حكايات مبتورة ..لقاءان مع امرأتين ..ما الفارق؟

[راجيه الرضا]

من يومين
قابلت اتنين بين الاولي والتانية اقل من ساعة
كل واحدة حكت لي حكايتها
وسبحان الله

الاولي
حكت وملامحها كلها حزن واسي و الم انها تأخرت في الحمل وخلال ست سنوات انجبت بنتين فقط
وكل ما بتنظر للي تزوج معها فنفس الوقت وانجب ٣-٤-٥ اطفال بتحزن اوي علي حالها

والثانية
مطلقة
معها بنت واحدة
ابتليت بالسرطان
تعالجت
ثم رجع تاني
وخلصت الاشعاعي
وفاضل علي الكيماوي جرعتين ويخلص

والابتسامة مافارقت شفتيها
ولا وقفت حمد لله
وازاي ان الله بيحبها
وان الابتلاء ده بصرها بامور كانت عامية عنها
وعلمها القرب من ربها
و
و
و
فسبحان الله
رزق دي بجنة فصدرها رغم الحرمان من نعم كتير
والاولي ضاقت عليها نفسها
لا عارفة تستمتع بالموجود
ولا راضية تصبر علي المفقود

نسال الله الرضا وان يرضي عنا
#دشيمامشرف
#حكايات_مبتورة