جيتكم بعد الله من كبر همي تكفون ساعدوني

[زحمة كلام]

السلام عليكم كيفكم انا ابغى استشارتكم لان الكل يقول لي كلام وانا تعبت مدري كيف ابدا لكن اقدر لكم ان زوجي مهملني انا وعيالي لاروحات ولاجيات ولاسفريات الاهو كل سنه يسافر وانا اجلس عند امه مع ان البيت مليان من اخوانه وحريم اخوانه لان فللنا في حوش واحد وهو صاحب ملايين ومو كل شي اشتريه ولااهدي احد يقول ماجمعت فلوسي عشان توزعينها على الناس والقى جوالات في سيارته وارقام بنات ولقيت واقي وديم يصرف انها مو له وعيال اخوه يودوني لاهلي وهو يجي ياخذني بحجة ان بيت اهلي بعيد ومايمديه علي المكتب واسبوع ورى اسبوع عشان امه وبيتي مداس لحريم اخوانه وبزارينهم حتى النوم ماارتاح فيه يوم الاحد اللي فات قال انا معزوم في جهة اهلك اوديك استغربت وقلت يالله لانه ماوداني لهم الاسبوع قلت فرصه صار هذا اليوم يوم ملكته ووداني عشان محد من حريم اخوانه يعلمني ورجع في الليل وخذاني والصباح بعد الفطور علمني وقال انا تملكت في البدايه ماصدقته لاني صغيره وعمري 28 وهو31 وعندي ولدين والثالث بالطريق وكان مبسوط معاي وكان دائما يقول الحمد لله اني اخذتك جمال واخلاق وعقل وعمري ماراح القى مثلك مع العلم اني انا مو من نفس العايله واللي تملك عليها بس مو من عايلته لان صديقه اللي عمره 60 متزوج الثانيه ويمدحها له وخطب له من جماعة زوجته انا من هول الصدمه جمعت اغراضي كلها وحطيتها له بالصاله مافي الدواليب شي هو خبرني الصبح ولاجاني ابدا واتصل العصر ومارديت وجتني حرمت اخوه وقالت انه يقول اللي تبيه انا مستعد بيت ,شغاله ,ذهب,فلوس اللي تبي بس انا مارديت عليهم بكلمه بس دموعي تننزل لمل خلصت اغراضي العشاء طلبت منها انها تكلمه وتخلي احد من عيال اخوه يوديني لاني مابي اشوف وجهه هو غربي شمالي واللي سمعته انه تحسف لما شاف اخوانها واهلها لانهم مو اللي في باله وخايف انها تكون اقل مني فاقترحو عليه اخوانه انه يطلب نظره شرعيه واذا رفضو يطلقها بهذي الحجه لان مو ذاك النسب اللي يرفع ولاجمال وماوراهم مصلحه او واسطات يعني غرضهم دنيوي بحت ولما سالوه اخوانه عني يقول انها غاليه وهي ام عيالي وانا مارحت من نقص او عيب فيها واللي تطلبه اعطيها ومره يقول خلها عند اهلها لين يطيح حطب راسها وينفش والفله اللي كان يبنيها لي ولعيالي واللي كانت امه بتروح معاي فيه وهو جنبهم الجدار بالجدار بس بابه على الشارع يقولون الحين يليسه ويصبغه للعروس وقال لاخوه تعال في بيتي اللي كنت فيه عشان امه تجلس عنده المشكله العروس صغيره ماتقولين والله عانس توها تدرس جامعه وعمرها 22 سنه بس هم يفكرونه زي صديقه يدفع الفلوس والالماس بسهوله بصراحه تعبت من كثر الكلام والتفكير الله يخليكم لابخلون علي باستشارتكم ودعائكم لي

 

[أم ميسوـوـو]

الشمالي الغربي مايفرط في ام عياله بسهووووووووووله

شكله تهووووووووور

عاد شلون تتصرفين

ان شااء الله اللي اكبر وافهم مني يعلمونك

ربي يفرج همك ويردلك زوجك ردآ جميلاا

 

[شيك ناو]

الله يكون ف عونك يارب ويريح بالك
ادعي ان الله يصرف قلبه عن هالزواج .........

