جاني واحد متزوج...تكفون خبروني صح اللي أسويه ولا خطــأ؟!!

صمـــت

New member
بسم الله الرحمن الرحيم
حبيباتي البلقيسيات..
تقدم لي رجل متزوج وله 5 أطفال يعني تقريبا عمره 37 سنة وأنا أبلغ من العمر 20 سنة
مع العلم اني أرملة ولدي طفلة ..
بصراحة أنا ما أأيد إني أتزوج واحد معاه حرمة بس هذا ثالث واحد يتقدم لي وهو متزوج..
والناس مارحموني إني إلى الحين ماتزوجت (زوجي متوفي من سنة تقريبا)وبنفس الوقت
خايفة يكون بيتزوجني بس عشان يأدب زوجته الأولى أو بس كذا يعني مافيها عيب زوجته
أبد وخفت بعد مايتزوجني يطلقني بعد ماتنحل مشكلته مع زوجته وربي مو عارفة شأسوي
خواتي الكبيرات واخواني ذبحوني بإني ارفس النعمة برجلي وانو غيري مولاقي الفرصة هذي
بس أنا مو مقتنعه ويقولو ان راسي ناشف...
تكفون خبروني صح اللي أسويه ولا خطــأ؟!!
 
يابعدهــــــــم ~

استخيري الله والله يكتبلك الخيررررره

الله يوفقك وييسر امرك ويرزقك الزوج الصالح

~ْ~
 
الله يسهل امورك حبيبتي
وبعدين انتي ما شاء الله لسه كتكوته ليش مستعجلة
وما عليك من كلام الناس اهم شيء انتي
ربي يكتب فيه الخير والبركه
 

همس 99

New member
شوفي اختي من حقك تعرفي سبب زواجه بالتفصيل وتسالين عن كل شي قبل البداية
صديقتي سوووت كذا سالت وتفحصت وتتاكدت انه مجرد تاديب وهربت بجلدهاااا الحياه مو لعبة اسئلي من حقك
واستخيري واستغفري
وقبل كذا انتت صغيرة لا تستعجلين على شان الناس الناس ماراح ينفعونك واللي كبرك اللحين مابعد اتزوج او فكر بالزواج اصلا
 
لازم تأخذين بعين الاعتبار انه متزوج و لديه اطفال و لازم موافقة الزوجة حتى لا تنصدمي بعودته لها
و انه يستطيع العدل بينكم مهما كانت الظروف و استخيري الله و اكثري من الاستغفار
 
حبيبتي توك صغيرة وخصوصا لو ماعندك طفل لاتوافقين
لاتاخذين متزوج بتنغثين وتتبهذلين
من رايي لو تقدم لك ارمل او مطلق أحسن وخصوصا توك صغيره
 

رواســي

New member
استخيري و الخيره فيما اختاره الله لكي
وبعدين مو كل متزوج يتزوج علشان يأدب زوجته بالعكس
مايتزوج الا ناقصه شي صدقيني ولا راح يبين لك الأسباب الا بعد العشره بينكم
وانا زوجه ثانيه استخرت أكثر من مره وكنت متردده بأتخأذي هالقرار والحمدلله ربي كتب لي أخذه
وعايشه مرتاحه ومبسوطه معه
وعنده عيال ....
ومع مرور الأيام سألته ليه تزوج قالي السبب و أقنعني صراحه
بس قالي ترى عيالي سأليني بسبب زواجي قلت لهم عادي ابوي معدد وانا حابب اعدد يعني مو حابب يجرحهم بالسبب وتقبلت كلامه واعجبني انه ما يحب يزعج احد
و لا حابب احد يدري بالسبب
ويعدل بينا الحمد لله فيما يقدر عليه و عندي كتاكيت منه الله يخليهم لي وله
الله يخليه لي ولايحرمني منه ويسخره لي ويرده لي رداً جميلاً
 
للاسف ماعاد في رجال يعدلو يطيرو بالجديده فتره وبعدها يرجع لعشه الاول ويظلم بنت الناس

استخيري واسألي واتاكدي ايش سبب تعدده هل تاديب هل حاجه او مجرد رغبه في التعدد

وان شاء الله تكون رغبه في التعدد ويكون قادر عليه والله يكتب لك اللي فيه الخير
 

صمـــت

New member
الوالد موراضي عليه بس يقول براحتك اللي تبغينه ماراح أجبرك على شيء
يقول ابوي ان أخلاقه مافيها شيء (بس الرجال مخابر)يعني فهمت منه ان مايأمن علي عنده
((خصوصا إن عندي بنت))ولازم ابيها معي وقالي بكل الأحوال الرأي الأول والأخير لكـ
تبغون الصراحة حسيت حياتي معاه راح تكون غامضة دوووم
 
اختي انا من رأيي انت لسه صغيرة وصارلك سنه واحدة بس من توفى زوجك ومعك بنت وهومعه 5اطفال وفي ذمته زوجه
اعتقد انه ليس الزوج المناسب لك طبعا بعد الاستخارة وفكر بعقلك ولاتستسلمي لضغوط اهلك قديأتي نصيب افضل لك منه ارمل اومطلق
اسأل الله العلي القدير ان يخيرلك ويختار
 

23semsemh

New member
إستخيري والله يكتب لك اللي فيه الخير
وإذا أرتحتي توكلي ع الله
والله يكتب لك اللي فيه الخير يارب
 
أعلى