جزاكم الله خير ممكن حد يساعدني بخصوص المشيمة؟؟

[صوت الصمت]

السلام عليكم يابلقيسات..
ممكن بس إلي عندها فكرة ماتبخل علي بالنصيحة..
انا حامل ولله الحمد .. الموضوع: ماء المشيمة نقص عني لما كنت في الشهر السادس ومن يومها وانا كله ابلع ماي وسوائل..
والحين دخلت نص السابع ورحت اراجع انسعقت لما قالت لي الدكتورة انه ماي المشيمة بدرجة ناقص اكثر من المرة الي طافت..
سألتها شو السبب.. ردت علي مستغربة ماعندها فكرة وقالت لي راجعي مستشفى اكبر.. انا مو عارفة شو اسوي خذيت موعد بس موعدي بعد اسبوع ومو قادرة اصبر خيفانه على ولدي..
ما اعرف هل هذا يضر او في سلبيات؟ او هل هذا امر عادي او طبيعي..؟؟ من غير عندي فقر دم فهل ممكن ان الولد يكون فيه فقر دم بسبب دمي ؟؟
بليز جزاكم الله خير طمنوني او انصحوني..

 

[ولا كلمة]

ياقلبي الله يحفظ لك ولدك يارب ويتمم حملك على خير
ياقلبي اكثري من الاستغفااار واشربي ماء زمزم فيه خير وبركه ان شاءالله
وروحي لدكتور شااطر وخليييييييه يشووف الوضع واستمري بشرب السووايل حتى الغداااء حقك خليه شووربة

واذا على فقر الدم ياقلبي فيه حاجه اسمها البنجر او الشمندر
تجيك لونها زي الفجل حمرااا سويها زي العصير واشربي كوبين يوميا ترفع نسبة الدم بقووة
والعدس والفوول والفصوولياا الحبوب ياقلبي تغذي منهااا
حلوة للدم

والله يتمم لك على خير يارب .. روحي لدكتورة ثانيه او دكتور يشووف حالتك والله يطمنك على ولدك يارب واكثري من الدعااء والاستغفااار ...

 

[شكولاه]

كلي تمر يقولون يرفع مستوى المويه

ولا تتحركين كثير واجلسي في مكان بارد على طوول

لان العرق يستهلك مويه من جسمك

هذا كلام الدكتوره لاختي كان عندها نقص في المويه بس الحمد لله ربي تمم لها وماولدت الا في التاسع

لكن لو المويه نقصت كثير ممكن لاسمح الله يولدونك ولاده مبكره

اسألي الدكتور اللي راح تروحين له عن نسبه المويه لانه في السابع لازم ماتنزل المويه عن ٥ وماتزيد عن ٢٥ واكتبي كل شيء تبغين تسألين عنه في ورقه وخذيها معاكي الموعد عشان ماتنسين شيء

هما على طول راح يسألونك عن حركة الجنين

وان شاء الله انه خير ويتمم لك ربي لين وقتك

 

[r_m]

الله يسهل عليك

 

[صوت الصمت]

تسلمون ياخواتي ماتقصرون
اللهم اجعله خيرا..