حبيت استشيركم

[ظبيه الهاشمي]

السلام عليكم ورحمة الله

هلا فيكم خواتي هذا اول موضوع لي في هالقسم وحبيت استشيركم في شغله انا عندي مشكله بسيطه مع زوج الي هي السكن نحن ساكنين مع اهله و المشكله ان نحنا ساكنيين بس في غرفه وحده وحمام الله يعزكم وانا حاليا عندي بنت وان شاء الله بعد شهر بجيب البيبي الثاني .انا كلمت زوجي عن هالموضوع واني ما اقدر اقعد في غرفه وحده مع عيالي وهو كل مره يوعدني ان ننتقل بس ما اشوف شي اخر مره كبرت الموضوع شوي ورحت عند اهلي ووعدهم ان على نهاية السنه راح ننتقل ان شاء الله

حبيت اعرف هل الي سويته صح اني خبرت اهلي؟وهل اعطيه الفرصه ولا اتم على رايي ؟ وبالنسبه للي نفس حالتي اشلون يتصرفون يعني كيف اخلي الغرفه اتكفينا انا وزوجي وعيالي والله ما ادري شو اسوي كل افكر وين برقد الياهل الجديد واشلون ارقد واحد والثاني يصيح . الله كريم

 

[دنياxدنيا]

اصبري مدام انه قالك نهاية العام يعني في امل تطلعين وبالنسبه للغرفه عادي ارقدي فيها انت وعيالك تكفيكم ..

 

[ANGE]

اذا جا البيبي وماطلعتوا يفضون لكم غرفه ثانيه قولي لزوجك يكلمهم اوتطلعون اذا ظروفكم تسمح

 

[عرش قلبه]

انا متأكده ان زوجج مو عآجبه الوضع .. واكييد لو هو قآآدر
يتقل ببيت لوحده مآراح يقصر معآآج .. حبيبتي لاتكبري الموضوع عشآآن ماتنفري
زوجج منه ,, الحرمه الشآآطره هي اللي تقرب زوجهآآ منهآآ وعن طريق طلعهآآ ومعاملتها
الحلوه تقدر تآآخذ منه اللي تبييه وهو رآضي ومبسووط بدون زعل وضرآبه
آنا اختي جلست عند اهل زوجهآآ وجآآآبت 3 اطفآآآل وهي بغرفه وحده وصغيره مره لكن
مازعلت ع زوجهآآ لانها تدري بضرووفه ويووم اللي فتحهآآ عليه سوآلها احلى فله
وزوجهآآ حاطهآآ فوق راسه

 

[بريق الحب]

اصبري مادام وعدك

 

[ظبيه الهاشمي]

مشكورين على ردودكم الحلو والله ياخواتي انا صابره ومتحمله كل شي بس انا قاعده افكر اشلون بتكفينا الغرفه الحمدلله على كل شي بس والله صعبه وغير جي اهله من الحين قاعدين يدخلون في تربيت بنتي الله يستر .اختي عرش قلبه ممكن تسالين اختج اشلون كانت امشيه امورها.

 

[الجواااان]

طيب اذا فيه مجال تاخذون غرفتين

 

[عطرالشوق]

حبيبتي اصبري انا الله مع الصابرين والله اختي قعدت عند اهل زوجها 13سنه والله انها بعد ثلاثه اطفال سمحولها تاخذغرفه صغيره مره كنها سيب بس كفت سريرين لعيلها بدون دولاب بس روحي شوفي بيته الحين ماشالله تبرك الرحمن قصر ما شالله عليها عوضها ربي خيرصبرت عليه كان يقولها تبيني البسك ذهب واستجرلك بيت بس عيلنا ملهم مستقبل او اجمعلك وامنك انتي وعيللك اذازوجك يجمع نفسه وتحسين ان بيطلع من ورى جلستك عند اهله شي ساعديه واصبري واذا كان من النوع الي فلوسه مهي له حولي تسيسينه وتسوين جمعيه انتي وياه لو وهميه مع احد تعرفينه اوانتي ارفعي فلوسه لين تجمعين مبلغ معين وبعدين تطلعين

 

[مايصحش هالحتسي]

اذا كانت ظروف زوجك ماتسمح ميخالف ياقلبي تصبري وادعي ربك ان الله يفرجه لكم

 

[ام بنوتتها]

مرحبا اخت ظبيه
بصراحه الاخوات كلامهم عسل
الوالده مثل حالتج ايام قبل وانا اكبر وحده في خواتي جابتني وجابت بعدي 3 خوات واخ كله في غرفه وحده بس بعد الصبر الوالد شرى لها قصر
والحمدلله احنا عايشين في مرتاحين على الاخر
وانا احين مثل حالتج ساكنه مع اهلي وعندي بنت
ولو زوجي كان قادر اوفر لي سكن خاص والله ماقصر بس الارزاق بيد الله
اهمشي قلوبكم على بعض لان مافي فايده السكن خاص والقلب مو موجود
الحمدلله على كل نعمه

 

[الأمل المستحيل]

الله يفرج همك اصبري واحتسبي الاجر

 

[دلآل]

انتى تكلمتى معه كم مرة ومانفع ماصار عندك حل الاتدخل اهلك

اصبرى وذكرية اذاماتحرك وبدا البحث عن بيت قبل نهاية العام باسلوب زين

لاتشيلين هم كيف بتسكين واحد وتنيمين الثانى الله بيسهلها عليك مثل ماسهلها على غيرك

والاهل تكلمى معهم باسلوب الاقناع اذا طريقتك صح فى تربيت بنتك

 

[ظبيه الهاشمي]

مشكورين خواتي والله ردودكم تبرد الخاطر