للصبح طهر يشبه وجيه الأطفال
للروح بلسم وللعيون معشوقه
وين أنتي يا عشق سكن بي ولازال
يسألك طرف غرق الدمع موقه
/.,\
أنت حتــى الجـرح منك أشتهيه
من غلاك أظما عذابك وأرتويه
أنت حبك شئ مـا أقدر عليه
كن حبـــك ضيـف والقلب بدوي
/.,\
الحب أكبر من سهر ليل وطيوف
ما تفهمه حتى القلوب الكسيرة
تدرين أصدق حب يطلع من الجوف
حب الفقير اللي عشق له فقيره
/.,\
لا تلومني لا جيت كلي من أقصاي
مافيه غيرك لا تضايقت جيته
/.,\
الليلة هذي واضحة ليلة فراق
حاولت أعديها وعيت تعدي
تعال أخذني بين أياديك مشتاق
قبل نتفارق حط يدك بيدي
بجلس معك ساعة حبايب وعشـاق
من بعدها كيفك لو صرت ضدي
/.,\
يا كثر شرهاتي عليك انت بالذات
والا على غيرك تراها قليلة
تعبت أجي بسكات وأروح بسكات
ساكت وأنا متني حموله ثقيلة
/.,\
عنـدي سؤال وخابر فيه تجريح
لكن ضروري تسمعه بانبساطي
أرفعك بيدي للسما ترجع تطيح
قلي وش أسوي فيك لا صـرت واطي
/.,\
سـافر واخذ قلبي معك وين ما رحت
أخذه معك في غيبتك وش أبيبه
يمكن معك يرتاح لا شافك ارتحت
يمكن يجيبك لي أو تجيبه
/.,\
تدري بصراحة ايش غلطة حياتي
اني نزلت لمستواك وعرفتك
/.,\
ان قدر الله مع الايام نتواجه
تمر مثلك مثل ناس يمروني
في عيوني تصير ما تسوى ولا حاجه
من عقب ما كنت تسوى الناس في عيني
/.,\
صدقني ما ضقت من فرقاك بالمره
بس ما ذبحني سوى حاجة بجوالي
تدري وش اللي ذبح قلبي من الحره
انـي مخـزنك في جوالي الغـالي
/.,\
مـن يوم راح وشـاف دمعـي ولا رد
حـرمت أبكي على واحد راح
/.,\
مدري قريب حيل او دونك أميال
والا بمغيب الشمس والا شروقه
/.,\
من قبل لا أسوي مشاكل مع الناس
عندي مع نفسي مشاكل كثيره
/.,\
ذي حياتي من مضيق فـي مضيق فـي مضيق
لو بحثت عن الصبر فيني ما أجد للصبر خانة
/.,\
يا فدى منهو يحبك بالحياة ويرتجيك
مير وين أرضي عن أرضك وين سمايه عن سماك
أقسم بربي أحبك وأعشقك وأموت فيك
ولا أشوف بالكون كله من يمثل مستواك
وشتبي للي سمعته من ضمان بين يديك
والله اني ما أتأخر لسعي في جهدي لرضاك
/.,\
يا ناثر الدمعه على خدك اتباع
بعض الدموع اشوي وشوي وتطيح
ماهو دليل تنكشف فيه الاطباع
واكبر دليل اسأل دموع التماسيح
لكن دموع اللي وراء حدب الاضلاع
يجي لها وسط الضماير تجاريح
/.,\
أرجوك لا تحاتي وضعي يطمن
علاقتي مع التفاؤل وطيده
/.,\
رح وين ماتحب رح قد ماتقدر
انا اول الناس في قلبك وأنا الباقي
/.,\
بحاول ارضى بغيرك واتسلا به
مادام حبي ليا من راح ما همك
/.,\
تعبت اقول لضيقتي سهود ومهود
اليا متى هالعذر بيكون عذري؟
البارحه يوم اكثر العالم ارقود
عادت علي اللي منين مدري
الضيقه اللي كل ماراحت تعود
مكانها مابين قلبي وصدري
ناس تنام مدهنه في دهم عود
وناس تنام مدهنه بزيت مقري
/.,\
لا تقول اني ذكرت ولا تقول اني نسيت
كيف يعني يذكرك انسان لحظه ما نساك
لو أقول وش أكثر أحبك ما تصدق لو حكيت
دام حبي فوق والله مستواي ومستواك
في بعدك يا حبيبي يا كثر ما قلت ليت
ويا كثر ما قيل عني في بعدك وش بلاك
مو مهم اللي جرى المهم انك رضيت
دام يزعلني زعلك ودام يرضيني رضاك
جيتك أتأسف حبيبي وأعترف اني خطيت
جيتك أسبق لهفت أشواقي ويسبقني غلاك
وانا مدري شلت قلبي لك بعد عمري وجيت
والا قلبي شالني لك يا بعد عمري وجاك
/.,\
ما قلت لي وينك ولا شفتك اشتقت
احساس حطم كل الحساس فيني
أكذب عليك ان قلت لك ما تضايقت
وأكذب عليك ان قلت لك لا تجيني
/.,\
ودي أسلي خاطري باجتماعه
وأروي فؤادي من غلاه وحنينه
ودي على شوفه لو ربع ساعة
لا غاب عني يسأل القلب وينه
أرتاح في قربه وأحب استماعه
وأفرح انا لا شفت طلت جبينه
/.,\
قلبي المجروح من بعدك عطيب
من عقب فرقاك قلبي ما قوا
الجروح اليوم ماظني تطيب
غير لا صرت انا وانت سوا
ما يطيب الجرح لو جبت الطبيب
صار شوفك هو حياتي والدوا
كل همي مابيك عني تغيب
كن شوفك صار للخافق دوا
/.,\
اذا حصلت غيري وصرت بدنيتك محشور
تبي الفرقا ولا ودك تواجهني وتوجعني
دخيل الله ثم دخيل الحب دخيلك يكشف المستور
وقول ابعد عن دروبي ولا هو شرط تقنعني
وانا بأوعدك ما يبقى بظلامك من شعاعي نور
أبرحل عن سمـاك ولا أبي حتى تودعنـي
ويكفيني رضا ربي علي من الخطـا والزور
ويكفيني غلا ناس برمش العين ترفعني
ويكفيني بريق اسمي وتصفيقه من الجمهور
ودعوة أم كل ما جيتها قامت تدلعني
منقووووووووول
