حكاية غربتي .........

ق

قلب دكتوراه

New member
إنضم
2011/04/22
المشاركات
242
سلامي لكم وكل عام وانتم بخير ودمتم بصحة وعافية .....

ابد معكم حكايات ويومياتي في غربتي ماحصل ويحصل فيها

لتكون متنفس لي واطرح كل مافي قلبي وماعشته في واقع يكاد يكون حلم وحتي في احلامي لمن اكون بمقدوري ان

تصل احبال احلامي لهذا الواقع فقط اقول ...... سبحان الله والله قادر علي كل شي

وبدات حكاتي في غربة غربة الوطن والاهل ........:3:
 
راح اتكلم بالعاميه خخخخخخخخ نسيت اللغه العربيه الفصحي من زمان لم اكتب واسمعها بحكم غربه السنين

قصتي بدات عندي زواجي تزوجت وبدات رحله غربتي

كان حلمي ان ادرس بالخارج فانا طالبة مجتهده ومجده تخرجت من الجامعه بتقدير ممتاز ولكن كنت اطمح بالدراسه اكثر
ولكن اهلي غير راضين في بدايه الامر واستسلمت وبدات رحله البحث عن وظيفه وهيهااات ....
جاء فارس الاحلام ( ومن زينه من فارس ) اقنعتوا بالسفر والدراسه خارج البلد وكان طالب مجتهد ويود ان يدرس قدمنا وقبلنا ولله الحمد وكنت مملكه عليه وقتها
زوجي كان رجل محبوب وكل من شافه اعجب فيه انسان دمه خفيف ويصلي ويصوم (خخخخخ هذ المهم في مجتمعي )
كان في فتره ملكتنا رجل ولا كل الرجال يحبني ويستجيب لطالباتي وكل شي نقرره سمع وطاعه
اتفقنا ان تكون بدايه حياتنا في بلاد الغربه نتزوج ونسافر
مع اني اهلي كثير كانوا معارضين اني ابدا حياتي في الغربه مع وطن وزوج غريب
زوجي من مدينه غير مدينتي وليس بينا صله قرابه النصيب جمعنا وطبعا لايعرفني بس كان بينا مكالمات ومسجات ومسنجر ولا انا اعرفوا خخخخخخ شفنا بعض علي الحقيقه في ليله الدخله
هذي بعض من العاادات القبيحه في مجتمعي اللتي ليس لها صله بالدين
ولكن يجب علي ان احترمها .....
تزوجت وحملت شنطي والي المطار بعد ماقضيت اسبوع فقط في بلدي .......
وبدات رحله العذااااااااااب
وصدق رسول الله صلي الله عليه وسلم حين قال السفر قطعه من العذاب

يتبع .......... قصه شهر العسل في اول يوم غربة لي .............
 
التعديل الأخير بواسطة المشرف:
وصل بلد غير بلدي مكان غير اشخاص غير وكني في كوكب اخر وليست علي كوكب الارض
كنت اشوف زوجي هوا كل شي ابوي وامي واهلي ووطني وكل شي
طبعا زوجي كان مرتب امور السكن قبل مااسافر تعرفون عروس انا ووجهي
وكنت اقوله تاكد من البيت فيه كل شي او نجيب معانا
كان يقول ولاشي البيت كامل من الي ماعليك انتي بس
كنت اقول في نفسي ياااااااااااا ياقلب ربي عوضك وش هالرجال اللي القدع
وصلت بيتي بعد رحله متعبه وطويله
دخلت وكانت المفاجاه البيت بح ........ بلاط مافيه شي بس الاساسيات ثلاجه وبتقاز وفرش
تعبانه كيف انام في سرير بدون لحاف ومافي مخدات كنت اقول له اش الحل ......
يقول عاادي ننام في اي مكان ..... لين نشوف
قلت يالله الله ييسرها
احنا في بلد غريب في اوروبا ولا نعرف وين نروح وين نشتري
ان شاءالله نرتاح اليوم وبكرا نروح نشتري
واتوسدت شنطتي كمخده وطلعت شرشف الصلاه واتلحفتوا وهاتك ياااااااااانوم
وصحيت الصباح وانا بموووت من الجوع يومين مااكلت
والبيت فاضي والبلد غريب وزوجي عادي ماقال لي شي
وخبركم عروس واستحي مالت بس خخخخخخخخ
وانا في قلبي اقول لازم نطلع نروح مطعم شي علي بالي لسه عروس وانا وخشتي
شوي الا نطق وقالي يلا نروح ندور لنا بقاله نجيب اكل
وقتها انا مئه علامه استفهام ؟؟؟؟؟؟؟؟؟؟؟؟؟؟؟؟ بقاله ايش انا وحظي
بس حطيت في فمي وسكت من الحيا اللي مالوا سنع خخخهه
رحنا اشترينا اغراض اساسيه بس ورجعنا البيت
وكان عشانا لبن زبادي وعيش وانا اقول وش هالرجال وشايف اني بموت من الجوع
بس كان يقول لي احنا ماتعرف البلد وهذول مو مسلمين ومانقدر ناكل من اكلهم ومدري وشو
واختكم في الله خافت وصدقتك زوجي حبيبي يعرف مصلحتي
مرات الايام والرجال مايقول باشتري شي للبيت كل يوم اتلحف في هذاك البرد شرشفي الصلاه
وكل ماقوله نشتري بس مفرش سرير علي الاقل يقولي غااااااااااااااااااااااالي اوروبا ناااااااااااااااااااار
وانا الزوجه المطيعه وقلت الصبر والفرج من عندك يااارب
قالي فكره ان اهلي يرسلون لي اغراض ويشحنونها لي

