حايسة حوسه ما قد حست زيها ...

[حياة الروووح]

سلام حبيباتي ...


بنات وحريم والي مجربات ..

عندي اثنين جبتهم ورا بعض تعبت في تربيتهم والله ... ماني قادرة الحق على شي .. عندي زوج ومحتاجني معاه و بيت يبغااله تنظيف وغسيل و كوي و شطف وطبخ وعاد تعرفو شغل البيت م يخلص ... هذا واحنا في اجازة .. والله ما يجلس مرتب يووم .. كل ماارتبه يرجع ولدي يبهدل و يرمي العابه في كل مكان الصلة وغرفته وغرفة انووم ومرات يوصلها للمطبخ ..

و ادا سويت شغلي الاقيه يلعب في اخته اما يضربها او يلعب بعينها او يدخل شي في فمها انا حنجن ,,, حتى حمام وانتو بكرامة ما اقدر ادخلو .. والله مرت ابكي ,, خصوصا لما يكون زوجي بدوامه ..
عمر ولدي سنتين و شهرين غشيييم مرة .. مع اني احسه مرات يفهم الكلام ومرات يسوي اهبل ومتنح .. حركي ونشيط جدا جدا .. حتى لما اروح للناس وقرب المقربين انحرج منه .. ناس تقوول ابوه ماسما اتضايق كثير .. و وحدة مرة تقلي لايكون ولدك فيه شي اقري عليه مو طبيعي ... والله انجرح ولا يحسو فيني ...
و بنتي 4 شهور ... صح جبتهم ورا بعض بس موبيدي ... ربنا اراد ..

وعلى فكرة انا ادرس طالبة خدة اعداد تربوي يعني زدت الطين بلة ... ومرمطة بين اهلي وبيتي ,,, دراستي بمكة وانا اسكن بجدة 4 ايام بمكة عند اهلي عشان الجامعة وعيالي معاي و ارجع الثلوث بيتي للجمعة وهكذا ..

بس بالله كيف اسوي ومو قادرة انظم نوومي ووقتي ونومة اولادي . ..

ولا تجيبوا طاري الشغالات عرفتو مشاكلهم ومصايبهم و زوجي مايحب الخدم .. و وفوق ذا غلا بشكل موطبيعي ,,,

من زمان ودي اكتب لكم شكواي مالقيت فرصة .. الحمد لله مداني

نفسي اخد اجازة يوووم رتاح من العيال و صياحهم وشقاوة ولدي بس يووم ... ابغ اخرج مع زوجي لحالي .. ابغ ارووق ... ما اقدر .. كيف المغتربين ..؟؟ وبعيدين عن اهاليهم ..
واختي الي ماكانت مقصرة معاي سافرت بعثة .. و ام زووجي ماتطيق ولدي بسبة حركاته الكثيرة ..

نعبت نفسيا ,,,

 

[يالوردي]

جربي شغاله بالساعه تنظف وتروح
واذا ماقدرتي غسلي الملابس والكواي يكويهم
ويوم تنضيف المنزل كامل
وطفلك ابوسنتين لهيه بلعبه جديده واذا نام
خبيها بعد فتره طلعيها كذا سوي باالعاب طفلك
موجميع تطلعيهم مره وحده كذا بيمل منهم وبيحوسهم
وان شاء الله بيكبر وبيخفو هي مسألة وقت ويبيلها صبر

 

[والله عسل]

عزيزتي أول شي استعيني بالله وبالدعاء الله يهدي بالهم ، واستعيني بالذكر التسبيح والتكبير ، وتذكري قصة السيدة فاطمة عندما طلبت من رسول الله خادما، فدله ع خير من ذلك التسبيح 33 والحمد لله 33 والله أكبر 33

ثانيا أولادك قبل لا يناموا اقري عليهم قرآن والله ماشي مثل القرآن يهدي النفوس، وحصنيهم بالأذكاروالمعوذات الله يحفظهم لك

ثالثا غاليتي : هذا أبو سنتين فاهم ما عليك منه، بس أهم شي انت كيف تعاملك معاه ؟؟؟؟؟؟؟؟؟؟؟؟؟؟؟ يعني لازم تكوني حازمة معاه
كيف حازمة ؟؟؟ يعني خليه بروحه يرتب ألعابه وشجعيه ، طلعيله ألعاب بمقدار، مو كل الألعاب عشان ما ينشحهن ع كبر البيت !!!
ولا تصارخي وايد تراه الطفل فاهم وهو يراقب ردود أفعالك ، ابتعدي عن الصراااااخ والضررررررب إلا للضرورة القصوى
لأنه ممكن يعاندك أكثر
بس كوني حازمة معاه ، إذا سوى غلط أو كركب ألعابه حرميه من حاجة يحبها
فكري كثير انت أدرى بطبيعة ولدك ، اتبعي الترغيب واذا ما نفع عليك بالترهيب
وخليك عملية ، ولا تقرقري كثير لأن بعض الأطفال أذكياء يستمتعوا لما يشوفوك معصبة وفاقدة أعصابك
خليه يرتبط معاه عمله الخاطيء بنتيجة مباشرة تكون ما في صالحة ( أتمنى تكوني فهمتيني ^_^ )

أو حاولي تشغليه بأشياء ثانية يعني خصصي له مساحة برع يلعب فيها بالتراب
أو قص ولصق
أو رسم وتلوين

رابعا : يالغالية جلسي مع زوجك وطلبي منه يساعدك في أعمال البيت وحركيه معاك
اطلبي يوم تتمشين فيه وتريحي بدون أولاد ( يعني حاولي تدبريهم ذاك اليوم )
...................................................................................

أنا واثقة أنه الحل بايدك بس لازم تجلسين مع نفسك وتكتبي شو مضايقك وشو محتاجة
والله يسهلها عليك يا رب ويحفظ لك أولادك

 

[مشاعل-]

اول شي احب اعرفك بنفسي انا مشاعل من الباحه وعمري 13 وثاني شي حاولي انكي ترتبين وتنضميين كل شي بوقته مثل الغسيل خليه يوم الربووع والكوي يووم الخمييس وفكل يووم في وقت فراغ ارتاحي فيه وحاولي بقدر الامكان انكي تحاوليين مع عيالك انهم يرتبوون العابهم بعدمايخلصوون منها عشان اذا ما ادبتيهم بالبيت راح يفضحونك عند الناس ويمكن يضربونك قدام الناس ومع السلامهـ وادعيلي بالتوفيق واني النجح من اولى متوسط الا ثاني متوسط ادعيلي

 

[صمود 00]

و الله ياأختي ما شاء الله انت في هنا أنا بأه ماشاء الله لا قوة إلا بالله رزقت بأربعة ورا بعض منهم ثلاثة في حضانة و أولى ابتدائي يعني مراحل تأسيس ....ولا خادمة ولا أهل و لا جيران و لوحدي ......... و أحيانا و الله من شدة الضغط بس أجلس على الأرض وأبكي بحرارة كلام أختنا و الله عسل ........ زي العسل نظريا لكن عمليا وقت التطبيق مش مستحيل لكنه صعععععععععب قوي ، و هحاول أعمله للمرة الألف برفم كل مرة بفشل أكمله وهي بكتيره أربع خمس أيام و إلى اللقاء يا نظام الله المستعان ............[/COLOR][/SIZE]

 

[ابتسامة للحياه]

اول شي احب اعرفك بنفسي انا مشاعل من الباحه وعمري 13 وثاني شي حاولي انكي ترتبين وتنضميين كل شي بوقته مثل الغسيل خليه يوم الربووع والكوي يووم الخمييس وفكل يووم في وقت فراغ ارتاحي فيه وحاولي بقدر الامكان انكي تحاوليين مع عيالك انهم يرتبوون العابهم بعدمايخلصوون منها عشان اذا ما ادبتيهم بالبيت راح يفضحونك عند الناس ويمكن يضربونك قدام الناس ومع السلامهـ وادعيلي بالتوفيق واني النجح من اولى متوسط الا ثاني متوسط ادعيلي

ماشالله عليك
ربي يحفظك وبالتوفيق


اختي ,,

صاحبت المشكله

المشكله هي بعدم تنظيم الوقت

انا مثلك اعااني بس لماانظم وقتي ارتااح كثير

افضل ان تكون بنتك الصغيره معك وين ماكنتي في البيت والله اني كنت حتى لمااتحمم اخذ ولدي معي

ايه لااحد يضحك لوتكرمتن

وش اسوي .. اقعد بدون استحمام ؟

لازم اخلص اموري باي طريقه

لان ولدي متعلق بي وبس يصيح ولا صار صاحي هو واخوه الاكبر منه مااتركه عنده ابد

فانتي حاولي ترتبين وقتك

وصدقيني تنتهي المشكله خااصه ان ماعندك غير اثنين الله يحفضهم
اجل لو عندك 5 وش بتسوين

 

[ام وليد دبي]

فعلا يا عسل الحل في تنظيم الوقت
حتى يوم بتنظمين وقتج عدل او بالاحرى انا اقترح عليج تسوين حق شغل البيت روتين معين حاولي اول عشرين يوم ما تطلعين من البيت يعني انج تحاولين قدر المستطاع انج ما تطلعين علشان ترتبين اوقات الشغل و حددي لكل شغله وقت و حاولي انه مثلا قعدتكم و كوي الملابس يكون في نفس الغرفه لانج لو تنقلتي من غرفه للثانيه بتتوزع الالعاب في كل غرف البيت و الشي الثاني حاولي في وقت نوم العيال تخلصين امور الطباخ مثال اذا عيالج يقومون من النوم متاخر خلصي الغدا و الريوق في نفس الوقت و الله بنتي طلللللعت عيني لين كبرت تخيلي كنت اسوي مثلا المرق من الصبح علشان اعرف لو قامت حضرتها من النوم خلاص كل شي بيتوقف و كنت اكوي بعد ما تنام امممممم حاولي وقت نومهم تخلصين الاشغال الششششاااااقه خخخخ غسلي الحمامات و انتي بكرامه و مسحي الارضيات و خلصي الملابس و الطباخ علشان لما يقومون من النوم بس تسوين شغلات بسيطه و تذكككري دائما انج تبغين تغيرين و تنظمين علشان سر انا بعدما ترتب وقتي و صرت اقدر اطلع مع زوجي بدون العيال صرت احط العيال عند اختي او بناتها و اقولهم بروح اخذ اغراض للبيت او الصيدليه او اي شي و بعدين اروووووووووووووح وياه اي مكان غير جربي و ان شاء الله تستفيدين

 

[ام صبا الاموره]

اختي انصحك انك تقراء عليهم هاذي تسمي فرط بالحركه
وتخليه يلعب بالتراب سبحان الله تسحب الشحنات الي بالجسم
وراح تشوفي بعينك وش يصير سبحان الله حكمه الاهيه
وعن تجربه بنتي عمرها سنتين مره طلعنا للبر وتركت لها الحريه باللعب بالتراب لدرجة اكب عليها منه
ولفت انتباهي بعدها تنام وتاكل بدون صياح
وطلبت من زوجي ان كل يومين نطلع >>>>طبعن مايكون الشي علي الكيف

 

[ام وليد دبي]

سبحاااااان الله
ربي يبارك لج فيها و تشوفينها احلى عروووووووووووس