ثلاث ايام وانا كاتمه صدمتي

[صمت الجرح]

مساكم ورد يااصدق اخوات ويابلسم الجروح:bye1:
مشكلتي اني لقيت بدرج سيارة زوجي جهاز جوال قديم كان عنده والمصيبه لقيت فيه شريحة سوا بس الرصيد مخلص ماقدرت اعرف رقمها .
اخذته لما نزلنا بالليل للبيت وفتحته وشفت الرسايل لقيت مسجات من زوجته الاولى قديمه مره وهذي مو مشكلتي
المشكله انه يستخدم جوال ثاني يعني فيه شي غلط يسويه بما انه ماينزل الجوال للبيت.
مايدري اني دريت لاني الصباح رجعته بدون مايحس .
اخاف اواجهه ويقول شريحة احد العمال الي سافرو او اي تصريفه ..
وانا ادري ان عنده 3 ارقام مميزه غير جواله بس مايستخدمهم وشفت فواتيرهم بالصدفه مره .
يمكن استخدم سوا عشان مالها فواتير الله اعلم ..
وهذا الي حبطني اني اواجهه قلت بيطلع بدل الواحد عشره لو عنده خرابيط وصعب اراقبه لانه اغلب اليوم برا بحكم شغله الخاص ..
شورو علي اواجهه او المح له او ايش اسوي تعبت شايله الصدمه معي 3 ايام ذبحتني..
والله يوفق كل من ترد دنيا واخره

 

[حكمات]

نصيحتي لك لا تواجهيه لان المواجه مو دايم في صالح المراءه ممكن يدور لك تصريفه وممكن يتمرد لمن يلاقيك كشفتيه وقاعده عنده بالبيت فيقول عادي بتصبر وين بتروح
ويمكن كل ضنونك غلط وتكون الشريحه قديمه وهو ناسيها بالسياره لانه لوكان يسوي شي غلط كان جت عليها اتصالات وهي عندك او رسايل او على الاقل بيفتقده مدام الجوال عندك طول اليل
الجئي الى ربك يفرج الكرب وادعي واستغفري وابعدي عنك الشيطان
واكثري اكثري من الاستغفار فله سحر عظيم.............
اتمنى اكون افدتك

 

[قلبي أحمر]

لو أنا مكانج بستهبل عليه..وبقول له وحده من صديقاتي دقت علي وهي متضايقة وقالت لي انها شافت فواتير موبايل خاشنها زوجها بشنطة..وربعتي حست إن زوجها خشهم عن قصد ..ما عرفت شو ارد عليها..شو رايك أنت؟ تتوقع ليش الريال يسوي جي..
بس لازم اتمثلين صح..عشان ما تنفضحين..ولا تكثرين من سؤاله يمكن ايزل لسانج
والله يعينج

 

[norahmed]

لا تفضحي نفسك ولا شي

مصير الأيام تكشف لو اساسا في شي .. بس يمكن فعلا كلها ظنون لأنه لو له علاقة اكيد كان هيكون في رسايل واتصالات
يابنت الحلال استهدي بالله والجأي لربك وان شاءلله خير

 

[صمت الجرح]

فديتكم وفديت وقفتكم معي الله ييسر لكم اموركم ياااااااااااااااارب