يتبع
 
التعديل الأخير بواسطة المشرف:

طبعا بدايه الغربه ونحن علي حسابنا الخاص لان الدوله تصرف علينا بعد شهر ونص تقريبا ​

وكل ماقول لزوجي نشتري نجيب يقول مو الحين بعدين لمن يجينا الراتب ​

طبعا انا وهوا ندرس ​

وانا انتظر الراتب متي يتنزل واعيد فيه واشتري ​

كانوااهلي يكلموني يقولون لي قلب كيف امورك وبيتك ​

كنت اقول كلوا تمااااااااااااااااااااااااام شي خيال ياامي تعالي شوفي العز اللي انا فيه طبعا كنت راسمه لاهلي اني اعيش حياه كلها حب وغرام ومبسووووووووووووطة كثير ​

طبعا وقتها البيت ماكان فيه نت وزوجي كل ماقوله قدم يقولي غاااااااااااالي ​

تصدقون كرهت كلمه غالي من كثر ماسمعتها منه خخخخخخخ لدرجه اني صدقت ان البلد ماينعاش فيها ولانقدر نشتري ونستمتع ​

طبعا انا ووجهي شنطي كلها كانت دبشي عروس خبركم ​

مكيااااااااج وللبس وخرابيط ​

طبعا ماجا علي بالي اني اجيب معايا اكل تمر قهوه ههههههه وقتها افكر في العرس بس ​

ياالله قدايش كنت علي نياتي ​

وكل ماقول لزوجي يقولي كل شي فيه هناك لاتكثرين بس وزن ​

ولمن رحت هناك كل شي غالي صااار ​

فكان يقولي توني طالع من زواج ومصروف طبعا انا ماسويت لي بيت في بلدي ​

وكانوا اهلي معارضين كيف عروس ومالك بيت ​

كنت اقول لهم اني حاتزوج واسافر فليش الخساير ​

وطبعا هوا اقنعني واتقفنا علي هالشي من البدايه ​

وقالي ناخذ الفلوس ونسوي احسن شهر عسل في العالم ......... ايه هين خخخخخخ ونومه بشرشف الصلاه ​

فكنت اقول يابنت اصبري وربي ان شالله يعوضك ​

اهم شي لاتغطين علي زوجك ​

نزل الراتب وجاااااااااااا الفرج اخيرررا ​

فقلت له يلا السوق نجيب اغراض شوي بسيطه للبيت ​

كان المطبخ فااااااااااااضي ملعقه ولا شي ​

جاني قالي اقللك في كثير نصحوني مانشتري من هنا ​

غاليه وعلي غير سنع بلادنا ارخص​

طيب شو الحل قالي كلمي اهلك يرسلون لك كل شي ​

طبعا هذي كانت تخطيطاته الجهنميه والشيطانيه عشان مايشتري شي ولايصرف​

مع العلم انا عندي بطاقه وراتب خاص فيا بس لاسف راحت عندوا ​

وكان مثل الشيطان يجي ويقولي انا احفظها لكي عشان مستقبلنا ومستقبل عيالنا >>>>> مستقبل ايش ياحظي ​

كلمت اهلي وطبعا ماقصروا ارسلوا لي كل شي تتوقعونه اكل ملابس لحف وادوات مطبخ كل شي بمبلغ وقدره ​

وطبعا كان جدا مبسووط عشان ماصرف شي وقلت يلا نعين ونعاون والحياه مساعده ​

​

وبدات اتاقلم شوي بالغربه وخاصه كانت لغتي بسيطه وقتها ولكن شوي شوي ومع الدراسه الحمدلله ​

​

وبدات رحله الغذاب مع شخصيه زوجي الغريبه العجيبه بين خارج وداخل البيت ​

ومع الاوربيات ومعاناتي معاهم............. ​

يتبع ​

​
 
التعديل الأخير بواسطة المشرف:
منجد على نياتك بدايه مؤلمه
بس نقول ان شاء الله انك اصبحتى دكتوره فى البيت والمجتمع
احنا معاك الى اخر لحظه
 
نكمل ..........
اولا ابغا اقلكم عن شخصيه زوجي
زوجي انسان غريب الاطباع ليومكم هذا ماعرفت له ولا اعرف ايش يفكر فيه
حاولت بكل الطرق ادخل لعالمه بس كان حاط حاجز بيني وبينه
شخصيته برا البيت دمه خفيف وينكت ويضحك والمعلمات يحبونه ويتكلمون معاه كثير ويسولف معاهم وعااادي
وصديقاتي كانو يقولون لي زوجك ماشالله عليه مرره فني وبس يضحك
انا ماكنت اشوف هالاشوف هالاشياء في البيت ابدااااااااااا
لمن يدخل البيت كان رجل اخر دخل مايتكلم ولايسولف ولاشي جالس علي الاب توب والكتب وبس
وللمعلوميه زوجي كان ماعنده لاب توب يستخدم جهازي الاب والفون كان يقولي ليش نخسر ونشتري خلاص في عندنا
عنده المراه ولاشي لاتشوف ولاتسمع ولاتتكلم
وكنت مستغربه من هالطبع في البدايه واقول انه سوف يتغير ويمكن لاننا تونا مستحي الاخ
كانت حياتي معاه اكل وشرب وطبخ ونوم
مااتذكر يوم من الايام قالي تعالي نسولف تعالي نسوي جو رومنسي او تعالي نطلع برا عازمك علي مطعم او تعالي نروح نتمشى
ابداااااااااا كان يتهرب من لقائنا سوا برا او داخل البيت يمكن تستغربون ولكن هذي الحقيقه
طبعا بحكم اننا في غربه وبلد جديد كنت اطلع معاه نروح الجامعه سوا ونجي سوا بس طبعا كانت في البدايه لاني جديده
وكنت احس انه يقولي ابعدي عني وروحي مدري ليش كنت احس نفسي ثقيله عليه هوا كان يرسل اشارات بكذا
مره الايام عرفت البلد وشوي شوي اتقالمت علي نضامها والوضع فيها واتعرفت علي بنات عربيات وخليجات
وكنت اشوفهم مبسوطين ويشترون وكانهم عايشين في بلادهم وماقالوا غاااااااااااااااالي وهما مثلنا عايشين علي المكافاه واقل مننا يمكن
ولكن ذلك لم يمنعم من الاستمتاع والسعاده في الحياه
بدات اشوف ان الوضع صار مسار غلط وانه زوجي فيه شي غير عن الناس
كنت اواجه واقوله ايش فيه شو اللي صاير كل شي غالي كل شي خلي اهلك يرسلون لك
اهلي مزوجني لك وانت رجل البيت ولازم تصرف
والله ماتتوقعون حتي شريحه جوال ماجاب لي جاب وحده بس ليا وله وكنا نشارك فيها
والنت كان سرقه من الجيران ويرلس وطبعا قمه المعاناه معاهم لمن يطلعون او ينامون يقفلونه
كنت اقوله نجيب نت ضروري بحكم دراستنا واكلم اهلي كان يقولي بالله عليكي عندنا شي فري نقول لا نبغا نصرف فلوس
كان يحسسني باني انسااااااانه مسررررررفه وبس ابغا اصرف فلوس مع العلم اني كنت مااتكلم في الكماليات ابغااااااا الاساسيات بس
بس كان عليه اسلوب يطلعك انك فقيره ومحتاجة مع العلم انها فلوسي بس كان حكم القوي علي الضعيف
بعدها بفتره حسيت اني فقت شوي واكتشفت انه مدمن لشي اسموا فلوووووووووووس حياتوا كلها اله حاسبه وفلوس
وكل شي يحولوا لعمله بلدنا ويقول لي غالي
اتذكر مرره اشتهيت شوكلت وكنت ابغا امووت واكلها
قام طلع الاله الحاسبه وضربها في عملتنا وطلعت سبعه ريال قام قالي انتي مجنووووونه تشرينها بهالسعر
في ديرتنا بريالين وراح وطلع من السوبرماركت ومشي وطلعت مكسوره ونفسي فيها
يعني الاخ مايبغاني اكل ولااشرب في هالبلد لين ارجع ديرتي او اهلي يرسلون لي
سبحان الله بعدها بفتره قلت له ابغا بطاقتي الصراف ليش هيا عندك هاتها
وبعد معاناه اخذتها منه وقلت له مالك فيها فلوسي وانا حره ان شالله احرقها مايخصك
طبعا هوا كان في بدايه الامر يدفع الاجار بس مصروف البيت ماافي كل شي يجيبوا بالحبه ويدوب يكفينا وشي اساسي بس
يعني اتذكر اني انحرمت من الشوكلت شهوووووور والكوكا سنين والشبس اياااااااام وليالي
بس كنت اقول يالله مو لازم اهم شي اني بخير وبعافيه
وكل مانروح السوبر ماركت سوا انا احط وهوا يطلع من العربيه ويقول غاااااااالي ومو لازم ناكل
اتذكر مره كنت ابغا اشتري صلصله ابغا اسوي كبسه خخخخخخخخ
قلت له : لازم ضروري
قال : ومين قالك
قلت : وكيف اطبخ
قال : وش يشتكي منه الرز الابيض سوي ابيضضضضضضض
قلت ارحمني ياشيخ من الابيض بدون لحمه
الا علي طاري اللحمه ثلاث سنين مااعرف شكلها لانها غاليه حيل وهوا طبعا يكره الغالي ويقول مولازم ناكل لحمه دجاج وتونه يمدحونه
يلا دجاج وتونه اهم شي ارتاح من الحنه حقتك

مرت الايام والشهور واتعودت للاسف علي طبعوا وصرت مسالمه وماادقق عليه جاب اكل طبخت ماجاب ماطبخت
وهكذا ولادوخه الراس معاه وانا اذا نفسي في شي شريته من فلوسي وخبيته عنه لاني حاسمع وقتها منه اطول محاضره في حياتي
يامسرفه يا ويا ويا للصبح
اتقالمت علي هالوضع وكنت مركزه في دراستي وماابغا شي ينكد عليا ويتعب نفسيتي
طبعا للعلم زوجي من عائله جدا معروفه وغنيه حيييييييييييييييييييييييييل بس للاسف كاني عايشه مع شخص فقير
عمري ماحسيت بهالشي ولااستعتعت ولا كنت سعيده معاه ابدااااااااااا
مطاعم محرمه عليا طلعات في فلوس بلاش منها هداااايا صارات احلام لبس عيد مافيش انسي
والله مابالغ في هالشي وياليت علي كذا وبس
في مره من المرات دقت علي جارتي وقالتي قلب تروحين معايا السوق امشي نروح نقضي
قلت لها اوكي وانا طايره من الفرحه اول مره اشوف السوق لوحدي وادخله
مع العلم ان زوجي مايحب السوق مرررررررره ولمن اكون معاه احلم ادخل اي محل بس اشوفها من بررا المحلات وارجع
حتي اتفرج ممنوع اشتري بفلوسي كمان ممنوع
المهم جيت اجري وقلت خالد صديقتي تبيني اروح معاها السوق ممكن اروح
قال : وشوله السوق قلت كذا نتمشي
قال تبين تشترين شي قلت مدري لاتسالني انا لسه ماشوفت السوق
قال طيب خير
ورحت اللبس واتجهز للطلعه وطلعت وهوا كان جالس في البيت
وانا في السوق كنت ابغا اشتري مويه وشوكلت ذابحني حر الشوكلت خخخخخخخخخخ
فتحت شنطتي ادور بطاقتي الصراف بح فص ملح وذاب
شوي وانجن اقول لصديقتي دوري معاي بليزززز وين راحت اكيد احد سرقها مني
او طاحت .... دورت عليها لين تعبت ماااافي
قال لي صديقتي يمكن نسيتها في البيت قلت مااعتقد لاني متاكده انها ماطلعت من محفظتي
المهم اتصلت علي خالد بجوال صديقتي لان ماعندنا كان الا رقم واحد ابغاه يشوفها ليا يمكن طاحت في البيت او شي
انا : الو خالد اللحقني
خالد : شو في خير
انا : ادور بطاقه صرافي مو لاقتها شوفها في البيت يمكن نسيتها
خالد : طيب الحين اشوفها ..... مافي ولاشي
قلت اوكي انا اجي واشوف
المهم كملت مع صديقتي شوبنق وشرت بالعافيه وانا ولاشي شريت
رجعت البيت وادور عليها مالقيتها
وقلت مافي الا ادق علي البنك يكنسلها واسوي وحده جديده
قالي خالد لا تتصلين الحين يمكن نلاقها واذا مالقينها بكرا نروح البنك ان شالله ونشوف
قلت سمع وطاعه شورك وهدايه الله
صحيت الصباااااااح وقالي خالد افتحي شنطتك دوري يمكن تلقينها امس كنت معصبه وماشوفتيها يمكن
فتحت المحفظه وكانت المفاجاه اني لقيت البطاقه بنفس المكان
بسم الله وش جابها قالي انتي ماتعرفين تدورين انهبلتي
قلت والله نفضت ابوها مالقيتها
وطلع من الغرفه وهو يضحك ضحكه سخريه وانتصااااار
حسيت وقتها ان في شي وموامره كانت عليا
وطبعا اكتشفت انه هو اللي اخذها من شنطتني ودسها عندوا عشااااااان مااشتري شي من السوق واصرف فلوووس
انا هنا كل شي اتوقعتوا يسويه الا هالشي
في زوج يحط زوجته في موقف بايخ كدا وكمان مع صديقتها لا ابدااااااااااا
لو اني يهوديه مايسويها فيا ولكن للاسف اتضح انه عملها ولمن واجهتوا قالي ايوا ابغا احافظ علي فلوسنا
وانتم يالحريم مهبل السوق كلوا يعجبكم
هنا قلب فاقت وبدات احس انه بدا معايا اسلوب غريب
قفلت له شوووف فلوسي وانا حره فيها مالك ابدا فيها
وكل واحد يصرف علي نفسوا وحر وين يودي فلوسه
وانا كبيره وعاقله الحمدلله فلاتتدخل فيها
بعدها قالي بكيفك وانتي حرررره بالطقاق
طبعا هالفتره نزل وزني قريب 15 كيلو من سو التغذيه والاهمال والغربه والسبب طبعا واضح
غير انه بدا معايا اسلوب كل شخص يعتمدعلي نفسوا وانتي سوي اللي تبغيه وانا كمان
ولاتتدخلين فيا ولاشي
طبعا كان باسلوب غير مباشر طريقه وتصرفاته توحي لي بكدا
بدات اعرف شخصيته اكثر واكثر
وعالمه الغريب اللي مو متقبل شي اسمو مشاركه زوجه
الزوجه عنده بس تطبخ وتنظف البيت وبس
يمكن تستغربون انه حتي اسمي مايقوله ابداااااااااااااااااااااااااااااااا
من يوم ماتزوجته قالوا يمكن مرتين بس واحنا برا وكان مضطر انه يناديني فيه
تحسبون يتغزل فيا يقول ياحبيتي ياعيوني تعالي هههههههههههههه ياحسره عمري بس
كان ينادني هيا تعالي هي روحي
استغربت وواجهتوا ليش القسوه دي ليش هالاسلوب معايا
شو عملت انا كان يقولي انا كدا طبعي كدااا
ماعاشت من تجي وتغيروا لي
سكت وقلت الله يهيديه وبكرا يتغير ان شالله
لدرجه صارات عندي قناعه ان كل الرجال كذا
وكلام الحب وهالخرابيط بس نشوفها في الافلام وبس
الواقع لا هوا كذا زي اللي اناعايشته

تعبت اكمل والجاي حيكون عن
زوجي وعشق النسااااااااااااااااا
يتبع ......
​
 
ياقلبي عشتي معاناه واكيد خرجتي بفائده

في الانتظار............

لاتتأخري علينا
 
اسئل الله ان يوفقك وان شاء الله تكوني سعيييييييييييييييدة يارب
 

كنت استغرب منه بس للاسف كانت صلاته ليست عباده ولكنها عاده فقط
انسان عاق بوالديه طول فتره غربيتنا لم ينزل لهم ولم يزورهم
كانت امه تتصل عليه مايرد عليها كنت استغرب منه كثيررررررر
كنت اقوله خالد امك ذي رد عليه دق عليها
يقولي مابغا اكلمها اخسرها المكاللمه الدولية غالييييييييييييييييييييييييييية
ياذا الغالي اللي طقت كبدي منه
مع انها هيا اللي تتصل عليه هوا مايتصل ابدا عليه
يمكن بعد الف اتصال يرد مره مرتين بس وكلمتين يقولها انا بخير ويقفل
نصحيتوا وقلت له حرام امك ذي قالي بليززز لاتتدخلين انا حرررررر
قلت حر حر بكيفك اهم شي سويت اللي علي
طبعا امه كانت تتصل عليا تسال عن ولدها وتقولي اعطيني هو ويكون جنبي ويقولي مابغا اكلمها
كنت ارحمها مسكينه
كان قاسي كثيرررررررررررر علي امه واهله
وكنت اقول في نفسي تبيه رحيم فيكي شوفي معاملتوا مع اهلوا كيف اول وبعدين اتمني انتي ووجهك

انا خبرتي في الرجال قليلة وكنت عايشه عالم مثالي قبل الزواج
كنت اتوقع اللي يتزوج خلاص استحاله يفكر في اي امراه كانت لانه وبكل بساطه ارتبط

قلتكم متاثره بالافلام والمسلسلات المصريه انا ووجهي هههههههه
طبعا طلع الواقع غير وغير حيييييييييييل
حسيت ان زوجي يعشق شي اسموا مراه لمن يشوف اي امراه شينه او زينه يفز قلبه
حتي قدامي عااااااادي مايسوي كنترول ابدااااااا
وكنت حيل اتضايق من هالحركه
كان يمدح بنات الكلاس قدامي
كان يسولف مع البنات وضحك واستهبال وانا معاه
وكاني جدااااااااااار جنبه كنت استغرب واتضايق
واجي واساله يقولي عادي خليكي فرررررررررررررررررررررري
في وقت حسيت اني انا الغلط وهوا الصح
كنت استغرب منه ماكان يغااااااااار عليا ابدااااا
روحي تعالي مع اي احد عاااادي
عمروا ماسالني وين رايحه ووين جايه
كان بس يبيني اذلف عن وجهه وبس
ياخذ راحته في النت والبيت
كان بيتوتي كثيرررررر ومالو اصدقاء
عكسي انا اجتماعيه واحب الناس والطلعات
كان له صديق واحد جارنا يجي عنده ويجلس معاه كثير
وكنت اجي بعض الاوقات اجلس واطبخ لهم
وكان يعاملني بقسوه وقله احترام امام الناس
وهذا كان يضايقني كثيررررررر
لدرجه اشوف عيون العطف من الناس علي
احس عيونهم تقول يامسكينه وش طرحكي في هالرجال
وليش حياتكم كذا
كانت صديقتي تقولي قلب عمري ماحسيت انك متزوجه ابدااااااااا
مااشوفك مع زوجك تطلعين ولااشوف روح الزوجين بينكم
كنت اقولها عاااااادي احنا مانبين عشان نخاف من العين >>>> شوفوا التصريف بس خخخخ
كل اللي يشوفني يقولي يابختها وش هالسعاده اللي انا فيها
كنت ارسم صوره للي حولي صديقااتي وجيراني اني في قمه السعاده والرومنسه
لبس وكشخه في البيت وطبخ اشكال وانواع وضحك واستبهال وكل شي
طبعا هذا قرار اتخدتوا مع نفسي
بعد ماشوفت ان خالد مايبغا يساعدني اننا نتغير ونغير وضع حياتنا
كل شخص فينا صارات له حياته
في بيت واحد عايشين بس كاني عايشه لوحدي
اطلع وادخل وهو مايدري ولايسال عني
ان شالله اروح جهنم ماعندوا مشكله روحي بس اذلفي عن وجهي
انا انسانه ماحب المشاكل ولا الهواش كثيرر
كنت اكتم في صدري وبس
وخاصه اني ابغاا ادرس وابي مشاكل تشغلني عن دراستي
ولكن كانت حياتنا ماتخلو من المشاكل
في كثير من الايام انضربت وانحرمت وصارات مشاكل بس كنت احاول اتجنبها كثيررر
عشان مارجع بدون شهاده ويضيع مستقلبي
فقررت اني اعيش لنفسي وبس وطبعا هو كان بنفس الفكره وهو من شجعني عليها
تمت حياتنا كذا
مايدري عني ولاادري عنه

