تهقون مسحوور ولا فيه انفصام شخصيه والله حراااااااام

[سارونة الكويت]

السلام عليكم بنات

انا بكتب لكم مشكلة اختي واهي طبعا ماتدري

اختي متزوجه ماصارلها سنه للحين وحملت من ثاني شهر

زوجها حبييييييييييب وطيب وكرييييييم معاها ويوديها اللي تبي ويسفرها وكللللللل شي

والله كل شي واهي تموووووت فيه ( زواج أهل عاادي )

المهم ليلة الدخله .. لما صارت هذيج العوده تنرفز وعصب وقالها ليش مانزل منج دم الا قطراات بس !!

قالت ليش شمتوقع انت ؟؟ قال دمم وايد ونزيف !!!!!!!

تخيلو افكاره جذي وقال لاختي انتي مو بنت !!!!!!!!!!!!!!

قالت شتخربط انت شتبي وين قاعدين تتهمني بشرفي وانا بنت عمك فوق هذا !!!

وفجأه يوم اصبحو قال انا اسف وحقج علي وانتهىىىىىىىىىى الموضوع لي اهني

والحين بعد مرور اشهر على زواجهم واهي حامل دشت شهرها الحين

فجأه ردت له حالته قالها انتي مو بنت !!!!! قالت انت صاحي شفييييك !!! قالها اي انتي مو بنت وعلبالج اني غبي وبسكت عليج وانتي بسرعه حملتي !!!! و و و و و

وقال انا في ناس قالولي انج قبل تطلعين مع شباب و و و !!!!

قالت جيب هالناس وانا اواجهم قدامك وماااااااارضى

وقال انا تسرعه بالزواج وقام يخربط ويدور ألف سبب واختي قالت له نروح انا معاك دكتور ويكشف علي ويقولك اللي يرضيك وماااااااارضى

والحين عندنا لها اسبوع وكلم الوالده ع ساس عقب ما تولد يطلقها !!!!!!!!!!!!!!


امبيه بنات اهو مسحور ولا فيه شي ... لان اخوه قبله طلق زوجته وقال انها مو بنت ... وتزوج غيرها وقال مو بنت بس رضى وماطلقها

انتو شرايكم ؟؟؟ اهو واهله مو صاحين ولا شنوووووووو

انصحووووووووووووووووووونا

 

[تاغي]

حبيبتي هذا مو سحر اسمحيلي غباءوقلة ثقة بالنفس يعني ما يعرف يفرق بين الواقع والافلام للاسف هذا حال شبابنا الغير مثقف ونتيجة تعليم متخلف والضحية البنت يحسب الشرف لعبة يقدر يمسكو عليها والمشكلة توصل للقذف باعراض الناس لازم حبيبتي ما تسكتوا وتشوفوا مين يوسوس له بالكلام الفاضي والله عندي كلام كثير بس مشغووووولة الله يعينكم يا اختي وييسر لكم اموركم وطمنيني

 

[حنان الحب]

هههههههههههههههههههههههههههه والله شوفي هالعايله عندهم تفكير ان الدم لازم يكووون بحر

 

[نونا98]

أختي هذا مو مسحور هذا موسوس ويمشي في طريق الحرام عشان كذا يحسب كل النساء مثل ألي يمشي معاهن (كل يرى الناس بعين طبعه)

 

[سارونة الكويت]

والله صاجين اهو قبل راعي سفرررررر

بس بعد الزواج وضعه مع اختي ما يشكك وعادي

انا اقول سحرررررر تدرون ليش ؟؟؟

لان خواته واصلين 35سنه ماتزوجو ولا يشتغلون ولا يدرسون ولايطلعووووون برى البيت

واخو طلق زوجته وقال انها مو بنت .. والثانيه اللي تزوجها بعد قال انها مو بنت بس كمل معاها لهم 6 شهور

احنا رضينا فيه لانه رفيييييييج خواني حيل ويمدحوونه


طيب شالحل ابي حــــــــــــــــل

 

[نو ر ه]

لا مااعتقد هالموضوع له شغل بسحر بس اختك المفروض عليها ماعطت واخذت معه ولا قالت ودني المستشفى وتأكد هو من كلمته في اليله الدخله المفروض غسلت ايدها منه

ونصيحه لا تنتظرونه لحد مايطلقها انتم اطلبو الطلاق الانه باين انه شخص مريض نفسي

والله يعوضها خير

 

[حنان الحب]

مثل ما قلنا لج هذاااااااااا مب مسحووور اما عن خواااته هذا نصيب ويمكن عقاب من الله عالي يسوونه في بنات الناس

 

[سارونة الكويت]

حراااااااااااام نطلب الطلاق

اهو زيييييييييييييييييييييييييييين وعسل بس لولا هالوسواس

وبعدين اختي هالشهر تولد والله حرام

بنااااااات بلييييييييز حلووووووووول

 

[نو ر ه]

لحظه وين العسل الي تتكلمين عنه اذا هو انسان اتهمها بشرفها من دون حتى مايتأكد بطريقه غير مباشره وقالها انتي تعرفين شباب تتوقعين هذا انسان يصلح يصير زوج وابو عيال واختك من البدايه غلطت لما حملت منه بس صار الحمل حرام تقعد عنده وتجيب بدال الولد اثنين وثلاثه وتعذبهم ولا تشكين انه ممكن يجيها ويقول هالولد مو ولدي !!!

