حبيبي يخوني ....أبغي مساااااعده....

[روح حمود]

:schmoll:هلا خواتي...
بغيت أفضض لكن.. و أشاوركن شو أتصرف...
البارحه زوجي كان رايح الدوام و نسى موبايله قلت خلني أشوف الموبايل و أنا عادي حتى قدامه أشوفه حتى هو بنفسه عاطني الرقم السري للموبايل و لما يوصل مسج يقوللي فتحيه و قريه لي و زوجي من النوع اللي ما يطلع من البيت الا ويايه الا دوامه (يداوم اسبوع و يأجز اسبوع)و يا ليتني ما شفت اللي شفته وحده اطرشله مسجات و اللي قاهرني أنه راد عليها تخيلن يقولها فديت روحج و الله اني منقهره ووايد مسجات بس هي اطرش من زمان و هو ما كان يرد عليها اللا الحين قام يرد عليها انزين عاد انا اتصلت فيه و قلتله نسيت موبايلك قاللي برايه بس حوليه على الموبايل الثاني و سكريه أنا ما قدرت أقوله شي لين ما يوصل الدوام و الله اني بايته دموعي اربع اربع و لما وصل اتصل فيه يطمني على فكره هوه دايم يتصل و يطرش مسجات حب ووايد رومانسي يعني مستحيل افكر انه يسوي هالشي انزين المهم بعد ما قدرت اقوله عشان باجر وراه دوام و خليته ينام هو حس انه فيه شي بس انا ما قلتله.. و اليوم الصبخ اتصل كالعاده لين ما يوصل الشغل ما قدرت امسك نفسي واجهته تم يتهرب قال هيه اطرش بس اونه مايرد عليها و لما واجهته تم ساكت و لا رد بكلمه سكرت التلفون ...و الا اتصلت له و لا هو اتصل ... الين الليل (مع انا متعودين على كل ساعه انكلم بعض اول مره يطوف كل هالوقت و لا اكلمه)اتصل بالليل و قال ليش ما اتصلتي انقطع تلفونج!!! قلت له ما القيت حد يستاهل عشان اتصل به ..(على فكره زوجي من النوع الحساس واايد) و تميت الومبه و انا والله اني منقهره و يمكن ظليت اكثر من ساعه و اتا اتهاوش وياه بس هو ما يقول شي تم ساااااكت و لما انا سكت سمعت صوته انه يبجي ما رديت عليه و سالته شو فيك؟ قال انه ندمان و تم يحلف انه ما يسويها مره ثانيه و طلب اني اسامحه بس انا ما رديت عليه..
و الحين ما اعرف كيف اتصرف ...
انا اعرف انه يحبني ...
و الا اقدر ابرر تصرفه هذا...
ما ادري شو اسوي...
كله من بنات ابليس...ما يخلن ريال فحاله
ساعدني خواتي .... شو اتصرف؟؟؟؟

​

 

[norahmed]

انتي لا تكوني زعلآآآآآآآآنه خلاص دامه قال اسف وندمان سامحيه بس لاتخلي


الموضوع يفوت بسهوله يعني اجلسوا مع بعض وخذي منه وعد مايسويها


وسامحيه وربنا يهديه لك

وبعدين بسم الله ماشاءلله عليه ماظني في زوج مثله يخلي زوجته عندها الرقم

السري لموبايله او يكلمها حتى في دوامه ياشيخه ربنا يحرسكم من العين ويخليكم

لبعض ويحفظ لك زووجك من كل البنات ويخليه لك وحدك

 

[روح حمود]

مشكوره اختي
و جزاج الله الف خير

 

[أماني نجد]

اقولك اتقبلي أسفه ولا تفتحين الموضوع معه مره ثانيه يكفي مواجهه واحده ولا توصل لاهلك طبعا

وربي يوفقكم ويرجعه لك مثل ماكان واحسن

 

[يارب اغفر لي]

الله يهديه ويبعد عنه بنات الحرام

 

