حابه افهم زوجي غلطه ومش عارفة اتصرف

[طبعا اقدر]

السلام عليكم ورحمة الله
دا أول موضوع ليا ويا ريت تساعدوني لاني جديدة في موضوع الانماط ومش عارفة المفروض يكون رد فعلي على زوجي ازاي وللعلم زوجي شمالي شرقي بقوة وأنا جنوبية شرقية الموقف اللي حصل معايا ان زوجي قال لفظ سئ جدا بعد ما خرجت من الغرفة وكنت لسه عند الباب ورجعتله وقلتله ان قلت ايه قالي انا قلت (..... البرود) يقصد اني باردة أو عديمة احساس وهقولكم سبب الكلمة دي انه طلب مني اقص شعره طويلة في راسه بالمقص وانا كانت ايدي باردة فحبيت اغسلها بماء دافي عشان مضايقوش بس العكس هو اللي حصل اضايق لاني ملبيتش طلبه بسرعة ومرضيش يخليني اقصله الشعرة وانا فسرتله انا عملت كده ليه وسبته براحته وبعدها دخل ينام وانا وقفت اكلمه شويه بمواضيع تانية عشان ينسى ومنامش زعلانين ( للعلم أنا بنام بغرفة تانية لاني عندي توأم عمرهم سنة ونص بيرضعو طبيعي وزوجي نومه خفيف جدا فاضطريت اني انام معاهم بس قريب ان شاء الله هفطمهم وارجع انام معاه تاني) المهم اني خرجت من عنده وبعدها بدقايق لقيته خارج بيدور على حاجة فسألته وجبتله اللي كان عايزه وهوا قالي يلا اقفلي الباب وروحي نامي فانا وقفت شوية مبتسمة عشان يبصلي قبل ما اخرج ولما مبصليش قفلت الباب وسمعته من ورا الباب بيقول الشتيمة واعتبر اني باردة عشان مقفلتش الباب بسرعة ولما رجعتله اكد الكلمة اللي قالها بس قال مش عليكي على البرود وعلفكرة احنا متجوزين من ست سنين والموقف ده تاني مرة يتكرر يشتم وبعد كده يقول انا قصدى حاجة تانيه بس قبل كده مكنش بيعمل كده والمرة اللي فاتت كانت من حوالي اربع شهور زعلت جامد وقلتله انت عارف ان مش انا اللي يتقلي الكلام ده وفضلت كام يوم بتعامل معاه ناشف وقولتله انا هعديهالك المرة دي بس لو عدتها هيكون ليه تصرف تاني ودلوقتي انا مش عارفة اتصرف ازاي انا سيبت الغرفة بعد ما قولتله انا نبهتك قبل كده ومشيت وقفلت الباب عشان الموضوع ميكبرش بس انا مش عايزه لسانه ياخد علي الالفاظ دي في البيت لانه للأسف بيئه شغله حاليا فيها الالفاظ دي ولظروف خاصة مش هيقدر يغير شغله الفترة دي نهائيا فيا ريت تدلوني اعمل ايه واسفة على الاطالة بس بجد مليش اصدقاء يفيدونى وأهلي لو عرفوا الموضوع هيكبر جامد ومش عايزة ادخل اهله وجزاكم الله خيرا

 

[طبعا اقدر]

معليش حبيباتي انا هنام دلوقتي ولما اصحى ان شاء الله هشوف ردودكم واتصرف بناءا على كلامكم

 

[ام يارامرام]

انت تصرفتي صح وهذا طبع الشمالي الشرقي لما يحب حاجة لازم تتنفد في الحين رح ابعتلك كل ما يخص الشمالي الشرقي

 

[ام يارامرام]

http://www.niswh.com/vb/showthread.php?t=390279
هذا هو الرابط اقرئيه بتمعن رح تلاقي جواب لكل اسئلتك

 

[طبعا اقدر]

http://www.niswh.com/vb/showthread.php?t=390279
هذا هو الرابط اقرئيه بتمعن رح تلاقي جواب لكل اسئلتك