مافيه حل غير الطلاق هذا هو الحل

 

[سارونة الكويت]

صدقوني انا احس ان فيه انفصام بالشخصيه

تجيه حاله طول اليوم مايكلمها وفجأأأه يجي ويضحك ويسولف !!!!

تقول اختي انها فهمت لنظامه يعني اذا طنقر توخر عنه واذا صار زين عادي تستانس معاه

بس هالمره السالفه قويه واصلا اهو يقول انطرها تول واطلقها !!!!!!!

 

[سارونة الكويت]

والله حلاته يقول لاخواني اللي اهم عيال عمه وربعه

ويدفنوووووووووووونه وتصير ارمله بدل مطلقه

وااااااااااااااااااااااااااي باااااااااااااااط جبدي

 

[(:دلوعة بلقيس:)]

حبيبتي نتيجة تحليل الحمض النووي dna

هي بتثبت النسب وخلي اختك تصر على هالفحص

الله يهديه بس هذا من قلة الثقافه

او معلومات خاطئه او عنده احد من اهله يوسوس له

مثل خواته امه اخوانه

 

[سارونة الكويت]

اي اختي اهم عايله مو صاحيه لاحوله ولا قوه الا بالله

ان شاءالله ماتوصل بالشك لنسب الطفل

ولو اني ما استبعدها

ياااااااااااااااااااااااارب انك تسخره لها وتهديه

 

[أم مصرية]

طيب يروح لدكتور و يعرض عليه الموضوع إن الدم اللى نزل كان قطرات بسيطة و ليست بحر من الدماء و يشوف رأيه خلى أهلك يصروا على هذا الموضوع و بعدين الدكتور ممكن يعرف متى حصل وقت الدخلة تقريبا

 

[امل الصالح]

اقووووووووول

خلي اختك تلحق على نفسها قبل ماتولد

عشان تثبت انها بكر << لان الكثير من الحالات قبل الولادة يتبقى جزء بسيط من البكارة

يالله مافيه وقت وخليها تاخذ ورقة من الطبيبة

ولاااااااااااااااازم اخوانك يروحون معها

هذا شرف مو لعبة

عشان لو طلقها تقدر تبدأ حياتها من جديد .. حنا في مجتمع مايرحم المرأة

والاثبات ينفعها بعدين من ناحية الطفل ..عشان لاحد يعاير الطفل بتهمة موجهة لأمه

 

[سارونة الكويت]

يا أللـــــــــــــــــــــه

اي والله خوفتوووووووووني

عندها مراجعه اليوم وشكلي بقول لها عن سالفة البكاره وتحديدها

يعني خلاص هذا الحل الطلاق ):

 

[بقايا ذكريات]

لاحول ولا قوة إلا بالله بس مو صاحي وجاهل بعد خليها تنساه وشوفو ردة فعله بعديم ممكن ينغير واكيد بينغير

 

[تحيه للعلم]

انتي قلتي بلسانج انهم عايله مو صاحيه اهو بيطلق اختج واخووه يتزوج ويطلق وخواته لي الحين

مو متزوجات يعني مو سحر ولا انفصام اهو راعي سفرات وخرابيط مو راعي بيت وعيال هذا اللي واضح

وقال احط العيب بزوجتي عشان يفتك لكن خلكم انتوا اذكي منه خلي اختج تروح وتاخذ تقارير من المسشفى

انها بنت وان الطفل منسوب له وتروح ترفع قضية قذف وشوفي شنو ردة فعله من الخوف راح يدور له واسطات

عشان ترجع له اختج واذا نوى يرجعهها ذيج السااع عاد خل اختج تصير ذكيه وعند القاضي تحط شروط حق

رجعتها له واول شروطها انه يكون ابو كفو حق عياله ولا يعود سالفة ان زوجته مو بنت وانها تطلع مع شباب

هذي قضية قذف اختي شلون اهلج ساكتين غريبه؟؟؟؟

تقبلي مروري

 

[عنقود عنب]

عزيزتي

لو ينزل له صك من رب العالمين (استغفر الله ربي واتوب اليه ) ما راح يصدق ....

تدرين ليش ؟؟؟؟

لانه مريض نفسي ..

اعرف وحده من عائلتنا ...زوجها و اخوانه عندهم نفس المرض ...الله يكون بعونهم

هو مرض الشك ...تلاقيه ممتاز مع عياله ..ممتاز مع اهله ..مع الناس ... محبوب في عمله ...

لكن في هذه النقطة ...ما يقدر يسيطر على نفسة

قريبتنا عايشة في عذاب ...لكن مو قادرة تتركه بسبب العيال

حاول انه يتعالج ...لكن العلاج يكون متعب بالنسبة له

وكل ماله يزيد ... قال لها الطبيب انفصلي عنه اذا ما تقدرين تستمرين معاه لانه ما راح يطيب وراح تسوء حالته

وكل اخوانه الذكور مثله ...شكاكين في زوجاتهم ...وهذا نوع من انواع الامراض الوراثية

واخواتهم البنات شكاكات في ازواجهم

ابوهم كان يشك بامهم

و قريبتنا مرعوبة ان ينتقل المرض لاولادها

الله يعينكم

 

[نبع الحنين]

صدقت اختي ((عنقود عنب)) اللي فيه مرض ماراح يصدق لو أيش!!!

ما اقول غيير لاحول ولاقوة الا بالله .