جنيني بالعرض؟؟ شلون يصير راسه لتحت؟؟؟؟

[عيون عزيز]

حبيباتي أرجوكم اذا عندكم خبرة لا تقصرون معاي.....
أنا حامل للمرة الثانية وصارلي 7 شهور وأسبوعين,,,,,,
المشكلة ان الجنين نايم بالعرض... وأنا خااااااااااااااااااااااايفة لأن بنتي الي جبتها قبل راسها كان تحت من أول ما حملت......
شوروا علي شسوي,,,,,, أبي الراس ينزل تحت... مع العلم اني المرة الأولى ولدت طبيعي...
ناطرة ردودكم ومشكورييييييييييييييييين ....

 

[الما حساسه سه]

انااول من يرد حبيبتي مافهمت عليك وشلون بالعرض وبعدين حبيبتي اذا كان راسه فوق احبي زي الاطفال من على الدرج من فوق الى تحت يعني احبي وانتي نازله من على الدرج

 

[لؤلؤة البنات]

الحبي لماتكونين في التاسع اذا حسيتي بطلق

البعض يتعدل لما يكون في التاسع ولا تنسين المشي بعد في الشهر الاخير

 

[love4life]

أنا اللي أعرفه ان الجنين يتم يلف ويتحرك لين التاسع يثبت .. بعده في وقت يا أختي ان البيبي يتصلح وضعه .. واذا ما اتعدل في الثامن .. نحن عندنا مثلا الدكتروة أو الممرضات (مو متأكدة) يحركون البيبي من برع (بالمساج) ويلف .. لا تحاتين اختي .. وبعد اذا مليتي البانيو ماي ونمتي فيه ساعات البيبي يتحرك


ويا الاخت اللي اتقول احبي الدرج وانتي نازله .. خطر!! شو لو لا سمح الله وقعت الحرمة! لا تسوون أشياء خطر .. الحبو يكون على الأرض ومثل ما اتفضلت الاخت .. فقط في التاسع ولتحمية الطلق

والله يطمنج ويريح بالج

 

[nla]

حبيبتي في الشهر السابع لا يهم كيف يكون وضع البيبي

اصلا هو وضعه يتغير طول فترة الحمل

الامر الطبيعي ان البيبي يتغير وضعه في الشهر التاسع ليصبح راسه الى اسفل

وحتى احيانا فقط في الايام الاخيرة

طفلتك الاولى ليس مقياس

اطمئني وامورك كلها الى خير ان شاء الله

 

[ليلكيه]

حبيبتي

اذهبي للطبيبة المختصة

فهناك عملية تسمى عملية اللف الخاارجي يقوم بها الطبيب لتعديل وضع الجنين

والله يتمملك ياقلبي ويقومك بالسلامة

 

[*ملكة الحب*]

حبيبتي بينزل في التاسع ان شاء الله

لاتستعجلين

 

[إأإلصـمـ صدى ـت]

حبيبتي مافي مشكله عليج و لا على الجنين بس هاتي مخده و حطيها آآخر الظهر فوق امم اللي ورا و تمي منسدحه يعني خذي ساعاتو انتي منسدحه و لا تسمعين لحد انا كانت بنتي جيه و الحمدلله سمعت كلام امي و سويت هالشي و نزل راسها لتحت

 

[عيون عزيز]

فديييييييييييييييييييتكم والله ما قصرتوا .........أنا مابي أولد قيصري وان شاء الله البيبي يتعدل .....وطريقة الحبي انصحوني فيها وااااايد بس بسأل دكتوري والله كريم...امممممواااااااااااااااااااه لكل من رد علي...

 

[دمووع الشووق]

والله الدكتوره ناعمه يوم سوت دورة عندنا
قالت معلومه قايلتها لها دكتورتها يوم كانت حامل عشان البيبي يستوي راسه تحت

وهي انج تغسلين المواعين او تغسلين الحمام هي الفكره بالحركه الدائريه لليد يوم تغسلين
جربي وشوفي وهي تقول ان فادتها ونزل راس البيبي

ان شاءالله اكون فدتج
وربي يهون عليج

 

[اعشق بجنون]

لا تخافين يافلبي توك بدري يمدي البيبي ينقلب