جزاك الله خيرا يا حبيبتي فعلا الموضوع رائع و استفدت منه كتير


يعني المفروض رد فعلي حاليا اني مردش عليه لو اتصل لانه في الشغل دلوقتي ولما يرجع اتجنبه بهدوء لكن انا مش عايزة لسانه ياخد علي الالفاظ دي معايا وخايفة يرجع يكررها تاني لاني حسيتها بقت سهلة على لسانه فالمفروض اعمل ايه عشان ميكررهاش تاني معلش تردوا عليا لاني محتارة جدا

 

[ام يارامرام]

انت قوليلو الكلمة القبيحة متل الشجرة الخبيثة وانت مسؤول على تربية اولادك قدام ربنا واذا كبرو الاولاد وصارو يقلدوك ايش رح تكون ردة فعلك وكل واحد مسؤول على افعالو

 

[طبعا اقدر]

انت قوليلو الكلمة القبيحة متل الشجرة الخبيثة وانت مسؤول على تربية اولادك قدام ربنا واذا كبرو الاولاد وصارو يقلدوك ايش رح تكون ردة فعلك وكل واحد مسؤول على افعالو

بجد مش عارفة اشكرك ازاي على اهتمامك وارائك الرائعة
جزاك الله خيرا

 

[fotfota]

ذكرتي كلمة باردة اكتر من مرة..حبيبتي اظن ان زوجك مو راضي عن العلاقة الحميمية والله اعلم

 

[ريمة 2]

جزاك الله خيرا يا حبيبتي فعلا الموضوع رائع و استفدت منه كتير


يعني المفروض رد فعلي حاليا اني مردش عليه لو اتصل لانه في الشغل دلوقتي ولما يرجع اتجنبه بهدوء لكن انا مش عايزة لسانه ياخد علي الالفاظ دي معايا وخايفة يرجع يكررها تاني لاني حسيتها بقت سهلة على لسانه فالمفروض اعمل ايه عشان ميكررهاش تاني معلش تردوا عليا لاني محتارة جدا

قدمي له تقدير و احترام رايح يخجل من نفسه لما يشوفك قد ايه محترمة و مؤذبة رايح يحترمك
حاليا عاقبيه بالصمت و بعد فترة لما يكون هادي عاتبيه بهدوء

 

[طبعا اقدر]

ذكرتي كلمة باردة اكتر من مرة..حبيبتي اظن ان زوجك مو راضي عن العلاقة الحميمية والله اعلم

بالعكس حبيبتي هوا بنفسه بيقول اني مش باردة في العلاقة خالص بس هو يقصد في اني هادية في استجابتي لاوامره يعني عايزني قبل ما يخلص الكلمة اكون نفذتها
وشكرا على اهتمامك

 

[ام يارامرام]

بجد مش عارفة اشكرك ازاي على اهتمامك وارائك الرائعة
جزاك الله خيرا

لا تشكريني حبيبتي احنا اخوات وهذا واجب العضوات الله يهدي بالك ويسخرلك زوجك انت مبينة عقلك كبير و هادية هليكي كذا

 

[طبعا اقدر]

قدمي له تقدير و احترام رايح يخجل من نفسه لما يشوفك قد ايه محترمة و مؤذبة رايح يحترمك
حاليا عاقبيه بالصمت و بعد فترة لما يكون هادي عاتبيه بهدوء

انا فعلا باحترمه واقدره بس اللي مضايقني انه عارف اني اكره الالفاظ دي وعمري ما قلتها وكان يحترم دا بس الفترة الاخيرة عليه ضغوط كتير فبدأ لسانه يفلت منه ومش عايزاه ياخد على كده عشان الأطفال ميقلدوش كلامه

و جزاك الله خيرا على نصيحتك الرائعة

 

[ام يارامرام]

انا فعلا باحترمه واقدره بس اللي مضايقني انه عارف اني اكره الالفاظ دي وعمري ما قلتها وكان يحترم دا بس الفترة الاخيرة عليه ضغوط كتير فبدأ لسانه يفلت منه ومش عايزاه ياخد على كده عشان الأطفال ميقلدوش كلامه

و جزاك الله خيرا على نصيحتك الرائعة

هذا هو الشمالي الشرقي لا تخليه يعرف شو يدايقك لانه مستفز ولما يعصب رح بستعمل هذه الاشياء ضدك اذا عادها قوليلو ما رح تفرق معي كل واحد عندو كتابو اللي يقابل به ربنا ويملاه زي ما هو عايز وتشوفي ما رح يعيدها لا تباينيلو انك غضبتي فطبعو ماكر

 

[طبعا اقدر]

لا تشكريني حبيبتي احنا اخوات وهذا واجب العضوات الله يهدي بالك ويسخرلك زوجك انت مبينة عقلك كبير و هادية هليكي كذا

آمين يا رب
انا فعلا كنت هادية بس من من بعد ولادتي وانا حاسة اني بقيت عصبية بسبب ان زوجي دايما عايز كل حاجة على أكمل وجه وطبعا دا صعب عليا لأن التوأم تربيتهم متعبة وطلباتهم كتير بس بحاول بقالي فترة اني اتحكم في اعصابي وأكون هادية عشان الأطفال بيقلدوني و بقوا عصبيين وحاسة ان هدوئي اثر ايجابيا علي زوجي فحبيت كده وان شاء الله اغير نفسي للأحسن
جزاك الله خيرا حسستيني انك اختي والله لاني طبعي كاتومة ومش بحب اتكلم في مشاكلي مع حد بس انا فعلا حبيتك في الله ربي يسهلك أمورك كلها ويرزقك البركة في كل شئ ويحبب خلقه فيكي

 

[طبعا اقدر]

هذا هو الشمالي الشرقي لا تخليه يعرف شو يدايقك لانه مستفز ولما يعصب رح بستعمل هذه الاشياء ضدك اذا عادها قوليلو ما رح تفرق معي كل واحد عندو كتابو اللي يقابل به ربنا ويملاه زي ما هو عايز وتشوفي ما رح يعيدها لا تباينيلو انك غضبتي فطبعو ماكر

فعلا هاعمل كده ان شاء الله

 

[ام يارامرام]

آمين يا رب
انا فعلا كنت هادية بس من من بعد ولادتي وانا حاسة اني بقيت عصبية بسبب ان زوجي دايما عايز كل حاجة على أكمل وجه وطبعا دا صعب عليا لأن التوأم تربيتهم متعبة وطلباتهم كتير بس بحاول بقالي فترة اني اتحكم في اعصابي وأكون هادية عشان الأطفال بيقلدوني و بقوا عصبيين وحاسة ان هدوئي اثر ايجابيا علي زوجي فحبيت كده وان شاء الله اغير نفسي للأحسن
جزاك الله خيرا حسستيني انك اختي والله لاني طبعي كاتومة ومش بحب اتكلم في مشاكلي مع حد بس انا فعلا حبيتك في الله ربي يسهلك أمورك كلها ويرزقك البركة في كل شئ ويحبب خلقه فيكي

تسلمي حبيبتي وانا طبعي قريب من طبعك واذا عالعصبية عادي حبيبتي التربية مش ساهلة ومن الضغوطات المرأة تعصب لانها ما تحب تكون مقصرة ويكون هذا كله على حساب صحتها و نفسيتها وفي الاخير يجي الرجل مو عاجبو العجب انا كذلك في مشكل مع زوجي واحنا متزعلين انا حاطة مشكلتي بعنوان تحديت زوجي الله ييسر امورنا وانا اختك اذا حبيتي اي شيء ابعتيلي على الخاص

 

[طبعا اقدر]

تسلمي حبيبتي وانا طبعي قريب من طبعك واذا عالعصبية عادي حبيبتي التربية مش ساهلة ومن الضغوطات المرأة تعصب لانها ما تحب تكون مقصرة ويكون هذا كله على حساب صحتها و نفسيتها وفي الاخير يجي الرجل مو عاجبو العجب انا كذلك في مشكل مع زوجي واحنا متزعلين انا حاطة مشكلتي بعنوان تحديت زوجي الله ييسر امورنا وانا اختك اذا حبيتي اي شيء ابعتيلي على الخاص

خلاص ان شاء الله هتواصل علطول بس اعذريني دلوقتي مشغولة مع ابنائي شوية