جيتكمـ .. وقلت يمكن ألقى أخت بينكمـ تمسك بيدي وتدلني للطريق الصح ( ضآيعه )

[نوردآنه]

صبآآح الريحآن والجوري < الحين وش جآب الريحآن للجوري

مآعليكم مهيب سآلفتنآ ..

أخبآركم بنآت .. مآشيه أموركمـ أن شآلله

أبصرآحه ترددت كثير أني أكتب مشكلتي هينآ مآ أحب أشتكي لغير ربي
بس أعتبروهآ أستشآره ..

تعبت يآبنآت وضآيعه .. مدري من وين أبدى .. ولا أبي أشتتكم معآي

من تزوجت .. وأنآ انسآنه مآلي بالرومنسيه .. يعني إلى يومكم مآقد قلت لزوجي " حبيبي " :tears:

ع العلم أني لي سنتين الحين وعندي ولد الله يخليه ليّ ..

كآنت في بدآية حيآتنآ مشآكل ويمكن هـ الشي هو الي خلاني أكون جآفه معآه , ومشآكلنآ كآنت من العيآر الثقيل ( على علآقه كآنت قبل الزوآج )

لا قطعهآ ولا أستمر فيهآ .. والأخت كآنت تزن عليه وتنقطع فتره وهو مو جآيب خبرهآ .. ولا أنآ صآرحته بالقصه

كآن في أعتقآدي أنو لمآ أكلمه عن هـ الموضوع .. رآح أهدم ششششي كبير بيننآ فكنت دآيم اقول في نفسي إذآبصآرحه بتطلق لأني أعرف أنو الموضوع بيسبب فجوه كبيره بيننآ وأحنآ ببدآية حيآتنآ
ا
فا فضلت الكتمآن وجلست أكل في عمري إلين جآ ذآك اليوم الاسود وتخآنقنآ وطلع زعلان على اسآس بيروح مع ربعه .. وكنت أنتظره لمآ جآ فتحت جوآله كعآدتي ولقيت رسآله منه لهآ ولأول مره يتفآعل معآهآ ويرد لهآ

دآرت فيني الدنيآ .. وتغيرت معآملتي له .. كآن يحط رآسه ع فخذي وأوخر رآسه وأمشي .. إذآ جآ بمكآن أطلع منه .. أجلس لحآلي فترآت طويله وأقفل على عمري

مع العلم يّ بنآت أنو في بينآ حب بس بدون أفصآح مني أنآ .. وأنآ من النوع المرح .. ولي جوي بالبيت ونآدرآ مآ أزعل .. يعني حتى مع خيآنته لي كنت بشوشه .. ومآ أبين زعلي كنت أقرى الرسآيل بجواله وتضيق فيني الدنيآ ومن تطيح عيني بعينه مآيشوف الا أبتسآمه أدس ورآهآ كل همومي

فلمآ تغيرت عليه فقدني صآر يقتحم المكآن الي أنآ فيه ويفرض نفسه علي بالغصب .. يطلعني غصب ويسولف معآي وكله بالقوه .. مآتعود على هـ الجو ومصدوم لأنه عرف إني كشفته

وفي هذآك اليوم يّبنآت جيت جوآله وحصلته مآسح الرسآله .. وهو بالعآده بريييئ .. مآيعرف يمسح شي .. وكله ع المكشوف

المهم جلس معآي وقرر يصآرحني وأنو ليش متغيره وترجآني أني أتكلم ( وهو عآرف وش بقول )

تصآرحنآ ( ومآ ابي أدخلكم بالتفآصيل ) لف السآلفه برء نفسه

وطلبت منه يتصل عليهآ ويهزئهآ قدآمي ومآقصر غسل شرآعهآ ( وهذآ يدل على أن أي وحده ترخص نفسهآ بيكون هذآ مصيرهآ .. رخيصه ومآلهآ قيمه )

الزبده السآلفه أنتهت .. هـ الهم الي كبت على صدري 5 شهوووور أنتهى وأنتهت معه أول أيآم زوآجي الي المفروض تكون أحلى أيآم عمري .. يله قدر الله ومآشآء فعل وحسبي الله ونعم الوكيل فيهآ في كل وقت وكل حين

^

ذكرت هـ القصه لانهآ حدث كبير في حيآتي وحآولت قدر الامكآن إني أوجزهآ .. لآكن موهي مشكلتي .. لأنهآ أنتهت مثل مآذكرت لكم

وصآرت من الذكريآت ..

