حريم راجعين من عرس ...

الملكة

New member
حريم راجعين من عرس ومعهم اخوهم يسولفون :


اخوهم : اركبوا السياره وكل وحده تنتبه لا تصك باب السياره على عبايتها


وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0


الأولى : ايش فيك تأخرتي؟


الثانيه : ساعه قاعده ادور على عباتي 00انتي ما شفتي الحريم يتضاربون عند العبايات 00العبايات تلخبطت


الثالثه : يا ليتنا ما رحنا زواجهم


اخوهم : ليش؟


الثالثه : زحمه والبزران يتضاربون بقشر البرتقال ويلعبون بالماء
الأولى : ما شفتي ذيك اللي كبت القهوه على الحرمه اللي كانت نايمه؟


الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها


الثانيه : ايش رايكم في الفستان اللي لابسته هدى؟


الأولى : مو حلو 00محنقط عليها والسحاب باين


الأولى: انا اعجبني مكياج أمل 00تقول ان زوجة خالها جابته لها هدية من باريس


الثالثه : هههههه من باريس 00تضحك عليك يا هبلا 00تلقينه من محلات ابو عشره


وقفه


***************


الغريب والعجيب انهم واثناء حديثهم في السياره يقولون لبعضهم 00خلاص يا بنات


بس 000ترى ما يجوز نتكلم على الناس0


تكمله


الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟


الأولى : ايوه شفتها 00هههههههه متوصيه فيك 00شكلها بتخطبك لولدها


الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل


وهي طايحه في اللحم الزين0


العشاء


اخوهم: ايش رايكم في العشاء


الثالثه : دسم وكله شحم


الأولى : بارد


الثانيه :اللحم كبار


الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم


الأولى : حتى ام العروسه 00ما تعشت مسكينه 00طول الوقت قاعده تبكي


الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس


بس 00خلاص 00ما يجوز 00


صح والله 000ما يجوز 000بس شفتي 000وشفتي 00وشفتي


واخيرا وصلنا المنزل


اخوهم: 00شوفو لي حبتين باندول
 

منمن

New member
رد : حريم راجعين من عرس ...

هههههههههههههههههههههه اي والله طبعنا

مانرتاح لو ماحشينا:(298):

الله يتوب علينا يارب

يسلمووووووووو على الموضوع

دمت بود,,,,,,
 

some1

New member
رد : حريم راجعين من عرس ...

والله انك مهضومة والله انه هذا اللي صدق يصير من تحليلات عقب الحفلات ،،، ها ها ها ،،
تحياتي ،،،
 
أخوهم مسكين صاده عوار راس من كثر حشهم في خلق الله
بس الموضوع حلو
ويحصل كثييييييييييييييييييييير
 
والله ا نك صادقه هذا حال الكثير من الناس وهذي كلها غيبه ومحاسبون عليها الله يرحمنا برحمته ويعصمنا من الغيبه اللهم آمين
 
أعلى