حدوتة "جسدي ملكي أنا فقط"..لتوعية البنات

[راجيه الرضا]

حدوتة النهاردة الهدف منها توعية الاطفال من التحرش الجنسي .......???

حدوتة النهاردة ......( جسمي بتاعي انا و بس )

كتابة و تأليف : شيماء عبدالعال

كان ياما كان .ّ....كان في زمان بنت جميلة اسمها جاسمين ........كانت جاسمين بنت شاطرة و نشيطه و بتسمع كلام مامتها .........و في يوم من الايام ......مامتها قالتلها .......انتي كبرتي دلوقتي يا جاسمين و بقي عندك تلات سنين .....????.و في شوية حاجات لازم تعرفيها كويس .......???ردت جاسمين و قالتلها قولي يا ماما انا سمعاكي ........

قالتلها بصي يا جاسمين جسم كل واحد فينا بتاعه هو و بس .....???.مش من حق اي حد انه يحط ايده علي جسم التاني ......???.قالتلها يعني يا ماما انا جسمي بتاعي انا و بس ........قالتلها طبعا يا جاسمين .......الكلام دة للولد و للبنت برضه .. ..و عشان كدة مينفعش اي حد يشوف جسمك غير مامتك بس ....???.....و لما تدخلي الحمام لازم تقفلي الباب عليكي .......???و محدش يحميكي غير ماما و لما تكبري شوية تحمي نفسك بنفسك .......???...

و لو اي حد عايز يسلم عليكي و يبوسك حتي و لو من قرايبنا ???.....يبوسك من خدك بس غير كدة يبقي غلط .... ....و كمان مينفعش تقعدي علي رجل حد خالص احنا خلاص كبرنا .........و منغيرش هدومنا قدام حد تماما .....?????.و في اماكن معينة في جسمنا مينفعش حد يجي جمبها ابدا ابدا ... .....???و راحت مامتها جابت عروسة من بتوع جاسمين و شرحتلها الاماكن دي فين بالظبط ......???.

..كانت جاسمين قاعدة بتسمع لكلام مامتها و مركزة جدا و بعد ما مامتها خلصت كلامها .....????..قالتلها طيب افرضي يا ماما حد ضايقني و حط ايده علي جسمي اعمل ايه .????? قالتلها بصي يا جاسمين لو حد حط ايده علي جسمك او عمل حركة ضايقتك من اللي قولتهالك لازم متسكوتيش ........???و تزقي ايده و تجري بسرعه لبعيد و تيجي تقوليلي او تقولي لبابا علي طول و احنا هنعرف نتصرف ازاي .....???????

..او تصرخي بصوت عالي و انا او بابا هنجيلك بسرعه .......قالتلها جاسمين حاضر يا ماما ........و لما تروحي المدرسة تبقي تجري تقولي للمدرسة بتاعتك بسرعه و متخافيش من حد ........و اي حاجه تحصل لازم تحكيها لماما اول باول .........محدش يقولك دة سر بيني و بينك او متقوليش لمامتك لان مفيش بنت او ولد شاطرين يخبوا اي حاجه عن مامتهم ........?????

جاسمين سمعت كلام مامتها و وعدت مامتها انها تنفذه .......و بالفعل في يوم من الايام جالهم ناس قرايبهم عشان يزوروهم .......???? و هما عندهم جاسمين غصب عنها ادلق عليها كوباية العصير و هيا بتشربها .......??? دخلت جاسمين اوضيتها عشان تغير هدومها اللي اتبلت و قفلت الباب عليها .......???

.و فجاه لاقيت حد من قرايبها بيفتح باب اوضيتها من برة عليها قعدت تصرخ بصوت عالي و تنده علي مامتها .....???مامتها جت بسرعه و قفلت الباب عليها ....قريبهم اعتذر لها و قالها انو مكنش يعرف انها في الاوضه بتغير و انه مكنش يقصد ..???...مامتها فرحت جدا منها لانها اتصرفت صح زي ما اتفقت معاها ..

....و قالتلها برافوا ياجاسمين انتي اتصرفتي صح انتي بنت شاطرة لان جسمك بتاعك انتي وبس و مينفعش اي حد غير ماما يشوفه .........
و توتة توتة خلصت الحدوتة

 

[Noufshamri]

الله يجزاكي خير راجيه على القصه الجميله وفيها الكثير من العبر فعلا هالموضوع يحتاج ينكتب فيه كثير
ربي يحفظ ابنائنا وبناتنا

 

[راجيه الرضا]

مرحبا نوف .فعلا الموضةع اصبح مقلقا جدا نحتاج إلي دعاء مع اخذ بالأسباب فعلا .ربي يحفظ أبناءنا جميعا??