الأن ولله الحمد أنآ أستعدت ثقتي بزوجي وصآر وآضح معآي .. أعرف عنه كل ششششي .. وهو بعد صآر يخآف يخبي عني .. جربني وتآب

بس ينآت من قبل لأولد بولي بشهرين زوجي مآعآد جآني بالفرآش يعني ينآم جنبي ولا يلمسني ..

مآ أخذت فيهآ وطنشت قلت يمكن خآيف علي وأنآ بشهوري الأخيره رحت لأهلي وولد وتنفست عندهم .. وكآنو بنفس المنطقه وكآن زوجي يجي كل يوم ونطلع نتمشى والرسآيل بشكل يومي

عش أيآم حلوه عوضني فيهآ عن كل شي .. من جد من تزوجت إلى الحين مآعشت هـ الرومنسيه الي بذيك الفتره .. وكنت مشتآقه بس متى أرجع له

لمآ خلصت الأربعين ورجعتله يآبنآت طلب من ينآم بغرفه وأنآ بغرف بحجة البيبي وأنو ورآه دوآم .. قلت أوك .. وبعد مآ أخذت فيهآ وقلت معآه حق وبعدين بنتفرغ لبعض

كبر الولد وصآر عمره 6 شهور وأنآ وزوجي بعآد عن بعض .. بعد الـ 6 شهور جت الشغآله وصرت أنيمه معآهآ .. ( كـ محآوله أنو زوجي يرد للغرفه ) ولا حيآة لمن تنآدي

مآيبي .. مرتين او 3 الي نمنآ فيهم مع بعض ..

والحين يبنآت .. أحنآ بين مد وجزر مرآت يرجع ينآم معآي ومرآت يعتزل بغرفه لحآله

وهـ الوضع خلآ بيننآ فتور كبير من نآحيتي ولا هو مآعآد أعرف وش مشآعره تجآهي هو يحبني هو تعود علي بس

مدري مآعآد أعرف

وتغيرت كثير أول كنت أشوفه بالدنيآ .. وأحبه لدرجه أني مآ أخيل نفسي مع غيره ..

بس الحين لاء .. حضرت قبل أمس زوآج لقريبتي .. وكنت أتحسر كثييير تمنيت أني العروس وأعيش هـ الليله وأعوض فيهآ شي من الي رآح

يبنآت أنآ زي الي تفتحت عيوني على أشيآء بس بعد مآ فآت الأوآن

حسيت أنو الزوآج شي حلو وأنو الرومآنسيه والحب .. أسآسيآت بالحيآه .. بدونهم الزوجين يصيرون أقرب للأخوآن

أحب زوجي لاكن مو الحب الي تعرفونه حب عشره حب تعود

وهو بعد مو مقصر معآ ي كريم وطيب ..

ولا نزلت هـ الموضوع ألا لأني أبي حل معآه

أبي أرجع الحب لحيآتنآ .. مآأبي الفجوه تكبر

وأخسره:8:

 

[خلود بكر]

شوفي ياعسل اول شئ بقوله لك الشغاله مالها داعي يمكن مااعرف لان انتي عندك طفل واحد مو معقوله من طفل اجيب شغاله واخلي طفلي عندها لا ياقلبي غلط حتى لو وقت النوم والله غلط اتركي الشغاله عنك واهتمي بيبتك وبنفسك وبزوجك وبالنسبه انه ينام لحاله اوقات شوفي لمن ينام لحاله انتي روحي وراه ونامي عنده انتبهي ترى هي تبدأ كذا الى مايتعود وانسي يرجع فاانتي فهميه ان الوضع غلط وانك ماتحبي تنامي لحالك ومن هذا الكلام ويارب يسعدكم .....وصدقيني بترجعوا مثل قبل بس الاهم انتي الي اهتمي بكل لاتخلي احد يأخذ مكانك

 

[ياحبني لنفسي]

والله كلامك ف الصميم وحاسه بكل كلمة قلتيها ..

