مسس سويت
New member
- إنضم
- 2009/07/14
- المشاركات
- 469
السلام عليكم ورحمة الله....
اناجديده بهالمنتدى وانا ما دخللته الا بعد ماشفت مشاركاتكم الرائعه فيه..
فقلت اذا ممكن تخففوا عني ..وراح اقولكم مشكلتي ..انا بنت عمري 20 سنه كنت مملكه
ودامت ملكتي 7 شهووور طبعا ف البدايه كل شي تمام التمام ومع الايام بدأ خطيبي يتغير علي
اتصالات بعد اسبوعين او 3 اسابيع يتصل ويجلس 5 او اربع دقايق يسلم ويسأل عن اهلي ويقفل
يعني مايخصني بالسلام ولا حتى يحسسني بالاهتمام مع اني ولله الحمد جميله وعمري والله يشهد ع كلامي اني ماقصرت معاه بأي شي ؛وكنت اعاتبه احيانا بمسجات او اذا اتصل وماكنت اتصل عليه كثير زي مايقولوا الرجال مايحب الحرمه اللي تغثه يحب الثقيله وبين فترات اتصل اتطمن يديني مشغول او مايرد ومع انو مو من الشباب اللي يخرجوا مع اصحابهم كثير وكان يزورني ونتبادل الهداايا بس عمرو ماسمعني كلمه حلوه او حسسني اني زوجه اوشي ف حياته مع انو كان يحلف لي بمسج انو يحبني..بس ما اشوف الدليل . لدرجه انو مرا كان تعبان وسويت له مفاجأه لمازارني سمول حفله انا ماانتظرت شكر منو بس طبيعة اي انثى او اي زوجه تتمنى كلمه حلوه من زوجها واكثر من مرا اسأله انت مجبور علي يحلف انو هوا اللي اختارني واهله كانوا كويسين معاي قرب موعد الفرح كان المفروض يكون الحين ف 29/7وبديت اجهز لزواجي وشريت بعض اغراضي وعزمته يوم للعشاء وجاء طبيييييييعي يتكلم معاي ويضحك ويسألني عن التجهيزات وعن الكوافير وعارف اني خلاص سويت حجز عندها.. وع فكره انا كنت اسكت ع تصرفاته لاني اقول يمكن بعد الزواج يتغير
يمكن خجوول..وسألني عن الطربه قال حتجيبيها قلت له بصراحه ماحسبت حساب لاني احسبك حتجيبها انت لانو انا شبكتي انا سويتها ع اتم وجه بس مانختلف وتخيلوا انا ساعدته بمبلغ القاعه لاني كنت اقول انا واياه واحد وهذي ليلتنا سوا ولازم نضحي ونساعد بعض ..المهم طلع من عندي وارسل لي كذا بدون مقدمااات انا مو جايب مطربه هي انتوا تجيبوها مو احنا مع انو من قبيلتي سكت قلت احسن اتفاهم معاه باتصال مسج ماينفع واتصلت واتكلم معاه برواق واحاول افهمه انو ما اقدر وانا قلت لو زودها حبتين راح اجيب اهم شي تعدي الليله ع خير ..وقفلنا وهوا يقول لا
طبعا شاورت اهلي قالوا احنا راح نجيبها خلاص بدون مشاكل ((تخيلوا الموقف))اليوم الثاني المغرب انا لابسه عبايتي نازله اكمل اغراضي الا ابوه اتصل يقول يبغى ابوي بموضوع انا قلت كالعاده جاي يسلم وابوي قال لي لاتطلعي الحين يمكن يطلب يسلم عليك وجلست بعبايتي حق ربع ساعه ودخل ابوي قال تعالي ابغاك لوحدنا ولما دخلت معاه فهمني بهدوء ان الولد خلاص رافض ويبغى طلاااااق....تخيلو؟؟انا قلت طلاق ليه؟وربي من جد سميتهاصدمة عمر قال خلاص الله يرزقك احسن منو...
يعني انا اللي كنت اضحي واسكت واعذب نفسي ع حساب نفسي واقول احترمه يمكن ظروفه وسكت ع اشياء ما احد يسكت عليها وبعد اللي سويت يطلقني وبدون سبب نسي ونكر جميلي معاه ولا حتى ذكرني بالخير يرسل لاخوي يقول له اختك هيا السبب تقول تبغى تجيب مطربه جيب انا ماني جايبه وعساك ماجبت وانا واللي خلقني ماقلت والحمد لله ان اهلي واخواني متفاهمين وفاهميني عدل
يعني انا غفرت له كل غلطاااااته وف النهايه شوفوا كيف يجازيني ..الحمد لله ع كل حال
بس انا اللي جارحني ومعذبني لما اشوف اغراضي وتجهيزي قدامي لما اشوف ورقة حجز الكوافير لما اشوف مسجاته اللي فيها عن شقتنا واثاثنا وربي احس اني اموت واحيا احس حلمي انهدم
وحملني لقب مطلقه وانا مو قده ...سؤالي تتوقعوا عاادي الشباب يرضوا يتزوجوا مطلقه قبل الدخول يعني بكر مطلقة بملكه؟؟انا مخلصه العده الحين ولي شهر ..احس انو ماراح احد يتقدم لي لاني مطلقه تكفووووووون خففوا عني لانو اللي انا فيه مو شوي وسووووري ع الاطاله بس والله من الللي فقلبي ومع اني الحمد لله عايشه حياتي معززه مكرمه بس الجلرح مو هين
اناجديده بهالمنتدى وانا ما دخللته الا بعد ماشفت مشاركاتكم الرائعه فيه..
فقلت اذا ممكن تخففوا عني ..وراح اقولكم مشكلتي ..انا بنت عمري 20 سنه كنت مملكه
ودامت ملكتي 7 شهووور طبعا ف البدايه كل شي تمام التمام ومع الايام بدأ خطيبي يتغير علي
اتصالات بعد اسبوعين او 3 اسابيع يتصل ويجلس 5 او اربع دقايق يسلم ويسأل عن اهلي ويقفل
يعني مايخصني بالسلام ولا حتى يحسسني بالاهتمام مع اني ولله الحمد جميله وعمري والله يشهد ع كلامي اني ماقصرت معاه بأي شي ؛وكنت اعاتبه احيانا بمسجات او اذا اتصل وماكنت اتصل عليه كثير زي مايقولوا الرجال مايحب الحرمه اللي تغثه يحب الثقيله وبين فترات اتصل اتطمن يديني مشغول او مايرد ومع انو مو من الشباب اللي يخرجوا مع اصحابهم كثير وكان يزورني ونتبادل الهداايا بس عمرو ماسمعني كلمه حلوه او حسسني اني زوجه اوشي ف حياته مع انو كان يحلف لي بمسج انو يحبني..بس ما اشوف الدليل . لدرجه انو مرا كان تعبان وسويت له مفاجأه لمازارني سمول حفله انا ماانتظرت شكر منو بس طبيعة اي انثى او اي زوجه تتمنى كلمه حلوه من زوجها واكثر من مرا اسأله انت مجبور علي يحلف انو هوا اللي اختارني واهله كانوا كويسين معاي قرب موعد الفرح كان المفروض يكون الحين ف 29/7وبديت اجهز لزواجي وشريت بعض اغراضي وعزمته يوم للعشاء وجاء طبيييييييعي يتكلم معاي ويضحك ويسألني عن التجهيزات وعن الكوافير وعارف اني خلاص سويت حجز عندها.. وع فكره انا كنت اسكت ع تصرفاته لاني اقول يمكن بعد الزواج يتغير
يمكن خجوول..وسألني عن الطربه قال حتجيبيها قلت له بصراحه ماحسبت حساب لاني احسبك حتجيبها انت لانو انا شبكتي انا سويتها ع اتم وجه بس مانختلف وتخيلوا انا ساعدته بمبلغ القاعه لاني كنت اقول انا واياه واحد وهذي ليلتنا سوا ولازم نضحي ونساعد بعض ..المهم طلع من عندي وارسل لي كذا بدون مقدمااات انا مو جايب مطربه هي انتوا تجيبوها مو احنا مع انو من قبيلتي سكت قلت احسن اتفاهم معاه باتصال مسج ماينفع واتصلت واتكلم معاه برواق واحاول افهمه انو ما اقدر وانا قلت لو زودها حبتين راح اجيب اهم شي تعدي الليله ع خير ..وقفلنا وهوا يقول لا
طبعا شاورت اهلي قالوا احنا راح نجيبها خلاص بدون مشاكل ((تخيلوا الموقف))اليوم الثاني المغرب انا لابسه عبايتي نازله اكمل اغراضي الا ابوه اتصل يقول يبغى ابوي بموضوع انا قلت كالعاده جاي يسلم وابوي قال لي لاتطلعي الحين يمكن يطلب يسلم عليك وجلست بعبايتي حق ربع ساعه ودخل ابوي قال تعالي ابغاك لوحدنا ولما دخلت معاه فهمني بهدوء ان الولد خلاص رافض ويبغى طلاااااق....تخيلو؟؟انا قلت طلاق ليه؟وربي من جد سميتهاصدمة عمر قال خلاص الله يرزقك احسن منو...
يعني انا اللي كنت اضحي واسكت واعذب نفسي ع حساب نفسي واقول احترمه يمكن ظروفه وسكت ع اشياء ما احد يسكت عليها وبعد اللي سويت يطلقني وبدون سبب نسي ونكر جميلي معاه ولا حتى ذكرني بالخير يرسل لاخوي يقول له اختك هيا السبب تقول تبغى تجيب مطربه جيب انا ماني جايبه وعساك ماجبت وانا واللي خلقني ماقلت والحمد لله ان اهلي واخواني متفاهمين وفاهميني عدل
يعني انا غفرت له كل غلطاااااته وف النهايه شوفوا كيف يجازيني ..الحمد لله ع كل حال
بس انا اللي جارحني ومعذبني لما اشوف اغراضي وتجهيزي قدامي لما اشوف ورقة حجز الكوافير لما اشوف مسجاته اللي فيها عن شقتنا واثاثنا وربي احس اني اموت واحيا احس حلمي انهدم
وحملني لقب مطلقه وانا مو قده ...سؤالي تتوقعوا عاادي الشباب يرضوا يتزوجوا مطلقه قبل الدخول يعني بكر مطلقة بملكه؟؟انا مخلصه العده الحين ولي شهر ..احس انو ماراح احد يتقدم لي لاني مطلقه تكفووووووون خففوا عني لانو اللي انا فيه مو شوي وسووووري ع الاطاله بس والله من الللي فقلبي ومع اني الحمد لله عايشه حياتي معززه مكرمه بس الجلرح مو هين