[سماهر88]

روح حمود ومن اسمك انا متأكده انك بتسامحينه

اسمعي حبيبتي الرجل ضعيف جدا عند كيد النساء
وقد حذر رسولنا الكريم عليه الصلاة والسلام (ماتركت بعدي فتنة أضر على الرجال من النساء)
وزوجك مثل ما قالتي يالغاليه انها ترسل له من زمان ولكن ما كان يرسل لها
يعني بالبداية صامد ولو انه تجاوب معها من البدايه اقولك زوجك ماتفرق عنده يرحب بسرعه ويبادر
لكن هنا عنده تمنع يشفع له عندك
حبيبتي سامحيه ومجرد اعترافه وندمه يعتبر دليل على حبه لك
خليه يعطيك عهد انه مايكررها
سامحيه يالغاليه والله فيه اكبر من كذا وخيانه بمعنا الخيانه والتسامح لملم تماديها ووقاحتها
حبيبتي سامحيه لايكون صدك سبب لتطورها
تهدين زوجك بطبق من ذهب لها وتغلفينه بعتابك بزعلك بصدودك وبهالوقت يدور
على حضن حنون
حبيبتي انصحك نصيحه مادام رجوعه بين ايديك سامحيه
قبل لايكون رجوعه لك من سابع الاحلام


ربي يهديه لنفسه ولك
وتقبلي مروري اختك سماهر88

 

[احاسيس*]

ادخلي دورة استراتيجيات الزوج الخائن

 

[@k@]

حبيبتي سامحيه 000بقوللك حاجه اكيد انتي سامحتيه بس لازم يشوف اثار الزعل عليك يعني الدموع لاتاكلي ابكي عادي اهم حاجه مو ولا كان حاجه صارت000لازم يحس فيك 00واكيد حتقولي له انكي سامحتيه000شو رايك000

 

[حياتي حمودي]

سامحيه اختى والله انه صعب الرجال تنزل دموعه هو واضح انه ندمان على اللي سواه ونصيحه لك سامحيه
والله يسر لكم اموركم ويصلح مابينكم يااارب

 

[ابتسامي سر]

حبيبتي والله المشكله هذه في كل العائلات ومافي اسره ما مرة بمثل هذه القصه سواء الزوجه اكتشفت القصه او لم تكتشفها وانا متاكدة مافي رجل مايمر بمرحله النزوه
وانا مره وحده تشتغل مع زوجي صاحبته يعني كانت هالكته برسائلها وكان مطنشها وقت طويل وفي يوم رد عليها وقلها اذا صداقتي تسعدك انا راح اتواصل معك ..بس هذول الكلمتين قالها ....شوفي انا اش صارلي
والله الدنيا دارت بي ومررررررررررررره زعلت ليه تقولها كلام زي كده وانت عارف انت ايه بنسبه لي وانا ايه عندك نسيت وعودنا واني اول حب وانت كل حياتي وحبنا مميز والكل يحسدنا عليه و و و
وشافني اتحطمت وانه صورته اهتزت في عيني راح هوه كمان مرررررررررررره زعل من حاله ووعدني مايكلم ولايشوف اي وحده غيري وبصراحه انا سامحته لانه من يومه مايكذب لامعاي ولامع الناس
وبعدها سفرنا واخذني كباين والله استمتعنا وصار يحبني اكثر من اول بكثير ولايقدر يزعلني ولا شوي وبصرحه هوه من الاول يحبني وما يزعلني بس دحين شي تاني من الدلع
وانصحك لاتخبري احد ولا اخواتك وامك والله راح تكبري في عينه
قصتي صار لها ثلاث سنوات واول مره افصح عنها لك لاني حسيت بيك ونفس الظروف مرت بي
واناعارفه انه الزعل في هذه الحاله كبير جداااااااا لانك معطيته كل ثقتك وحبك..........
ولاتخلي موضوع زي هذا يدمر اسرتك
الله يسعدكم ويبعد عنكم اولاد الحرام

