حد يفهمني...!

[ام منصور...]

السلام عليكم خواتي

بس حبيت انكم اتساعدوني وتفهموني شو هي آلام الولاده لاني
ماعرف شي عن الولاده وانا الحين فالشهرالاخير وقريب بدخل الشهر العاشر!!

والشي الثاني... انا اليوم جاني إمساك وآلام خفيفه بالظهر والطبن
فهل يعني ان اليوم ممكن اولد؟

والشي الثالث... وايد حريم قالولي ان آلام الولاده مثل آلام الدوره بس انا
ما اعرف شو هي آلام الدوره لاني ما كنت اعاني منها ؟وهل كلامهم صحيح؟!

ياليت اتفهموني
شكراً

​

 

[بنت ع]

الله يهون عليك الام الولاده مغص قوي في البطن وكانك وانتي بكرامه بتبرزين عليك بالمشي وروحي المستشفى يكشفون عليك يمكن الرحم مفتوح انا جاتني الام بس في البطن مثل النغزات ورحت المستشفى واكشفت الدكتوره وقالت مفتوح 5 الله يتم حملي على خير

 

[دانة القصيم]

الله يهون عليك يااااااااااااارب

الآم الولاده مغص بالبطن والم بالظهر يعني ماتقدرين تتحملينه

واحياناً ينزل زي المويات او الدم ..,,

والله يسهل عليك وعلي وعلى كل مسلمه ياحي ياقيوم ..,,

 

[شموخN]

يااااااااااااعمري والله

اوجعني قلبي عليك

شكلك سعنونه وماتعرفين شي اناكنت مثلك بس الحيين خبررره::::وانتظر ولادتي الله يهون علينااا يااااااارب

ع العمووم لاتخااافين

ان شاااء الله يكون هالمغص بدااااية طلق

بس لازم تروحين تكشفين

وراااح يهونها ربك ان شاااااء الله يااااااااااارب

بس عليك بالمشي

مثل ماقالو لك البناااات

والالم يكون مغص والم بالضهر يروح ويرجع كل خمس دقااايق تقريبا ..<<<

وبالنسبه للالم راااااااح تنسينه لما تشوووفين فرحتك وقرة عيوونك يبكي بين يديك

<<الله يفرح نضرتك ويرزقني وياااااك والمسلمااات بالذريه الصااااااااالحه

ويهون عليييييييك

تقبلي مروووري

اخ ـــــتك شموووخ

 

[*ملكة الحب*]

الله يهون عليك
الولاده لين جت بتعرفينها لأنه ماقد مر عليك مثلها
شكل اللي معاك بداية طلق راجعي المستشفى وشوفي الرحم مفتوح ولا لا