حشي كله الريال عندكم ...

[احب الورد]

ليش كل ماتكتب وحده موضوع الريال ظربها احتقرها سبها استصغرها ماله نفس الها ليش هذا الاسلوووووب يعني يعاملها مثل الخدامه ومستقوي عليها

انتو كل يوم حياتكم **جذيه ولا مرات ومرات الحياه كل يوم علي الحال اللي تقولونه محد يتحملها
انا اشك المشكله فيكم 50 بالميه وال 50 الثانيه منهم محد في الدنيا يحب المشاكل الا اذا تعاونتو عليها

اي وحده عندها مشكله تفكر ليش المشكله هذي وسببها وتحلها لازم تفهمين الظروف اللي انتي فيها وتعرفين سببها بعض المشاكل من النوع هذا راعيه المشكله تقول ريلي يسوي ويظرب وانا ماقلت له شي ولعن ويسب وماتبين السبب الحقيقي مافي شي بدون سبب الا اذا الريال مينون

 

[baian]

^^ ايه والله صدقتي

أغلبهم يذمون نادراً ما أشوف وحدة تمدح في زوجها ..!

واذا تبي تمدحه تخاف من العين ..!

::

ودي

 

[احب الورد]

هلا والله حد يخاف من العين في النت بعد.... والله احسلهن فل تقل خيرا او تصمت

 

[فرالوه]

اذا انتي مو متزوجه الله يكتب لك النصيب
اما اذا متزوجه ترى اصابع يدك مو سوى انا زوجي من اول خمس شهور وهو يهدد بالطلاق والزواج مرة ثانيه تدرين ليش سبب تافه انه يبيني اقول ايه على كل شي يعجبني ولا لا ومايبيني اتناقش معاه في شي يعني يبيني على كيفه من غير ما يحسب لانسانيتي اي حساب وانا ما بظلمه واقول اني ماشفت لحظه حلوه معه انا عشت معاه لحظات حلوه بس على حساب كرامتي ولان لحظات الحزن والبكى في حياتي لها النصيب الاكبر قررت اني ماانزل كرامتي اكثر من كذا
والله يعين الجميع انشاء الله

 

[نهر الإبتسامه]

صحيح كلام الأخت فرالوه إن في رجال كذاطبعهم من يومهم لكن ياأختي أحب الورد ياغاليه هذا الركن الحريم يطرحوا فيه مشاكلهم عشان يلقوا لها حل والا في كثييييييييير ربي منعم عليهم ومستانسين بس ما يدخلون لأنهم ما هم بحاجه لأي حل لأن ربنا كتب لهم السعاده مثل ماكتب على غيرهم البلاء وأسأل الله أن يفرج هم كل واحده عنده بلاء وأن يجعله تكفير لسيئاتها ورفعة لدرجاتها . آآآآآآمين يارب. وانتي ياغلاتي أسأل الله إن كنتي متزوجه أن يسبغ عليك نعمه ويسعدك بزوجك دنيا وآخره وإن كنتي غير ذلك فأسأل الله أن يرزقك زوجا تقر به عينك ويسعدك ولا يشقيك. والسلام

 

[3AROOOOSA]

اختي اذا مب متزوجه لا ترمسين بشي انتي مب حاسه فيه ..!
واذا متزوجه بااجر بتحسين انه هالحياه الييديده فيها صعوبات ووتبين الحل

 

[Mon Amour]

حبيبتي المنتدى مفتوح لحل المشاكل..يعني اكيد اللي راح نقراه كله عن المشاكل .. يعني اللي مرتاحة مع ريلها تحمد ربها وتسكت ..