حصلتي رقم بنت بجوال زوجج شنووو تسوين

[غيد مطير]

السلام عليكم يلا بنات شنوو تسوين اذا حصلتي مسج من بنت مطرشته لزوجج وزوجج مطرش لها ياعيني علي الرومنسيه :icon28: شنووو ردة فعلج هل تدقين عليها وتلعنين ابوو جابها ولاتحقرينها

 

[ام صفاء]

السلام عليكم يلا بنات

وعليكم السلام اختي الكريمه .. غيد

شنوو تسوين اذا حصلتي مسج من بنت مطرشته لزوجج وزوجج مطرش لها

اولا ... ماهو نوع عمل زوجك ؟ هل يوجد من ضمن عمله نساء ولابد من التعامل معهن ؟

زوجك انتي اقرب وحده تعرف صفاته وشخصيته ...... فهل هو ممن يتجه لهذا المسار ؟

من اين عرفتي انها بنت ؟ وهل تعلمين ان كانت وحده قريبته وانتي ما تعرفين رقمها ؟

ما مضمون المسج ؟ هل يثير الريب ام مسج عادي ؟

اذا جابتي على هذه الاسئله باذن الله ستجدين الاجابه مني


ياعيني علي الرومنسيه :icon28: شنووو ردة فعلج هل تدقين عليها وتلعنين ابوو جابها ولاتحقرينها

ان كان السؤال موجه لي انا شخصيا كعضوه..... فانا لديه عقل استطيع التصرف به في مثل هذه الامور وان كانت السالفه صدق لابد لي من التصرف الحكيم .. وليس من طبيعتي اللعن واحتقار الاخرين .. ابحث عن الاسباب ان وجدت واضع لها الحلول حبيبتي ...
فلا اظلم من هم حولي ولا اظلم الاخرين ... واغفر ان استطعت ذلك ... وانصح وارشد

................

 

[إرتـــدآد]

حسبي الله ونعم الوكيل
بصــرحه راح اخذ رقمها وكلمها وتحسب عليها
وارسلها رسائل لوو ماترد..!!
وحتي يمكن اوصل لهــا وللي خلفها ..؟

لاكن انتبهي تتصرفين اي تصرف إلا لازم تحسبين له الف حساب
لان اخاف ينقلب الموضوع ضدك..؟؟ويطلعونك انت انتي اللي غلطانه
وهذا اللي دايم اشوفه لما الواحد يدافع عن حقــه /بس اهم شئ ماتضلين ساكته..!!!

اكثري من قول
اللهم اكفنيها بمــاشئت
ربي يشرح صدرك
ويحفظ زوجك عن الحــرام ويرده رد جميــلا
واكثري من الاستغفار

اختك ارتداد
سبحان الله وبحمده سبحان الله العظيم عدد كل شئ

 

[ذكريات مره]

انا عن نفسي اتصل عليها واتكلم معها صارت لي نفس المشكله واتصلت على البنت وتكلمت معها كلالام مطوول وقلت لها ترضين لنفسك يصير لك نفس الشي طبعا بكل وقاحه بتقول لك لااا واجههيها بكلام الدين والشرع وانها بذا اللي تسويه تخرب بيت وتخرب بين زوجين وش غيرت عن ابليس اللعين ما غيرت شي
وبعد ما اتااكد من كل الكلام اواجهه زوجي
س اختي تبين نصيحه لوجه الله لاتتعبين نفسك لانه بالنهايه بتطلعين اني الغلطانه 100%
راح تنقلب عليكي السالفه صدقيني وانت اللي راح تتعبين نفسيا
بس انا من ربي خلقني ما اقدر اسكت اصاارح دايم باللي بخاطري واقول اذا انتي من ذا النوع واجههيها وبعدهاواجهي زوجك
الله يستر علينا وعلى اهلنا ياارب
والله يحفظ ازواجنا من بنات الحرااام ياارب

 

[تووب سكرت]

انتي تسئلين وش تسوين لو كنتي مكاني
الله لا يجيب هاذا اليوم ان شاااء الله بس لو حصل مثلا بسكت وباخذ الرقم وطلع كل باينتها وانتضر شوي واجمع ادله تدينها هي معليش بتحمل وبصبر عشان اوصل للي ابيه بانهايه الشاطر هو الي يضحك ...
وبس اجمع الادله الي تدينها وتشينها كلها برسل لاهلها عمايلها اخوانها ابوها رجال عائلتها يعني واستثني امها والحريم لانهم ممكن يتسترون عليها وبكذا اكون ادبتها واعطيتها درس بحياتها ما تتنساه واضمن انها ما ترجع تذااايني او تكلم زوجي او غيره لانها بتكون العيوون عليها من اهلها وبتفرج على ردة فعل زوجي وانا اعصاابي باااارده واحاول في ذيك الفتره اجذبه للبيت واصلح من شئنه الله يكوون في العووون والله الخياااانه صعبه على الي تحب بيتها وزوجها بذات مررررررره الله لا يذوقها لاحد لا انا ولا بنات المسلمين

 

[أحبه ولكن]

الله يبعده عن بنات الحرام و يسخره لك يارب

 

[قاصدجداهم]

والله ايش اقولك مرة اكتشفت وواجهته وتعرفوا الريال يكذبو ويصارخوا على بالهم احنا مغفلات ما نفهم حركات البنات الي يريدن يخطفن الرياييل ثاني مرة تكررت واجهته وطنشت لين هو الي يركض ورايه عشان ما اكره اكثر

 

[غيد مطير]

جزاكم الله الف خير بنات وماقصرتووو انا فعلا حصلته واجهته وبطوف هالمره والشكوى الله مو عشانه عشان عيالي والرقم ما ودي اسوى فيه شئ بعدين اندم عليه ابي اخطي الخطوه مدروسه

 

[غرام البحرين]

اول شي لا تتهورين الا اذا عرفتي انهم في علاقة جدية
والخطوة لو مكانج بسويها باخذ رقم تلفونها وباخذ لي تلفون ثاني مو بأسمي وبطلع اسمها وهي من وين ووين ساكنه هذا اذا ما عرفت وين بيتهم بالاساس وبعدين تبدأ الخطوة القااصيه يا انها تبتعد باحترام او اخليها تبتعد بالغصب يعني اهددها

 

[بناتي دنيتي]

دقي عليها وزبدي لها زين

 

[أخت الكل]

ارسلس لها رسائل من تلفون ما تعرفه
_ أنا اكتشفت زوجي مرات كثيرة يكلم بنات وحريم كنت أفتح جواله وأرسل دعوة لصاحبة الرقم وكان يثور في نفسه مو قادر يصارحني وخصوصا إني استهبل عليه بس بطلت لأني لقيت إني التطنيش + اللجوء إلى الله لادعاء الصادق أفضل

 

[#سهارى#]

اانا صارت لي لقيت ارقام مو رقم واحد بس اخذت اكثر رقم رومانسي ودقيت عليها من شريحه ثانيه ونتفتها وهزاتها بعدين قفلت السماعه تتصل هي على نفس الرقم بس ما ارد بعين سرت ارسل لها ررسايل وادعي عليها الين ابتعدت
بس بعظهم تنفع معهم هالطريقه والبعض لا فانتبهي وخليك حذره

 

[برآءة]

آخذ رقمها واعطيه اي احد من اقاربي في الاتصالات واخليه يجيب بياناتها وبعدين يصير كلآمي مع اهلها مو معها...يذبحونها ويريحونا...
ويادار مادخلك شر....

 

[مايصحش هالحتسي]

صارحيه وقوليله وش المسج!؟

 

[فجر 89]

السلام عليكم ورحمة الله وبركاته



سئلت الاستاذه ناعمه في احد دوراتها متى نواجه الرجل بالخيانه وكنت حاظره هالدوره وسمعت ردها



قالت تأكدي اولا من نوعية العلاقه اذا كانت في بدايتها ولسه ما تعلق بالبنت واجهيه وثوري عليه وقوليله كيف قدرت تخونني انت ما فكرت في مشاعري انا انجرحت منك جرح ما يننسى ابدا ابدا ولا ترضين منه بسهوله

وارجعي ذكريه بالموضوع كل ما بين فتره وفتره وقوليله انا الا الان مو متصوره كيف قدرت تسويها وتكلم وحده غيري

ما تتصور انت واياها كيف المتوني بهالشي

اما اذا عرفت ان العلاقه قديمه وقويه وانت توك دريتي عنها اسكتي واستخدمي استراتيجيات الرجل الخائن واجمعي معلومات عن البنت وخبري اهلها بالادله انه بنتهم على علاقه بزوجك



وقبل كل هذا استخيري وادعي ربك يهدي نفسك ويحصن زوجك


ونصيحه يابنات

اذا ازواجكم مو محافضين على الصلاة شجعوهم انهم يحافضون عليها ويتعلقون فيها لان الصلاة تنهاهم عن هالشي

والله يبعد عننا بنات الحرام

 

[*^ ندى الورد ^*]

الله يكفيك اياها بما يشاء

 

[رحيق الروح]

اااااااااااااااه الله لا يجيب لنا هالماوقف يارب ويحفظ ازواجنا يارب بصراحه مادري وش اقول بس ان من ر
اي الحكمه بالموضوع افضل شي

 

[مس ارت]

اجيب له رقم وحده ثانيه و ثالثه.................الخ لان الرجال نسبة منهم كذابين ويواقحون لما تواجهنهم
انا زوجي وابوي وخالي
وانواع الخيانات
الله يستر علينا يارب ويهدي رجال المسلمين