 

[زوجةاسير]

سامحيه واكسبي زوجك ولا تتركين لها تسيطر عليه وتنفرد به والله يهديه

 

[ice creeem]

حبيبتي الله يسخره لك ويبعد عنه بنات الحرام

 

[البنت وامها]

حبيبتي الله يهدي سركم ويبعد عنكم كل حاسد وحاسده وكل من بيخرب بينكم

حبيبتي انتي بينتيله انج ويد زعلانه ومتضايقه وشفتي ردة فعله
مادام اهو حس بغلطته وتاسف واهو ندمان خلاص ماله داعي تكبرين السالفه اكثر

لاتطولين الزعل عشان لا يمل وياخذها فرصه انه يروح لها ويدور الوناسه معاها

وانتي تدرين ان ابليس شااااااطر
ما يبي يشوف اثنين متهنين الا يخرب بينهم

 

[ابو راكـــان]

نحن نعرف ان كثير من الناس حساسين ولا ينسون الخطأ وخاصة المرأة فهي حساسه اكثر من الرجل واذا ارتكب زوجها خطأ معها فهذا الخطأ يدوم في قلبها حتى لو قبلت السماح من الرجل ورضت عليه ولكن سرعان ما يخرج غضبها وتعود الى المشاكل القديمه وعيوب زوجها وتقوم بتشغيل الشريط القديم مما يجعل الرجل يزيد من غضبه اكثر واكثر وتصبح حياتهما مهدده بالخطر ...
خلاصة
معظم النساء تغفر بسرعه وتسامح ولكن لا تنسى خطأ زوجها حتى لو فعله قبل خمسين سنة.
معظم الرجال اكثر عيبا من المرأه حيث انهم لا يغفرون وردة فعلهم قاسية ولكن ينتهي كل شي منذ اللحظه الاولى .

دعونا نعكس الصورة وندع المرأة هي الخاينه ماذا سوف يكون العقاب ؟ وهل سوف يسامح الرجل مثل ماسامحت اختنا روح حمود ؟

اختي الكريمه انا اهنئك على عقلانيتك وعلى قلبك الكبير وهذا الذي سوف يحافظ على مملكتك فلا تجعلي الاخرين يهدموا ما تبنيه انتي وزوجك وارجوا منك ان تحاولي ان تتناسي كل ماحصل وان تبدأي صفحه جديده مثل ماوعدك زوجك وان لا تذكري ماحصل بينكما في يوم من الايام واعتبريه خطأ وانتهى وكلنا نفعل الخطأ.
كثير من النساء وقعنا على ازوجهم وهم يخونونهم خيانه فعليه بمعنى واقعيه واحيانا تكون الخيانة مع الخادمات ولكن تعاملنا بعقلانية لكي حافظوا على مملكتهم .

اتمنى لك حياة سعيده وان يحبب زوجك فيك ويجعله مخلصا لك..

 

[روح حمود]

هلا خواتي...
جزاكن الله الخير على النصيحه
أنا ابدا ما فتحت الموضوع مع أحد
لأني اعرف اني بنسى و بسامح بس الناس ما ينسون
ولو ما اعرف غلاتي في قلبه ما سامحته الكل حاسدني عليه
حتى لدرجة انهن يراقبن سيارته يقولن انتي شو تسوين لزوجك علشان ييلس طول اليوم في البيت ما يطلع
وهو ابا ما يروح مكان الا معايه حتى اني الحين والده من جريب و لأني ما اقدر اروح بعيد عن بنوتتي هو ما يروح مكان...
و الله يهديه ان شا الله و يبعد عيون الحساد عنا
و مشكووووووووووورات على النصايح اللي استفدت منها
و اتريا منكن المزيد من النصايح
اللي بستفيد انا منها و كل وحده تمر بنفس هالحاله

 

[روح حمود]

up
up
up

 

[روح حمود]

للرفع