لكن الغلط منك حبيبتي

ليه ماتصارحينه وليه ماتسالينه!

اساليه يمكن فيه شي لاقدر الله .. يمكن يحس بشي

اساليه ولو مريض يقدر يتعالج بس سكوتك ابد مو حل


حاولي تتقربي اكثر واكثر من زوجك

وخلي بيدك تكون حياتك حلوه عوديه على شغلات جديده

يجي وكل يوم غرفة النوم كلاسك وروايح وانوار خافته وانتي كاشخه واي رجال يفهمها

وابدي معه حبه حبه

ضميه واساليه وش فيك وانا احتاجك ومو عيب تحسسينه بشوقك له

حسسيه وجوده معك بالغرفه والسرير هذي كل فرحتك .. وشوي شوي ينجذب للغرفه اكثر


السالفه يبغى لها طولة بال وذكاء بس نصيييحة لاتظلي تتفرجي

ادعي ربك وحاولي قدر الامكااان

واي شي حبيتبي راسليني على الخااص

 

[نوردآنه]

انتبهي ترى هي تبدأ كذا الى مايتعود وانسي يرجع فاانتي فهميه ان الوضع غلط

من يقول مآ رحتله وحآكيته

عآدي عنده بس بعد كم يوم يطلعلي بشغله وأنه يبي ينآم لحآله عآد بعدهآ قلت أبدى مآعلي كرآمتي

آه يّ قلبي كلمتك عورتني ..

× يآحبني لنفسي

مشكوره يّ الغلآ كل كلمه قلتيهآ رآح أطبقهـآ بإذن الله ونشوف لوين بنوصل أنآ وهـ الرجآل

 

[نوردآنه]

طيب بنآت

جيبولي أسلوب أفآتحه فيه بهآالموضوع .. تعرفون الي برآ المشكله مو مثل الي متبهذل فيهآ
مآني قآدره أركز .. ودي أكلمه بهآ الخصوص بس مآني عآفه الأسلوب الصح متشتته

ولا تقولون لي سوي شموع ورومنسيآت وليآلي حمرآ .. قلتلكمـ من البدآيه مآلي بهآ الشغلات

مو حلوه أطب فيهآ على طول كيذآ .. الرجآل بينصدم مآيدري هو يركز بكلامي ولا بجوي الي أنآ عآيشته
بعدين هو وآقعي بعد .. ( شمآلي شرقي )

هذي تجي مع الوقت حبه حبه

أبي أنآقشه بجديه شششششوي .. وأبي أسلوب يدخل القلب

ومشكورين حبآيبي

 

[دلوعةزوجي]

الشمالي الشرقي من اصعب الانماط ومن اسهل الانماط
اكيد فيه تناقض بالجملتين اللي فوق
صعب للانسانه اللي ماتعرف تركز على مواطن الضعف ومواطن الحنان
وسهل للانسانه الذكييييييييييه
شوفي ياقلبي زوجي شمالي شرقي
تعود يشوفني اضحك وفله ولما ازعل يفتقد وناستي
لاكن الاسلوب اللي بيمشي مع هالنوع من الشخصيات اسلوب المزح الجد وشلون
كوني رايقه وتضحكين وتمزحين وجيبي سالفه النوم بالغرفه وقوليله تراك وحشتني ياحلو ترى الليله مافيه نوم الا بالغرفه وبحضني واي عذر ما اقبل وبوسيه واتركي المكان
رغبيه بالغرفه بس اصحك تتخذين اسلوب الجد بالكلام لان الشمالي بيفكره امر وقرار وهو يكره اي احد يأمر عليه
اتمنى افدتك بس عيالي حولي ولا قادره اركز

 

[مهاالجنوب]

الله يكون في عونك ويسهل امرك ويسخر لك زوجك

 

[تشكرات]

ماشاء الله الأخوات ماقصروا ......أعطوك حلول رائعه ...تتماشى مع هذا النمط ....

ولكن لا تقولي أعطوني ( كلام أقوله لزوجي ) .....ياعزيزتي الكلام لا ينفع مع الشمالي .....مايجيب رأس الشمالي غير الأفعال والمواقف

الجاده .....روحي نامي عنده واللي يصير يصير ماعليك من كلامه ولا من رفضه .....أثبتي وجودك بجانبه ....حتى لو لم يمارس معك العلاقه

الخاصّه .....عادي يا أختي ....مع الوقت راح يتحسّن الوضع بعون الله ..

أهم شئ كوني معه دائمآ .....حتى يألف وجودك ...وكمان يتعوّد على وجود ابنه بجانبه .....

ربي يهديه ويجعلك قرة عين له ..

 

[مزايا انسانه]

اضافه الى ماقالوه الاخوات

خليكي معاه لاتتركيه يتعود البعد عنك بتاتا حتى لوقال ابغى انام لوحدي لاتتركيه
علشان لايتعود البعد عنك


روحي معاه لنفس الغرفه حتى لو ماترتاحي

اعرف وحده من صديقاتي كذا جلس ينام بغرفه لوحده كنه عزوبي لمدة 3 سنوات
وكانت طفشاااااااااااااااااااااانه


ولاكن ماياست وراه وراه الين خلته معاه في غرفتهم والغرفه الي كان فيها قلبتها مجلس ضيافه
مكر نسوان
شغلي مكرك من تحت لتحت يابطله
ربنا معاك

 

[نوردآنه]

الله يسعدكون صبآيآ فرحتوني

شآكره تفاعلكم

وشكرآ للي دعت لي .. لك بالمثل يآلغآليه

تسلمون

 

[سرااااااااااب]

انا مع كلام البنات .. وزي ماقالت تشكرات .. هالنوع ما ينفع معاهم التفاهم والكلام .. الافعال اهم شي ..

وبعدين تعالي فهميني كيف يعني مالك في الرومانسية والاجواء ؟؟؟؟ لا ياقلبي اكبر خطا .. الحياة بين الزوجين اذا مافيها حب ورومانسيات وحركات وشموع واجواء تصير رتيبة ومملة ..

وولدك ليه ينام عند الشغالة ؟؟؟ تبين تطلعين من مشكلة وتدخلين في الثانية .. ولدك ينام معاك ..
شوفي ... اذا زوجك ينام بدري قبلكم اتركي ولدك عند الشغالة وروحي الصقي فيه وسولفي له الين ما ينام وضميه وبوسيه .... الخ كل يوم مو شرط كل يوم رومانسية ممكن سوالف عادية ونقاش عن المستقبل بس لازم كل يوم لما يروح الفراش تتجهزي وتروحي وراه ..
واذا نام بسلامته اطلعي خذي ولدك لاعبيه شوي الين ما يتعب وينام وياليت يكون شبعان انتبهي لاكله عشان ما يصحا كل شوي وجهزي رضعته وحليبه والمويه وخذيه وادخلي نامي مع زوجك ..
لما يصحا ويشوفكم جنبه راح يتعود عليكم ويرق قلبه لكم ..
ولا تكوني بعيده ويبعد عنكم اكثر ...
وبعدين سالفة الكرامة مدري وش دخلها في موضوعك ؟؟ انتبهي من مداخل الشيطان كرامتك وكرامة زوجك وحدة وزوجك لو حس بتمسكك فيه ماراح يتخلى عنك ..

دعواتي