بائعة الرمان
New member
- إنضم
- 2010/07/09
- المشاركات
- 3,574
عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.
اخواتي وحبيباتي البلقيسيات
موضوعي ببساطه تجربيتي
وتجربتي عبارة عن خلطة لنعومة الجسم وتفتيحه
واكيد كالعادة ما راح اضيف اي موضوع من غير تجربة
عشان الفائدة تعم على أخواتي البلقيسيات
راح ابدأ معاكم في مستلزمات الخلطه
واعذروني حبيباتي كان نفسي انا اللي مصوره الأغراض بس الجهاز ما يشتغل البلوتوث فيه
ولا كان ودي اصور لكم كل شيء بالتفصيل احسن عشان يكون كل شيء واضح بس على قولتهم الجود من الموجود .........
على فكره هذي كلها اعشاب عند العطارين او محلات المنتجات السوريه واللبنانيه والاردنيه لكن مفعولها غير....
المستلزمات الجافة
مليسة مجففة مطحونه
بس هذي صورة لنفس الشجيرة
حليسة مجففة مطحونه
بس خسارة ما لقيت لها اي صورة لا مجففه ولا شجيرة
بس الحليسة والمليسة هذي كلها اعشاب عند العطارين او محلات المنتجات السوريه واللبنانيه والاردنيه ومفعولها غير....
والعطارين المحلات المعروفة والكبيرة راح تحصليها عندهم واللي لهم سمعه في المنطقة
بابونج مطحون
دقيق دخن مطحون
هذا شكله مطحون اخضر على رمادي
أو تستبدلين الدخن بــــــ القمح وانا استخدمت الدخن لأنه ككان متوفر عندي
قمح مطحون
حبة سوداء ( حبة البركة ) مطحونه
خزامى مطحونه
ورد بلدي مطحون
سدر مطحون
وللمعلومية جدتي الله يخليها تقول السدر الأصلي اللي يجي لونه على اخضر رمادي اغبر
أو تستبدلين السدر بـــ حناء
وانا استخدمت سدر
المقادير الجافة على بعضها
حليسة + مليسة + ورد بلدي مجفف + سدر أو حناء + حبة سوداء (حبة البركة) + دقيق القمح أو الدخن + بابونج + خزامى
الكمية حبيباتي تكون نفس المقدار يعني انا استخدمت كوب صغير لكل نوع
وتخلط جميع المكونات الجافه ونحفظها في برطمان كبير
اللحين نكمل باقي المستلزمات السائلة
ماء ورد
أو ماء زهر
انا استخدمت ماء الورد
زيت سمسم
أو زيت لوز
انا استخدمت زيت لوز الحلو
وعسل
وبصراحة انا ما استخدمت مع خلطتي ما كان متوفر عندي
اللحين يا عيوني الطريقة
بعد ما تعملين حمام مغربي وانا في هالنقطه ما اتقيد يعني لمن اتحمم سواء مغربي او عادي استخدمها بس مو يوميا يعني كل اسبوع مره
تاخذين مقدرا ( 4 فناجين أو الكمية اللي تكفي جسمك كله ) من الخلطة الجافة في وعاء ( الخاص بخلطاتك او بلاستيكي )
وبعدين تحطين عليه زيت سمسم أو زيت لوز + ماء ورد أو ماء زهر + العسل حسب رغبتك
وهنا يكون المقدار بكيفك يعني ما تكون الخلطة سائلة مره أو سميكة مر وخير الأمور الوسط
وهنا تدهنين جسمك بالكامل وتتركيها ربع ساعه او عشر دقايق اذا كان الحمام فيه بخار
أو لحد ما تقرب الخلطة تنشف
وبعض الأحيان ما اصبر واتركها ربع ساعه
بس الأفضل تتركيها ربع ساعه او عشر دقايق اذا كان الحمام فيه بخار
واذا مافي بخار اتركيها فتره اطول
وبعدين تبدأين تفركين الخلطة على جسمك وبشكل دائري أو عشوائي وحسب رغبتك
وهنا اغسلي جسمك بماء فاتر وحطي ع جسمك اي لوشن معطر
واستمتعي بعد كذا بنعومة وتفتيح لبشرتك راااااائع
وع فكرة يا بنات ريحة الخلطة تجنننننننننن
اللهم اغفر لي وارحمني ولوالدي ولجميع المسلمين والمسلمات الأحياء منهم والأموات وذو القربى مني
