جعل من يفرج كربتي الله يفرج له جميع كربه ...

الانسكاب

الانسكاب

New member
إنضم
2009/03/21
المشاركات
716
السلام عليكم


شخباركم والله اني من زمان عنكم .. قلت مانيب داخله الا ومعاي مشكلتي الله يفرجها علي وياخذ ولد ابليس اللي ناشب بحلقي ومطين عيشتي مع زوجي ..

بقولكم السالفه من طقطق لسلاموو عليكم ..

انا تزوجت ولد خالة امي عن حب دام اكثر من عشر سنوات .. والان انا عمري 25 سنه وتزوجنا من 7 اشهر بعد معاناة من والدي بعدم قبوله ..لاسباب عديده.. ومنها انه مو نفس عايلتنا .. وساكن بمنطقه تبعد 200 كيلو عن منطقة اهلي .. وايضا تعلق والدي فيني لاني البكر ..
المهم تم الزواج على خير ..وكان عائلي بسيط ..
وبعد زواجنا بشهر ونص صار يسهر يوم الاربعاء للصباح وانا بالشقه لحالي ..وكم مره اكلمه ويقول الاربعاء يوم يجتمعون فيه اصحابي ومستحيل افوته ..
سكت وقلت يوم بالاسبوع مو مشكله ..
بس تمادى وجاب عندي بالبيت انترنت .. وصار خويه المقرب ( حسبي الله عليه ونعم الوكيل ) راعي بنات .. واربع وعشرين ساعه بالاسكايبي ويدخل زوجي معه في محادثات مع هالبنات الله لا يوفقهن لا دنيا ولا اخره
واذا قلت لزوجي ليش يقول كلها طقطقه .. ويعني اذا كلمتها حبيتهااا .. واصلا انا مو راعي بنات ولا راعي خرفنه ..
وخويه هذا يتصل عليه بانصاف الليالي وزوجي معطيه وجه وبقوووووه ..
لدرجه اني اذا رحت لاهلي يدخله للصاله .. واذا رجعت القاها حوووسه ووساخه وقذاره ..
وانا الحين حامل ومالي خلق انظف شي ..
وامس صار لي مع زوجي موقف وقسم حسيت اني بديت اكرهه
طلع من دوامه وراح عند اهله وماراجع للبيت الا الساعه 4 العصر وقال وين الغداء .. المهم انا كنت متضايقه وش ذا تطلع من دوامك تروح لاهلك طيب انت البارح عندهم ..
المهم حطيت الغداء وتغدينا الحمدلله .. وشبك البلاي ستشين وقعد يلعب ( الله بلاني ببزر ) اتصلت عليه امه قالت تعال ابيك تودينا لفلانه ( الله يستر عليهم ) قلتله طيب طلعني ترى بديت اطلفش قال بودي اهلي وبخلص كم شغله .. ويوم جت الساعه 10 بالليل اتصل وقال بتاخر للساعه وحده بسهر مع اخوياي ..
قلت طيب جيب لي ماوس للكمبيوتر لانها خربانه .. قال بشوف والله العظيم مارجع الا الساعه 10 الصبح يعني مخليني بروحي اكثر من 13 ساعه ..
ويوم ناقشته قال لا تحاسبيني انا رجال حر اطلع واروح واجي متى ما ابي .. وانتي قاعده في بيتك ومو ناقصك شي .. قلتله انت ناقصني حسسني بوجودك ..
قال لي انتي كل يومين ماده بوزك وانا وربي ما امده الا اذا صار شي يضيق الصدر .. يعني يبي يضيق صدري واضحك ..
وقسم وش ذي الحاله انا طفششششششششششششششششششششششششششششت
​
 
اصلا هذول مايعرفون الحب ولا عمرهم عاشوه الرجال اي شي صعب المنال يبون ياخذوه واي شي بعيد واشتهوه يبونه واذا صار عندهم حطوووه بالبيت وقفلو عليه الباب
وصار زيه زي الكرسي
ادعي الله وزوجك لسه بامان لاتخليه يطفش منك
لاتنسين تدعيلي فانا في كرب وامتحان من الله عظيييييييم
ادعيلي الله يشغل زوجي بنفسه عن ظلمي وعن الزواج وبنات الحرام ويرده ذليل
 
اول شي يالغلا قوي علاقتك بالله تعالى وعلقي قلبك به وهو القادر على تغيير زوجك للافضل وادعي وكثري الدعاء في السجود بان الله يصلح حال زوجك ويسخره لك ويصرف السووء عنه ويبعد عنه اصدقاء السوء اما احنا بشر مافي يديننا شي

يالغلا طنشيه لمدة اسبوع بدون زعل قومي بحقوقه وصيري غامضه شوووي واذا قال فيك شي قولي لا طبعا لو قلتي عشان كذا وكذا وكذا بعاند الرجال يموتون في العناد وما يحبون الحريم يقـولون وش اخطائهم

وصدقيني هو بيتغير من حاله

العلاج ديني ودنيوي
1-القرب من الله والدعاء وقراءة القران =تستجاب الدعوات مع حسن الظن بالله والتوكل عليه
2- التطنيش+القيام بواجباته كامله
 
