حزينة وأتمنى القى حل عندكم يا حبايب

[أم الشموخ]

السلام عليكم ورحمة الله ..

لا أدري من اين أبدأ ولكن مشكلتي كبيرة ... كبيرة جدا وعجزت أن أجد لها الحل ..

تعبت تعبت من نفسي .. والله حاولت بالذكر والدعاء لكن نفسي ضعيفة ..

ما اتحمل ابقى بلا صديقة تؤنسني ومشكلتي ان اي تغير من صديقتي يجعلني اتركها وابعد عنها وانا

قلبي محترق ... أقبل فترة زعل بسيطة لكن لا اقبل تغير في اسلوبها نحوي او اي نوع من الجفاء او عدم الاحساس ..

يتعبني هذا الشعور جدا .. مع العلم اني متزوجة ولدي ابناء واخوة واخوات لكن كلهم لا يغنوني عن صديقة صدوقة أبدا

ادعولي الله يسعدكم ...

 

[lyale]

هلوووو
شكلج ضيعتي موضوعج مش في هالقسم هذا خاص بالاتشارات الزوجية ههههه صديقتج اتغيرت عليج قوليلها اوكي باي هذا رايي

 

[أم الشموخ]

:icon28:

طيب عادي خل ينقلوه للقسم المناسب

لكن انت لا تستهينين بمشاعر الغير

وترى الصداقة مب أمر هين وجرحها مب بسرعه يزول

لكن مشكورة على كل حال

 

[lyale]

:icon28:

طيب عادي خل ينقلوه للقسم المناسب

لكن انت لا تستهينين بمشاعر الغير

وترى الصداقة مب أمر هين وجرحها مب بسرعه يزول

لكن مشكورة على كل حال

يا حبيبتي انا ما استهنت بمشاعرج و انتي شكلج حساسة زيادة عن اللزوم بس انا عن نفسي الحمد الله لي صداقات من كل مكان و من كل الأعمار و اللي احسها تغيرت علي اول شي اعرف وين المشكلة اسألها ديركت لا الف و لا ادور ما احب اضيع وقتي ما شالله علي ها الحين بتزعلين لا حووووووووووول كيف نراضيها هاي امممممممممممممممم لقيتها :a194: خلاص رضيتي المهم يا عزيزتي لو مش مني السبب خلاص اعطيها فرصة شوية ترتب امورها و بعدين هي اروحها بتكلمني و بتشكيلي و إذا مني المشكلة يمكن جرحتها بكلمة او حد وصلها كلام بالغلط ما تعرفين احاول اعالجها بس اذا استمرت على المعاملة اللي مش اوكي معاي لا خلاص لحد هنا و خلاص ليش اعور راسي و هذا رايي يا عزيزتي و لا تزعلين انا احب المزح بس شكلج اخذتيه بحساسية زيادة
الله يوفق الجميع

 

[أم الشموخ]

هلا وغلا اختي

لا ما بزعل منك اكيد بس انا كنت مقهورة وانا اكتب وتمنيت الاقي اللي يخفف عني

معك حق ... لكن انا ما اتحمل الزعلات لما ازعل اتعب وابكي واحزن

وتقهرني صديقتي لما ما تحس فيني ومب عارفة كيف أوصلها اني زعلانه أحس اني انفرها مني

بطريقتي .. احيانا أقول اللي تتغير علي أتغير عليها بمقدار تغيرها هي علي لكن يقابلوني بالإستغراب

يعني عادي هم يتغيرون وانا لا .. ممنوع علي لازم أبقى مثل ما أنا معهم

 

[lyale]

انزين عرفي ليش متغيرة بالأول و بعدين احكمي عليها من هالمنطلق مش تتغير تتغيرين ترى كذا تداوين النار بالنار غلط و احلى شي في الصداقة الصراحة المطلقة انا عن نفسي وايد صريحة و الحمد الله ما قد صارلي موقف او اتخذت قرار و ندمت عليه في صداقاتي طبعا اما في الحياه في كثير الله المستعان

