توظفت وقاعده اعاني من زوجي الشمالي

[صابرة الحمدلله]

السلام عليكم ورحمة الله وبركاته
انا متزوجه من 7 سنوات الحمدلله خلال هاذي السنوات عرفت لزوجي وانجزت امور
المهم الان توظفت بعد رضاه وتكفل انه يوفر لي سواق اجره يوصلني للدوام لان مع الوقت افتعل مشاكل لين وصل لي معلومه ان مسؤليتي اني ادفع الاجره مو هو وقلت له مره وثنتين وثلاث انه مسؤوليتك بس رفض
وطالبت بشغاله لي للبيت وقعد يماطل ويسكتني وكل يوم ان شاءالله وماكو شي قلت انا ادفع فلوسها وعليك معاشها وقال اوكي ومع الوقت غير رايه قال انتي ادفعي معاشها الشغاله لج مو لي انت اللي تخدميني مو هي وبرر انه عليه قروض وانه راح يشتري سياره
والان الطامه الكبرى انتي اشتري السيارة باسمك وانا شهريا ادفع لك الاقساط وانا ما ابي ما اضمن حقي
وطالبته انه يسوي استقطاع من معاشه لي
انا تعبت هو قاعد يحملني مسؤليه مو مسؤوليتي
حتى اثاث بيتي ماغيره من زواجي
انا عندي طفل واحد فقط عندنا مشكله بالحمل وهو مايراعي هاذا الشي

 

[نور1406]

بالنسبه للسواق صحيح مسؤوليتك تدفعين والشغاله بما انك انت محتاجتها لانك توظفتي كذلك مو مشكله ان انتي تدفعين بس هل تضمنين ان بيدفع اقساط السياره كل وحده عارفه زوجها وعارفه تفكيره

 

[غيمـــ76ــــة]

انتي ماخذة الامور بالعاطفة وهو قاعد يحسبها بالعقل

واذا تبين الصدق معاه حق

لانج قاعدة تطالبينه بكماليات مالها اي داعي في نضره هو

انا لو مكانج وريلي قادر على مصاريفنا مابحط رجلي في الدوامات ابدا

انتي فتحتي على نفسج باب والمطلوب منج تهدي وتعيدي حساباتج

لانه اذا هو مقتدر راح يدور وحدة ثانية يصرف عليها وتترس له البيت عيال

دام عندج مشاكل في الحمل

هم كذا الرياييل مايفكرون الا في مصلحتهم

فانتي عندج حلين اذا مب ضامنة ريلج اصلا هم مامنهم امان تمسكي بالدوام

واذا تحسين انه ولد أصل و قادر يسعدج ويوفر كل طلباتج خلي الدوام يولي

واهتمي في بيتج وولدج وريلج

 

[صابرة الحمدلله]

انا اعترف اني عاطفيه وانفعاليه وانا توظفت لانه هو لايستطيع يوفر لي دايما مصروف شهري ولايستطيع يوفر خدامه وانا صراحه بغيت اتوظف عشان اسلي نفسي علما ان العذر الطبي منه مو مني
عذره دايما ماكو ماده عشان نعالج وﻻ نجيب خدامه ولا ناثث ولا نسوي شي
الحمدلله ربي رزقني بطفل عمره 4 سنوات بعد عملية انابيب واتمنى ان الله يرزقني بخوان واخوات له
وهذا ماثر فيني

 

[نور1406]

الوظيفه مهمه لكن بما ان عندك طفل واحد نظمي وقتك خصرصا اذا كانت فتره دوامك ليست طويله تحتاجين فقط لتنظيم الوقت وانصحك ان تدخلي مشروع لكي تستثمري راتبك لصالحك