جوال زوجك

[queen99]

السلام عليكم يابلقيسات
بصراحة قريت في أحد المنتديات سؤال ألا وهو..
هل تفتشين جوال زوجك واستغربت من الردود اللي تقول لا لاني ما احب يفتش جوالي هذه اشياء خاصه وغيرها من الردود
بصراحة أنا حبيت اسمع رايكم في الموضوع هذا" تفتيش جوال الزوج"

أنا عن نفسي دايم اشوفه ولا احس انه يزعل ونظري للجوال مو شك في زوجي حاشا لله بس كذا أحب أشوف وش عنده شي جديد وأعتقد لو أن الزوج واثق من نفسه ماراح يخاف على جواله من زوجته
وبالنسبه لي عادي يشوف جوالي..
ها وش رايكم يابلقيسات

 

[ربة بيت]

انا بالنسبة لي عادي يشوف موبايلي ماعندي مشكله

وانا مو من النوع اللي يفتش موبايله يعني اذا حابه اشوف شي استأذنه و يدامه افتح الموبايل

بس مرة ندمت عليها فتشت موبايله وشفت مسجات ماحبيتها حق وحدة كانت علاقة قدييييييمه لزوجي و هو تركها من زمااااان بس القدر حطها بطريقه مرة بسبة شغل بس الحمدلله انتهينا من السالفة لكن بعد شو؟؟؟ قلت ثقتي فزوجي شوي بعد ماكانت 100% صارت 90% وانشالله ما تنزل النسبة ترتفع...

عشان ما اصير ملقوفة مو كنت مرتاحة قبل .....

حكمة الله من بعدها صرت حريصة اكثر و مو ماعطيتنه مجال مني ولا مناك .... مغطيه عيونه صار ما يشوف غيري والبركه في منو؟؟؟؟

طبعاً مملكتنا الحلوة بلقيس

 

[+متأمله+]

اذا كانت الوحده بتفتش عشان عدم ثقه..فنصيحتي لا تفتش

لانها هي الخسرانه وماراح تلاقي الا وجع الرأس...

 

[غراام اطفال]

أنا عن نفسي دايم اشوفه ولا احس انه يزعل ونظري للجوال مو شك في زوجي حاشا لله بس كذا أحب أشوف وش عنده شي جديد وأعتقد لو أن الزوج واثق من نفسه ماراح يخاف على جواله من زوجته
وبالنسبه لي عادي يشوف جوالي..

انا مثلك تمام احس الموضوع عادي:icon30:
واهم شي الثقه

 

[ربة بيت]

اذا كانت الوحده بتفتش عشان عدم ثقه..فنصيحتي لا تفتش

لانها هي الخسرانه وماراح تلاقي الا وجع الرأس...

صدق كلامج يا قلبي

بس معلومه الموبايل اللي شفته لزوجي واحد ثاني للشغل بس مو اللي يستخدمه دوم هذاك عادي بس مال الدوام كان مغلق وانا تليقفت .....
من يومها حرمت المس موبايله حتى قررت اسوي اللي علي و ما اقصر بحقه و انا واثقه انه ريال خايف ربه ماراح يمشي بدرب الحرام علاقة كانت ايام الطفوله برأيي وحسب المرحله اللي صارت فيه


وييييييي ولدي ذبحني يالس فحظني و يرمسني وانا مشغوله بالكتابه و المصيبة انه يباني اطالعه يلف ويهي

تخبلت
المهم:
مراقبة موبايل الزوج تجيب وجع الراااااس

 

[مداد الحب]

عادي انا اشوف جوال زوجي وهو يشوف جوالي بس مو شك لا حب استطلا اع