حبيبتي مالك الا الصبر مدي سجادتك وصلي وادعي ربك وأنصحك خليه على راحته يروح ويسهر ولاتعاتبينه ولاتزعلين منه لأنه بيلاقي سبب عشان يطفش منك استعملي دهاء الحريم اذا قالك بروح اسهر مع ربعي قوليله الله وياك واذا تأخر لاتعاتبين ولاتمدين بوزك صدقيني شوي شوي بتلاقينا تقرب منك وخفف من الروحه عليهم ....والله يفرج همك
 
حبيبتي .. لآتخليين كل همج وتفكيررررج ريلج وبسسس

انتي بعد اهتمي ف بيتج و ف ستايلج ونفسسسج و طنششيه يوم يومين اسبوووع لين مايتعدل ...

الله يووفقكم ويسررر حياتكم .. ​
 
!!!!!!!!!!!!!!!!!!!
عشر سنوات حب ولاااااااااااااااااااعررررررررررفتيه
أي حب هاذا اللي تتكلمي عنه
وماراح تقولي لاهلك لان ابوك ماكان راضي صح؟؟
وبعدين انا ضد حب قبل الزواج خلااااااااااص الرجال يمـــــــل من الحرمة

عموما الحل انك تطنشيه ولا تحاسبيه على كل حاجة اذا طنشتي هو بيحاول يقرب
والبنات وقفيه عند حده قولي ياأناياهالبنات
 
هم كذا بالبدايه مايترك حياة العزوبيه لازم انتي تعودينه عليها والله يكون بعونك
 
ردود البنات ماقصروو جهزااهم الله بالجنه والله يفرج لك همك يارب ويرجع لك زووجك ويهديه امييين يارب
 
هم الرجال كذا عيشي حياتك انبسطي زوري صديقاتك وروحي لاهلك خليه انشغلي عنه بشغل البيت و الزيارات فترة

واذا سالك قولي صديقاتي من زمان مازرتهن نبي نرجع ايام زمان
 
حبيبتي اولا شي قوي علاقتك مع الله واكثري من الاستغفار والدعاء..

وبعدين حبيبتي حاولي تغيرين من شكلك وطريقة اسلوبك معه وغيري من ترتيب بيتك
واجذبيه بكل شي اتكلم كذا من واقع تجربه لاختي لاتخلينه يفكر بغيرك ويتركك
والله يبعدك عنكم عيال وبنات الحراااام وعن المسلمين اجمعيييييين,,

والله يالف مابينكم ومايشوف غيرك يااااااااارب,,,
 
من رايي كل شي الا انه يعرف سكة الدردشه ...
ترا بتجي له اللي تقدر تفر راسه لا تسكتين ع الموضوع ...
واذا قالج طقطقه قولي انا بعد بسوي طقطقه (على قوله ما فيها شي يعني ما تزعل)...

وياما مصايب بدت بطقطقه بفظحككه ولمسسه وحملله ...الله يكفينا ويكفيكم شر الحرام
 
الله يهدي زوجك بس
شوفي قلبو مثل ماقالوا البلقيسات جزاهم خير أهتمي بلبسك ونفسك وبالبيت وبالبيبي الجاي
ولاتعاتبينه أو تضايقينه وتسئلينه عن تأخره لأنه بيح انك نكديه وبيطلع ويتركك لوحدك امممم طنشيه بس مو تهملينه مهما كان عشان مايلتفت لغيرش من بنات الحرام ألي يكلمهم وصدقيني بيجيك ركض لما يعرف قيمتش بس لما يجي أدبيه شوي طيب هههه
الله معااااك يالغلا
 
لاحول ولاقوة الا الله
الله يفرج كربتك عاجلا غير اجل ولاتنسيني من الدعاء بتفريج كربتي
انا ادري انك الحين حامل ونفسك في طرف خشمك بس تحمليني شوي ههههه
خلي بيتك ملاذ زوجك الوحيد حببي زوجك بالبيت يعني من يطلع دقايق الا وهو راجع لك لان انتم ببداية حياتكم مو متعود على الربطة انتي بذكاءك حاولي واكيد البنات هنا مايقصرون لان لهم خبرة اكثر مني
الله يوفقهم جميع
ويارب يخلي زوجك يلزق فيييييييييييييييييييك لين ماانتي تقولين له تكفى حل عني ههههه
الله يفرج همك يارب
 
الله يفرج كربتك ويسخر زوجك لك ويهدي
ويفرج كربتي لا تنسيني من دعائك فأنا محتاجة دعواتكم بتفريج كربتي
وزوال همي
وربي يرزقني الذكر الصالح السليم المعافى
​
 
شكل زوجك لسى متأثر بحياة العزوبيه مو شايل هم مسؤليتك انتي والبيبي

شوفي لازم انك تفهميه بطريقتك حاجه ان الزوجه اولى من اي شي بالكون هع عشان تستفيدي

وانتي نفسيتك شويه تعبانه من الحمل بالعكس خلي فترة الحمل حلوه ولاتضيعيها في زعل يجيك البيبي معصب عالدكتور
هههه ربي ييسر ولادتك وياي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل