جنيني مات انا لله وانا اليه راجعون

ع

عمة غلاوي

New member
إنضم
2011/03/02
المشاركات
135
بكرية لي شهرين ونص قلت بشيك على حملي بالحبيب

سويت اشعة صوتية وقالو الجنين ميت صراحة انصدمت

وبكيت وزوجي واهلي يهونون علي الله يسعدهم بس مو

بكيفي احس اني تعلقت فية تقول الدكتورة ميت من اسبوع

بس وبتسوي تحاليل تشوف وش السبب توقف النبض وانا

خايفة والجنين للحين ماسقط يقولون لازم نعطيك تحاميل

تفتح الرحم عندك وبعدها نسوي تنظيف لانه كبير ماراح

يطيح كله وانا خايفة من التنظيف ودموعي ماوقفت مين

توقف عندها نبض الجنين او تعرف احد وحملت بعد كذا

بحمل سليم حاليا اعيش في صدمة ومشاعري مايعلم بها

غير رب العباد وش تنصحوني فية وحسبي الله ونعم الوكيل

شورا علي والله ما ادري وش اسوي
 
الحمد لله على كل حال حبيبتي هوني على نفسك ووكلي امرك لربك

لاتخافين ياقلبي وحده من صاحباتي صار معها كذا

وبعده بثلاثة شهور حملت وربي تمم لها بخير وجابت بنوته تهبل ماشاء الله

الله يعوضك خير بس سوي التنظيف احسن عشان تضمني الرحم تمام ويصير حمل سليم بإذن الله

​
 

قولي انا لله وانا اليه راجعون اللهم اجرني في مصيبتي واخلف لي خيرا منها

وربي ان شاء الله اللي رزقك اياه بيرزقك غيره و غيره و غيره

وبالنسبة للتنظيف ماعندي تجربة
لكن
البنات يفيدونك ان شاء الله
 
الله يصبرك ويعوضك يارب
وفي ناس كثير يسقطون وبعدها يحملون عادي بس الافضل اخذي راحه 6 شهور وبعدها حاولي
عشان الرحم يرجع طبيعي
 
لا تخافين من التنظيف لازم ينظفونه انا اعرف وحده صار له مثلك وحملت
 
ربي يعوضك خير باذن الله
ومرت اخوي سقطت وحملت وراها على طول والتنظيف عادي مايخووف اختي سوته بدوووووووووون بنج تخيلي وكاهي الحمدلله بخير وعافيه

توكلي على الله وسوي التنظيف وباذن واحد احد مايمر شهر الا وانتي حامل بالتاني
 
الله يعوضك حبيبتي انا ماتت نونتي ف التاسع الله يعوضنا خير وانا بعد بكريه واعطوني تحامل وطلق صناعي ولدت ف مستشفى دله بالرياض
 
ربي يعوضــــــــــــك حبيبتي لاتخاااااااااافين
اعررف وحده مات الجنين بالشهرررر الثالث سوت تحليل عشان تشوف وش السبب صار نقص فيتااامينااااااااااات عطووهاااااااا حمض فووليك قبل مااتحمل وجااااااااااابت الحين بنووته مااشاء الله تدنننننن ......

اناا بعد مااجهضت قالت لي الدكتووووووره اصبري اقل شي ثلاث او اربع اشهررر وبعدهااااااا احملي
 
الله يجزاكن خير ويريح قلوبكن

ويسمع دعاكن انه هو السميع

العليم

حسبي الله ونعم الوكيل

الله يعوضني خييييير
 
انا لله وانا اليه راجعون .. استغفري الله يا اختي قل لن يصيبنا الا ما كتب الله لنا وعسى ان تكرهوا شيئا وهو خير لكم .. فمن رحمة الله ان يموت الجنين المشوه او المعيوب خلقيا او يسقط قبل تمامه رحمة بوالديه فاصبري واحتسبي واشكري الله في السراء والضراء وربنا يعوضك خير ان شاء الله ويقر عينك ويفرح قلبك بحمل جديد وطفل سليم يسعد قلبك ان شاء الله ولا تتعجلي فنصيبك من الذرية ينتظرك باذن الله واحتسبي لتنالي الاجر والعافية وعلو المنزلة وراحة البال ان شاء الله
 
لا حول ولا قوة الا بالله

انا بعد وقف النبض ف جنيني وهو ف عاشر اسبوع .. وقالت لي وقف النبض من اكثر من 10 ايام ولازم تسوين تنظيف ف اقرب وقت .. ورحت وسويته (هالكلام من 3 شهور)

الله يعوضنا خير يارب
 
هلا اختي الله يعافيك وكل مسلم انا مثلك وكان لي شهرين واكلت اعشا وعنزروت وحلب ووووو وطاح ولا سويت تنظيف لاني اهتميت بالاعشاب ورحت للدكتوره مره عطتني تحاميل تنزل البقايا وداومت على الاعشاب والحلب ورحت مره ثانيه وقالت لي خلاص نظف رحمك ماشاءالله وماتحتاجين تنظيف الحمدلله وهذي حملت الحمدلله والله يتمم ولاتنسين الورد والصدقه والدعاء..

واذا ماطاح لازم تنظيف والله يعافيك ويقومك بالسلامه،،
​
 
امين الله يعوضنا ويكتب اجرنا

زهرة البوادي الحمدلله على كل حال وواشهد

ربي ان راضية بكل شي واملي بالله كبير

لكن انتي تعرفين البنات فيهم عاطفة زيادة

عن اللزوم والحمدلله اولاً واخراً
 
مرة البرهي ربي يتمم حملك على خير ويرزقك

كل الخير انتي وجميع المسلمين انا عطتني حرمة

وصفة وقالت اذا حسيتي باعراض على طول

استعملي الوصفة وباذن الحي القيوم راح

تطيح كل شي وانا بسوي اسوي الوصفة

ان شاء الله وبعدها بروح اسوي اشاعة

اشوف باقي شي اولا وربي يكتب اللي

فية الخير لي وللجميع انه وليّ ذلك والقادر

عليه

حسبي الله ونعم الوكيل ربي اني مسني

الضر وانت ارحم الراحمين **
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل