حضن امي =( اتمنى مساعدتكم ضروري

[عاشقة انتظارك]

بسم الله الرحمن الرحيم



اللهم صلِ على محمد وعلى آله



السلام عليكم ورحمة الله وبركااته



بنااات انا تعبااااااااانه حيييييييييل ابي احضن امي واستحي ماتتخيلون شكثر استحي



ماتعوودت من وانا صغيرة سكنت برآ البلد مع ابووي بدون امي



فامتعودت احضن امي وواناا عمري الحين 16 سنه

حالتي صعبه يمكن البعض يقول عادي مافيها شي


بس اناا حاولت اكثر من مرآ ماقدر اروح وارجع اتوتر وقلبي يدق بقوآ =(



احس امي حنونه بس متررده واهي تقربياآ عمرها في الاربعين مادري تحسون عادي لو




رحت وحنضتهاا ابي اتجرآآآآآآآ



ماقدر =(



كثرت كلام بس شسوووي


ابي تشجيع منكم

 

[عاشقة انتظارك]

بنااااااااااااااااااااات اتمنى تسااعدوني اعتبروني اختكم
ابي حل =(

 

[بنت اوبوي]

ياحياتي والله عااادي هاذي امك مايحتاج تسالين متى ماتبغين احضنيها وضميها
الله يسعدك

 

[h0ha]

طيب عزيزتي هل حاولتي تجلسين انت واياها لوحدكم جلسة ام وبنتها ترا هذي الجلسه مهمه جدااااااا وهي الي بتشيل الحواجز الي بينكم حاولي تتقربين منها ترى مافيه احسن من الام كاصديقه وحضنها يسوى الدنيا كلها وما يتعوض
طيب ابدي الموضوع بجلسه تكونين قريبه منها جدا وبع كذا حاولي الانسداح على رجلها بعد كذا بتلاقينك في وسط حضنها
اهم شي تشيلي حواجز السنين الي بعدتكم عن بعض

 

[غلآ عــmــري]

عادي حبيبتي
لو قمتي من النوم روحي بوسي راسها
واجلس بححضضضنها
هذي اممك مو ام الجيراان

والله يوفقك حيااااااااااااتي

 

[ليتك تفهميني]

انا نفسك با الضبط ما اتجرى احضن امي .......
و خلاص تعودت و احس ما له داعي الحضن اهم شي الاحترام .........

 

[عاشقة انتظارك]

مشكورين خووواتي على الرد اتمنى اسوي الي قلتوووه

واتمنى بعد ان وحدآ كانت تستحي والحين صارت عادي تحضن امهاا ابي تجربتهاا
عشان اتشجع اكثر

 

[بنت الخبر !!!]

حرام عليك ترئ سهلة !!!

حرام عليك ترئ سهلة !!!​

أنا كنت مثلك مع العلم أن أمي ربي يحفظها ويطول عمرها كانت دايم تأمرنا بالسلام على أبوي ونحب راسه بس كنت دايم أرتبك بعدها ،كان علينا أيام العيد ومن يومها قررت عند خروجي من البيت والعودة صارت لي عادة رسمية ،أمانة كل يوم أذا طلعت من البيت ورجعت على طول اسلم على أمي وبوي وأحب روسهم ومرات اخذ رجل امي ألله يحفظها وأنسدح عليها :14::13:بس كل أخواني وخواتي ما عندهم الجراءه يسون مثلي ، وفرصتك على كذا العيد على الابواب وكل عام وأنتِ بألف خير من يوم تسلمي على الوالدين أستمري سلمي عليهم كل يوم وحبي روسهم بعدها وحدة وحدة أحضني امك :3:ويالحضن الدافئ ( قبل لاتفقدينها ربي يطول في عمرها )
:23:وربي يساعدك !! ​

 

[عاشقة انتظارك]

مشكووورة خيتوووووووو
اناا فكرت بعد في المناسباات اذ جا العيد بحاول اروح لها واضمها

 

[عاشقة انتظارك]

تدرون رحت لهاا قالت وخري عني انتي مجنووونه ولا شنووه
شفتو التحطيم =(

 

[الخنساء المعاصر]