 

[أم الشموخ]

تدرين أنا اتمنى أني اعيش بدون صداقات أهم شيء بدون ألم

بس غصبا عني احس اني بحاجتهم ... حاجة معنوية طبعا

أنا ما اقدر احكي التفاصيل بس احس اني مقهورة واتمنى اني ارتاح

 

[دندونة الحلوة]

اقول هذة صدقيتك مو اختك يتتحمل تقلب مزاجك وكاّبتك مع احترامي لك لو كنتي صديقتي تركتك من زمان ,رسولنا يقول [التمس لااخوكالمسلم سبعين عذر فاْن لم تجد فقل ربما يقصد كذا او كذا. وانت يا كافي من يوم تتغير شوي تتركينها.علىها الحال ما حتلاقين صديقة ابد

 

[أم الشموخ]

دندونة الحلوة ... قولي خيرا أو اصمتي ما نحتاج آراء فيها تجريح مو ناقصين ألم

 

[بريق أمل83]

اختي انتي وايد حساسة

والصداقة شي وايد كبير

ومثل ما قلتي الإنسان ما يقدر يستغنى عن اصدقائه وخاصة إذا كان هذا الصديق ممييز يعني الأقرب للنفس والروح وسبحان الله لازم الواحد يتأثر من تغيير في اطباع ومزاج ها الشخص لانج تتعايشين معاه في كل الظروف الفرح والحزن والضيق وغيره ومرات سبحان الله تكون صديقتج اقرب لج من اختج ويكون تواصلج معاها اكثر من تواصلج مع اهلح وعادي توصلين لدرجة انج تعزين هالأنسانة لدرجة انج ما تتخيلين ان الحياة من دونها

سبحان الله انا اشوف علاقة الصداقة من اطهر وانقى واجمل العلاقات فالحياة الدنيا وهذا كله يحفه احب فالله فتخيلي انك تظلين انتي وهي تحت ظل عرش الرحمن فكيف الإنسان لا يقاتل من أجل ذلك

ويحقلج اختي انج تزعلين لانج إذا كنتي تعطينها من وقتج واهتمامج وخاطرج وتفكيرج وكل شي من الأكيد انج تنتظرين منها مقابلت ذلك بالمثل فإذا شفتي اي تقصير مابيمر عليج الموضوع عادي

بس انا اقولج انا تقريبا نفسج بس احاول اني اواجه صديقاتي المقربات ولكن بطريقة قمة في الإحترم واللباقة والأدب مما يجعلهن يخجلن مني ويعتذرن

فسوي هالشي معاهن يمكن سبحان الله تعرفين الخلل وين ولكن ارد اقولج بإسلوب حلو الله

لا يحرمج من غالي

والسموحة على الإطاله

 

[قلبي رقيق]

اتركي الحساسيه ومن باعك بيعييييييييييييه

 

[الأمل بالمستقبل]

انا كانت عندي صديقه

انقطعت فجأه

وكل ما دقيت عليها تلفون يقولون ما هي موجوده

وتكلم الكل بس أنا لا

وبدوووووووون سبب

فدزيت لها رساله استفسر عن سبب التهرب مني ولا ردت على

وحاولت أكثر من مره اقولها إذا غلطانه عليج وأنا ما أدري نبهيني بس لا تسوين جذي


ولا ردت

فتركتها

ولا تكلمت في الموضووووووووووع مع أي أحد

وإذا جت سيرتها في اجتماع نسوي أتكلم عادي ولا أبين فيها شي احترام للعشره اللي كانت بيني وبينها

بس إليّ ما يبيني ماني فارضه نفسي عليه

واللي خلقها خلق غيرها

وإذا هي استهانت بالأخوه اللي بيني وبينها

فليش أتمسك فيها

وفي بيت شعر بدوي يقول

من لا يشورك لا تبّدي له الشور

ومن لا يعزك سعد عينك فراقه

فليش التمسك بإنسانه هي ما فكرت لحظه فيج قبل لا تقطع علاقتها

معاج وباعت الصداقه اللي انتي قاعده تبجين عليها

لا تزعلين ما في شي يستحق الزعل عليه في هذي الدنيا

إلا مرور الوقت في غير طاعة الله

 

