حطمني كلامه ...

  • بادئ الموضوع بادئ الموضوع أريـج
  • تاريخ البدء تاريخ البدء
أريـج

أريـج

New member
إنضم
2009/12/28
المشاركات
39
السلام عليكم ..

بأختصر لكم .. انا جايه افضفض اكثر من اني ادور حل

مع ان المفروض ادور حل .. لكن مدري

جد انا نفسيتي كثير تعبانه .. واحس ان عندي اكتئاب او بداية اكتئاب

عموما مو هذي القصه ...

اليوم زوجي قال لي كلمة حطمتني كثير كثير وجرحتني

لكني مابينت له شي

احنا كنا نسولف عادي , وبعدين صار ينرفزني بالكلام , وانا ساكته واسوي اني ماسمعت ..

بعدين قال هاه ليش ساكته .. مسويه يعني عاقله وماارد

انا انقهرت وانبطت جبدي فصرت اقلد كلامه واعيده بس بأسلوب ساخر شوي

تعرفون مثل الاطفال لما ينرفزون بعض


بعدين هو انقهر وقال لاتسوين كذا ترا هالشي يخليك بشعه

سكتت

قال ايه والله صادق لاتسوينها يصير شكلك بشع مره

قلت انت دايما تسويها ع الطالع والنازل ( وانا اصلا ماسويتها الا ابيه يحس لأن الطبع هذا يقهرني فيه )

بعدين قال ولووو

احنا الرجال عادي نسوي حركات كذا لكن انتو البنات المفروض تكونون ناعمين ورقيقين مو تسوين هالحركات البايخه

اصلا انتي حركاتك صارت عبيطه وانتي كلك ماعد صرتي حلوه

تبين الصدق والله صدق صدق منتي حلوه مثل قبل وبريقك اختفى تماما

قلت

ماعلي منك انا واثقه من نفسي ولازلت محتفظه ببريقي بس انت الي عندك ضعف نظر

قال لالالا الا بهالاشياء نظري 6/6



بعدين قلت برضو مايهمني رايك انا واثقه من نفسي


وسكت

وسكت هو بعد



بس انا احترق قلبي حييييييييل وصرت ادعي يارب لاتجعلني انكسر وابكي قدامه يارب قويني


والحمدلله تمالكت نفسي لكن دموعي على طرف عيوني


وانشغلت بأشياء بغرفتي وتجاهلته وعملت نفسي عادي جدا



بموت من القهر , يمكن يكون هو صادق لكن الحقيقه تحطم


مقهوره بس هذا الي اعرفه الحين اني مقهوره


لاتقولون لاتجعلين زوجك اكبر همك

​

والله مو اكبر همي لكن بعض الكلام


مثل السيف يجرح جرح عميق وكبير



اصلا انا وهو مثل الاغراب


وحياتنا بارده





دعواتكم
​
 
شوفي اختي في رياييل نفس ريلج ما ينعطون ويه .. الحين اللي صار صار .. وانجرحتي مالج الا تنسين الموضوع وماعليج من كلامه حتى لو صحيح .. بس المره اليايه خلج مستعدة وسوي مثل ما سويتي ولو عاد هالكلام لا تسكتين وكملي تقليدج له وقولي له انا بشعه بنظرك مثل مانت بشع بنظري ولو جرحك لانه ماراح يسكت يبيج تسكتين كملي وقلديه لان سكوتج اكبر دليل انه نجح وهاي يزيده نشوه ..
 
الله يعينا على الشمالي الشرقي اتوقع ما قالك هاالكلام الكبير الا لما انغاظ من اسلوبك في الرد عليه لكن خليك واثقة من نفسك واذا كرر الكلام مرة ثانية بعدين ردي عليه بثقة ولا تهتمي لكلامه لا تخليه يقهرك ويحطمك حتى لو كان كلامه صحيح على قولتك ( الشمالي ما ينفع معه الضعيفة والبكايه والشكايه ) وبينك وبين نفسك حاولي تكوني احسن وافضل
 
انا انقهرت وانا اقرا الله يهديه على اسلوبه
الحين انا منك اوريه العكس وابدا ادلع زيادة في كلامي وحركاتي علشان اوريه
واذا لكي زمان ما قصيتي شعرك وصبغتيه غيري من شكلك واستايلك يمكن زوجك من النوع اللي يمل بسرعة ويحب التغيير
وشوفي ايش الحركات اللي بتسويها في حياتك اليومية وما تعجبه حاولي تكوني نعومة اكثر
بس ممكن اسال لكم قد ليه متزوجين؟؟
 
قطريه انا اعرف زوجي لما انبهه على تصرف او طبع يضايقني يقول عادي او احيانا يبطل بس اذا جا يقهرني رجع يكرر التصرفات اللي نبهته عليها فهمتي ؟؟؟

يعني الحين هو يكره الحركه الي انا سويتها فيه تدرين ليش؟ لأنها طبعه دايما يتكلم بالطريقه هذي ويقلد كلامي ويتمسخر وبالاخير يقول امزح

واذا بغى يعصبني اكثر زودها اكثر واكثر

مدري احس مارح اسوي شي اذا كررت نفس الحركه لأنه هو بااااااااارد وممكن يقهرني بتصرفات كثيره اعد واغلط فيها
​
 
اختي الامل

الشمالي ماينفع معه البكايه ولا الشكايه ولا حتى القويه لأنه يحسها تتحداه

انا زوجي كذا لما يحس اني واثقه وقويه احسه ينقهر وده اني اكون ضعيفه

انا غلبت فيه اصلا

اصلا احيانا تجيه حالات يكون مسالم جدا وهاديء وفجأه ينقلب حاله 180 درجه ويبدا يدور هواش

اقسم بالله اني عجزت حتى افهم وش نمطه هل هو صدق شمالي شرقي ولا جنوبي شرقي ولا ايش ؟؟؟؟؟
​
 
احسن رد ترديه على اي حد وتحطميه هو الصمت واتركيه يضرب راسه بالحيط
 
اختي اولادي كل حياتي

اولا انا للأسف حامل .. استغفر الله الحمد لله على كل حال

يعني تخيلي قد ايش نفسيتي تعبانه وهو زودها علي .. الله يهديه بس


واذا على القص وتغيير الستايل انتي تعرفين كيف الشمالي الشرقي حريص وكل قرش لازم يروح بمحله وماعنده خرابيط واسواق وكماليات .. الا اذا ضغطت عليه وأبديت ثقه بنفسي احسه يسكت احيانا


عموما انا حاسه بضغط كبير ونفسيتي قربت تنتهي فأكيد تصرفاتي واسلوبي مش ولابد ومع الحمل صايره اتنرفز بشكل كبير لكن احاول اضبط نفسي



انا لي سنتين ونص متزوجه
​
 
شكلو في حاجة قهرتك منو
انا زوجي شمالي شرقي اذا انقهر مني مايقلي بس يجلس يقلدني وينتقدني بس يبغي يقهرني باى طريقة وانا اطنشششششششش وبس اضحك هوا ينقهر زيادة
خليكي واثقة في نفسك انتى حلوة ولاتغيرتي بس في شي قاهرو منك
 
يا الله سنتين ونص متزوجه؟

اسفه دخلت عرض

مساء الخير للجميع

اختي اريج مستحيل يكون خبى بريقك في سنتين

اجل وش نقول حنا اللي 10 سنين وفوق

انا اعجبتني مقوله حكيمه لأمرأة لم تختلف مع زوجها ابدا

من ضمن كلامها قالت

انا لا اصدق كلامه في الغضب لأن الغاضب لا يؤاخذ(يعتبر بدون عقل)

ولكن إذا مدحني في الرضى فهذا كلامه وهو في عقله

فأنتي يالغلا لا تضيقين صدرك

وحاولي إذا جلستوا في ساعة صفا تذكريه بأيام العسل وكيف كان ملهوف عليك

عله يحن ويذكر الحب

وخططي معه لشهر عسل جديد بعد الولادة

الله يعيننا ويصبرنا على مزاجية هالرجال
 
يعنى اية شمالى شرقى الطباع بانواعها موجودة فى الرجال والنساء بمختلف بيئاتهم بس ما عليك منة طنشية لأنك لو رديتى علية حيعرف ان هذى نقطة ضعفك ومع الأيام حيمل وينسى الرجال زى الاطفال يبغالهم الصبر وطولة البال اللة يأجركم
 
اختي انثى مجروحه

ايه سنتين ونص لاتستغربين

يمكن من كثر المشاكل الي مرينا فيها انا وزوجي مع بعض

خبى بريقي في عينه !!!



والمشكله ان المشاكل كلها بسبب رفضي للغلط

غلطه هو

كان يسوي منكرات كثير وماكنت اسكت على الغلط والحرام

وكنت دايما واقفه له على الغلط والحرام


عشان كذا احسه كرهني


ومره وهو غضبان قال اصلا انا اكره الحرمه الي تسوي نفسها ذكيه

احب الحرمه الهبلا الي ماتفهم شي !!!

تخيلي ؟


عموما

مثل ماقلت لك .. انا عن نفسي احس ان كثرة المشاكل الي صارت والاخذ والعطا فيها

موت اشياء كثيره فينا


وخلت حياتنا بارده


هو ماهو راضي يقر ويعترف ان دفاعي عنه وعن بيتي من الحرام والمنكرات شي في صالحه

دايما يهمه الاسلوب يترك الشي المهم والاساس ويحط حرته على الاسلوب

قال ايش كلميني بهدوء ولاتثقلين علي !!!


اذا نصحناه يقول صادقه بعدين يقول خلاص خلاص لاتثقلين علينا اف انتي ايش مطوعه ؟؟؟



فوضت امري لرب العباد


اسأل الله ان يهديه .
​
 
مدام الامر كذا صدقيني ما يصح الا الصحيح وانتي اللي بتنتصرين فالنهايه

بس حاولي تأخذينه باللين وبالسياسه بدون عصبيه او صيغة امر عند نصحه اونهيه عن منكر

وحاولي ايجاد البديل له والدعاء له
 
والله جربت كل الطرق معاه اللين العصبيه الطيب التطنيش الصمت لكن هو عنييييد عنيييد بشكل مو طبيعي

يمشيني بكلامه ويعطيني وعود كذابه وهو في الاصل نيته مو كذا

لأنه يرجع لنفس الطريق بعد فتره

وانا تعبت ,


كنت قبل اصبر نفسي اقول يستاهل واحسه فيه بذرة خير

لكن الحين احس اني مليت


ودي احد يساعدني وياخذ بيدي بعد الله سبحانه


وخاصه اني بمنطقه بعيده لا اهل ولا اصحاب


فأحس ان حياتي مكبوته ومرت علي فتره صرت حاطه دوبي دوبه لأن ماعندي شغله !!


من جد الفاضي يعمل قاضي


وانا مو بس عملت قاضي انا عملت محكمة عدل بكبرها




الله يعين

ويجزاك خير انتي وكل من مر هنا ويرزقكم كل خير
​
 
أحس زوجي ينطبق عليه جملة ( عدوّ نفسه ) !

يعرف الغلط وينتقده ومع ذلك يسويه ؟
​
 
بنات لاتخلوني محتاجه تخفيفكم ودعاكم ليييييييييييي
​
 
الله يهديه ويحنن قلبه عليكـ
وجعله يشوفكـ أجمل النساء بعيونه يااااااارب
عليكي بقيام الليل والدعاء والإستغفار والاهم الصدقه ثم الصدقه ثم الصدقه
لاتكدري خاطرك حبيبتي ترى الدنيا ماتستاهل دمعه من عيونكـ
خليكي كذا على طوووول واثقه من نفسكـ
لكي مني كل الحب والتقديــــــر
محبتك في الله/الوردهـ الخجوله
 
حبيبتي فيه اشياء ينسكت عنها ومشي امورك معاه واعملي نفسك ماتشوفيها طبعا اذا لم تكن حرام ولم تؤثر بحياتك يعني مشي امورك معاه ولاتوقفي له على الوحده يعني كل شيء تنقديه كوني مستوعبه له وعندما تنقديه وضحي بالاول له كم تحبينه وكم انت خائفة عليه حتى يتقبل كلامك وعندما لايستجيب لك اتركيه ولاتنتظري تطبيق ماتأمريه به واشغلي نفسك عنه اما عندما تتمسخري عليه وتعيدين نفس الكلام فاسمحي لي فعلا يكون شكلك خطأ فاذا عمل حركة اغضبتك لاتكرريها انت لانها فعلا تذهب بريقك ما عليك اذااغضبك الا ان تتركي الغرفة او تبيني له غضبك بأسلوب رقيق وتعلميه انت الاسلوب الراقي ولاتتعلمي منه الخطأ
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل