حــــــــــــــــــرام تجريح البنات...لاتفوتكم تراها روووعه؟؟؟

[بطبعي حيرتهم]

:msn-wink:
سلاااااااااااااااااااام ياملكات ......كيفكم ..ان شاء الله تمام

اليووووووووووم جبت لكم قصيده او تقدرون تقولون خاطره عنا احنا البنااات :icon26:

بس هاه ابي تفاعل اكثر .....وابشروا بالخييييير ترى ماجبت هذي الا عشانكم شجعتوني بالخاطره الاولى ...:showoff:









اتركم معاها
حبيبي ...

ممكن سؤال ...؟!

وش رايك بــ " وأد " البنات ...؟!

حبيبي ...

تدري الـ " وأد " أشكال ...

تدري الألم انواع ...

تدري القهر " وأد " وألم

تدري البنات من جرح واحد ينتهون

تدري حبيبي ...؟!

تدري البنات من كلمة وحدة يسهرون ...؟!

ويتخيلون ... ويحلمون

ومن طعنة كلش ينتهي

حتى الامل فيهم يموت !!...

فديتهم ...

تدري البنات مثل الورود ...

من جرح واحد يذبلون ...

ماهم مثل طبع الرجال ...

يتحملون ... ويكتمون ...

ينسون لحظات الالم

لا يا بعد كل الرجال ...

هذا مهو طبع البنات !!...

حياتهم فيها دلع

فيها ولع

حياتهم فيها غنج

فيها دلال ...

فيها سواليف ... وضحك

تاصل إلى حد الهباااال !...


فديتهم

يغفر لهم سحرٍ سكن بعيونهم ...

يغفر لهم ماحطه الله من جمال

تدري إذا تحب " توأد " بنت ...

إجرحها لو في حرف!! ...

من كلمة تموت ...

بس والله حرام

حرام توأد اغلى شيء

حرام تقتل احلى شيء

حرام تجريح البنات

حتى سوالفها تموت بقلبها ما تحكي لاحد

تخاف من بكرة يقولون البنات

تكتم هواها بقلبها

حتى إسم حبيبها يموت ما قالت فلان

يا ربي وش حلو البنات


والحين ...

تقدر تجرح لك بنيّة ...؟!

حط في بالك ...

مهوب من طبع الرجال ... جرح البنات





يالله قريتوها .................وش رايكم فيها

لاتبخلووون بردودكم

 

[معاناة الفراق]

صح لسانك :icon30::icon30::icon30:

 

[قلم اخضر]

خفيفه وحلوه
بانتظار جديدك

 

[ياسمينه]

ياصحابه هالخاطره
فديت انا ، القلب الرقيق
اللي وصف في خاطري
نفس الكلام ..
لكن
تدرين وشو ودي اقول
ودي اسجل إعتراض ​

يعجبني فيك رقتك ،وحنيتك
وحماسك لحب البنات ​

لكن ترى ،مو كلهم مثل بعض
فيهم حساسيه ورقه
صادقه
فيهم حماسه وانطلاق
صادقه
في عيونهم نام الحلم
تبحر بهم كل الأماني
صادقه
لكنهم ..
لكنهم ..
موكلهم على اطلال جرح يحزنون
موكلهم لاخسروا حب ..يلطمون
يمكن بعض ..منهم كذا ..
تبكي جرح نرفه بدا
لكن بكاهامايطول ، ترجع تلمم جرحها ..
وتستعيد انفاسها،
وتمشي على بساط الأمل
وتبقي الجروح ذكريات ،
تعرفين ..وشهي ذكريات
يعني ماضي وانتهى
ماترجعه ..دمعه وجزن
ماترجعه كلمه ياليت
خلااااااااااااااص ماضي وانتهي ​

فديت انا بعض البنات
على على جروحهم متعاليات ،
ما تعطي فرصه للشامتات
ما ترضى اسر ذكريات
ما تبقى حزينه ونادمه
على كل مافات
خلاص تقبل عالحياه
وتركب سفينه النجاه
تسير على موج العاطفه
مجدافها هو الأمل
وشراعها هو الحذر​

ياصاحبه هالخاطره ..ممكن اسجل إعتراض ..
واحتجاج ..
وازعل بعد ..
واخاصمك
واعاتبك ..
وصف البنات بها الشكل مجحف أليم
مو كنهم عايشات بالجحيم ..
واقول انا بعالي ..الصوت وينهم
وينهم ..
-وتسألين .. منهم ..؟؟!!
واجاوب هالبنات ..
اللي بجرح واحد ينتهون .؟؟!
بشوف ..وينهم ياترى ..
في كوكب الحزن الأليم
عايشات
ام في فيافي الذل
تايهات
.......
آه انا من هالبنات ..
كل البلى من العاطفهـ .. لاصارت ريح ِ عاصفه
تلعب بنا هنا وهنــا ..
مافي شراع ، او "كنترول"​

وخبري ذاك الحبيب ..
لايالحبيب ..جتني علومــن ثانيه
لا ..هي اخبار(ن) عاجله
ان الوأد ذاك انتهى ..
وان العصر ذاك انتهى
عصر(ن) من الضعف المهين ..
تبكي به البنت البريئه وتستكيــن ​

لايالحبيب، خذ مني العالم الأكيد
ان البنات اتغيروا
ان البنات "اتنوروا " بالعلم والوعي الرشيد
وان البنات إعرفوا
ان الحياه بس للقوي ..
والضعف ماله اي مكان ،
وان الكرامه راس مال
وان الأمل لا مايموت عشان (فلان ) من الرجال
ولوحبت تحب بعقل ..مو ذاك حب مراهقات
===========
ان الحياه فيها (التعب) وان الحياه كلها جهاد
لكن يبقى هالأمل ..
يعطي طعم للحياه..
باقي ..مابقت الحياه
هذا الأمل ..لامايموت
ماينتهي
يبقى مثل النور يضوي في قلوب المؤمنات
يبقي عبيره ينشر شذاه في كل مكان
هذا الأمل ..شي اساسي
للصغير والكبير
ولغني وللفقير
هو عندنا مثل الهواء ماله غنى
هو عندنا مثل الدوا..لكل الجروح ..مهما كبرت
اوتطاول عمرها
فديت انا كل البنات
اللي برغم كل الجروح
بالأمل متمسكات
.............
بصراحه عجبتني الخاطره واستطاعت صاحبتها ان تبدع فيها
عموما انا مااكتب هالنوع وبهالطريقه
لكني حاولت اجاريك يااختي الكريمه (بطبعي حيرتهم )
قدر المستطاع ارجوا ان تغفروا لي زلاتي في الكتابه الأدبيه
لاني لا أمارسها ..ولم اعتد عليها ..​

لقدحاولت ان اصور زاويه اخرى عن البنات القويات المتعاليات على الجروح
وانالبكاء على الأطلال لاينفع ..
والأختلاف في الرأي لايفسد للود قضيهـ ​

 

[بطبعي حيرتهم]

طيبتي دمرتني>>>>>تسلمين ع المرور

قلم اخضر >>انتي الاحلى ويسلمو ع المرور

 

[بطبعي حيرتهم]

اختي ياسمينه اوافقك الراي انه راح زمن واد البنات

بس للمعلوميه ترى مو انا اللي كاتبتها بس اعجبتني ونقلتها لكم

ولكن البنت مهما كانت قووووويه تبقى طبيعه فيها العاطفه والضعف

ويسلمووووا عالمرور الرائع ياسمينه

 

[بطبعي حيرتهم]

ترى الردود ببلاش يعني مجانا

اعوذ بالله باخلين برد

 

[بطبعي حيرتهم]

والله تحطمووووووووووووووووووووووون

 

[خبايا]

بطبعي حيرتهم الخاطره روووووووووووووووعه

وتسلمين والله على نقلك الرائع

استمتعت وابحرت بكلماتها تصور البنات بكل رقتهم

مشكوووووووره حبيبتي ،، ولا تحرمينا من ابداعاتك



ياسمينه عجبتني كلماتك ومعك حق حلوه القوه لكن برقه

كلماتك معبره وأسلوبك جدااا رائع،،

 

[خبايا]

لااااااااااا

لا تتحطمين عدد الردود ليست مهمه يكفي ان كلماتك رائعه

 

[بطبعي حيرتهم]

تسلمييييييييييييييين ياخبايا والله ردك الاروع

اسعدني مرورك


دمتي بود

 

[شمالية شرقية]

ياسمينه:icon26:
يا حكيمة
يا رزينة
الفتاة اللي ذكرتيها
عجبتني ... .... ...
اوقفتني ادهشتني
واضحكتني
يوم قالت العتراض

..................
والاعتراض ما أجملة:showoff:
فعلا رأي الصائبات
يارائعه.....

ليتني اشوفك واحظنك
احب البنات العاقلات
الناجحات ......

ياسمينة
يا فتاه بهالمدينه
مادرو ان الحياه
فيها قوارب ونجاه
سكروا كل الدروب
واوهموهن بالضعف
و الذعر .....
و الخوف .....
وحب الهروب
وعدم الثبات

مادروا ان البنات
بكره هم السيدات
الرائعات

ياسمينة
....
انتي يا احلا البنات
اصمدي وعلميهم
كيف الصمود
اوقفي ...
كل التفاهات ...
انكري هذا الجحود
الحياة معهن كريمة
ليه ردات الفعل ماهي كريمة

وواقفي
كل الجهل
امسحي من عقولهن
الهروب
علميهن لثبات وقت الحروب

ارسمي يابلسم القلب
الضحك على شفات كل البنات
وامرحي
وامزحي
ترا الدنيا القوي فيها
السعيد
والهني فيها السعيد
مال للحزن فينا دروب
نوقفه...
ونقذفه بعيد بعيد
ولعلنا نجتمع
مع البنات ونقتله
ونضعفة ونخنقه
ولاخلصنا
نحذفة في بير غويط
ونكدس الرمل بوجه
ويندفن ولايعود
المندف لا مايعود

بس يابنات ياعاقلات
بسكم حرام تدفنون
الفرح
وتحيون الحزن
بسكم خلاااااااص
ياغالية ....
قلبي نزف احلى الكلام
ومن زمان ...
من زمان ......
ومن زمان ..
يدي وقفت
عن هالكلام
نسيت اني شاعرة
في هالمجال ....
كان الشعر في خاطرة
انا شاعرة الزمان
وسيدة هذا المكان ...

وبكل فخر اعترف ياسمينة
يا فتاه بها المدينة
جريتي من صدري الكلام
ياسلام
ياسلام ......


ياسمينة....
يازهرة بهاذي المدينة
ماهو حرام ..
والله حرام ....
يضيع عمر البنات
وهن ينزفن يحبسن يقتلن ويؤدن
وهن عاجبهن هالأمر وراضخات ؟؟؟
هذا غباء
انتي معي ؟؟؟؟!!
ماهو حرام ؟؟؟

كم وحدة صكت الباب وبكت
وهذي عثرت
وهذي ماحظرت الدوام
الى متى ..
هذا الكلام ....
اللي اعرفه انكم رائعات
وناعمات
وحريمنا اللي مضوا
عاشو يشيلون الحمال
وسافروا عبر الجمال
ومانزفوا
تجون انتم يا مدلعات
وتنزفون ؟؟؟
افعال منه تستغربون وتضحكون ؟!!

القوه دائم للبنات
اللي يعرفون الثبات
ويتبعون آيات الله المحكمات
يتمسكن بحقوقهن
ويعيشن بضحك ولهو وينفضن غبار الحزن
وختامها....
احلى سلام لحلى البنات
ياسمينه يا احلى عطر
واحلى زهر
بهالمدينه

 

[شمالية شرقية]

محبوبتي
(بطبعي حيرتهم )
لتو كتبتي الموضوع
انتي تستعجلين عليك بالصبر


فموضوعك مميز وحظى باقبالي وبشدة

واليوم فقط كتبته
فالرودة ممتاز ليوم واحد
حاولي تعلم الصبر محبوبتي الغالية احببت ان اشكرك اتحتي لي مقاسمة ياسمينة خاطرتها
لكي كل المحبة على نقل الموضوع
اختيار موفق
وفقك الله

 

[بطبعي حيرتهم]

اشكرك شماليه شرقيه على هذا المرور الرائع اللذي اثراء الموضوع

وفقك الله ياعسسسسسسسسل


دمتي بود

 

[بطبعي حيرتهم]

*-*

لاتعليــــــــــــــــق

 

[سوسو الأمورة]

ياسلام على المناضره الرائعه من المبدعتان
(بطبعي حيرتهم ومن ياسمينه ) سلمت يمناكم

 

[بطبعي حيرتهم]

مشكووووووووووووووووووووووره سوسو ع المرور اموووووووره على اسمك


دمتي بود

 

[بنوته 18]

يــــــــــــاي خطيـــــــــــره جبتيها برسلها لخطيبي القاسي على وعسى يلين شوي​

 

[بدار]

السلام عليكم

بطبعي حيرتهم.. خاطرة حلوة مشكورة !

ياسمينة .. ردك رائع جدا وفي الصميم بارك الله فيك ، كملت الحلقة الناقصة :icon30:


كل الود

بدار

 

[بطبعي حيرتهم]

تسلمين بنوته ع المرور
والله يلين قلبه يارب ويؤلف بين قلوبكم ويوفقك

دمتي بود