[أم الشموخ]

اختي انتي وايد حساسة

والصداقة شي وايد كبير

ومثل ما قلتي الإنسان ما يقدر يستغنى عن اصدقائه وخاصة إذا كان هذا الصديق ممييز يعني الأقرب للنفس والروح وسبحان الله لازم الواحد يتأثر من تغيير في اطباع ومزاج ها الشخص لانج تتعايشين معاه في كل الظروف الفرح والحزن والضيق وغيره ومرات سبحان الله تكون صديقتج اقرب لج من اختج ويكون تواصلج معاها اكثر من تواصلج مع اهلح وعادي توصلين لدرجة انج تعزين هالأنسانة لدرجة انج ما تتخيلين ان الحياة من دونها

سبحان الله انا اشوف علاقة الصداقة من اطهر وانقى واجمل العلاقات فالحياة الدنيا وهذا كله يحفه احب فالله فتخيلي انك تظلين انتي وهي تحت ظل عرش الرحمن فكيف الإنسان لا يقاتل من أجل ذلك

ويحقلج اختي انج تزعلين لانج إذا كنتي تعطينها من وقتج واهتمامج وخاطرج وتفكيرج وكل شي من الأكيد انج تنتظرين منها مقابلت ذلك بالمثل فإذا شفتي اي تقصير مابيمر عليج الموضوع عادي

بس انا اقولج انا تقريبا نفسج بس احاول اني اواجه صديقاتي المقربات ولكن بطريقة قمة في الإحترم واللباقة والأدب مما يجعلهن يخجلن مني ويعتذرن

فسوي هالشي معاهن يمكن سبحان الله تعرفين الخلل وين ولكن ارد اقولج بإسلوب حلو الله

لا يحرمج من غالي

والسموحة على الإطاله

شكلي أنا صح حساسة لكن أنا تعاملي هذا مع صديقاتي المقربات ثنتين بسوهم اللي أعدهم بمثابة الروح

علشان كدا أزعل منهم لأني أرى أن حقي عليهم مثل حقهم علي ...

أنا ملاحظة تغيرهم وحدة لانها تزوجت والثانية لانها تعرفت على صديقات جدد وقربتهم منها فحسيت

انها مو مهتمة فيني كالسابق .. كل شوي نتزاعل على أتفه الأسباب لأني من جد حسيت ببعدهم وأنا متأكدة انهم مازالوا يكنون لي المحبة لكنهم تغيروا علي شوي وهذا يقهرني جدا لأني ما أحب اتغير على أحد ولا أحب حد يتغير علي ولأننا لنا سنين أصدقا ء مو شهر او سنه :icon1366::icon1366:

كلامك جدا اسعدني انت اللي فهمتيني .... الله يسعدك ويبارك فيك ويرزقك من واسع فضله

مشكورة اختي على الرد الجميل

 

[وردة الحجاز]

الله يعينك يا اختي باين عليك فعلا حساسة حاولي تلتمسي لهم العذر وقوي قلبك شوي

استعيني بالله ولا تفكري فيهم كثير وابعدي عنهم شوي يمكن يرجعون لك

الله يسعد قلبك ويرضيك بطاعته

 

[لحظه وداع]

ياروحي انتي ....لك حق يتكدر خاطرك لان الصديقه تكون اقرب لك من امك واختك ومن كل الناس لانك انتي اخترتيها بس ماعليه حبيبتي طولي بالك شوي وتاكدي تمام التاكيد انهم هم الخسرانين وانه فيه دافع التصرفهم هذا......خليني اقولك عن صديقتي اناوياها عشره عمر لنا تقريبا 17سنه اللي صارمره كنت اكلمها وقلت تاخرت علي الدوره ....بعد فتره كلمتني وانا مشغووووووووله قالت حللتي حمل ...رحتي المستشفى انا قلت لا قالت طيب للان ما جتك الدوره قلت ايه للان
((هي ماحملت بس مو مرض لا مشاكل.....المهم هي زعلت مني وارسلت رساله فيها عتب طويل وزعل ومن ضمن كلامها ماله داعي اتحسسيني اني عقيم .......انا انجنيت ماقلت لها شي اصلا بس دريت انه من قوه الضغط حست بالاحساس هذا ...انا كلمتها وقلت ابيك تقولين انا وش قلت لك بالضبط بالاخير تندمت وحست ان زعلها مو مبرر وقالت اعذريني انا امر بضغط نفسي كبير .........لذالك انا احس ان صديقاتك عندهم شي مخليهم مايفكرون بتصرفاتهم ........اتمنى لك التوفيق

 

[بريق أمل83]

شكلي أنا صح حساسة لكن أنا تعاملي هذا مع صديقاتي المقربات ثنتين بسوهم اللي أعدهم بمثابة الروح

علشان كدا أزعل منهم لأني أرى أن حقي عليهم مثل حقهم علي ...

أنا ملاحظة تغيرهم وحدة لانها تزوجت والثانية لانها تعرفت على صديقات جدد وقربتهم منها فحسيت

انها مو مهتمة فيني كالسابق .. كل شوي نتزاعل على أتفه الأسباب لأني من جد حسيت ببعدهم وأنا متأكدة انهم مازالوا يكنون لي المحبة لكنهم تغيروا علي شوي وهذا يقهرني جدا لأني ما أحب اتغير على أحد ولا أحب حد يتغير علي ولأننا لنا سنين أصدقا ء مو شهر او سنه :icon1366::icon1366:

كلامك جدا اسعدني انت اللي فهمتيني .... الله يسعدك ويبارك فيك ويرزقك من واسع فضله

مشكورة اختي على الرد الجميل

فديتج والله

بصراحة وايد اسعدني ردج وخاصة الدعاء اللي دعيتيه

الله يجزاج عني خير ويرزقج على قد نيتج وأفضل

ولا يحرمج من غالي يارب

 

[الحلى كله1]

اسأل العظيم ان يزقكي صديقه وفيه صدوقه اللهم امين اللهم امين اللهم امين

 

[أم الشموخ]

قلبي رقيق مشكورة على ردك

لكن صعبة تبعين ناس محبتهم محفورة في قلبك

شيء مؤلم جدا ..

(((((((((((((((((((


الغالية الأمل بالمستقبل .. اسعدني ردك يا غالية بارك الله فيك ومنحك من كل خير

هم ما قاطعوني علشان أقاطعهم ..هم بس تغيروا علي .. تسلمين لاحبابك يا قمر

انا كانت عندي صديقه

انقطعت فجأه

وكل ما دقيت عليها تلفون يقولون ما هي موجوده

وتكلم الكل بس أنا لا

وبدوووووووون سبب

فدزيت لها رساله استفسر عن سبب التهرب مني ولا ردت على

وحاولت أكثر من مره اقولها إذا غلطانه عليج وأنا ما أدري نبهيني بس لا تسوين جذي


ولا ردت

فتركتها

ولا تكلمت في الموضووووووووووع مع أي أحد

وإذا جت سيرتها في اجتماع نسوي أتكلم عادي ولا أبين فيها شي احترام للعشره اللي كانت بيني وبينها

بس إليّ ما يبيني ماني فارضه نفسي عليه

واللي خلقها خلق غيرها

وإذا هي استهانت بالأخوه اللي بيني وبينها

فليش أتمسك فيها

وفي بيت شعر بدوي يقول

من لا يشورك لا تبّدي له الشور

ومن لا يعزك سعد عينك فراقه

فليش التمسك بإنسانه هي ما فكرت لحظه فيج قبل لا تقطع علاقتها

معاج وباعت الصداقه اللي انتي قاعده تبجين عليها

لا تزعلين ما في شي يستحق الزعل عليه في هذي الدنيا

إلا مرور الوقت في غير طاعة الله