حرمة اخو ريلي !!!

احصائياتى
الردود
18
المشاهدات
3K

جيادا

New member
معلومات جيادا
إنضم
21 أغسطس 2007
المشاركات
5
مستوى التفاعل
0
النقاط
0
حرمة اخو ريلي !!!
السلام عليكم ورحمة الله وبركاته

بنات لحقوا علييه , احس بموت من القهر ... مادري ليش هالكثر اغار مع انه مو من عوايدي
السالفة ومافيها ان حرمه اخو ريلي دايما من تسمع صوته او يكون في البيت , تطلع على طول تلاقيه اونها الحبيبه تسلم :bye1: بس اعرف مكايدها تبا بس تيلس عنده تسولف (الخايسه) سمحولي بس من الضيجه اللي فيني ,, وبعد لما تكلمني تسئلني عن ريلي شو ذوقه!!! شو قال عنها يوم شافها!! شوقال عن بيتها !!
:icon28: ياعنبووه ماعندج ريل !! ولا ما يسدج !! ساعدوني بنات انا حاولت ارمس ريلي وقالي انه ماقصدة شي وانه مايحس انها اسوي كله هذا مشانه .... وانها مثل اخته و.........ألخ لا وبعد اتفرق بيني وبين خواته
واحس خواته وايد تغيروا عليه مادري منها او منهن ... ونسيت اقولكم ان ريلها بعد تغير ماكان نفس اول ,,, شو نقول غير حسبي الله ونعم الوكيل
بنات تخيلكم شوروا عليه شو اسوي ,,, احاول اكلمها ,, اخافها تكبر السالفة وهي مايحتاي بالسوالف تعرف تكبرهن ..انتظر ردكن ولا تحرمني من مساعدتكن :icon1366:
 

وصيت قلبي~~

New member
معلومات وصيت قلبي~~
إنضم
12 مايو 2008
المشاركات
350
مستوى التفاعل
1
النقاط
0
هلا بك اختى
انا اتوقع من اسئله حرمه اخو زوجك انك امراءه مرموقه او من عايله ومحبوبه وسعيده بحياتك
وتريد ان تصل لمثلك خاصه انها زوجها متغير عليها وهي تحترم زوجك وتتمنى ان زوجها مثله
قابلي اسئلتها بترحاب انتبهي تحس بغيرتك التى ليس لها مبرر ولا سوف تضايقك واانتي تتحولين الى مريضه
امدحي زوجها ولا تتصنعي ذلك ابحثي عن محاسنه لا تظهرين سعادتك مهما كانت لاي احد
ولا تعطي الموضوع اكبر من حجمه الا اذا تبين منها سلوكيات لاسمح الله
وفقك الله
 

العفيفه

New member
معلومات العفيفه
إنضم
17 فبراير 2008
المشاركات
202
مستوى التفاعل
0
النقاط
0
عزيزتي اكبر غلط انك نبهتي زوجك لحركاتها واش قصدها منها والشيطان ما مات رح يجملها بعيونه ارجعي اسحبي كلامك الي قلتيه له وبرريه بشي ثاني وانها تعتبره مثل اخوها وانها تموت على رجلها ..........والقصد ان لا يدخل الاعجاب الى نفسه وان هناك من يريد لفت انتباهه والله يكفيك شرها.
 

ربي ارحمنا

New member
معلومات ربي ارحمنا
إنضم
30 أبريل 2008
المشاركات
770
مستوى التفاعل
0
النقاط
0
صحيح كلام العفيفه من الخطأ انك نبهتي زوجك ..........
بعدين كيف تجلس مع زوجك يعني عندكم مافيه حجاااب ؟؟؟؟؟
الله يهديكم ويوفقك.........
 

الرميصاء

New member
معلومات الرميصاء
إنضم
11 مايو 2008
المشاركات
1,436
مستوى التفاعل
0
النقاط
0
مثل ماقالت العفيفة وازيدك صاحبيها واكسبيها لصفك واتقربي منها عشان تتلهي
 

جيادا

New member
معلومات جيادا
إنضم
21 أغسطس 2007
المشاركات
5
مستوى التفاعل
0
النقاط
0
اشكركن حبيباتي والله انكن نبهتوني على اشياء كنت غافله عنها

وأحب اضيف شي بعد ,,,,انه اول مابديت حياتي عندهم كنت دايما اغطي وجهي عنهم بعدين صار في تحسس من قبل افراد اسرتهم لان هذا يعارض عاداتهم اللي متعودين عليها هم ,, ومع مرور السنين تعودت عليهم بس هذا اكبر غلطه

وكلام الاخت أميرة ولكن فقيرة صحيح ,, بس شو اسوي مع اخوي ريلي احس انه وايد متغير مو مثل اول
 

الوفيرا

New member
معلومات الوفيرا
إنضم
12 مايو 2008
المشاركات
85
مستوى التفاعل
0
النقاط
0
الإقامة
دبي
أخو ريلج عزيزتي كان ولازال غريب,,وإذا إنتي يهمج رضاه عنج وماتبينه يتغير ,ليش تلومين اهتمام زوجته في زوجك,كل وحدة الشيطان دخل لها من مدخل خاص,,,متغير ولا زعلان عليج ,شو المهم؟ ,المفروض بينكم سلام وبس,لا تشيلون الرسمية ,وماعليج منها ,لاتنبهين أحد على تصرفها,وخواته إذا اليوم سمعوها باجر ماراح يسمعوها,إنتو مو في سباق,وخليج راكزة وحكيمة بينهم ,لو حد فاتحج في الموضوع استنكري وقولي شو هذي التفاهات ..مالي خلق عليها وسكري الموضوع,ترا الساكت قوي خاصة إذا محد قدر ياخذ منه كلمه,,,,,
 

CUTE ANGEL

New member
معلومات CUTE ANGEL
إنضم
20 يونيو 2008
المشاركات
67
مستوى التفاعل
0
النقاط
0
العمر
36
والله حاسه فيج لأني أعاني من نفس الموضوع ,, زوجة أخو ريلي جي واااايد طفسه و تحاول انها تجذب انتباه ريلي بطريقه مش طبيعيه و اول ما تشوفه تتخبل و تروح تقعد عداله و تسلم عليه و ما تخلي سالفه ما تستشيره فيها على قولتها تقهرنيييييييييي اكون خاطري اذبحها و وصلت لدرجة ان في مره كان في بيني و بين ريلي شوي خلاف و قعد يقارني فيها شوفي هي شو تسوي ليش ما تسوي مثلها مع اني اسوي اكثر منها مو بس مثلها بس شو اقول غير حسبي الله و نعم الوكيل و تضاربت معاه ضرابه الله لا يوريج وصلت للسما بسبتها و للحين اعاني من هالموضوع و مب عارفه كيف اتخلص منها بس ريلي بدا يفهم اني ما احب انه يقارني بأي بني آدمه في الدنيا و الحين وايد خف عن قبل ما قام يقارني في أحد و صار يشوفني أنا لنفسي ما يشوفني و يقارني بغيري

بس نصيحتي لج حاولي انج تقنعين زوجج بإنكم تظهرون من البيت و تسكنون في بيت بروحكم و لا تحاولي تبيني غيرتج منها جدامها و حاولي ما تخليها تشوف ريلج
و الله يعينج
 

