حركة قوووووووووووية من حرمة اخوي

[كلي احساس وحلا]

بنات اخوي ملج من اسبوع والحفلة الاسبوع الجاي واخوي بعده ماشاف زوجته وماطلب نظرة بس زوجة اخوي طلبت الدبله عشان تسويلها حركات قبل الحفلة واخوي ماطاع قال شو هالكلام نحن ماعندنا هالحركات الدبلة تكون مفاجأة يوم الحفلة.. واهلها طلبو من اهلي ان اخوي يكلم زوجته مع انه اخوي ماطلب والمفروض هو الي يطلب شو رايكم.

شو رايكم بحرمة اخوي انا ماعجبني طلبها حسيت عيب تطلب الدبلة..

 

[*..الحلوة..*]

يا حبيبتي هي زوجته عسنة الله ورسولة يمكن مسكينة متخبلة من الفرحة خليها

 

[ام غلاوي2]

حبيبتي طلبها للدبلة عادي مافيها شي اما تطلب امها انها تكلمه صعبة شوي

 

[الأريج الوردي]

والله ماأدري
لكن ممكن تبي تكون حفلتهاااا مميزة

 

[الروومنسيه]

احس انه عادي لانهم مملكين يعني زوجته

 

[خرس النواعس]

طلبها للدبله عادي
بس انها تطلب من اهلها انهها تكلمه واهلها يقولون لاخوك هذي مره صعبه
لان المكالمه رغبه مو غصب

 

[@وردة جوريه@]

طلب الدبلة عادي
بس الام تطلب منكم ان الولد يكلم بنتها وقبل الملكه جراة غير مقبولة من البنت وامها
حلاة البنت بحيائها

 

[ابتسامه فرح]

احس انها عاااااااااادي
بس كل عيله يختلف تفكيرها عن الثانيه
الله يوفقهم يارب

 

[أحلى ماما]

لنل اشوف ان طلبها للدبله شى عادي لان بعض العوايل يهتمون بيوم الشبكه ويزكرشون الدبله والشبكه ويحطون عليها حركات وهذا شى عادي عندهم وهي تبفى تسوي هاحركات مثل البنات اللي حولها وماشوف فيها شى اما بالنسبه للام لما طلبت من اخوكي يكلم زوجته يمكن لانه ماطلب فكرت انه خجلان وحبت تجرأه او ان عندهم امو تخص الحفله ودهم يتفاهمون معه وينسقون مع بعض عادي ترى اطباع الناس تختلف والواحد المفروض يتقبلها مدام مافيه حرام والله يوفقه وامهم انكم ماتكبرون وتصغرون عند اخوك عشان ماياخذ منها موقف قبل مايشوفها

 

[تفــآصيلـ]

ـهههههههههههههههـ
ـههههههههههـ

طيب عادي
صغريها تصغر وكبريها تكبـــر
ابعدي عن الرسميه والوسوسه وخلي البساط أحمــدي

وبعدين اوقفي ويا حرمت أخوج .. حنا حريم ونحس ببعض
يعني لا تفهمين أخوج أن حرمته سوت تصرف غلط.. أو ردة قعلها مو أوكي
بالعكس .. قوليله من حبها .. ولا من فرحها
شو ما سوت حرمته اتقبلوه بصدر رحب
ما دام ما فيه حرام ولا عيب..


موفقــه

اوقفي وياها .. وسانديها

 

[كلي احساس وحلا]

شكرا على ردودكم وين التفاعل

 

[اولادي كل حياتي]

عادي اختي مافيها شي
يمكن اهلها بيعطوكم اشارة انه موافقين يكلم البنت
لان فيه عوائل عندها عادي وممكن لان بعض الشباب العرسان يخافوا يطلبوا او يخجلوا فاهل البنت يقولوا له كلمها مافي مانع
ويااختي الزمن تغير ومافيها شي زوجها تطلب تكلمه
وبالنسبةللدبلة يمكن عندهاحركة لتقديمها قدام الناس خليها تسوي اللي في خاطرها هذه فرحتها واعتبريها اختك اللي طالبة
والله يوفقهم

 

[^أختهم^]

يمكن عندهم عادي لو كان طبعهم مالها ذنب

الله يتمم لهم

 

[كوووول]

شكلها بتطير من الفرح

خلووووووووووووووووووها تكلمه مهي مملكه يعني زوجته ما فيها شي

 

[لهيب القلوب]

يا اختي مقياس البشر الحرام ثم الحرام ثم الحرام و الي سوته مو حرام يعني البنت زوجته على سنة الله و رسوله و اخوكي الي مزودها حبتين و انتي مزودتها ثلاث و مكبرين الامور زااااايد .

 

[سوميرني]

لا تسون من الحبة قبة وبعدو عن الشك لازم يكون فيه اسباب واذا عرف السبب بطل العجب

 

[نوال الخير]

اشوف ان مافيها شيء ملك عليها يعني زوجته وانتي اتصلي عليها وشوفي ايش تبي وساعديها وافرحو وانبسطووو والله يتمم لهم على خير

 

[خلود بكر]

عادي يابنت الحلال وش يعني اذا قالت لهم خلي الولد يكلم البنت يمكن تبغى تعلمه على امور يسويها في الحفله لاتحطوا في بالك مو معناته البنت فيها شئ لا دام انه زوجها عادي ولو هي اتصلت وكلمته قبل مايتصل عادي والله عادي

 

[بـ ح ـر]

بصراحه أحس طلبهم جدا جدا عاادي ..

وإلتمسي لها العذر ممكن ناويه تتفق هي وإياه على حركه أو بالمكالمه تزيح حجز الرهبه ..

الموضوع طبيعي بالنسبة لي ..

 

[مطرية]

والله عزيزتى كلامك هو لغريب وتفكيركمـ هو الاغرب
ياروحى هى زوجتها وتطلب لتطلبها

وكيف اخوك بعده مشافها

وشكو بيها لو تريد تخلى الدبله مميز وتطلبها

هاى حقا وهمـ تريد تسويها لزوجها

عادى عمرى أرمو هالافكار الى راحت عليها الوقت من زمان