جاء من السفر وليته ماجاء

[ربي كن معي]

السلام عليكم
صباح الخير
طبعا تعرفون قصة زوجي الفاضل الي مسافر مع اصحابه طبعا وصل اليوم الساعه 12 انا كنت عارفه بس هو ماقالي المهم يوم جت الساعه 3 ونص دقيت اتطمن وش السالفه لان المطار قالوا لي وصل قلت له وينك قال مع خويي قلت وين قال رحت اوديه قلت وين توديه قام قاله مع السلامة وصك بوجههي
عموما جاء الساعه 4 وماسلم علي وانا ميته صياح قلت له اعدائك لاشفتهم تسلم عليهم موب عاد زوجتك قال انت تحققي معاي كاني بزر عندك قلت له ليش ماجيت وانت من 12ؤواصل قلقت عليك قال انت مادقيت قلت يمكن نايمة ورحت لاصحابي قلت له ليش قلت لما تبي شي وانا عندي دوام تدق الساعه 3 و3 مرات ولا بس لمصلحه وانا من المغرب وانا استناك ما اكلت شي على اساس نتعشى سواء قال انت تكبرين الامور وراسك يابس وتعاندين ودخل ينام
بنات الله يسعدكم دنيا وآخره كيف اتعامل مع هالرجال بجد افكر بالطلاق لعدة اسباب
1- ماعنده اي اهتمام بالمسؤوليه بدلاله سافر مع اخوياه جاء من السفر راح معاهم
2- تعبان نفسيا وعنده ضعف جنسي يعني الله اعلم متى احمل
3-مطنشني ودايمن سهران مع خوياه وانا بالبيت لحالي
مميزاته
كريم ومايقصر بأشياء البيت ساعدوني الله يسعدكم

 

[تشكي ابكي]

جربي معاه اسلوب التطنيش وعيشي حياتك لنفسك

وشوفي يمكن يتغير

 

[يامثبت القلوب]

ياقلبي عليكي بالاستغفار والدعاء وتكلميه مره مرتين اهم شئ يكون مروق مو معصب يقدر يسمعك وتسمعيه وحاولي تطلعي بشروط وان شاءلله تتفقو يارب الله يفرج همك ولاتفكري ياعمري باطلاق..موفقه =)​

 

[رقة المشاعر]

انتي غيري اسلوبك معه يعني لاتجلسين تحققين معه على الرايحه والجايه ترى هالشي هو اللي يملل الرجل
مثلا يوم تاخر كان رحبتي فيه وقلتي خوفتني عليك كنت انتظرك هو وقتها بيقولك بس ابتعدي عن اسلوب التحقيق
وربي يسخره لك

 

[محبة مكة]

ممكن لو تعرفي نمط شخصيته ممكن تتعاملي معاه
ما دام عنده ضعف الله يعينتك
غيري من تعاملك معاه
لمن تتصلي عليه
لا تقعدي تسالي اسئلة
فينك
متى تجي
مع مين
الله يكون في عونك

 

[(قطر الندى)]

الله يعينك ويفرج همك

 

[نور كندا]

عندك حلين لاتالت لهما اما ان تتحمليه كما هو لااخر يوم بحياتك او تتطلقى لاتتوقعى ان يصير على هواكى وكما تريدين وان يرضى بان تلاحقيه وتكتمى انفاسه وتتعاملى معه كالشرطى يااختى هاد رجاااااال يعنى مابتقدرى عليه اما ان تتغيرى انتى او تطلقى منه

 

[ربي كن معي]

اخواتي شاكرة لكم مروركم وردودكم التي اسعدتني
وحبيت اقولكم اني لما قال لي ليش تحققين معي قلت كنت خايفه عليك لان المطار قالوا انك وصلت وانت ماجيت بس بعد قلب الموضوع علي

 

[قطـــــريه]