لاحبيبتي ماتقصد بس ماتعودت هاالحركه منك
يوم العيد قبليها وضميها وبيني انك تحسي بالسعاده انك عندك ام
وغيرك محروم من حضن الام
كرري هاالللام عند امك الى ان تتعود عليك
صدقيني انا اقول لبنتي اذا ضمتني ابعدي خير ان شاء الله
بس لوتقول مشتاقه لك اشعر بسعاده
في البدايه كنت اهاوشها بس تعودت عليها وبديت اضمها اذا جيت من جارج المنزل

لالالاتترددي مهما قالت لانها تحبك ولا تقصد ماتقول

 

[أنثى تعشق المطر]

***


عااادي ياابنتت روحي وأحضنيهآ وبوووسي رآسهآ

هاااذي أمك ماراح تلاقين الحنان ولا الأمان إلا بأحضانهآ

ليه تستكثرين هالحضن على نفسسك ..!!

صـدقيني

ما يحسس بطعمـ الشي الا اللي فقدهـ بكرررة لا سسمح الله وبعد عمر طوويل لا صار لها شي

مو تتمنين وتتحسفين على حضانها وبس ..!!

إلا حسها بالدنيا وريحتهآ

روحي يختي المووضوع مايستاهل هالتردد أبد ..!!

ممكن بالبداية قلة ولف منك بس خلي الأمر طبيعي

وروحي حبي راسها واطلبي منها انك تحضنينها ودامـ هي حنونة يعني الامر بسسيط ..!

نفسسي أعرف متردة من شنوو ..؟؟



​

 

[الفردوس مطلبي]

حبيبتي شكل امك شمالية شرقية وشكلك جنوبية غربية
كيف عرفت !!!
الشمالية الشرقية ما تحب الالتصاق تتكهرب وتتضايق من الاقتراب ومن القبلات لكنها تححححب المساج تموت فيه بالذات مساج القدمين ...
والجنوبية الغربية تحب الاحضان والتواصل الجسدي مثل مسكة اليد والقبلات والاقتراب ممن تحبها ...
واكيد ان امك حنووووووووووووونة جدا ومحبوبة ومتميزة وتحبكم كثييييير... لان هذي صفات الشخصية الشمالية الشرقية ...
حبيبتي تاملي في طفولة امك بتلاحظي انها ما كان هناك شيء اسمه احتضان لذلك تعتبر هذا شيء غريب عليها وعيب ... مع ان الام قد تكون احوج من ابنتها الى هذه الاحضان لما تعرضت له من ضغوط الدنيا ... ولكن الام هنا تكابر ...
ما الحل اذا ؟؟؟
الحل انك تتدرجين معها ... اولا عوديها يوميا على جلسة مساج لقدميها -ومهما تبرمت من طريقة مساجك قولي لها تامرين يا ست الحبايب كيف تبغيني امسجك - ... ثم بعد ذلك باسبوعين مثلا عوديها على قبلة على راسها كل صباح مثلا ... ثم بعد ذلك حاولي اذا شفتيها جالسه ومروقه قربي جنبها - مو في حضنها -وانسدحي كانك ما قصدتي الحركة واطلبي منها تقص لك قصص عن طفولتها -حددي لها الموضوع مثلا اول ايام دخولك المدرسة من هم صديقاتك -... ثم بعد ذلك قولي لها مثلا امي انا مصدعة شوي ممكن تضغطين على راسي بقوة او تقرين علي ....... وهكذا ابتكري طرق تقربك من امك لكن تدرجي وخلي حركاتك عفوية كانك ما تقصدين لان الشمالية الشرقية ذكييييييية جدا وتفهمها وهي طايرة ... وخلي عندك طول نفس واصرار ... لان هذا شيء امك ما تعودت عليه في طفولتها بل يمكن في جميع حياتها ... ولو صدتك اتركي خطتك هذي يوم او يومين وارجعي تدرجي مرة ثانية وهكذا ... واذا نجحتي في ذلك بيكون هذا من اعظم البر بامك لان ما فيه احد يستغني عن الاحضان لكن فيه ناس يكابرون لانهم ما تعودوا عليها ...​