حساسية الحمل

[بيلساااااان]

السلام عليكم اخواتي

انا في الشهر الثامن

وصابتني حساسية بكل جسمي جننتني من الحكه وقالوا لي ماتروح الا بالولادة

صرف لي طبيب الجلدية حبوب هستوب وكريم بتنوفيت

من صار لها مثلي؟؟

وايش العلاج اللي استخدمتية؟؟ لاني خايفة ان العلاج يؤثر ع الجنين

 

[أفوق الوصف]

أختي كان معها حساسية شديدة مرررررهـ أعطتها الدكتورة مرهم بس مذكر وش أسمه

و أول ماولادة راحت وعلى فكره الدكتورة قالت لها أنها طبيعي وماتأثر على الجنين

بس علشان تطمنين أسالي الدكتوره أحسن لك ..

الله يشفيك إن شاء الله ..

 

[أم حمد]

والله يالحلوة انا يتني مرتين في حملي الاول وفي الحملة الثالثة وطلعت عيني . عطوني ادوية بس مااستخدمتها ... حسيت انها ما بتنفعني ... بس دكتورتي عطتني زيت للمساج للبطن وقت الحمل واسمه PREG - Oil
واااايد نفعني الحمدالله وانا احس ان اهم شي ترطيب المكان المصاب والله يعافيج ويقومج بالسلامة يارب

 

[زهرة الشرق]

هلا
فيني نفس الحكه اللي تقولين عنها من بداية الحمل طلعت لي حبوب في ظهري وبطني ووجهي وحتى في فروة الراس
بس اكثر شي اللي يحكني ظهري بس لاحظت الحين يومين صار لي بعد ما اتروش احط في ظهري كريم مرطب عادي والحمدلله خفت الحكه بنسبة 50% لانه الدكتورة عطتني حبوب وكريم لكن ما نفعني

 

[الرنا333]

أنا بعد جتني بالشهر السادس لدرجة أني أصيح لما أحك لحد مايطلع الدم برجولي وبطني شربت هستوب وكريمات ولا فادتني ونصحتني وحدة جزاها الله كل خير بصابونة الغاربزيت الزيتون استعملتها وبعدالاستحمام ادهن بفازلين للترطيب بصراحة ماتتخيلين النتيجة والحمدلله
أدعولي الله يسهل حملي وولادتي ويصلح أولادي

 

[البعد همي]

هالحكه لان الدوره ماتنزل انا تجيني لمن احمل ومااطمن على الادويهاخاف تضر الجنين حتى يديني صارت مشوهه

 

[سفيرة الأمل]

ياااقلبي انتي جتني بحملي الأول لكن مهما وصفتلك ما اقدر
جروح بكل جسمي من راسي لحد مواطئ رجليني حبوب ودم والآآآآآآم و.... و,,,,, الله يجعله تكفير
ماخليت شي ما استخدمته من كريم وعلاج ومانفع معها شئ وكانت تلتهب مع اي شي احطه حتى الفازلين الطبي
ولما ولدت خفت لكن مو على طول كل شهر تخف عن قبل
وجتني بحملي هذا والحمدلله ماطولت شهرين ونص تقريبا" وراحت مع اني احس بحكة خفيفة احيانا" لكن ماتقارن بالأولى ابد ونصحتني الدكتورة ما استخدم شي
لكن انا بنصحك إذا انتي تاكلي فلفل حااااار اتركيه نهائي وجربي تتركين كل مهيجات الحساسية لكن مو مرة وحدة عشان تعرفين وش الي يهيجها
معليش طولت عليك لكن انا حااااسة فيك وهذا الي سويته هالمرة مع الدعاء والصدقة
الله يشفيك ويخفف عنك ويفرج لي ولك ياقلبي والمسلمين

 

[بيلساااااان]

جزاكم الله كل خير اخواتي

 

[جنة أمل]

جاتني على الشهر السابع من آخر حمل لي (وفي كل حمل تجيني بس أشدها كانت في الحمل الأخير)، ما كنت أقدر أنام في اليوم ولا حتى ساعة حتى مع أخذ الأدوية لها. الله لا يجيبها على أي حمل قادم يارب. سببت لي نزول الماي وطلق 3 أيام لحد ما ولدوني، هي تروح بعد الولادة بس مش بسرعه. تاخذ لها لحد شهرين وتروح.