حد يعلمني الي اسوي غلط ولا ؟؟

[الشحرورة]

مرحبــــــــــــــــا

حبيت اخذ رايكم ف شي؟؟؟

او محتارة في شي ؟؟؟

باختصار انا احب ولد خالتي ولد خالتي يحبني


بس ما في بينا اي شي انتوا قاعدين تتخيلونة

اللهم نظرة وكلام عاااااااااااااادي بين اي بنت خالة ولد خالة

اكيد بتسألون كيف عرفتي انه يحبج ؟؟ احساسي وبعدين لانه تقدم لي كمن مرة

ورفضوة اهلي لكن تم مصر ع راية فيني وبالاخير اهلي رضوا فية هو ما فيه شي عيب بس

اهلي رفضوة بسبة المشاكل الي بينا بتقولون وين المشكلة

احنا الحينة مخطوووبين رسمي ؟؟ بس بدوون عقد

وطلب مني انه يرمسني بالتلفون ؟؟ بس رفضت لاني اعرف اهلي لو درواا راح يقلبون علي الدنيا

وبعدين صار يطرش لي مسجات وانا ارد عليه بمسجاااااااااات بس مسجات عادية

اقولة شو يستويلي بالدووام ؟؟؟ يومياتي مواقفي كل شي ؟؟

اريد اعرف لو تماديت وكلمتة او حتى طرشت له مسجاتبطيح من عينة ولا بتتغير نظرتة فيني

اريد اعرف رااااااااااايكم بنات؟

صح الي اسوية ولا غلط

 

[نسائيات]

بما انه خطيبك ارسلي له مسجات في حدود المعقول والهبي قلبه و لا تحرمي نفسك من متعه الحب العذري
لكن لاتتمادي في شيء تندمين عليه و تفقدين من ورائه ثقة اهلك

 

[امولة]

السلام عليكم ورحمة الله وبركاته..حبيبتي الشحرورة،،،قريت مشكلتك...ولمست فيها حيرتك وحاجتك للدعم ...انا من رايي انج ما تفتحين له المجال أكثر!!وأنصحج بعد تقطعين المسجات بينكم،،، أحسن لج وأأمن..لأننا يا حبيبتي نحن الحريم رومنسيات وحالمات وسريعات التعلق وبصعوبة نترك الشخص اللي نحبه خاصة اذا فيه شي يربطنا باللي نحبه،،،عشان جيه لا تعطينه أي شي إلا ذا صار بينكم شي رسمي،،،،،،،،
بالنسبة لسؤالج اعتقد انه يعتمد على شخصية الريال..حاليا يمكن هو ما بيعتبرج غلطانه بالعكس بيحاول يضغط عليج عشان تكلمينه لأنج بعيدة عنه بس بعدين فالمستقبل لو صار من نصيبج يمكن يبدا يشك فيج لانج عطيتيه المجال وكلمتيه،،،ومثل ما قلتلج هذا الشي ما بتقدرين تعرفينه إلا إذا صار!!

تذكري يا حبيبتي انه ما فيه فالدنيا هذي شي مضموووووووووون،،،، والله يرزقج خير هذي السالفة ويكفيج شرها ويوفقج إن شاء الله ويهديج للقرار الصح

 

[احلام ورديه]

انا رايي من راي اموله
اثقلي ولاتعطينه ويه الا اذا صار عقد القران
فهذا شي ثاني اما خطوبه تريي شوي ماحد يعرف شو بيستوي
والله يوفقج وييسر لج امورج

 

[عنقود عنب]

كلام حكاوينا سليم

انت رسميا مخطوبين

ما فيها شي

لكن لا تكلمينه خوف من ان اهلكم يعرفون بالموضوع وتحدث مشاكل انتوا في غنى عنها

استشيري والدتك في الامر ..أذا وافقت فتوكلي على الله حتي يصير كل شي في النور

ربي يسعدكم

عنقود عنب

 

[درة الإستبرق]

أنا رائيي من رأي الأخت أمولة مع أحترامي لرأي حكاوينا

وترى الرجال يحب الغموض حتى بعد العقد لا تكونين قدامة كتاب مفتوح

بل أخفي عنه أي شيء مايخصه وخاصة عن أهلك بما أن بينكم مشاكل

مع الوقت ما تدرين يمكن تطيحين أنتي وأهلك من عينه

إذا عرف بمشاكلكم وذيك الساع لابغيتي تعتزين بأهلك أو من هالقبيل

بيقولك روحي أنت وأهلك لو فيهم خير ماكان وماكان.......................

أتمنى فهمتيني..................

