حكيماات نسووة جيتكم و الهم لراسي مالي غيركم ارجوكم

[جوريهه]

السلام عليكم

زوجي المصونن هذاكك الاسبوع حمل برنامج البيبي ام ع جواله وحط رمز قفل للجوال شكيت بالوضع قلت له مايحط اللي مخبي مصيبة بدا يضحك يتمسخر ع انو كلامي خطا .. المهم جاته اضافات و هو يضيف و على حد علمي انو فيه بنتين عندو بس للرسايل مايسولف معهم و هيك و فتح القفل شاله ..
كان الله يسلمكم اليوم قبل ماينام قال لي اضبط المنبه و كذا انا اخذتها فرصة فتحت البيبي واشوف محادثةة مع الانسانةة اللي من قبل كان يكلمها يعني بالذمةة تخيلوا يقول لها كلام وربي قووي بحقي انه فاقدها وفاقد شي غالي بحياته و يقولها تخيلي حتى و انا اجامع اتخيلكك .. اه ياقلبي
المهم زبدة الموضوع اللي ابي استشيركم فيه هل اني اكلمه بيني و بينه و اصيح و اقوله ماعاد ابيك و انهي كل شي .. > بالرغم انو حنا انا وهو لحالنا بمنطقةة بعيده عن منطقة اهلنا .. او الحل الثاني
اني اصبر الين ننزل الخميس و اجيب امي و امه بغرفتنا و اطلع كل اللي بقلبي
تكفوووووووون حدي محتارهه .. ايهم حل انسب وصحيح
طبعاً وربي فوق العشر مرات يكلمها ويوعدني مايرجع لها واحين اكتشف انه يكلمه وبعد مشتاق لها و يقول لها انه يتخيلها بكل وقاحه

 

[حكاية أمل...]

اختي الغاليه ,,,
دام انه متواصل معاها من زمان وماعنده علاقات غير هاذي البنت وع حسب كلامك انه كذا مرا يوعدك ويرجع يكلمها ,,,
مالك الا انك تطنشين الموضوع وتشوفين ايش يميزها وتحاولين تستوعبين ايش هو شايف فيها ومو شايفه فيكي ادري موقفك صعب وانتي مقهوره , لكن ايش تسوين لانك لو واجهتيه راح يقولك طيب وبعد فتره يرجع لنفس الشي ,,
اما موضوع امك وامه , فانا اقولك مشاكلك خليها ببيتك لاتكبر اكثر وبعدين تصير الشغله بالعناد ويكلمها اكثر , لان حطي ببالك ان كل ممنوع مرغوب ولو منعه الكل انه يكلمها بيزيد ما بيخف ولا سمح الله بيرجع يكلمها اكثر ,,
دوري الناقص بنفسك وكمليه لان انتي عارفه نفسك زين ,ورحم الله امرء عرف قدر نفسه , مو عيب اننا نحاول نصلح انفسنا العيب اننا نستمر بالخطا ونبغا حلول بدون ما نبذل جهد ,,,
اختي الغاليه احب اطمنك بنهاية كلامي ,,
والله اعلم لكن عقلي وقلبي واحاسيسي تقولي زوجك يحبك والدليل انه مافرط فيكي لو كان يبغاها فعلا كان تزوجها لان مافي شي يرد الرجال لو بغا شي هو يحبك ويعرف انه غلطان بالي يسويه , الي عليكي ترجعين زوجك لك وتحاربين عشان زوجك وبيتك وحياتك وتعرفين هاذي بنت مين وتحاولين تبحثين وتفكرين بخطه تنهينا من حياتك بدون ما احد يدري انو انتي السبب ,,
مارسي التجاهل هالفتره انا ادري انه صعب عليكي لكن حاولي وغيري من نفسك واستفيدي من هالبنت ولا تخلينها هاجس يكدر حياتك لان زوجك باخر الليل ينام بحظنك مش باحظانها خليكي عاقله لا يطير الرجال لا سمح الله ,,,
اتمنالك كل خير يارب , وطمنينا عنك وعن جديدك , اتمنى اني قدرت افيدك ...

 

[جوريهه]

حكاية ،،
انتي متخيلةة موقفي .. حطيتي نفسك مكاني لاقدر الله ربي يبعد عنك و عن حياتك كل شر لكن تخيلي مجرد تخيل ان زوجك يقول لغيركك انه فاقد شي غالي بدنيته و يحلف و يقول لها كمان انه لما يجامعك انتي يتخيلها هي !!!!
مسسستحيل و لا واحد بالمية احط احتمال جلستي معهه .. لو يحبني صدق ما يطيع نفسةة و يروح يكلمها و قدامي بعد انا اعرفها الحقيره لكن م طلعت من حياتي ،،
و انا م قدامي الا هالحلين غيرهم م راح اقبله ع نفسي اسمحي لي الرجال مايستاهل اضحي بحياتي عشانهه عطيتهه كل ماوراي ودوني و اسكت عن سواياه اخر شي يجازيني بكذا يحلم اسكت له ..

 

[حكاية أمل...]

اختي الغاليه ...
مايحتاج احط نفسي مكان احد لان كل انسان عنده هم يكفيه ومختلف عن الثاني ,,
انتي كتبتي مشكلتك وطلبتي النصيحه وانا حبت اعطيكي رايي يا تقبليه او ماتقبليه ماهو اجباري , بس الانسان يسمع الحلول والاقتراحات ,,
اذا كنتي مقتنعه برايك وبحلك ليش تطلبين مساعده سوي الي تشوفينه صح , بس سؤالي ليش قاعده للحين وليش قاعده تدورين حلول اسالي نفسك هالسؤال وبتلاقين الاجابه بينك وبين نفسك ,,,


عموما انا الي كل الي عندي ادعيلك الله يفرجلك همك وييسرلك امرك ,,,

 

[شهلة العيون]

يا غالية صحيح ما كتبته وتعيشينه مؤلم بل ومدمر أيضاً ،،هذا الأحساس بمثابة نار تشتعل في دواخلك ،،لكن ما تحتاجينه الآن ليس ريحا تزيد النار إشتعالاً ولكن ماء يطفيئ لهيبها حتى تستطيعين التفكير برزانة وحكمة وهذا ما كتبته الغالية "حكاية أمل" في ردها

انتي ملكة البيت وسيدته فلا تتخلي عن مملكتك بسهولة مهما كانت التضحيات

 

[Asmahan2]

اسمعي أنا أأيدك أنو تكلمين أمك وأأمه لأن لحالك صعب تتحملين شي زي كذا بس قبل هذا كله
حملي البيبي وادخلي ع زوجك ع أنك وحده تحبه الين تعلقينه فيكك وغيري اسلوبك الطبيعي
جننيييه وخليه ينساها ذي فكره يمكن تزبط ?

 

[Asmahan2]

و في نفس الوقت مثل ما قالوا الأخوات حاولي بكل طريق تخطينه أنو يكون في صالحك عشان ما تتركينه لها

 

[شهلة العيون]

هناك فائدة يجهلها الكثير ذكرها لنا فضيلة الشيخ / صالح بن عواد المغامسي في سلسلة دروس اعلام القرآن
يقول الشيخ
إذاضيق عليك في الرزق
فقل
(حسبنا الله سيؤتينا الله من فضله إنا إلى الله راغبون)

واذا قيل لك ان الشيخ مبتدع فالدليل عليها
إن الله قال في حق المنافقين ((ولو انهم قالوحسبناالله سيؤتينا الله من فضله ورسوله إنا إلى الله راغبون...))
(والرسول مات لا تقول ورسوله)
والله حي لايموت

فأذا ضيق الله عليك فقل وداوم على قولها لا من باب التجربه ولكن قلها بقلب خاشع وعين دامعه ناج ربك بها في الثلث الاخير حين نزوله الى السماء الدنيا :
(حسبنا الله سيؤتينا الله من فضله إنا إلى الله راغبون)
هذا تعليم الله لعباده وأولياءه
جعلنا الله وأياكم منهم

 

[جوريهه]

ربي يسعدكم مشكووورات و جزاكم الله الف خيررر

 

[دات الخال]

انا مع الاخت حكاية امل وازيد عن ما قالته انك ايضا بطريقة تفكيرك تسعين الى ارضاء البنت التي يكلمها زوجك وستجعلينها سعيدة لا تستغربي كلامي لانك ستخربين بيتك ووهدا ما سوف يسعدها عودي الى رشدك ولا تكلمي زوجك ابدددددددددا ولا ايضا امك ولا امه هده الطريقة برايي لن تفيدك في شيء اما ستسبب بطلاقك لا سمح الله او سوف تجلب لك كراهية زوجك حتى لو فرضنا انه وعدك امام العائلة انه لن يعيد الامر فهو ليس بطفل حتى تهدديه وتعامليه بهده الطريقة وتاكدي انه لن ينساها لك ابدا ويبقى حاقدا عليك لانك استصغرتيه بل ابدي بتغيير اسلوبك معه اكيد اقترفت اخطاء لا تنضري الى نفسك على انك ملاك وانك الاجمل والاحسن وليس بك عيب وتطرحي اسئلة لمادا ولمادا ومادا يجد بها وانها ما تستاهل اكيد هي تستاهل من وجهة نضره بل اعترفي بينك وبين نفسك باخطائك وان كنت تعرفين البنت شوفي ما يميزها هل دلالها هل حركاتها ربنا معاك ولا نريد لك الا الخير

 

[القمر اﻻبيض]

والله الله يعينك يعني الرجل اذا الخيانه بدمه لماذا يتزوج؟؟؟؟؟؟؟؟؟؟؟يارب يهدي عليك

 

[Fadit]

الله يفرج همك حبيبتي ..

 

[lamo]

انا من رأيي تاخذي رقمها وتهدديها واقول لها بدعي عليك اذا ماتركتي صاحب الرقم هذا بدون ماتخبرين زوجك وعليك بسهام الليل فإنها لاتخطئ ادعي ربك يسخره لك واتركي مايغضب رب العالمين واكثري الاستغفار وراح تشوفي العجب والله يسخره لك ويحنن قلبه عليك

 

[وايليه]

عليك بالدعاء وثقي بالله تمام الثقه
الله يهديهم هما الاثنين ويبعدها عن زوجك