حبيباتي محتاجه لكم لو بدعوه بظهر الغيب ..

[امل خالد]

السلام عليكم ​

صباحكم/مساؤكم وررررد​

اشتقت لكم كثير من بعد الزواج ما فضيت ادخل نت كثير واذا دخلت متابعه بصمت ​

لكن سبحان الله لمن امر بضيقه و ما لي الا الله ثم انتم الله يسعدكم ​

احس اني اتجرأ احكي معاكم اكثر من صديقاتي​

اليوم يا حبايب ادخل في الشهر السادس من بعد زواجي والحمدلله ​

موضوعي بالنسبه لتأخر الحمل ادري بتقولوا بدري وتو الناس ​

عارفه انو بدري والله بس كلام الناس ما يرحم وخصوصا اهل الزوج ونظرتهم اللي كلها استفسارات ​

والا كلام اصحاب زوجي و سؤالهم المتكرر عن الحمل ​

خصوصا انو ساكنين بمنطقه اقرب تكون قريه و كل اللي فيها يعتبروا الحمل اهم شي بالزواج ​

زوجي الحمدلله متفهم كثير و لمن اقول له بدري و خل نستانس و لا تحط ببالك عشان ما يتعبك التفكير يقتنع بس لمن يطلع لاصحابه يجي و هو محطم ​

و بس يشيل اخواته الصغار و يضمهم و يجلس حزييين مره ​

يشوف صورة بيبي يفكر ويتكلم ويقول الله واعلم بيجي يوم واشوف عيالي ​

احس كلامه كذا وما لنا الا 6 شهور اجل لو سنه سنتين شو بيقول ​

الحمدلله فيه كثير تعبوا بحياتهم و ناس اعرفهم جلسوا 9 سنوات ما حملوا و من كلامهم الاقي صبر ازواجهم اكثر من صبرهم و ازواجهم اللي يراضوهم .... حاجه غريبه بجد​

المهم انا كنت مره مشتاقه للبيبي بس احس اني ابغى اتناسى الموضوع و بصراحه صرت اتضايق من كثر ما يجيب طاريه ويفكر فيه ​

احس صار ياكل عشانه و صار ينام عشانه و صار يفكر في الاحم احم عشانه
صار ينتظر ايام التبويض و يحسب لي صار يجبرني ع اشيااء ما قد اجبرني عليها ​

فهمته اكثر من مره اني حتى انا ابغى بيبي بس مو بهالاسلوب انا من كيفي بسوي اللي اقدر عليه ​

ضايقني هالشي كثير ​

فكرت وقلت لازم افكر بشي ايجابي ​

وبآخذ بالاسباب و اروح للممرخه اللي دايم ماما تروح باخواتي عندها ​

طبعا هذي ممرخه وخبيرة اعشاب ومره معروفه وادويتها زينه بعد اذن الله طبعا ​

ميزتها انها تدخل الزوج و تسأله بعض الاسئله وتمرخني انا ​

الحمدلله مرختني وقالت كل شي عندك تمام التمام بمرخك ثلاث ايام كتنشيط للمبايض
و تري الرحم ما يوصله المني ابدا لان المني ضعيف --- هذا كلامها والله --​

وبدت تسأل زوجي اسئله و بعدها قالت له انت عندك ضعف وكسل والحيوانات المنويه ضعيفه ما توصل الرحم الا وهي ميته وما منها فايده--- وعندك شبه دوالي في الصلب يعني في اسفل الظهر ---واحمد ربك انها مو متطوره وخفيفه ​

قالت له يبعد عن اكل لحم الابل و البقر و الباذنجان لانه جد يحب ياكلها كثير الله يهديه
بس ما ادري شو علاقتها بالسالفه​

ومنعته كمان من الغازيات والشيشه و قالت له ياخذ بيض بلدي عالريق حبه بيضه مع ملعقه صغيره رشاد وملعقه صغيره حبة البركه -- تعتبر منشط ومقوي للحيوانات المنويه
طبعا البيض مو مطبوخ كذا بدون ولمدة 10 ايام ​

وقالت الرقيه و القران والاستغفار لا تتركوه ​

و جربوا هالشهر والله يكتب لكم الخير وما عاد اشوفكم الا في خير ​

واذا هالشهر ما صار حمل عندي دواء كويس مره بس انو غاااااااالي بحدود 3 الآف ​

طبعا صدمني المبلغ بس واثقه بربي كل خير ويارب ما نحتاجه ​

طلعنا من عند الحرمه وهو محطم نفسيا نوعاً ما ​

اخذت الموضوع عادي ولا عاد كررته و بديت اسولف و اغير جو واقول له عورتني مره توجع ومن هالكلام ​

رجعنا البيت و احسه متضايق ومو ع بعضه صار يطلع اغلب الوقت عشان ما يتذكر السالفه ​

الله يفرح قلبه و قلبي و يرزقنا وكل محروم بالذريه الصالحه المعافاه باذن الله ​

وحده قادر ع كل شي ​

رأيكم :​

يا اخواتي في زوجي وهل طبيعي وكل زوج تاخر الحمل يسوي كذا؟؟​

و رايكم في كلام الممرخه و العلاج حقها ؟؟؟​

و اخيرا عارفه اطلت عليكم لكن فيض من غيض و ربي يفرجها علينا يارب ​

دعواتك تسعدني:32:​

 

[شمشونه]

تبين نصيحتي اصبري شوي

ولاتعدمين نفسك بالعلاجات

يمكن رحمك لسه يتهيـأ للحمل

ماتدرين ربي متى يكتب لك الحمل وعسى ربي يوفقك ويرزقك الحمل باقرب وقت ممكن

انتي وباقي البنات

 

[انتوا سموني]

الله يرزقك بالذريه الصالحة

الله كريم .... وان شاء الله ماتحتاجين هذا الدواء

لا إله الا وحده لا شريك له له الملك وله الحمد وهو على كل شي قدير ، سبحان الله والحمد لله ولا إله إلا

الله والله أكبر ، اللهم أني اسألك أن ترزق أختي( أمل خالد) بذريه صالحه تقر عينها وعين زوجها بهم عاجلا

غير آجل

 

[مكسرات بالعسل]

الله يرزقك بالذرية الصالحة والزمي الاستغفار

 

[رقة المشاعر]

الله يرزقك بالذريه الصالحه يارب عاجل غير اجل
توكلي على الله وكل شي بارادته وان شاءالله تبشرينا قريب

 

[غربه احساس]

الله يرزقك باللي يملي علكي حياتك ويفرح زوجك بس الاحسن اختي روحي الطب افضل من الاول

 

[اسيره الوحده]

اختى مرره بدري على الحمل ولسه الرحم ما تاقلم وتدرين انه مناعة جسم المراه تطرد الحيونات المنويه سبحان الله لانها اجسام غريبه اصبري ياقلبي
ولاتفكري بالموضوع ابداااااااا
وخلي نفسيتك حلوه وتوكلي على ربك واهتمي بصحتك واكلك عشان ان اشاء الله ان ربي كتب لك حمل لازم صحتك تكون ميه ميه

ومااقدر اعلق على علاج الحرمه ماعندي خبره بالموضوع

بس عن تجربه الاستغفار وصلاة الليل والدعاء( اللهم لاتذرني فردا وانت خير الرازقين)
والحمد الله ربي رزقني وربي لا يحرمك ان شاء الله من الولد
ربي يرزقك الذريه الصالحه ويفرح قلبك وقلب زوجك ويسعدكم بالدنيا والاخره
تقبلي مروري

 

[امل خالد]

مشكورين بنات ع دعواتك الحلوه و كلامك الله يسعدك والله استانست

اسيره الوحده قد قالت لي وحده من معارفي انو الرحم ياخذ وقت حتى يتأقلم عالحيوانات المنويه

وقلت هالمعلومه لزوجي ضحك علي وقال شوفي فلان وفلان وفلان كلهم من اول شهر صار حمل

انتي مميزه ما يتعود بسرعه سكت لاني مو واثقه من المعلومه


بس الصبر و التوكل على الله

 

[امل خالد]

شكل ما احد عندو خبره عن علاج الممرخه اللي قالته لنا

 

[رومانسية أنثى]

حبيبتي اتركي عنك كلام الممرخه وروحي لدكتور سوي فحوصات انت وزوجك وش يعني تساله وتطلع فيه كل هالبلاوي ترى كل الفحص لزوجك بخمسين ريال روحوا تاكدوا ويارب تحملين بدون علاج او غيره

ذكرتيني بزوجي من ثاني شهر زواج وهو حالته حاله

 

[امل خالد]

اكيد بنروح للطبيب بس ننتظر شوي

ويارب ما نحتاج احد ويريحنا ربي من الروحه والجيه يارب

الله يسمع منكم ويرزقكم بالمثل يارب

 

[اميرة الشروق]

الله يرزقكم الولد الصالح البار فهميه ان الحمل الطبيعي بعد سنة من الزواج ولاتاخذون بكلام الممرخة ممكن تستفيدين انتي من التمريخ لكن الكلام الي قالته لزوجك خراط في خراط هوممكن بس محتاج غذاء صحي اكثر وبس يعني فتامينات او يكثر في البحريات وسلامتك يالغالية 0:34:

 

[ميمو22]

اختي لاتتفكري كثير انا لي سنه و4 شهور وماحملت ومصبره نفسي لانه اكيد خيره لي وكل شي بوقته حلو والله كريم

 

[خرس النواعس]

ياودود ياودود يا ودود يا ذو العرش المجيد يافعال لما تريد يامبدي ​

يامعيد اللهم اني اسألك​

بعزك الذي لا يرام وبملكك الذي لا يضام وبنور وجهك الذي ملأ جميع ​

أركان عرشك وبرحمتك التي وسعنت كل شي سبحانك وبقدرتك ​

التي قدرت بها على جميع خلقك أن ترزق أختي امل خالد​

اللهم أني أسألك أن ترزق اختي بذريه صالحة تقر عينها بهم عاجلا ​

غير آجل يا ذو الجلال و الاكرام يامغيث أغثنا يا مغيث اغثنا يامغيث ​

اغثنا ​

اللهم صلي على نبينا محمد وعلى اله وصحبه اجمعين​

 

[امل خالد]

ادعوا لي باقي اسبوع ع موعد دورتي




يارب يكتب ربي اللي فيه الخير

 

[امل خالد]

ننتظر و نشوف

 

[تصبيره]

يا حبيبتي انا حملت بعد 6 سنوات تخيلي كيف كان وضعي
لاا تفكرين كثيير ترى فيه شي يسمى عقم نفسي وهذا من الحاله النفسيه والتفكير الزااائد
ربي يرزقك ويرزقني بالذريه الصاالحه