 

[ام الحلوين]

وانا مع امولة بعد واذا عقد قرانك كلمية لانة حلالك اما الحين مازال اجنبي عنك واللة يوفقك

 

[الشحرورة]

حكاااوينا
هذا الكلام الي كنت اتريا اسمعة

امولة واحلام وردية

فكرت بالنقطة الي قلتيها وحطيت ف بالي هالشي
بس انا الله يهديني فتحتة له المجال
لانه كان يريد يتفاهم معاي ع موضوع زواجنا وين بيكون ومتى يعني من هالكلام
بس اطورت السالفة وصار يطرش بسالفة وغير سالفة وانا استحي اقولة لا طرش وبعدين هو ما يطرش شي غلط اشياء عادية ؟؟

ولله ماااااااااااااااااااا اعرف محتااااااااااااااااااااااااااااااااااارة ؟؟
ما يهووون علي اقولة لا يطرش وف نفس الوقت ضميري يأنبيني

 

[الشحرورة]

عنقود عنب
قلب عمرة ما نساك
ام الحلوين

حبايبي مشكووورين ع تفاعلكم

بس انا ما اقووول اي شي عن اهلي بيني وبينه مسجات دينية نكت واحيااااااااااانا مسجات شوق

ومسجات هبلة يعني استعباط وسب ؟؟؟

بس ولله اعرف غلط الي انا قاعدة اسوية

 

[نبراس الخير]

حبيبتي إنت أدرى بخطيبك إدا كان حيقدر اللي بتسويه ولا حيفهمو غلط

 

[احلام ورديه]

انزين انتي لاتقولين له لاتطرش خليه يطرش بس انتي لاتطرشين له
هو اكيد بيسألج ليش ماتردين عليه
خبريه انج خايفه لاتطور العلاقه وانتم بعدكم ماملجتو
وفاتحيه بالملجه يكون احسن
انا انصحج كأخت لج وان جان معاي اخت جان شديته من اذنها لأن عندنا حراااااام
الوحده تتكلم مع احد غريب حتى لو ولد عمها لأنه مب من المحارم
لكن اذا ملجتو بيصير كل شي حلاااااااال لأنه ريلج
والله ييسر لج امورج ويفرج همومج

 

[الشحرورة]

يبالي ولله

 

[امولة]

الله يعينج حبووووبة...اكيد الموقف وايد صعب بس يحتاج لموقف حاسم منج علشان تكوونين فالسليم مثل ما يقولون..وانا ويا اختي احلام وردية..ممكن انج تبادرين بالخطوة اللي نصحتج فيها...والله انه قلبي وياج

 

[ألوان]

أأنا بقولش شي حبيبتي اذا تقربتي منه راح يبعد عنج حاولي انج ما تكلمينه ولا طرشين له مسجات ومسج بجر الأتصال 000000 حتى لو كان خطيبج تررررررررررريي لما تملجون وبعدين حلوة العلاقه بين الأثين يوم الملجه فلا ضييعينها000000000​

 

[أريد أن أكون]

اختي الله يبارك فيك ويوفقك هو بس خطبك رسميا لكن ما عقد عليك اذا هو
ليس محرما لك........طيب تذكري هذا الكلام ديما.متى ما عقد عليك وصرتو
حلال بعض خذوا راحتكم بالكلام والمسجات.لايجوز لك لا مكالمته ولامراسلته
لانك لسى ما اصبحت زوجه له.ثم انه ممكن لما تتزوجوا يكره منك جرأتك في
مراسلته قبل العقد ويبدا يشك في انك ممكن تراسلين اي حد مو محرم لك.
ابحثي عن رضا الله اولا وتاكدي بأن ربي سيرضيك.وفقك الله واسعدك
لكن نصيحتي هو ان تبطلي تراسليه مو لازم تجيبين له عذر.قولي بعد العقد
ناخذ راحتنا .

 

[عضو سابق]

السلام عليكم ورحمة الله وبركاته



اولا اقول لأختي الغاليه / حكاوينا واختي عنقود عنب..

ان كلامكم ربما يجر ورائه اشياء لم تنظروا اليها بالمستقبل اخواتي الكريمات.


فيا اختي الحبيبه نصيحتي لك:

ان تنقطع هذه المسجات ..

اتعلمين لما ؟

ليس لانه سيفكر بانك غير سويه ؟ فانت ابنة خالته ولن يفكر بك من هذه الناحيه.

ولكن طبيعة الرجل اختي الحبيبه.. يحب المراه الصعبه .. انتي تعلمين انه يحبك..

اذا كوني انتي الى الامام وهو من يركض ورائك..

لا بأس مثل ما قتي اذا تقابلت معه .. مجرد سلام لا غير.

فصدقيني اختي الحبيبه.. فالرجل يشبع بسرعه ان اعطته المراه كثير من الاهتمام..

واذا كنت بفتره الخطوبه بعدك.. فهذه هي البدايه.. وشيء سيجر شيء..

من غير ان تدريكه..

وانظري اليه من طرف آخر.. ان اهلك غير راضين بذاك..

فان فعلتي ذلك.. فستكون فعلتك خيانه لأهلك اختي الحبيبه لثقتهم بك.

واهلك لا يستحقون ذلك..

انتي تحبينه وهو يحبك .. اي ان الشيطان سهل ان يدخل بينكما ..

وسيزين لك امور .. ان قلتها لك ستصعب عليك فعلها .. ولكن الايام ستريك ذلك

وقولي بعدها ام مريم قالت..

اتمنى لك السعاده حبيبتي حفظك الرحمن