 

[الحبوبة القمورة]

الله يفرج همك وينفس كربك ويعينك ويسهل امورك​

 

[تحيه لوطني]

الله يصبرك مالك الاابو عيالك تعني اذا تطلقتي تبي تاخذين واحد متزوج يعني نفس الشي على الاقل زوجك ومقدرك ومغليك والي كتب الله حصل لاتخسرين بيتك واولادكوهذي فرصتك تدللي عليه واطلبي الي تبين واسال الله ان ه يهدي سرك ويسخره لك

 

[امل لايموت]

اسأل تفريج همك صح زواج موسهل عليك وانتو تعتبرون في بداية حياتكم انت قلت في البداية جوالات وواقي وكنت زعلانة ماتبينه يروح للحرام زوجك اختار الحلال هذة نقطة اعرف انوصعب ذلك خاصة مجتعمك الحضرى بعكس البدوي منتشر عندنا خاصة زوجك ميسور الرجال عينهم دايما فارغة اذا تبغين نصيحة اخت انتبهي وارجعي وخليك الاولى احسن وبرضوا عشان عيالك لاتأخذ الثاينة الجمل بما حمل بالعكس خليك قوية انتصري برجوعك ومصيرة يرجعلك يارب ونفسي انو افدتك بس من واقع تجربة اللي حولي خذوا كل اللي نفسك فيه فرصتك لاتضعينها الله يريح بالك ويجبرك ااامين

 

[دلوعة الفهد]

حبيبتي ارجعي عشان عيالك ولاتجعلينه اكبر همك الله لايجعل الدنيا اكبر همناا

 

[نغمات النجاح]

الدعاء عزيزتي سلاح المؤمن
والاستغفار فرج الهم والكرب
فاكثري منها
وانصحك اذا حاول ارجاعك الى بيتك ان ترجعي
وتتحلي بالصبر والحكمة
الطلاق امر صعب جدا شتات وندم
اسأل الله ان يجعل لك من كل كرب فرج

 

[خلود بكر]

والله انا مالي خبره بس نصيحتي لك اذا توسط احد بينكم زي اخوانه او حريمهم اي شخص خليهم يقولون له تقول تعال تفاهم معاها في بيت اهلها واذا جاء اختي عاد اطلبي شروط معقوله حتى بيتك الي سويته لاتتنازلي عنه واسكني فيه انتبهي هي تسكن وانتي لا حلو والله هو حلمك وتخلي احد ياخذه بسهوله هو تزوج وانتهى الموضوع يعني تعوري قلبك وتتنازلي عن حقك لا والله كفاية حرقه القلب بس تتنازلي عن حقوقك لاااااااااااااااااااااااااااااا المهم ارجعي لبيتك الجديد واطلبي العدل ومثل ماقال شغاله وسواق عاد شوفي الي تبيه بس ارجعي بشروط ومعقوله تكون وعاد امر الزواج مااقول فيه الا يارب ثبت قلب اختي في الله واعنها وصبرها يارب

 

[أم سارة111]

حذاااااااااااااااااااااااااااااااااري يدخلن حريم اخوانه بالموضوع
احدمن جهة اهلك يدخل صح اورجل عاقل من اهله لكن الحريم !!!!!!!!ماوراهن غير التشمت ابعدي عنهن واكسي عليهن العدوبيفرح ويتشمت وهذاخبرناباغلب الحريم ويمكن تكذب عليك وممكن تفهمك غلط وتروحين فيها ابعدعن الشر وغن له لاتعطي احدبسهولة الضوءالاخضرليتكلم عنك اويتدخل بمشاكلكم
يارب سخرلهازوجها وفرج همها ياكريم

 

[سلفرادو]

يتزوج بالحلال ارحم من انه يصاحب ويحب عليج
دامه ملك خلاص مافي اليد حيلة,,, ارضي

 

[ام رنومه]

الله يفرج همك يااااارب ويسخره لك
سبحان الله وبحمده سبحان الله العظيم

 

[زحمة كلام]

الله يجزاكم خير ويسخر لكم رجاجيلكم ومايشوفون غيركم اميييييين

 

[نفسي طموحة]

الله يفرج كربك
ليتني أفهم أنواع الرجال حتى أفيدك

 

[الملاحه]

لا تتركين بيتج لها يمكن احد قاله خذ مره على مرتك واحد شجعه خليه يجرب ( ما يعرف اقديري لي ما يجرب غيري ) وإن شاء الله بيندم على اللي سواه فيج بس لا تردين بسهوله ردي بشروط وطلبات خليه يعرف قدرج تعرفين عزيزتي الرياييل ما منهم أمان وعيال ابليس وايدين واللي يبون يلزقون بناتهم في حي الله واااحد بعد وايدين الله يصبرج

 

[نونه الماسه]

قولي امين الله يفرج كربتك وماتضيق الا وتنفرج اصبري وادعي ربك الله يرده لك انشالله

 

[الجده الصغيره]

لاتدخليييييييييين احد بحياااااااااتك..........انتبهي ترى بتندمييين........ولاتسمحين لاحد يتكلم معك بهالموضوع الا زوجك.........احسن لك واريح....روحي لاهلك كم يوم ولاتاخذين كل عفشك خوذي شي بسييييييييط وارجعي وان قدرتي تقعدين ببيتك افضل...... هذا بيتك وعيالك محد له حق ياخذه وهو بسلامته ان جا حياه ربه وان راح موفق مااا وقفت الحياة عليه...........

حبيبتي كل صديقاتي صار لهم نفس موقفك واقسم لك بالله ان وحده منهم تقول يااخسارة كل دمعه بكيتها عشانه...ياليتني سمعت كلامك وماتهورت........والحين يوم طلق هي تتصل وتقول اخطبي له ارتحت يوم تزوج.........

 

[زحمة كلام]

اشكر كل وحده ردت علي زي ماقلتو يااخوات انا مادخلت احد ومن قالي شي من حريم اخوانه او بناتهم اقول يصير خير والله يعين ماعطيتهم كلام ومثل ماقلت لكم هو عمره 31 وصاحبه عمره60 هو اللي زوجه ومدح زوجته الثانيه واغراه ياخذ وحده من جماعتها وهي اخطبت له لانهم يفكرونه راح يعطيهم 300 الف مهر مثلها غير الالماس مع العلم ان زوجي مكتم على المهر اللي عطاهم خايف ماعلم اخوانه ابدا وراح يحط زواجه في شهر 2 وقصر وطقطقه مع انه بخيل ويموت على الريال لكن طلعت الحين الفلوس وانا تاركني لين يطيح حطب راسي مثل مايقول ومااصدق انه يبي يرجعني

 

[الدمعه الحزينه4]

لا تتنازلين بسهوله الين يجي لاترجعين كذا
واذا جاء حطي شروط ان تسكنين لوحدك في البيت الجديد ورضوه وشغاله وسواق واي شي تبغينه
حسبي الله علي الي يخربون البيوت
والله اني مقهوره كيف انتي
كان يروح يسافر كل سنه وانتي عمره ماسفرك هذا اناني
وبعدين ابغ اسالك ليه امه تسكن معك خليها تسكن عند الثانيه عشان تقدرين تاخذين راحتك
وانتي لك كم شهر عند اهلك وعيالك معاك
والله يفرج كربتك ويرجعه لك ذليل منكسر مذلول
طمنينا عنك وعن اخبارك

 

[بنت النشاااما]

لا ترجعن له وخليه يولي واذا فكرتي ترجعين له ارجعي لاكن لا تخلينه يشوفك ولا يتكلم معك يجي عشان اعياله وبس خليه يحس بقيمتك اصرفي من الفلوس وستانسي وشتري كل شي بنفسك ولا تبخلين على نفسك بشي وعيشي حياتك وطنشيه لما هويرجعلك من نفسه لانو هو يحبك بس تزوج من كثر الفلوس اللي موعارف وين يوديها الله يوفقك وسوي كل شي انتي مقتنعه فيه