جاني خطيب وخاايفه اوافق او ارفض

شموخ الكبرياء

شموخ الكبرياء

New member
إنضم
2009/03/11
المشاركات
70
سلام عليطم ورحمة الله
اناا جاني خطيب وخايفه اوافق او ارفض
لانه ارمل ومطوع عمرو 27 وكل الي خايفه منه انه مايكون رومنسي عشانه مطوع
او تفكيره مايجي مع تفكيري احس يمكن ما يكون مناسب او شكله ما يعجبني
اتخيله بيكون متشدد معي وخايفه يكون يحب زوجته الاولى او يقعد يقاني فيهاا
مادري وش اقول لهم
واعندي اسئله مجهزته عشان استوضح امور عنه بس ماعرف كيف راح اسئله
وللحين ما اتخذة اي قرار خايفه اوافق واندم وخايفه ارفض واندم ويكون صالح ابي تساعدوني وتقولون لي طريقه افكر ةاخذ قرار صح وبعدين فكرة انه يكون رومنسي شاغلتني كثير ضرووري ساعدوني والله اني كثر ما افكر مو قادرة انام
الله يسعدكم ^_^
 
غاليتي شموخ الكبرياء
اولا.. استخيري وربي يكتب لك اللي فيه الخيــــر
ثانيا.. من ناحيه الرومانسيه لا لا فيه رجال مطاوعه ورومانسيين
بالعكس بعضهم مو متشد مررره وعايش حياته بسعآده ماشاءالله

ولاتنسي اهم شي الاستخاره. والدعاء. والاستغفار
وتقبلي مروري
ودعوآتك يالغلآ
 
الله يكتب لج اللي فيه الخير ؟؟
 
غالتي شموخ كبرياء ..

اول شي الرومانسيه مو عيب او حرام ,, الرومانسيه هذا شي مغروسه بالشخص سؤاء صغير كبير ذكر انثى .. ومو شرط انو مطوع مايكون رومانسي بالعكس .. فيه كثير نعرفهم كيذا ..

مافي احسن من انو رجل يخاف ربه ويصلي رجل يحترمك ويقدرك كزوجه له ..

انا بقولك على شغله انا او غيري من البنات مانعرفك لا انتي ولا نعرفه هو ولا ندري هل هو بيسعدك او لا ماندري هل انتي بتنبسطين معاه اولا هل هو رومانسي او لا هذي كلها مانعرفها
مومكن انا اقولك راي ويطلع العكس وتنصدمين يمكن أحد غيري ..

انتي لا تستخرين إلا ربك لأنك بتقولين ان كان هذا الأمر خير لي في ديني ودنياي وعاقبه امري .. يعني سبحان الله انتي تقولين اذا هذا الأمر خير لي في دينك وفي دنياك اللي هي الدنيا وعاقيه امرك فيسره لي .. الله هنا يسهل لك بإذن الله ويسسسره لك ,, انتي لا تستشيرين الناس صح حلو الواحد ياخذ بأراء غيره ويستفيد بس كل وحده بتطلع لك براي وكل وحده لها وجهه نظر غير عن الثانيه فإنتي كيذا بتضيعين
استخيري ربك مو شرط مرة مره ومرتين وثلاث اذا ارتحتي توكلي على الله اذا لا خلاص انتي مو مجبورة عليه ..

الشغله الثانيه من ناحيه انو هو أرمل وانو خايفه يكون يحب زوجته الأولى .. هذا الشي بيدك انتي اللي تقدرين تخلينه يحبك بتعاملك معاه بتصرفك الحسن برزانه ورجاحه عقلك انتي بكيذا بتخلينه يحبك تخلينه يتعلق فييك .. دائمن يقولون الرجل بعد الزواج يتغير 180 ..

فإسأل الله ان يرحم زوجته الأولى وان يسخر لك طريق الخير ويكتب لك مافيه خير لك وله .. وان كان هذا الأمر خير لك فإن شاء الله تنبطسين والله يشرح صدرك ويسعدك دنيا وأخره ..
 
انك ترفضي عشانه مطوع مو عذر
احسن من واحد يجيك ما يعرف باب المسجد
وعلى فكرة المطوعيون يكونوا رومانسين جدا
 


اهليين ..~
اهم شيء الاستخاره استخيري وشوفي اذا ارتحتي له وافقي
اذا الرجال كفؤ ويخاف ربه وحنون وطيب وين المانع
اما سالفة رومانسي فيه مطاوعه رومنسسين اكثر من اللي مو مطاوعه
والعكس صحيح اكيييد بس تاكدي كل فتاة تقدر تغير الرجل زي ماتبي باسلوبها وتعاملها معاه
واذا على سالفة زوجته طبيعي الواحد يحب زوجته يعني لاتخلين هالشيء يأثر عليك
انتي بس حاولي تسعدينه وتحببينه فيك لاتخلين الاشياء البسيطة تخرب عليك
هذا كل اللي عندي واسفه ع الاطاله
والله يوفقك وفرحينآإ فيك اذا وافقتي


​
 
ههههههههههه الله يسعدك ويكتبلك الخير,,
عشانه مطوع مابقلبه رومانسية؟هههههههههه الله يسعدك
لاتاخذينها بهالشكل,,شوفي إنتِ استخيري مثل مانصحوك البنات
وقولي يارب,,وهو مايخيبك بإذنه
ومن ناحية الرومانسية,,لاتحطين ببالك هي تجي مع الحياة,,
صديقتي أخذت مطوع...وماكان يضحك,,كان بس يبتسم
وبسواليفها والله تفكك هالمطوع..
لذلك حبيبتي لاتخافين,,,وتسوين مثل بنت خالتي رفضت مطوع
يوم درت إن مافي بيته تلفزيون وتزوجت واحد عنده كل التكنولوجيا الرقمية
ولا هي مرتاحة,,وهالمطوع اللي خلته تزوج وحدة ودخلت التفلزيون الإسلامي
لأنه كان مايدري إنه فيه تلفزيونات إسلامية,,
اطلبي من الله التوفيق والسداد وأن يسخر لك مطلبك
 
والله في مطوووووعه رمنسين اكثر من العدين
ويحبون هذي الحركااااات


انتي استخيري وشوفي​
 
حبيبتي لا تربطين
مطوع = غير رومنسي


كل إنسان يحتاج للحب:35:
ولكن لكل إنسان طريقة خاصة في التعبير عن الحب
في ناس يعبرون بالكلام وناس بالفعل
ممكن الزوج يوم يبتسم لزوجته ويقولها الله يعطيج ألف عافية
يدل على قمة الحب والرومنسية! :icon26:

الرومنسية لها أشكال عديدة وموب شرط أنه تكون نفس الأفلام!

أهم أهم شي أنه يكون يخاف الله
لأنه لو يخاف الله بيعزج وبيكون وفي لج

انت استخيري مثل ما قالوا البنات
وانتبيهي لنقطتين مهمتين ...
أنه تكونون متوافقين فكرياً
وأنه تكونين مرتاحه له لما تشوفينه في النظرة شرعية

والقلق شي طبيعي جداً

الله يوفقج
​
 
يسلموو ربي يسعدكم يارب
ان شاء الله بستخيرر وادعي ربي يختار الي فيه خيرر
وراح ارد لكم لو صاار شي دعواتكم لي
^_^
 
اخيتي

استخيري فما خبا من استخار
وبعدين انتي كم عمرك
وهل انتي مطلقه ولا بنت لسى

ومن ناحيت رومانسي أنشاء الله يكون رومانسي

والله يكتب لك اللي فيه الخير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل