حالي بعد شهر من الصمت والمقاطعه

[الكناري]

صباح الخير يا احلى بلقيسيات ان كان صباحا ومساءكم ورد وفل ان كان مساءا
ندخل بالموضوع
صار لي شهر وانا بمقاطعه تامه مع الباشا سي سيد "زوجي":16:

طبعا الاسباب معروفه ولكن اعيدها لكم
التطنيش
عدم الاهتمام
مافي غيره علي
بخيل
اناني
طبعه كريه
شايف نفسه
المهم كانت البدايه بحوار هاديء بيني وبينه:28::28::28: تحول الى اعصار تسونامي :15::15::15::15:
والله العظيم بلحظتها حسيت اني شكثر صغيره وشكثر مقلله قيمه نفسي
فقلتله انا مالي شغل فيك واللي مصبرني عليك عيالي فقط
المهم اتبعت اسلوب التطنيش وهو ماقصر بعد سهر الى الصبح ونوم بالنهار
بس سويت خطوه جريئه اول مره اسويها :14:
فكرت قلت هو مايهتم فيني ومايهمه انو مايكلمني او ما ينام معاي "استخدمت هالاسلوب معاه ماجاب نتيجه"
وقلبه يعوره على الفلوس
وطبعا انا كل مصاريف البيت شايلتها عنه
قلت يابنيه طقيه باللي يعوره "اقصد الفلوس" فدزيتله بنتي :7:وقلتلها قوليله يعطيني معاش الخدم ومصروف الجمعيه وفلوس علشان اسجل ولدي بالنادي
طبعا الاخ مات من القهر فقال لبنتي ماعندي فلوس فردت عليه بنتي معاشك وين يروح
المهم عطاها المبلغ ناقص
الحمدالله قدرنا نطلع منه كم فلس
ماتصدقون شكثر انا ارتحت
الحين صارلي شهر وانا متبعه هالسياسه
بس ساعات احن وودي اكلمه موعلشان ولهانه عليه لااااااااااااااااااااا
بس ما استحمل احنا في بيت واحد وفي اشياء كثيره لازم نتكلم فيها :35::35::35:

السؤال
هل استمر بالمقاطعه :34::34::34::34: ام اتنازل واروح له مع انه الغلطاااااااااااااااااااااااااااااان

 

[فاطمه احمد]

مدري واش اقولك بس سؤال وشوهوه نمطه ووضحي الموضوع اكثر عشان نفيدك اكثر بس احس احسن تستمرين على نفس الوضع وخوذي جميع حقوقيك بدون تهاون مع الدلع والغنج والاسلوب الرايق والابتسمات واطبخيه على نار هادئه حتى يجي ويتفاهم معاكي

 

[لميس الحنونة]

أستشيري وأستخيري واستعملي حلول بديله عن المقاطعه كوسيط من الأهل اذا صعب الامر وعليك بالدعاء وتريثي عندما تقدمين على حل تتشابك خيوط المشكله اكثر واعتقد بالمسايسه والتدليل والمدح ومعاملته كطفل هو الحل السليم وفقك الله

 

[نبض الايمان]

اخاف اذا كلمتيه يرجع لحاله الاول عليك بالدعاءواستمري شوي وانت ادرى بشخصيت زوجك وعليك بهاذا الدعاءاللهم اجعلني قرة عين زوجي وحببه فيني اللهم اطمس على قلبه وسمعه وبصره ان لايرى من نساءالدنياغيري اللهم سخره لى في سمعه وبصره وقلبه وماله\\\\اللهم يامسهل الشدئدوملين الحديدويامنجزالوعيديامن كل يوم في امرا جديداخرجني من حلق الضيق الى اوسع الطريق وبكى ادفع مالااطيق ولاحول ولاقوة الابالله

 

[رندا كووول]

طولتي في المقاطعه ..يعني ولا كلمه كذا ع الطاير
من رأيي تتنازلي شوي شوي
ورجعي المياه ل مجاريها
ولاتقسي قلبه عليكم بطول الجفاء
ولكن امشي ع سياسة التطنيش في بعض الامور التافه
اللي ماتستاهل الزعل
وربي يسخرلك زوجك ويصلح اولادك

 

[مدمنة صبر]

اول لاشي لا يحق لك الهجر فوق 3 ايام لازم تراضينه والحين عشان اعمالك مو عشانه ولو توفي لا سمح الله والله لتندمين يالغلا فكري في الاخره والدنيا فانييييييييييييييييييييييييييييييييه

والشي الثاني بنتك ترسلينها ؟!! والله هذا اكبر غلط لا تحسسون عيالكم بينكم مشاكل !!

الله يسخره لك ويهدينا ويهديه

 

[دلوعةزوجي]

مع الحلوة رندا

 

[الكناري]

للجميع شكرا على النصيحه وعلى الادعيه الحلوه
وعلى فكره بنتي اللي دزيتها له عمرها 21 سنه ومتزوجه
وبالنسبه للمقاطعه كانت اخر حل بالنسبه لي كنت اسامح واستهبل واسوي روحي مو فاهمه علشان الامور ماتكبر والنتيجه ان راسه كبر وصرت ما اهمه
السنه الماضيه نفس الشي تزاعلنا والله طنشني لمده خمس شهور مايكلمني لدرجه اني مرضت مرض شديد وامي جابت لي الدكتور للبيت ودخل هو وشاف الدكتور يفحصني ولاتكلم باي كلمه دخل الدار ولاهميته
الى ان تدخل اهلي وردينا بس النفوس ماهي صافيه
المهم انا بالفعل اايد اللي تقول مايجوز الهجر اكثر من ثلاث ايام بس في حالتي مادري شسوي موهاينه علي نفسي

 

[مدمنة صبر]

طيب واعمالك يالغلا وش يهمك انتي اعمالك والا زوجك!!

واذا بنتك عمره 21 وش بيكون شعورها وهي تحس فيكم وتشيل همكم

 

[دلوعةزوجي]

ما شاء الله تبارك الله
يعني انتي مو صغيرة ولا جاهلة
بسم الله عليك بتصيرين جدة
نصيحة رجعي المياة لمجاريها
بعد هالعمر وتطالبينه بالتغيير
مستـــــــــــــــــــحيل يتغير
غير جبل ولا تغير طبع
​

​

 

[رندا كووول]

عزيزتي تذكري ان تقربك منه فيه رضا لله
ورمضان ع الابواب افتحوا صفحه جديده
وعليك بكثرة الاستغفار وربي يحنن قلبه عليكم انشاءالله

 

[مشاعر جنوني]

من ناحيه المصاريف خليه هو اللي يصرف ع البيت من والى

 

[ام ديما وبس]

الله يعنيك بس مو حلوه الهجره اتوقع لو تتنازلي اشويه يكون احسن

 

[درة من درة]

حبيبتي التطنيش مش السكوت والعيش على الصامت لا التطنيش تعامل معاه برسمي
ة وتكلمة ورد غطاها مع وجه مبتسم ولبس وشياكة وعطور بس من بعيد لبعيد وطبعا ثقة بالنفس وثقل ولا مبالاة بنظراته اللي راح ياكلك بها يعني تطبخيه على نار هاديه حتى يستوي ولما يرايك لا ترمي نفسك علىطول ولا تثقلي مثل اللوح بس يكون الوضع انكفاهمةاللي يدور حولك وتتكلمي معاه بهدوءونقاش هادئ مع وضع كل الشروط من مصرف للاهتمام مع الاقناع وانك شاريه العيشة الحلوة معاه ولا تنسي تذكريه بايامكم الحلوة وان لدنيا اخذ وعطا وحبة حبة ان شاء الله ينصلح الحال

 

[انا رائعه]

شوفي ياقلبي
انتي استفدتي من القاطعه هالمره و هي انك قدرتي تخلينه يدفع
الحين رجعي المياه لمجاريها بس شوي شوي يعني كلام بسيط و سلام و طلبااااااات و فلوس بس
بكذا تكونين انتي الربحانه ولا خسرتي شي
وبعدبن عاد اشتغلي على نمطه و خليه هو اللي يبدا بالكلام الطويل و السوالف
اوكي ياحلوه
الله يوفقك

 

[غلا روحي ليول]

لاحول ولاقوة الا بالله العلي العظيم

 

[مغناجة]

أنا ما كنت أخلي زوجي ينام وهو غضبان علي..

قلبي الحنين ما يطاوعني..

وإذا كانت مشكلة جامدة أقاطعه يومين لا أكثر..
​

 

[المــهــا]

الله يهدي هالرجاجيل لنا هم الي يحدون على المقاطعه ولا الزوجه ماودها لابمقاطعه ولاشي
ودها بزوج حنون وطيب تشكي له وتبكي له بعد الله بس هم الي يخلون الزوجه تستخدم لغة الصمت


مقدره وضعك ياختي بس الله يكون بعونا جميع وتعود المياه للمجاريها ويهدي لي زوجي وزوجك ياارب

للأسف اكتشفت اني في هذاك اليوم الي اطير بزوجي وارضيه واهتم فيه يفاجئني بغدر واحتيال بنفس اليووم مادري وش يحس فيه عجزت احلل تصرفه يعني اسعى للرضاه وهو يغدر بي بنفس اليوم الي اراضيه بصراحه انصدمت منه وقررت اني ماعاد اراضيه ابد واضل على الصامت واحاول انه مايشوفني بعد احس بشي بصدري الله المستعان


ربي يفرجها علينا جميع ويصلح احوالنا ياارب والمسلمين ياحي ياقيوم

سبحان الله وبحمده سبحان الله العظيم
​

 

[دنيا المجد]

غاليتي ليش المقاطعه شهر عشان فلوووووس الله يقطعها
انا من وجهة نظري تجلسين معه جلسة مصارحه وتتفاهمون يعني تقسمون المصروف بينكم وكل واحد يقوم بواجباته والمساعده طيبه بس ماعطيه الجمل بما حمل
والله يسخره لك وبسخرك له يارب

رمضان ع الابواب

 

[ياليتني طير]

اختي نصيحه لله لو فرضنا لاسمح الله مرض او مات وهو موراضي عنك وش هي مشاعرك؟؟؟؟؟؟؟؟؟؟؟ لحظتها بتتمني لو لحظه يرجع ويسامحك مهما غلط الرجال مع زوجته له اعظم الحقوق فاالله جعل تلك الحقوق ورسولنا الكريم ومن عظم حقه عن الرسول مي معنى الحديث لو امر احد ان يسجد لغير الله لامر الزوجه بالسجود لزوجها لعظم حقه وانا متأكده انك لاتغفلين عن هذا الحديث ففيك من الخير اخيتي ماالله به عليم ونحن مقبلين على رمضان فلنصفي النيه ونسامح الجميع
اعلم اختي انك تشعرين بالقهر والظلم منه الشي الكثير وكما تعانين انا والله اعاني والكثير من الزوجات نعاني ولكن لابد من الصبر والتصبر والله الله بالدعاء والاستغفار وحسن التبعل وانا جربت التطنيش والله مايجيـــــــــــــــــب اي نتيجه ابد بالعكس يقسى عليك زيادة وبينكم عشرة عمر ماهي قليله راجعي نفسك اختي وتقبلي نصيحتي بصدر رحب والدين النصيحه بالتوفيق اختي