طرايف

New member
معلومات طرايف
إنضم
15 أبريل 2008
المشاركات
304
مستوى التفاعل
0
النقاط
0
الإقامة
دبي
خليه الامر طبيعي وعادي بلنسبه لزوجج مادامج ما شفتي عليه شي كبير هو يعتبرها فقط زوجة اخ اما اذا بينتي له الغيره ولا حتى فتحتي الموضوع قدامه ولا خبرتيه بسوالفها اللي تلاحظينها صح انه راح ينكر ويقول استحي عيب ولا مستحيل من القبيل هذا بلاخر هذا رجل وهذه امراه يعني راح يحطها في باله وكل ما تيجي يسلم عليها ولا يكلمها حتى بس يناديها وين اخويه او هي تكلمه راح يتخيلها راح تفتحين عليج ابواب وانتي في غنا عنها فقط ابعدينها عن زوجج تكلمي معاها بهدوو وقولي لها تتغشا ولا انها ما تيجي عند زوجج وتسلم عليه هاي من خصوصياتك وانها ما تكون موجوده الا اخوه موجود او موضوع كبير فقط من بعيد يعني كلميها وقنعيها ولا تحاولين تبينيلها غيرتك ولا شعورج فقط خليكي فطنه ذكيه لا تطلعين اي سر من اسرار زوجج عندها حتى شو يحب ياكل واحرصي انك تجلسين قدامها مع زوجج او تضحكين خليكي غامضه وبعيده عنها

وسلمي على الشر حبيبتي اما تصارخين وتصيحين وتشاجرينها وتبين لزوجج انها تلاحقه وتحبه وكانك مجنونه راح يزيد الطين بله ما تستفيدين شي ابدا خليه على عماه ما يحس بللي تسويه وانها متعمده والله يصلح حالها ان شالله حاولي ماتكلمينها ولا تدخلينها في حياتك ابداوبس تصرفي بذكاء وقوة شخصيه
 

غربة

New member
معلومات غربة
إنضم
1 سبتمبر 2007
المشاركات
1,380
مستوى التفاعل
0
النقاط
0
الإقامة
قــــــــــــــطـــــــــــــــــر
حبيبتي هالسالفه يبي لها ذكاء وصبر منج

يعني حاولي من فترة لين فترة انك تنتقدينها جدام زوجك بس بدون ما تبينين انك تقصدينها

يعني جيبي السالفه ان صديقتي تقعد مع اهل زوجها عادي

وصار ان زوجه اخو زوجها انسانه قلليله تربيه

اتحاول اتسوي حركات قدامه عاد اخو زوجها ماقدر يقعد والله رجال وامدحي

ولا انك مثلا تنتقدين القعدة الجماعيه انها ما تجوز الا في شروط الاحترام

بدون ما تصير مواضيع خاصه بين الاطراف

والله ايعينك على هالاشكال
 

CANCRO

New member
معلومات CANCRO
إنضم
26 مايو 2008
المشاركات
35
مستوى التفاعل
0
النقاط
0
مساؤكم سعيد

بالنسبة لي عزيزتي انا اصف مع البنات اللي قالوا خلي الموضوع عادي
ولا تبينين لاحد انك منتبهة

بيني وبينك يمكن هي بس تغار منك وتبي تخلق اي مشكلة بالبيت وتطلعك غلطانة
حكمي عقلك وثقي ان ربك ما يضيع حق احد
 
معلومات الموج الثائر
إنضم
28 فبراير 2007
المشاركات
500
مستوى التفاعل
0
النقاط
0
شوفى انا انصحك تحدى علاقتك بها ولا تلفتى نظر زوجك لافعالها و عامليها بطريقة عادية ولاتبينى انك متغاظة من شئ وقربي من زوجك

الله يحفظه لك
 

ألود

New member
معلومات ألود
إنضم
6 يوليو 2007
المشاركات
100
مستوى التفاعل
0
النقاط
0
الإقامة
الأمارات - دبي
حبيبتي لا تنبهين زوجك لمثل هالأمور هذا الشيطان يبا يفتح لهم هالباب عن طريقج .... وإنتي من ناحيتج اسعي إلى تقوية علاقتك بأهل زوجك أما هي فأنا من رأيي إنك تحقريييينها مررررة ولا تعبرينها ... (هالأشكال إللي ما تراعي حرمة بيتها ما تتعبر ياختي)

وأييييييييييضا إنتي ليش من الأساس تعطينها مجال تقعد مع زوجج وإذا سوت حركة معاه ما عجبتج نبهيها وقولي لها بكل صراحة يا فلانة أنا مابا أي حساسية تتكون بيني وبينك فياليت بلاها هالحركات أنا أعرف إنج تشوفين زوجي مثل أخوج الصغير (حتى لو هو أكبر عنها استهبلي) بس تعرفين (نحب) بعض ومثل ما يغار علي موووت أغار عليه أنا بعد

وبالتوفيق :icon30:
 

ام توته

New member
معلومات ام توته
إنضم
29 يوليو 2007
المشاركات
85
مستوى التفاعل
0
النقاط
0
الإقامة
الكــويــت
حبيبتي أكبر غلط لما نبهتي زوجج لحركاتها الله يهداج بس
المهم الموضوع صار وانتهى..... بس ألحين عليج بالآتي:
حاولي تنسين الموضوع عند زوجج ولا تحشرينها بأي سالفه عشان ينسى إللي قلتيه
لا تعطينها وجه وخلي بينكم حدود وكوني غامضه بالنسبه لها لأن الغموض يقهر
حاولي بالفتره هذي تقوين علاقتج مع زوجج وأهله وتتقربين منهم
كثر ما تقدرين اطلعي مع زوجج قدامها وخليها تشوفكم مع بعض مستانسين حتى لو إن توكم متهاوشين
لما يقرب موعد وصول زوجج من برا حاولي تكونين برا غرفتج بالبيت يعني عشان ما تستفرد فيه وتاخذ راحتها بالسوالف
أو انتظريه داخل غرفتج وانتي بأبهى حله واستقبليه وسولفي معاه وكوني مرحه عشان ما يقارن بينكم

باين عليها إنها غيرانه منج وتبي تبين إنها هي الأفضل بالبيت
بس صيري أشطر منها وأنا اختج
وبالتوفيق،،،
 

جيادا

New member
معلومات جيادا
إنضم
21 أغسطس 2007
المشاركات
5
مستوى التفاعل
0
النقاط
0
أشكركن حبيباتي من كل قلبي ,,, والله انكن رفعتن معنوياتي ,, وابشركن ريلي عرف وتفهم الموضوع بروحه من دون ماازيد كلمه ,,, وقالي انه من يشوفها في البيت موووول مايقرب منها علشان تحس وتستحي شوي على دمها
وبعدين سالفه اخو ريلي انا قلت انه متغير يعني مايسلم لما امر عداله مسولي طاااف ,,, والله انه مايهمني بس ليش مايسلم !!! ليكون هي قايتله بعد لايسلم !!!
المهم انا مايهمني دامنه انا ريلي واقف عندي وانشااالله اطلع من حياتهم ولا اقرب منهم الا في المناسبات واشكركن حبيباتي مرة ثانيه على رفع المعنويات لي والله يبعد الشر عنكن وبالتوفيق
 

بنوته lzoooza

New member
معلومات بنوته lzoooza
إنضم
3 يونيو 2008
المشاركات
556
مستوى التفاعل
1
النقاط
0
الإقامة
الخـــــــ في عالمي ـــــاص
شوفي يالغاليه في حاجه بسيطه مررررررررره تقدرين تسوينها
وهي حركتها الي تسويها معك ومن وراك تحكينها على اساس انها قصه صارت لوحده من صيديقاتك وتستحقرين الموقف قدامهم وتسبين فيها على اساس انك ماتعرفيها وبكذا انتي تدقينها بكلام قدام زوجك واهله وهي تنحرج وتخاف منك وتعملك الف حساب وامدحي زوجك قدمها وافقعي قلبها بشياكتك ورمنسيتك في بيتك وزوجك لاتوضحين له واهل زوجك بيني لهم حبك وتقديرك وعطفك لهم وانشالله افدتك
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه