جزاكم خير أفيدوني

[أم نجمتين وقمر]

السلام عليكم ورحمة الله , حبيباتي أفيدوني عن حالتي تأخرت الدوره علي قبل 3 أسابيع رحت للمستوصف سويت سونار قالت الدكتوره مابين شي وطلبت التحليل حللت طلع حمل ضعيف رجعت بعد أسبوع نفس الشي سونار ما فيه وتحليل طلع حمل ضعيف قالت أرجعي بعد عشرة أيام يمكن حمل متأخر رحت بع العشرة أيام وكانت النتيجه أنه مافيه حمل رحت لمستوصف ثاني وقالت الدكتوره نفس كلام الدكتوره الاولى سونار مافيه شي تحليل بعد مافيه كلمنا المدير أو المسئول عن قسم النساء والولاده قال أيش لخبطة هرمونات , طيب لخبطة هرمونات من وين طلع الحمل الضعيف وين راح أفيدوني جزاكم خير

 

[أم عزوز العزيز]

هلا حبيبتي لا تخافي
انا مثلك لي اسبوعبن مانزلت الدورة علي ورحت سويت تحليل دم طلع مافية حمل قالت الدكتورة سوي تحليل الهرمون للحمل نتيجتة 100% اذا حمل ولا لا وان شاء الله بسوية السبت ودعواتك
بس انتي اذا سويتي وماطلع حمل يمكن معك سدد روحي لحرمة تمرخ احسن لك واذا تبين اجيب لك رقمها من عيووووني وموفقة يالغلا

 

[مس الكندوشي]

الله يعطيكم اللي تبونه يارب

وان شاء الله يطلع حمل وان شاء الله ربي يحقق كل امنياتكم

 

[حنين الرياض]

الله يرزقك بالذريه الصالحة

 

[قلب بو هناد]

ماعندي فكره حبيبتي بس ان شالله تكونين حامل ويبين معااااج ف الايام اليايه يارب

يارب ياكريم يارزاق ارزق اختي ام نجمتين وقمر بالذريه الصالحه وارزقني وياها وكل المحروماات يارب..*_*

 

[أم نجمتين وقمر]

خيتي أم عزوز العزيز أشكر مرورك ياقلبي أنتي بس أنا متأخره لها شهرين من اليوم وأنا الحمدلله الله أعطاني نعمه وراضيه بالمكتوب لكن اللي مشغلني سالفة حمل ضعيف مرتين وبعدين الثالثه مافيه بس أبي أعرف
خواتي مس الكندوشي , حنين الرياض , قلب بو هناد مشكورين على المرور والرد واللي دعت لي الله يقبل منها ويخشرها من دعواتها والله يعطي كل محرومه وييسر لها الحمل يارب ياكريم :icon26:

 

[أم نجمتين وقمر]

ياربي ليش مطنشين والله من جد محتاره اللي شافو الموضوع 35 واللي رد 4 تكفون اللي عندها خبره أو حتى سمعت تفيدني الله يجزاها الجنة