وللحديث بقيه ،،،،،،،،،
حانزل ان شالله 2 بارات كل يوم
لان معاناتي في الغربه طويللللللللللله وفيها احداث كثيرررررره
اتمني انكم تكونون معايا وتشجعوني علي اني انزلها ​
 
أخخخخخخخخخخخخخ بس وش ذي الحياه اللي يقهر اكثر انه من عائله معروفه ومادياً ماعليهم طيب هو ليش كذا((أصبح عبد الدينار)) الله لا يبلانا

من جد ضااااااااااااااااق صدري عليك مالت عليه لوغيرك ماتحملت كل ذا مايحمدربه عليك

كملي فديتك

الله ياخذ الرجال اللي يكسرون خاطر الحرمه خاصه الطيبه اللي تتحمل غثاهم

الله يعينا وإياك كملي ياقمر..
 
نكمل .............

زوجي ماكان يرد علي اتصالاتي ابداااااااااااااااااا
لو انا في المستشفي بمووت مايرد
مره ايام واكون محتاجه له ياااتاخرت في الجامعه وابغا يجي ياخذني خايفه ارجع لحالي
وادق مره مرتين عشره ميه بس مافي رد ابداااااااااا
ارجع البيت معصبه القي خالد شاااااااااااااات مع البنات
اعصب اقوله وينك يقولي موجود
ليش ماترد علي
خالد : وليش اش تبين
ابيك انت زوجي ت يمكن صار لي شي انا في غربه هنا وعارف ان اهلي مو عندي
يقول عادي دبري عمرك
انا مالي شغل فيكي
وقتها سكين طعنت في صدري
حسيت انه بااااااايعني برخيص
وكانه يقولي ماااااابيك اذلفي عن وجهي
كنت اقوله ماتبني ماحبيتي خلاص طلقني
يقول لا ابيكي اتركي هالخرابيط
بجد كان انساااان غريب الاطوار وعجيب
تعبت وانا مافهمت كيف يفكر
عاقل مريض
شو الصنف تبعوا ماني عارفه
كنت لمن احتاج شي اتصل علي صديقتي تجي تساعدني
مره من المرات تعبت في الجامعه ودوخت وشالتني صديقتي للمستشفي
واتصلت علي زوجي من جوالي وطبعا الاخ رقمي في شيطان مايرد عليه
كسرت جواله ماررد
قلت له خليه مشغول عندوا دراسه مسكين
خرجت من المستشفي ورجعت البيت ولاسال عني ابدا
اقوله انا تعبانه بمووت وينك
طبعا لقيته علي النت وشااااااااات
وقتها اتخذت قرار اني اغسل يدي منه مرررررررررره
واعيش حياتي واكمل دراستي واركز فيها
وفعلا صار ماخطط له
كل واحد عا حياته
عايشين في بيت واحد وكل واحد في غرفه
يطلع هو وانا نايمه
يروح الجامعه وانا اخرج منها
مع العلم اننا في نفس الجامعه وطريقنا واحد بس للاسف كل واحد مايدري عن الثاني
ساعات يكون بينا كلام بس شي بسيط كاننا جيران
اتخذت سلام معاااااه
زوجي ومو زوجي
وتعرفون كيف مرررررررره صعب علي المراه تكون كذا
بس هو اللي عمل هالحاجز بينا
طبعا اهلي مايعرفون عن شي ابداااا
كنت مااقولهم شي ابدا
وكنت اسافر لهم كل سنه مره وحده في الصيف
واروح لحالي وهو مارجع البلد ابدااا يقول انا مشغول بالدراسه
انتي تبغين تروحين جوازك عندك والباب مفتوح
كنت امووت وقتها من القهر
ارجع بدون زوجي اش يقولون اهلي واقاربي
وخاصه اني عروسه ياحظي
بس حكم القوي علي الضعيف
طبعا انا اروح بنفسي المطار ولوحدي
واهلي كانوا يقولون لي مين جابك وداكي كنت اقول زوجي حبيبي
ليش ماجاء معاكي
مشغول يقلبي عليه دراسه عنده
وهكذا
كنت احس بكسر في قلبي
ليش شو ناقصني يعاملني كذااااا
كل ماخرجت البنات يقولون لي يابخت زوجك فيكي
حلوووه وصغيره وبنت سنعه
اتذكر زوجي ومعاملته لي وامووووووت قهر
والشي اللي ساعدني ولله الحمد اني متعوده علي الاعتماد علي النفس من قبل ماتزوج وهذا اللي ساعدني كثير اني
اتقالم في الغربه وخاصه بعد فتره ست شهور تقريبا
لاني في البدايه كنت اخاف واللغه كانت عائق والقوانين غير عن بلادنا
ومرت الايام وقلب من الجامعه للبيت
حياتها دراسه وبس
لمن تطفش تروح في الويك اند عند صديقاتها
حياتي عايشتها لوحدي
مع اننا في نفس البيت ساكنين
تجي ايام علي اطبخ واسوي سفره وش حلاتها
يجي ياكل ويروح غرفته
ولايقول ولاكلمه
وانا تخيلت نفسي اني متزوجه انسان مايتكلم
طول اليوم جالس علي النت
شااات مع البنات
او مقابل الاوراق والكتب
ماتصدقون لو اقول لكم يمر يوم يومين مانشوف بعض
هو يجي انا اطلع وهكذا
ومرت الايام
وشديت حيلي في الدراسه
وخلصت دراسه اللغه بنجاح الحمدلله
وبدات دراستي الماجستير
طبعا نسيت اقلكم ان زوجي استغل طيبتي وبطزيقة ذكيه منه صرت ادفع كل شي
اجار بيت وكهربا وكل شي
وهوا فلوسه يخزنها في البنك
ومن الاشياء المحرمه عليا امسكها ويكون اخر يوم في عمري لو شافني ماسكتها
جواله ، محفظته ،
الجوال حتي الحمام الله يكرمكم ياخذوا معاه
غريب الاطوار بشكل ماتتخيلونه
لو سالته وين كنت ومتي بتجي
يقول ليش اش تبين تسوين
وش عندك تسالين
اقوله سوال عادي
يقول انا مااحب احد يحقق معايا ويعرف عني شي
انساااان غامض بكل ماتعنيه كلمه غموض من معني
والله ماتصدقون كنت اعرف عنه اخبار من البنات اللي معاه في الكلاس
يقولون لي قلب زوجك امس كان معانا في مطعم
ليش ماجيتي معاه
وانا وقتها وجهي الوان بس كالعاده ارقعها
المصيبه اني اسوي نفسي مبسوطه وعااادي
بس من القهر وقله الحيله
يامه مرت ايام يرررووح ومادري عنه باليوم واليومين

وللحديث بقيه .............. انتظروني ​
 

نكمل ...........
كان زوجي مايقول لي وين مكانه ابدااااااااا
وياكثر ماطنشت وساعات اموت قهر
تذكرت سالفه مره من المرات كنت اقوله ليش تزوجتني يوم انك ماتبيني وكذا تعاملني
قالي شوفي يابنت الناس انتي بنت حلوه ومتعلمه ومافيكي عيب
والف واحد يتمناكي ويحبووووونك الرجال
بس انا كذا طبعي كذا
احب الحريم واحب اغير ويمكن اتزوج عليكي تبين تجلسين حياكي ماتبين الباب يفوت جمل
والله مانسى وقتها قدايش بكيت لين راسي انفجر
وخاصه لمن قالي مو مرتاحه معايا دوريلك علي رجل ثاني
حتي وانتي علي ذمتي رروحي
هذي حياتك وانتي حره
والله ياهو وقتها طااااح من عيني
ويقولها بصدق وهوا بكامل قواه العقليه
بعدها غسلت ايدي منه
وعرفت انه انسااان مو طبيعي وحقيررررر ابدااااااا
طبعا انا حملت في بدايه زوجي منه
وللاسف لمن عرف اني حامل زعل و ضربني وسقط الجنين والحمدلله علي كل حال
وللحين ماحد يعرف بهالسالفه حتي اهلي
الشي اللي كان قاهرني منه
اني انا ادفع كل شي
وهو جالس في بيتي واصرف عليه
في السنه الاخيره خلاص ماعاد صرت طايقه وجهه ابدااااا
عرف للاسف قلب صح وكيف انها علي نياتها
كان يلعب علي هالشي
والكذب عنده زي سلام عليكم
تعرفون جو الدراسه ولازم يكون الجو مناسب ومرتاحه البال عشان تركزين
بس للاسف هوا كان ينكد عليا فيها
كان يقولي ان شالله تحتفلين بنجاحك وطلاقك في يوم واحد
يجيني في الغرفه ويرمي كم كلمه عليا وانا جالسه اذاكر
باستهتاااااار
بدا لعب الاعصااااب معايا
مايدري انه يزيدني حمااااس وتمسك بدراستي
يبغا يدمرني بي طريقه
طبعا انا كنت مقرره اخلص دراستي الماجستير واكلم اهلي يشوفون حل معاه
يايصلح حاله او كل واحد يروح في طريقه
المشكله انه هو كان مقرر هالشي واعطاني اشارات انه مايبني
باسلوبه وكلامه
كملت دراستي
وكنت ابغا انزل زياره لاهلي
نسيت اقلكم لمن انزل عند اهلي مايتصل علي ولايرد علي اتصالاتي ابداااااااااااااااااا
ولمن اجي في المطار اخذ تاكسي واروح البيت والقاه نااااااااايم
طبعا المطار بعيد عن مدينتي
بس الحمدللله ربي حفظني وييسرلي الخير
وسبحان الله كنت دايم ادعي ربي ان يرد كيده في نحره اذا يبي يسوي فيا شر او ضرر
كان شي واحد يتعبني اني مابغا احد يتكلم عليا ولايعرف شي عن حياتي معاه
صح كنت عايشه بجحيم معاه بس مابغا احد يعرف عن هالجحيم كنت كاتمه في صدري وبس
مافي احد افضفض له غير ربي مابغا احد ينظر لي نظره عطف واني مسكينه وهو لاعب عليا في الغربه عشان بعيده عن اهلي
وخاصه من الناس اللي حوالي عشان كذا كنت ارسم اني عايشه حياه جميله ورومنسيه معاه
كنت اضحك واستهبل وفرفوشه مع الناس والبنات
وكل ماسالوني عن زوجي وحياتي معاه
