حلو مشكلتييييييييييييييي

[تحملت المسؤوليه]

السلآِم عليكم ورحمة الله وبركِآتهِـ

بصرآِحه مو عآرفه كيف أبدا بالموضوع..
بس رآح اختصر كل شئ

وشغله ثآآنيه انا نزلة الموضوع بقسم الآستشارات الزوجيه
لآني ابي حلول من أمهآت ونٍآس فآهمه

مشكلتي ,,

انا مخطووبهِ لـ ولد عمي لي الان سنه ونص بدخل بألسنه الثانيه بشهر 1

خلال هالفتره ماتكلموا ولا شئ ولا حددو لا ملكه لا زواج لا شئ

يعني مهمشه اهم شئ انه حجزني وبس ..؟!ّ

وانا بصراحه تعبت ومليت من الآفكآر لا ِأنام كله تفكير
تكلمت كثيير لـ أِختي تكلم رجلهآِ وبـ الفعل تكلم رجلها بس طبعآ مو بصوره مباشره انو انا اللي قايله ,,
وقسم ماتحرك فيه شعره وحدهـِ وانا وقسسسم اني خلااص وصلت لـ مرحله اني بقول حق اهلي(( ابي انفصل عنه معد ابيه معد ابيه))

مع العلم انه ماعندي اسباب لـ تأخير الزواج كل شئ جاهز
يعني مافيه عذر عشان يأجل ,,

تكفون ادعو لي الله يخليكم وقسم مليت وتعبت
اشوف البنات اللي انخطبوا معي كل وحده معها بيبي والثاني حامل واللي تزوجت
وانا في مكآني ماتغير شئ

كل اللي ابيه منكم انو تدعون لي

وتعطوني حل انا خلااص معد اقدر
لا تخلوني تكفوون ساعدوني

ِأنتظركم

​

 

[تحملت المسؤوليه]

مع العلم انه مآعندهـِ اسباب لـ تأخير الزواج كل شئ جاهز

^
^
تصحيح الخطآء​

 

[فديت انفاسه]

الله يوفقك وماتدرين كل تاخيره فيها خيره

 

[دانة الشام]

يجب أن يكون لأهلك موقف حااااااازم بما أن لاأسباب عنده تمنعه من إتمام الزواج.. ليس عيبا ولاحراما إن تكلم والدك معه.. خير البر عاجله والزواج من أوجه البر .. لاتسكتي قولي لأمك أن تفتح الموضوع مع والدك.. اكثري من الدعاء وربي يختار لك الخير.

 

[الجده الصغيره]

كل تاخيره وفيها خيره..........لاتحاتين وتوكلي على ربك وربي يسعدك ويوفقك

 

[تحملت المسؤوليه]

الله يجزاكم كل خيير

احنآ عندنا بالعادات والتقاليد عيب ان الرجال يروح يسأل العريس متى زواج

مازلت ابي ردود ودعوات لي

​

 

[حورية البحار]

حبيبتي انا مريت بنفس حالتك بس ظليت ثلاث سنين و نفس الشيء لاحركه و لاكلام و لا اي شيء ابداااااااااااااااا .....؛ لين زهقت و رادوتني افكار مثلك انه ماايبيني و اني مهمشه بحيااته ؟؟؟؟

بس و الله كل تاخيره فيها خيره

و بعدين اكتشفت انه كان يخطط على مهل و محد داري و يبني بيت لانه يبي يستقل مايقعد يحاتي بعدين شلون بيستقر ؟

و لما جهز كل شيء سوى الملكه و العرس على طول حتى انا كنت مرتبكه يعني قالوا لي الشهر الجاي عرسك انصدمت شلوووون لاقالوا لي و لاشيء


بس هوو رتب اموره و خلصها و بعدين قرر يعرس فلاتتسرعي ابداااااااا بانك تنفصلين عنه لهذا السبب و الله حراااام و اكيد زوجك شمالي و غامض

 

[تحملت المسؤوليه]

لبى روحك والله

ان شاء الله انه كل تأخيره وفيها خييرهِـ

بس انا اللي عندي مجهز البيت وكلش

وين العذر مو محصله له ولا عذر واااااااحد

دعواتكم لي

والله يجزاك خيير ويوفقك يااررب
​

 

[جوهرةقطر]

غريبه يا اختــــــــــــــــــــــــــي والله مو عارفه اقوالك غير الله يسر لك,,,,,,,,,,,,,

 

[وقفة تأمل]

فيه أمور كثير لازم توضحينها عشان يساعدنا في تحديد المشكلة وحلها

منها ... كم عمرك ، أنتي تدرسين والا متخرجة ، هو كم عمره ، متوظف والا لا ، من زمان متوظف والا توه ، راتبه كويس والا على قده ...؟

وأمور من كذا لازم توضحينها ... لأنك لو ماكنتي متخرجة لسى تدرسين يمكن يبيك لين تتخرجين ماله خلق يدابل دراستك لأن فيه رجال كذا يحبونها متخرجه وجاهزه ... ولو كان هو متوظف وراتبه ضعيف يمكن عليه ديون ويبي يسددها أو يمكن بيجمع راس مال حلو عشان يبدأ حياته الزوجية قوي وما تحس زوجته بالنقص ...

لكن إذا كنتي متخرجة والرجال مهوب صغير ومن زمان متوظف ضروري يكون لأهلك موقف حازم لو أمك تكلمهم مو لازم الرجال يعني يكون الكلام من الحريم لازم تعرفون وش أنتم عليه لأن العمر يمشي وعمر البنت خاااااااصة أثمن من الذهب ... كل سنة تروح عليها تعتبر خسارة لها ... أنتبهي لا يروح عمرك تنتظرينه وفي الأخير يهون وتكونين لا حصلتيه ولا حصلتي غيره وتضيع عليك كثير من الفرص ويعرضون عنك الناس بسبب كبر سنك

الله يوفقك أختي ونسمع عنك الأخبار الزينة ​

 

[انا رائعه]

مدري ليه مستعجله

استمتعي بحريتك و لاحقه على الزواج و ماتدرين عن ظروف زوجك

 

[تحملت المسؤوليه]

جوهرة قطر ,,,, تسلمين قلبي والله يجزاك خيير,,


وقفة تأمل ,, تسلمين حبيبتي الوضع يسمح لنآ انو نتزوج مافي اي شئ يمنع انا مخلصه دراسه وهو متوظف من زمِآن ولا عليه ماشاء الله

انا رائعه ,,,, حبيبتي انا مو مستعجله ,, بس انا اقول ماحب حركة التهميش ,,

الرجال المفروض اذا خطب يكون مستعد من كل الجهآآت ولا انا ماعندي اي اشكال لو جاء وقالي يافلانه ترا ماراح اتزوج الا بعد عشر سنين وقسم ماعندي مشكله اهم شئ يكون عندي خلفيه عن الموضوع مو زي كذا مو عاااااااااااااااااااارفه شئ غير انه خطب ووافقنا وبس ,,

 

[دلوعةزوجي]

بالفعل كل تأخيره وفيها خيره
لاكن لايضيع عمرك بالانتظار
من فترة قريت قصة عضوه اسمها الدندوشة
وكانت مخطوبه وتبهذلت اللين تزوجت وبالاخر شوفيها معلقه وعندها ولد
اللي ابي اوضحه لك الحزم بهالامور شي لابد منه
على اساس لايحس ان الدنيا فوضى
وسؤال
كم المدة عندكم للمخطوبين

 

[تحملت المسؤوليه]

دلوعة زوجي

تسلمين غلاتي ماقصرتي والله يعين


احنآ ماعندنآ وقت للمخطوبين

يعني المفروض الواحد يخطب ويجهز نفسه ويتزوج

بس هذا طوولها بزووووووووووود

دعواااااااااتكم لي​

 

[ياربي انصرني]

طيب اذا انتي واثقه من اخلاقه ودينه تطمني ان شاء الله مو تهميش
لكن ابحثي عن شخص تثقين فيه مقرب لبيت عمك او خطيبك يسأله
عن تاخير الزواج000

 

[نقاء وردة]

كلام اختي وقفة تامل صحيح
خلي الكلام يجي من جهة الحريم تسال امه متى راح يكون الزواج علشان نجهز البنت ومن هالكلام
واذا له خوات اصغر منه وماتزوجوا حاولوا تسحبون منهن الكلام لان بعض الاحيان الصغار يعرفون والكبار لا
والله يوفقك في حياتك وان شاء الله مايسكن في قلبه الا انتي

 

[قمر بعيونه]

الله يفرج همك

 

[ظبي الشمال]

الله ييسرأمورك,,

 

[خوووخاا]

اقولك شئ وش تبين بالهم ريحي رااااسك متى مايجي حياه الله ييسر امورك

 

[تحملت المسؤوليه]

الله يجزاكم كل خيير ماقصرتوا

انا الحمدالله واثقه فيه ..

وهو يحبببني ,, وكآِن وقتها خايف اني ارفضه وقت ماخطب

المفرووض اللي يحب فعلا ومتشوق لـ حبيبتها يعجل بالزواج

مو يخليني كذا وقسم مليييييت حتى وصلت لـ مرحله احس اني حبتين واكرهه

واللي تقول خذي معلومات من خواته الصغار تصدقين قد سويتها هههههههههه

اختي الصغيره كانت تلعب معهم وانا قلت لها اسألي قولي اخوك متى راح يتزوج << براءه اطفال السؤال خخخخ

ردت اخته قالت ايه والله متى يبي يتزوج عشان انا اجي مع اختك اذا جتكم بالبيت
كلن علي همه سرا هههههههههههه

الله يعين ويصلح الحال يارب

دعوااااااتكم لي​