/11/13
- المشاركات
- 2,336
اليوم جايبة لكم حلا غير شكل
احلى مافيه ان الكل يحبه وماله موضة <------ أهم شي موضة الحلويات :24:
يعني تسوينه الحين والا بعد سنة والا سنتين
صدقيني
الكل بيقول عنه
واااااااااااااااااااااااااو :32:
.........................
المقادير
1أصبع زبدة ذائب ذوبان طبيعي
1علبة بسكوت شاهي الكبيرة -مطحون-
3 فناجيل سكر
7 فناجيل حليب بودرة
1 علبة زبادي كبيرة
1باكت كريمة كراميل
نصف كوب ماء
الطريقة
(الطبقة الأولى ) نحضر صينية متوسطة الحجم ونضع فيها البسكوت المطحون وفوقه اصبع الزبدة ونرصه زين زين مثل هالشكل:
( الطبقة الثانية )
قومي بفتح الفرن من تحت على درجة حرارة متوسطة 150 او بالفرن الكهرب 300
ونبدا بالطبقة الثانية اللي هي..
نخلط المقادير الثلاثة في الخلاط ( الزبادي والحليب البودرة والسكر) وبيكون الخليط خفيف جدا فلاتخافين من خفته ..
بعدها خذي الخليط وصبيه على البسكوت بس شوي شوي ...وبيكون بهالشكل:
الحين ندخل الصينية في منتصف الفرن الى ان تجمد... ( يمكن تجلس ربع او ثلث ساعه في الفرن) وبعدها ندخل الصينية الثلاجة او الفريزر اذا انت مستعجلة ,عشان تبرد قبل لانحط عليها الطبقة الثالثة وهذا اهم شي في الحلى.
( الطبقة الثالثة )
جيبي قدر صغير وحطي فيه الماء وبعد مايغلي حطي عليه باكت الكريمة وحركيه وبهالوقت تكون الصينية بردت شوي , نطلعها ونصب عليها الطبقة الاخيرة وبكل هدوء بالملعقة مثل هالصورة:
وهذا شكل الصينية النهائي:
وبعدها دخليها الثلاجة الى ان تبرد تمام ومن ثم قطعيها حسب رغبتك..
ملاحظة :
الطبقة الثالثة فيه ناس تحب تضيف لها ملعقة نسكافيه صغيرة ويظل طعمها ولونها ايضا حلو فمافيه مانع لو حطيتي ملعقة نسكافيه..
التعديل الأخير:
