حكاية ولادتي..

[فتاة الخير]

السلام عليكم..
انا سالتكم يوم الاثنين بتاريخ 15وقلت ايش رايكم الرحم مفتوح 4سم وانا مطوفه التاسع واخذت اسبوع من العاشر..وطبعا الصباح ماقدرت انام من الثقل وبطني صاير تقل حجر من الثقل وكنت مكتومه وقررت بعدها اروح..ويوم صليت العشاء جهزت اغراضي واغراض اولادي وارسلتهم لامي..ووكلت امري لله ورحت للمستشفى وماكان فيني طلق قوي واستدعيت دكتورتي لانه مستشفى خاص..وقالت مفتوح 5سم..بحط لك طلق صناعي..والساعه 12 ونصف حطو التحميله وقالوا لاتتحركين الا بعدساعتين وبديت احس بطلق بالتدريج ويوم صارت 2ونصف قمت امشي واذا زاد الطلق اوقف وامسك شي ووقتها استغفر وادعي..واكلم اهلي اتطمن على اولادي وعشان احسس امي اني طيبه لانها خايفه علي وفيها ارتفاع ضغط وخفت عليها..وانا وقتها اتالم..ولما صارت 3 شبك الطلق حيل وبدت رجولي تتصفق وبديت استفرغ من الالم والخوف واتصلت الممرضه بدكتورتي وقاست الممرضه وقالت 6سم مفتوح وقلت لها وانا اتالم وابكي حطي فيني كمام بنج قالت يالله عالكشك ونومتي وحطت الكمام وانا ابكي حتى ولدت الحمدلله ..بس مخوف الطلق الصناعي احس اني تقطعت من تحت من ورايء وقدام..من الالم..ودقيت على امي وبشرتها ثم اتصلت بزوجي مرتين ابشره مضيعة..وولادتي الثلاثاء الفجر بتاريخ 16
لكن ي ااخوات اوصيكم على الاستغفار..من دخلت التاسع كل ليله اصلي وادعي ربي واستغفر اكثر من 500مرة..حتى ولدت وانا استغفر..
الحمدلله على الفرج والله يهون عليكم..

 

[ام ديما وبس]

الحمد الله علي السلامه

 

[دلوعة خلو]

يؤيؤيؤ خفت من الولاده ياااااااااااااااااااااااااااااااااااااااربي استر توني ثلاث شهور والم الحمل موت كيف الولاده الله ستر لااموت

 

[عمة غلاوي]

حمدلله على سلامتك
والف مبروك البيبي الجديد

عقبال ما اجي واسولف لكم عن

ولادتي باذن الحي القيوم

وانا والده الطفل السليم

 

[كركمان]

الف الف مبرروك
فرحت لك والله
وبنفس الوقت خفت من الولاده وهذا اول حمل لي وبكر ربي ييسر لنا
تخيلوا انا لسا بالشهر الثاني واتذكر الولاده ابكي اخاف يصيسر لي شئ

 

[وعد المحبين]

الحمدلله على السلامه
عقبال العشر ولادات يارب تقومين بالسلامه وتكتبين قصصك ان شاء الله >>خخخ
و مشكورة الله يعطيك العافيه

 

[آحلآم طفوليه]

الحمدلله على سلامتك وسلامة البيبي
وعساك ان شاء الله مانسيتي اخواتك الكروشات من الدعاء وقت الولاده
الي بالشهر الثالث والثاني وخايفين من الولاده ليه الخوف
هذا انا في االتاسع وماني خايفه مثلكم لكن قلقانه حبتين بس
الله يسهل على الجميع ان شاء الله

 

[رقاااوي]

الحمد لله على سلامتك
وعقبالي يارب

 

[حلوى طعمه]

الف مبروك والحمدلله على السلامه

 

[قشوووطه]

الحمدلله على سلامتك

 

[مامت جود]

الحمد لله ع سلامتك بس ما قلتيلنا وش جبتي

 

[كركمان]

أحلام طفولية لازم الخوف لان تو اول حمل واول مافرحت بالحمل تذكرت الولاده ي رب هونها علينا

 

[ملامح الطفوله]

الحمدلله على سلامتك
والف مبارك ماجبتي

 

[فتاة الخير]

الله يسلمكم وجبت بنوته زي القمر وسميتها رانيا..
لكن لاتنسون حكايه الاستغفار والله كنت خايفه من الولادة حيل وخايفه اترقد كم يوم لكن ربي هونها الحمدلله دخلت الساعه 11 بالليل وولدت 4 الفجر اللهم لك الحمد وهذا بفضل الله ثم تهجد الليل والاستغفار..

 

[هديل001]

الحمد لله على سلامتك وسلامة النونو​

 

[انفاس عذبة]

الحمدلله على سلامتج حبيبتي

 

[اام صالح]

ماشاء الله تبارك الرحمن

الف الف مبروك الله يقومك بالسلامه ويتمم فرحتك

 

[فتاة الخير]

تسلمون حبايبي..
وعقبال الكروشات كلهم..

 

[شمعة وثلج]

الف مبروك
رزقك الله شكر الواهب وبر الموهوب

 

[جنون بيبي]

ع البركه حبيبتي