معليش اختي انتي الغلطانه في هالموضوع .. اي صحيح هو غلطان 100 مره بس دامه وصل الساعه 12 ودقيتي عليه ورد .. شلونك حياتي ؟ تو مانورت البلد .. وينك حياتي ؟ قالج مودي رفيجي خلاااااااااااااااااص قولي له يعطيك العافيه فديتك انا ناطرتك تحمل بروحك وصكري خلاص ..
انتي عارفه ريلج .. بس ماتعرفين تتصرفين معاه .. النوعيه اللي مثل ريلج مايبي لها تحققين معاه .. يبي له سلبيه شوي يعني شفتيه طالع لا تسالينه وين رايح متى بتجي ؟؟ خليه يطلع .. وبعدين طرشي مسج حبيبي بتتأخر اليوم ؟ اذا ببتعشى برا قولي حبيبي عشان انطرك .. اذا رد حلو ما رد عطيه طناش ولا تهتمين انتي تعشي وونسي عمرج ونامي ..
ليش حاكره عمرج في دنيته ؟؟ وموضوع انه مافي حمل يا اختي صدقيني خيره .. ويمكن هروبه من البيت سببه انه لمن يشوفج يتذكر الضعف اللي عنده .. فلا تلحين عليه ..
وموضوع السفر هو مسافر مسافر المفروض تعودتي قولي له حياتي انت تسافر وتغير جو ودني مره وسفرني من خاطري ابي اعرف وناسه السفر ؟ ليش الناس تستانس في السفر ؟

 

[قطـــــريه]

اخواتي شاكرة لكم مروركم وردودكم التي اسعدتني
وحبيت اقولكم اني لما قال لي ليش تحققين معي قلت كنت خايفه عليك لان المطار قالوا انك وصلت وانت ماجيت بس بعد قلب الموضوع علي

اختي احنا معاج بس هو معاه رفيجه .. تخيلي هو معاه في السياره وانتي تسألينه وينك ؟ ليش ما جيت ؟ متى بتجي .. وتحقيق يا اختي فشيله صراحه حق الرياييل .. قالج اوصل رفيجي خلاص لا تحرجينه وقولي له خلاص عيل اخليك .. على طول تسكرين الخط دام معاه ريال مب حلو شكله ترى وماينلام ..

 

[تلميذة مريم]

سبب تطنيشه لك ..
1_ضعفة الجنسي وتحسين العلاقة يجيبله توتر وقلق ويقربهمن اللي يخافه .
2_ كثرة التحقيق معه وهذيصفة يكرها كل الرجال ويعتبرونالمرأة بهالحالة نكديه .


كان المفروض احسنتي أستقباله وكتمتي ضيقتك منه لله تعلمي تكونيني فوفوشة وحبوبة وأي شيء يضايق أختاري الوقت المناسب و الطريقة الحلوة
وشضرك لو أستقبلتيه زين وخليته يرتاح ولما شفتي نفسيته زينه قلتي له بإسلوب أنثوي مايخلو من المرح ..يافلان أشتقت لك ومن الشوق قاعدة أعد الدقائق والساعات وينك ليش تأخرت ؟ ولاتطولين الماسأة اهم شيءوضحتيانك متضايقة وخلاص
ياأختي إذا ماتعلمتي الحيلة المشروعة بتتعبين كثير والرجال كلهم ماتنفع معهم هالطريقة .

 

[الوردوالياسمن]

الله المستعان

 

[ربي كن معي]

الله يجزاكم الجنة ووالديكم

 

[الجده الصغيره]

الله يسخر لك زوجك...لا تلاحقينه وريحي بالك..خليه على راحته وانت عيشي لنفسك وبسسسسس

 

[ربي كن معي]

آمين يارب واياك

 

[احلى فجوري]

انا مع كلا قطريه 100 %100 كلام سليم طبقيه وان شاء الله رح ينصلح حالك

 

[الامل السامي]

أتركي المناقشه اللي بهدا الشكل سؤال وجواب ,,, حطي نفسك في مكانه وشوفي بتتحملين هدا الاسلوب والا لا؟
خلي النقاش او السوالف عامه مثل كيف الرحله ؟

 

[مَلآمِحْ حُلمْ]

الله يفرج همك ​

 

[تلميذة الزمن]

الله يعينك عليه الصراحه مدري وش اقولك بس الله يسخره لك

 

[لاتلومونه]

تلميذة مريم وفت وكفت
انا معها
جد كانت مكالمتك له منرفزة غيري اسلوبك
والله يهدي سركم
ولاتزعلين من صراحتي بس عشان انبهك