اقلها مسكين يذاكر ومشغول .... وهكذا
في الفتره الاخير صارات حياتنا دماااار
كرهته وكرهت اليوم اللي شفته فيه
كنت ابغا الايام تمر بسرعه عشان اخلص دراستي واهرب ارجع بلدي
كان يقولي طلاق ماتحلمين فيه
والله لااعلقك طول العمر
وكنت عارفه ماراح يطلقني بنفسه لازم اخلع في المحكمه
لان دايم كان يقول لي انا دافع فيكي فلووووس مهر رجعيها لي عشان اطلقك
مسكينه حاله
كنت ادعي ربي دايم في صلاتي
واتقربت من ربي كثيررررر في هذيك الفتره
خلصت دراستي وكان عندي اجازه قبل ماتطلع النتائج
قررت اغير جو واروح اشوف اهلي بعد غياب سنه وسبع شهور عنهم
طبعا خلاص صرت انا كل شي
رجل علي شكل امراه
حجزت وجهزت اغراضي
وكان في رمضان العام الماضي
وطبعا هو مايدري عني ابدااااا
اني وين رايحه ولايفكر يسال اساسا مااهمه انا ابدااا
وقررت اني اسافر
بس كان قلبي فيه غصه
مو مرتاحه حيل للسفره
حاسه انه بيسوي شي
في عنده حاجه
اجي اكلمه مايرد عليا
استهتار فيا بطريقه غير طبيعه
دمرني ودمر ثقتي بنفسي
لمن اتكلم يسكتني
لمن انام يصحي
لمن اجلس بالبيت يطلع
لمن اطلع يجلس
لمن اكون مبسوطه ينكد عليا
لمن يجي عيد واللبس واتكشخ
ينكد عليا ويقولي انتي مو صاحيه
طبعا نسيت اقلكم ان اول عيد كنت معاه
كنت بسوي رومنصيه انا ووجهي ههههههه
رحت شريت له هديه العيد عطر وغلفتها
وجبتها له وقلت اتفضل
قالي شو هذااا
قلت هديه العيد
قال من متي هالكلام بينا
قلت زوجي انت
قال شوفي يابنت الناس
جمله وحطيها حلقه في اذنك
هالحركاااات ماحبها ابدااا
هذي معناها انك تبين هديه بس في الاحلام
قلت له ومين قال
مابغا مقابل انا
قالي انا اعرف حركاتكم يالحريم
وقتها كسرني الله لايكسر احد ياارب
واخذ الهديه وقالي ياويلك تعدينها
ومن بعدها حلفت مااشتري شي له
غير انه مايعطني لا مصروف ولاكسوه العيد ولاشي
انا اشتري لنفسي كل شي
واشتري لبيتي واكشخ وعاااااااااايشه حياتي
بيت كان حلو ومرتب وكنت اعشقه
نرجع لسالفه السفر لاهلي
كنت اجهز للسفر
وقتها طلعت السوق مع صديقتي
ابغا اشتري اغراض لي وهدايا
وشفت شي عمري ماتخيلت اشوفه
سبحان الله ربي كان يبغا يفضحوا لي قبل مااسافر
طبعا زوجي ماقدرت امسك عليه اي شي زمان
كان زي المخابرات خخخخخخخ
لادليل انه يكلم بنات
او له علاقه باحد او شي من هالقبيل
تصرفاته تدل انه عنده شي
بس مافي دليل يخلني اتهمه او اقول انه خائن
وهذا الشي اللي كان تاعبني كثيررررررر
واخاف اني اظلمه
وكنت دايم ادعي في صلاتي
ان ربي يكشفوا لي علي حقيقته
عشان لاانطعن في ظهري

كانت مفاااااااااجاه لي انهرت وقتها
اااااااااااه حسبنا الله ونعم الوكيل

المره الجايه اقلكم اش شفت قبل رحلتي بيوم ............

يتبع ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل