حزني وهمي كبييير .. ارجو من خبيرات الجنوووووبي الرد علي ..

[النعوووومه]

السلام عليكم ورحمة الله وبركاته
زوجي جنوبي غربي ..
قصتي معقده واتمنى كل وحده تدخل تقرآها بالكامل وترد علي ..
وربي ماانام الليل الا ودموعي بعيوني:8:

المهــــــــــــــــم ...
بالبداية كنت على علاقه مع ولد عمي بسبب خاتي علقتني فيه
تمدحه لي .. وقالتلي انه يريد يتزوجني وووو ...
اخذت رقمه من جوال خالتي بدون ماحد يدري
وكلمته لمدة شهر تقريبا ..
بدوووون ماحد يدري عن علاقتنا لامن اهلي ولا من اهله ..
بعد شهر بالتمام جاء اخوه اللي اصغر منه وخطبني..
ووآفقت لأن مافي مجال اني ارفض
ولو رفضت مستحيل يتقدم لي ويخطبني لاني رفضت اخوه .. صعبه من ناحية اهلي واهله ان اخوان يخطبون بنت وحده ..
ويمكن تصير قطيعه ومشاكل ..

تمت الملكه وقطعت علاقتي بالاول وقررت مارآح أخون زوجي حتى لو بمكالمه..
المهم قبل الزواج بأسبوع زوجي فتح جوال اخوه اللي كنت بعلاقه معاه
وشاف رسايلنا

زعل زوجي وهزآني وقال انا ندمان اني اخذتك ومستخسر فيك القرض واخاف اداوم وانتي تسوين بالبيت دعاره وكلام ورب البيت يقشعر منه البدن..

حاولت ابرر نفسي وقلت هذا الشي صار قبل تجي تخطبني وخلاص تبت وماعمري قد سويتها وووو..

قال خلاص انا سامحتك .. بس انا مانسيت ولا كلمه من اللي قالها لي
دووووووم كلامه يجي ببالي وابكي من الندم ..

المهم تزوجنا ولنا الحين 5 شهور وانا الحين حامل..
اكتشفت بشهر العسل ان معاه 3 جوالات بالسياره .. كل واحد فيه شريحه ..
ويراسل منها حتى وانا جنبه بالسياره او بالمطعم بس يحاول يخفيه مني ومااشوفه
يحسب اني غبيه

حزنت وتضايقت ولما رجعت من شهر العسل رحت ازور اهلي كم يوم
ارسلتله اني تضايقت من جوالاتك و كلام محححترم وربي مو مثل كلامه لي ..

قال انا مااخونك ودعا على نفسه بشلل اذ كان يخوني وحاول انه يبري نفسه..
وقال خلاص بكره بابيعها.. قلت برآحتك..
وماعاد رجعت افتح الموضوع ابد ..
وقبل اسبوع وداني لاهلي عشان عنده استلام
لما خلص استلامه جاء واخذني ..
ونزل من السياره يآخذ عشاء
التفتت للمرتبه الثانيه الا واشوف الثلاث جوالات كلها شغاله وكل واحد بشريحه وكلها لها رمز قفل..
تضايقت وبكيييييييييت بس ماقدرت افتح الموضوع ولا احاسبه مع انها قدام عيوني ..
احس اني ضعيييييفه احس اني منتهيه بسبب كلامه لي وسبه وشتمه واهانته لي لما شاف الرسايل اللي بجوال اخوه ..
هو طيب معي بس لي 5 شهور ماقد طلبته شي حتى لو ريال واحد
ولا عمري قد قلتله يجيب لي شي وانا بشهر العسل.. انا حامل بالشهر الثاني واحيانا يكون نفسي بحاجات ومااقدر اطلبه..

كيف اتعامل معه ومع جوالاته بسبب اللي صار لي
احس اني بعذااااب كبير..
وكيف اتعامل مع نفسي ..
الله ييسر اموركم ساعدوني ماقدرت اقول لاحد ع قصتي الا انتو ..
الله يفرج همكم ساعدوني

 

[خيط زري]

شاءت الاقدار انك تأخذين اخوك وسبحان الله مافكرت بإنك بيوم بينبش ماضيك

لكت التائب من الذنب كمن لاذنب له وربك غفور عفو وكريم

وربي بيعطيك على قد نيتك وان شاء الله بيفرجها عليك بما غن نيتك صافيه


انتي استجمعي قوواك ووحاوريه وهاتي له ادله وقصص عن التوبه وانك تبيتي ومن هالحكي

وعفوا تعف نساءكم مو معنى اني غلطت وزليت اسمح لك تغلط وتبلى ببنات الناس

ماترضاه بعدين لبنتك واهلك واخواتك وابدي كلامك بذكر محاسنه وفضائله عليك

واني ولله الحمد الله مبسوطه معك وممرتاحه يابو فلان ومالي بالدنيا اللحين إلا انت صرت لي ستر وغطاء

حاولي انك ماتستفزين نفسك ولو عايرك تراني تبت ربي اللي معه جنه ونار عفا عني ان شاء الله

وياكثر ايات التوبه


لكن هذا ماله دخل انك تتنازلين عن مطالبك وطلباتك ترا بيتعود انك ماتطلبين وهو على ماتعود

وبتندمين بعدين ، مايكسر عينك وانتي بإذن الله من التوابات الحافظات

الله يفرج عليك

ردي من وجهه نظري قد يحتمل الصواب والخطأ لعل الخبيرات يفيدونك

وتقربي منه اكثر واجذبيه لك لايشوف الغلط عليك خليه يثق فيك

 

[الحياهـ ماشيه]

ْ{طيب وايش اللي يمنعك ما تطلبينه اللي تبــــــــــين هدا حقك
والله يسخره لك يارب}ْ

 

[دموعي شي معتاده]

اطلبي منه اللي نفسك فيه
واذا استحيتي ارسلي له رساله فيها اللي تبين
ولما يجي قولي الله يعطيك العافيه ماقصرت
كنت بتصل بس مافيه رصيد يكفي قلت ارسل رساله

واطلبي واعملي نفسك تتنسين

والله يصلح زوجك ويفرج همك ويتمم حملك
ياااااااااااارب

 

[كلما تكبر تحلى]

حبيبتي خليه يتعود ع طلباتج
اي شي نفسج فيه اطلبيه
هذا حق من حقوقج
وبنسبه للجوال انتي تعرفين ارقام
جوالاته ولا لا
انا زوجي عنده جوالين واعرف ارقامهن
انا ماودي اظلم زوجج يمكن حاطهن من الباب
الدلع والفخر ان عنده جوالات
بس عليج بدعاء له والاستغفار ادعي ربج
فراج الهموم انه يفرج همج ويهدي زوجج
وربي يوفقج

 

[يالوردي]

سبحان الله المراءه لوتخطىء مستحيل الناس تغفرلها او ترحمها حتى ماتنسى الي سوته والرجال عكس ذلك لو يخطىء عادي حتى بعضهم يوقف معه ويبررله بعد حبيبتي لازم تعودين زوجك على طلباتك بكرى بيجيك طفل لازم يتعود على اصرف ولا بتتعبين بعدكذا معه

 

[النعوووومه]

اشكر كل من رد على موضوعي
خيط زري .. الحياه ماشيه ..دموعي شي معتاده ..كلما تكبر تحلى ..يالوردي ..
الله يسعدكم دنيا وآخره
جعلكم ماتذوقون الهم والنكد طول عمركم
جعل ازوآجكم مايشوفون غيركم ..